大快活

營業中

休息中

大快活荃灣大河道100號海之戀商場3樓3001＆3006號舖大快活有火鍋啦，湯底有2款：香茜魚湯或沙嗲濃湯。我揀左香茜魚湯，配穀飼肥牛拼穀飼豚肉（各4安士）套餐 $79，有腐皮豬肉球、芝士雞尾腸、餃子、貢丸、墨魚丸、扎肉、蜂巢豆腐、唐生菜、油麥菜和南瓜；還有烏冬，追加午餐肉（3塊）$5。簡簡單單的一餐火鍋，材料豐富，一個人慢慢滾著食材，慢慢地食，有菜有肉，好開心呀！

大快活自助下單外賣有九折Order咗一個菠蘿咕嚕肉套餐$61 有飲品同湯平時都喺櫃位度落單今次用自助機下單付款時竟然有九折有$61折完$54.9真係抵好多啊外賣飯嘅份量都夠菠蘿咕嚕肉都好多係配菜比較少好抵食嘅晚餐

呢個蘿蔔牛肋肉煲真係好正！牛肋肉煮得非常軟嫩，肉質鮮美，入口即化，和蘿蔔一齊燉煮，吸收咗濃郁的湯汁，味道更加豐富。蘿蔔軟滑，清甜，與牛肋肉的濃厚味道形成絕妙平衡，湯底香濃，令人一口接一口。整體份量十足，十分適合寒冷天氣享用，暖身又暖心，絕對係一個非常推薦的美味煲仔！

煎雞胸肉南瓜汁意粉好特色!佢哋嘅南瓜汁醬汁濃郁甜香,浸泡咗嘅意粉好彈牙,仲有粒粒肥厚香甜嘅南瓜粒,可謂層次豐富。不過就係因為呢啲特色,價錢會相對偏貴,不過仲在可接受嘅範圍之內。整體黎講,呢道意粉好出色,值得一試!

啖啖肉脆豚皇猪扒外皮脆，但是皮肉分開肉質唔會乾硬，但味道同前不一樣，有些酸酸地嘅味道。Curry 係日式，唔會辣。沙律菜咬落新鮮，配芝麻沙律醬，開胃。薯仔炆滑雞睇落顏色 okay，雞件同埋薯仔都大件。但是朋友話食落 薯仔，味道唔同以前，覺得冇咁好味。茶走的茶底已經無以前咁好。凍柚子檸檬蜜（走冰）朋友話柚子足料，好飲。

平時有做gym既我一定會控制食量同蛋白質吸收。而身為窮L既我，每一次做完gym都一定會去大快活食返個雞胸飯。呢一個雞胸飯每次配既汁都唔同，但我通常都會叫少汁。而佢個雞胸非常大舊，而且好厚身。原本都冇咩期望，肯定會乾同鞋身。點知一食落去唔係，雞胸應該用蒸同水煮方法慢煮。雞胸入面既肉汁勁多，軟身。最最最緊要既係雞胸有好多好多蛋白質，而呢個雞胸cp值真係好高。總括黎講，有做開gym既朋友一定要去食，平靚正。

今晚晚餐諗唔到食咩落街行咗個圈 最後都係決定食大快活😂好耐冇食過大快活突然發現佢嘅小菜都幾有水準首先，叫咗一個菠蘿咕嚕肉配飯咕嚕肉筍好味，仲係超級脆口完全唔係一早炸好嗰啲係大快活食到呢個質素真係令人嘩言而且佢嘅調味係啱啱好見佢標榜唔落味精，值得一讚個姐姐仲送咗個湯俾我哋不過個湯就有啲太鹹啦😂另外見到佢新出有泰國野，於是決定試一試叫咗個青咖喱豬頸肉套餐豬頸肉，超級厚身脆口真係估唔到可惜青咖喱椰香味唔係咁重同埋有少少鹹希望佢哋繼續研發 青咖喱個味可以進步個套餐配埋一個菠蘿椰汁特飲不過有少少奇怪，飲落佢係菠蘿梳打水咁😅另外亦都配埋一個芒果糯米飯呢個就幾正常食泰國嘢有糯米飯真係唔錯👍🏻總結果到大快活而家嘅小菜咁有水準

喺呢間快餐店，我點了個海陸空雜扒餐，咋咋聲嘅黑椒汁流咗落熱辣辣嘅鐵板上，嗰種鑊氣同煙霞嘅香味，真係即刻霸氣外洩！🔥 雞扒滑到冚唪唥，連埋塊豬扒，腍到喺口溶，肉香四溢。至於塊魚柳，外皮煎得脆口，啖啖肉感，兼且新鮮彈牙。薯餅都唔賴，金黃酥脆，但我絕對實話實說，個羅宋湯就真係得個名，湯底淡到喺度游水，食材就快要滅種。👀 可惜最大敗筆係餐包，硬到可以嘴響，要俾牛油都救唔返，呢個就真係有待改善。最後，呢個鐵板餐性價比一流，食肉控嘅朋友，你哋就知道點揀喇！🍽️💯

我今日行到海之戀商場，想食下午茶，見到3樓有大快活，走去看下環境先，嘩！成個海景盡入眼簾，即刻點左份下午茶餐。我點左香煎豬扒扎肉湯幼麵配熱華田$28，豬扒煎得很香，好有咬口，幼麵份量不錯，很飽！

已習慣在上班乘搭巴士途中用手機App預訂外賣,今次選了大快活的精選早餐：辣肉醬米粉、炒滑蛋配熱啡, 要特別一提的就是,附送的牛油多士,可透過app加特別要求,我要求的多士：飛邊、改練奶及花生醬。這個app夠貼心,免除我到店子又再改配,值得讚賞一下。

6:00pm 放食飯，一行出工作崗位就撞到🤴🏻，就立即決定唔食帶飯留返明天，依家同🤴🏻一齊共進晚餐！😁😁到底緣份天注定還是某人的刻意安排呢😊😊見到做緊個煲仔飯二人餐$99好抵，咁就試佢啦！☺️☺️～～～臘腸豉汁排骨煲仔飯～～～明明叫左章魚肉餅飯，但食到一半先醒起俾錯我哋，我哋就冇所謂就繼續食啦😅😅排骨嘅份量唔少，肉同骨好易咬開，但🤴🏻就覺得唔夠入味🥲🥲！豉油可以唔使落晒，因為有啲鹹😅😅，臘腸嘅皮好脆口，有啲油脂唔會好乾！😚😚～～～咕嚕肉～～～無骨嘅咕嚕肉就係最好食，咕嚕肉大約有10塊，酸甜味適中，🤴🏻就幾欣賞😊😊～～～例湯～～～以為係例水反而仲有驚喜😆😆，係一個唔會失望嘅例湯，當中包括小肉粒、少少冬瓜、一粒桂圓肉，整體飲落都幾舒服🙂🙂

最近成日落大雨，所以我哋就喺荃灣一家快餐店食晚飯，今次體驗真係令我哋好失望。睇張圖見到鰻魚煲仔飯，個樣好靚，於是我哋就充滿期待咁嗌咗一個！但係，當鰻魚煲仔飯送上嚟嗰陣時就超級失望。鰻魚的份量極少，根本無法滿足兩個人既飢餓感。而且鰻魚的汁也過多，導致D飯變得過於濕潤，失去了原本應有的口感。另外，我們還點了蔥油雞，然而，蔥油雞的蔥油量非常少，幾乎看不到蔥的存在，蔥油雞既蔥油應該係呢碟飯嘅精髓，但係真係同叫燒臘飯嘅薑蓉冇分別！而且雞肉則完全沒有味道，要俾成60幾蚊真係冇下次！每家餐廳都有可能出現失誤或不如預期的情況，以上負評之代表個人觀點，其他人可能有不同的用餐體驗和意見。

學生哥嘅生活 就係窮😭😭嚟咗大快活食午餐，見到呢兩個餐好似好抵食 就叫咗：✨肉醬意粉配雞髀肉醬意粉，我冇expect佢超級多芝士嗰種，不過都係普通 但又唔會難食，而雞髀都OK啦！✨兩餸飯我叫咗豬扒同魚香茄子，真係冇諗過係兩碗飯😨😨當時真係嚇親😂😂以為係兩餸一飯，佢而家係兩餸兩飯。平時我就唔係好鍾意食白飯，所以冇食晒啲飯，不過啲餸幾入味！食曬！啲豬扒其實比較實淨，有啲咬感，最鍾意就係魚香茄子，就算冇大排檔嗰種鑊氣，都做到「香」嘅小菜

Good taste good in this restaurant but they need to pay more effort on hygiene. I asked why all seats are dirty. The cleaning lady told me they never clean the seats. 😞

附近唔知食咩好 大快活叫咗個魚柳早餐 繁忙時間等咗5分鐘左右 但魚柳好似有啲雪藏味 最後都冇食唒成塊魚 焗豆應該轉左第二隻牌子冇咁好食成個餐最滿意就係杯奶茶😂都幾濃茶味嘅 快餐係咁上下啦