天仁茗茶

營業中

休息中

舖頭位於food court位置，唔算顯眼～服務員態度不錯，但買野飲需要時間等（因為只有2位店員）今日叫咗珍珠鮮奶茶，半糖👍甜度非常好，以往叫半糖都好甜，但呢間就唔算好甜😍茶味亦比其他店舖濃🥰

此女員工服務態度惡劣，極盡趕客自己犯錯，毫無歉意，反而呼喝客人有這種員工在店，永不再光顧* 同店的男員工服務態度友善，體貼客人所需，   與此垃圾女員工服務態度形成強烈對比

食完壽司之後好想飲番杯台式飲品，呢個商場入邊有天仁茗茶，咁就走咗入去買咗幾杯嘢飲，我哋總共叫咗三杯嘢飲。冰香芋鮮奶綠最鍾意就係飲天仁茗茶呢一個王牌產品，每一口都係芋頭肉，加埋淡淡嘅綠茶味。冰鐵觀音鮮奶茶最欣賞就係天仁茗茶佢哋有唔同嘅中式茶味嘅奶茶，揀咗無糖，咁先至可以飲到觀音獨有嘅茶味。洛神花茶聖誕節佢哋做緊優惠，洛神花茶會送埋寒天，我哋就叫做7分調，甜甜酸酸咁樣啱晒非常口渴嘅我飲。呢間天仁茗茶就喺美食廣場入邊，可以坐埋入去飲都幾方便

估唔到樂富都開咗間天仁茗茶所以就一於試吓叫咗個黑糖珍珠奶茶平時我都係好鍾意飲珍珠奶茶呢度啲黑糖珍珠都幾甜同埋奶茶茶味都濃 覺得都幾好飲又唔洗話等好耐大概10分鐘到就有得拎野飲啦

呢間天仁的客流量較少 lunch 都不用等每次飲親天仁 都必叫蜂蜜綠茶 因為佢十分解渴 口渴ge時候飲就最適合不過 可以選擇多甜少甜 多甜就會加多d 蜜糖 少甜當然少蜜糖啦感覺飲起來都健康d 哈哈！加珍珠加4元 樂富呢間的珍珠煮得唔錯 不會過硬 咬落都有彈牙的感覺 加上佢用蜜糖煮過 甜甜地 蜂蜜綠茶加珍珠 $24

今次係試係天仁茗茶試左佢地嘅黑糖珍珠鮮奶（$28）😊😊😊佢嘅味道又真係唔錯喎😍不過個人覺得老虎堂真係比較好因為呢杯就算叫左少甜，但由於佢嘅黑糖珍珠比較甜嘅關係，所以佢都算偏甜😂😂不過比較失望嘅係佢嘅珍珠相對比較軟😯無咁煙韌😂😂😂不過覺得好飲嘅係佢嘅鮮奶😊可能係因為走左冰所以佢嘅奶味比較濃😂😂 所以總體黎講佢都係中上嘅味道，如果未飲到老虎堂嘅揀佢飲住黎止下癮，都不失為一個好選擇😂😂😂😂

我幾中意飲天仁茗茶d奶茶既，今日就係樂富呢間買黎飲，要左杯凍既香芋奶綠加珍珠，唸住會好好味啦，點知d芋頭脆到咩甘，珍珠又五彈牙。唉呀，搞到我都五知dum左距好定飲左d奶茶距算。

夏天最鍾意食嘅紅茶雪糕但係有少少失望因為太甜因為本身驚肥 所以唔太鍾意過甜但平心而論的而且確有紅茶嘅香味如果味道可以淡少少就好啦價錢我覺得合理20幾蚊個 好多學生都食得起如果可以好似奶茶咁樣揀甜度我會選擇再買

天仁茗茶有得加愛玉😍愛玉係夏天食起嚟真係好爽😋今次試咗綠茶加愛玉😋但係其實唔係好夾😢愛玉檸檬味，抹茶有啲粉😭可能913茶王配愛玉會好味啲🤔🕵🏻‍♀️：天仁茗茶

天時暑熱, 最重要的, 不是吃而是喝, 補充水分 才是最緊要, 但清水喝得多也會覺得口寡, 汽水實在太甜, 運動飲料又高鈉, 啤酒喝得多又會痛風 .... 所以, 我會選擇飲茶913茶王 $ 16 : 我最喜歡喝 天仁茗茶 913茶王, 而且要少冰、無糖, 此茶入口清幽舒暢, 味道甘香醇厚, 喝後帶回甘味, 喝後十分解渴而且滿口茶香, 茶王之名, 可謂名不虛傳也 ~冰香橙綠茶 $ 23 : 我要少冰、少甜, 入口清新怡人, 鮮橙味和綠茶味都十分配合, 既有鮮橙的天然鮮甜味, 亦有綠茶的幽幽茶香, 感覺是天然又美妙 ~本篇完 ~

今時今日天仁喫茶開到周圍都係，俯拾皆是，因為連鎖店關係，間間既茶泡出黎個名都大同小異。就好似我今日點既呢杯珍珠奶綠咁，味道真係冇咩特別出眾既地方。但，要讚既係店員既服務！今日買既時候可能較為清閒，店內只得一位店員，我購票時，店員亦不無親切咁問我需唔需要小冰、小甜等。雖然得佢一個人返工，但佢冇因為咁而工作散渙，沖調過程瞬速，交比我果陣亦不忘保持笑容，唔似有啲鋪咁，做到黑哂面。呢間服務質素真係唔錯，值得一讚。

不時經過都會去買, 整體黎講都唔錯既, 係有時會較水今日買2杯飲品都好差, 好傷心! 珍珠鮮奶茶走冰半甜- 珍珠少左好多, 平時我飲到底都仲有d, 今日飲到1/4已經無晒- 鮮奶茶一d茶味都無, 就算奶都好水- 由於真係太水, 所以半甜都應該變左唔甜香芋奶綠加珍珠微甜走冰-  又係少珍珠- 又係無茶味全部都好傷心

今次嚟到天仁茗茶搵食！喺樂富夾公仔夾到太興𡚒～係時候搵啲嘢飲吓～當然首選係天仁茗茶啦！冰茉香奶綠 （$19）因為之前試過一次冇叫少甜而甜到傻咗～所以今次特登叫少甜～點知變咗走甜咁～只係有奶味同茶味～不過天仁嘅茶真係好香～奶亦都滑～飲落都唔差～希望下次少甜會有返少少甜味啦！

一向愛喝天仁茗茶的珍珠奶綠，不過每次去銅鑼灣誠品的分店都排長龍，很高興發現原來公司附近都開了天仁，以後可以不用排隊就輕鬆喝到珍珠奶茶了。天仁的珍珠奶綠一向茶味清香，奶味適中，感覺上樂富店的茶味不夠銅鑼灣店的出色，但仍然好喝，珍珠有「嚼頭」之餘又有甜味。