天仁茗茶 (又一城)

營業中

休息中

以前係呢邊讀中學成日都整返杯天仁台式嘢飲越出越多gimmick但天仁始終都係不敗嘅地位今日睇戲前經過，小酌一杯經典913奶茶，再加埋珍珠，夠晒邪惡😈😈😈又可以等開場打發時間。呢排行健康減糖，所以我order咗無糖，不過本身珍珠都係甜嘅，混合埋就啱啱好👍🏻依家天仁茗茶做緊promotion，無糖嘅話其實會有減$2折扣優惠，不過就要逢禮拜二先有呢個優惠。見到個menu有白玉苦瓜，不過冇試，希望下次可以飲埋，應該都好吸引。

買咗openrice 現金卷，$22可以當$25使。今次使用現金券買咗杯珍珠奶茶，唔使補錢，剛剛好！香港咁多間台式飲品店，飲珍珠奶茶我都會揀天仁茗茶。事關味道唔係死甜，珍珠有口感。不過出事嘅就係溫度問題⚠️試過訂咗杯熱嘅，實在太燙口，根本唔可以用飲筒。所以今次叫常溫，諗住暖暖地易入口，點知杯嘢都係涼嘅偏凍…奉勸各位叫熱或者凍，唔好揀常溫。呢間分店都keep住有人流，落單後都要等一陣先拎得，繁忙時間購買嘅朋友要留意👀

嗰日喺cmc山頂行返落嚟，行到身水身汗，即刻入又一城搵嘢飲，而呢間天仁茗茶都算近達之路門口位，仲喺正戲院隔離，都幾多學生弟妹幫襯，我地口渴到死，所以我同朋友一見就沖入去叫嘢飲。佢叫左一杯珍珠奶茶少甜走冰，而我就叫咗一杯茶王913 ，少甜唔使走冰，我覺得呢間都衝得幾快手，出邊成班學生喺度等，都好快攞到飲品，而且個門口位置出邊都有啲枱凳可以俾啲人chill下，好多人都有喺度一路傾偈一路飲，享受輕鬆片刻！

想飲珍珠奶茶諗起附近有間天仁，之後順便望下openrice 有冇優惠券，之前有買過，而且又平又好飲，買左幾張$22堂$25用。可以飲珍珠鮮奶茶，之後我發現左新大陸，我男朋友話原來珍珠奶茶可以多珍珠，我勁鄉下岀城既表現😂😂😂😂飲左咁耐，真係吾知。不過其實有冇多到珍珠都吾知，因為飲落差吾多份量😆😆😆俾自己笑死！！但係天仁係真係好飲，而且平過其他珍珠奶茶店，所以希望以後都有優惠就好lu, 大家都開心。

第一次試天仁茗茶係好耐之前去台灣旅行🇹🇼好彩香港都有分店先令我可以重拾呢份台灣好味道😋.1️⃣御選綠茶霜淇淋綠茶味係最經典嘅味道🍵雪糕嘅綠茶味茶味香濃有淡淡嘅茶澀味 剛好中和左雪糕本身嘅甜味🍦雪糕又夠晒脆身 份量仲幾大杯添

平時都係度買珍珠奶茶多～今次黎到十月份都仲見到雪糕買一送一就試下😉！第一次試呢度既雪糕咋😜🍵鐵觀音味雪糕＄25 (買一送一)可以揀用雪糕筒定用杯上 個人就中意食雪糕筒既餅～所以我係揀雪糕筒上既😋！餅筒食到落底都依然脆～唔錯😎其實本身想揀鐵觀音味同matcha味各一 點知matcha味缺貨🤭 所以我地兩杯都淨係試到鐵觀音味！食落都好濃茶葉味 又好大杯！因為佢地係用真鐵觀音茶葉磨粉整出黎 所以隱隱若若都見到d茶葉粒粒🤣🤣 but食落都幾滑～ 中意飲茶同食雪糕就唔好錯過呢個買一送一優惠喇！

天仁茗茶一直係我最喜愛嘅珍珠奶茶店但今日係九龍塘買外賣真係好失望我叫左三杯外賣 兩杯珍珠鮮奶茶 1杯913奶茶加珍珠常温半糖再加錢要埋膠袋外賣點知 個店員仲話我無加錢要膠袋比埋張單佢先死死地氣執比我個外賣成杯勁濕 啲奶係晒外面然後點知返到去一飲發現無比913珍珠奶茶個杯比我換黎執錯另一杯珍珠鮮奶茶去冰蝕左4蚊Overall職員態度又執錯野外賣返到去又唔通又去走返換飲左錯個杯 一啖咋 無半糖 甜到喉嚨勁痛 最後仲咳唉

平時經過都會飲天仁，味道的確唔錯。但好幾次我都有唔愉快嘅經歷，可以講係失望。失望嘅地方係唔止一次我突登加咗$4 要珍珠，但就算張單有寫到，最後竟然冇幫我加落去。問題唔只係錢，而係飲唔到一杯完整嘅味道。希望天仁可以睇到呢個評論，多加留意每間店舖甩漏嘅問題。

行行吓Logon見有人手拿天仁茗茶，自己又口渴，即刻去搵吓間店喺邊先都幾隔涉，佢屈咗喺戲院附近加上店舖細細唔顯眼，都幾難搵外面擺咗幾張bar檯餐牌放在店外店內都細，都係一條走廊咁作為等候區比街舖的環境仲細好彩唔係好多客人由於我唔飲奶但又好鐘意珍珠於是點了冰茉香綠茶（少冰，3分糖）+珍珠（額外$4）加料當時是下午5:xxpm左右，等候的客人不是很多3分鐘左右就到手啦杯嘢店內少少亦設有自助區，取紙巾和粗幼飲管杯嘢都冇咩特別，純粹解渴珍珠一般，冇咩comment

「天仁茗茶」呢個品牌應該唔會感到套陌生，以台式泡茶為銷售綽頭既「天仁茗茶」近年經上市後，生意發展愈來愈大，分店亦愈開愈多，無論屋邨商場、大型商場、甚至一線大商場都見到天仁踪影😎😎是日晚上來到又一城，原打算看戲前喝杯星巴克咖啡，卻被「天仁」新店推廣吸引🥰🥰 即管試試看.....紅龍果綠茶🍵放棄舊有主打913茶王，今次選擇了水果種類茶款飲品，採用新鮮紅火龍果果肉混合天仁綠茶，入口火龍果味非常濃郁，而且飲到一粒粒果肉及果核，心態上已感覺非常健康😍😍而且價錢只是$28 ，以一杯果茶來說算便宜了，相信下次去看電影前一定會再試試新產品😘😘

平時去開九龍塘好難揾到好野飲 黎黎去去都係starbucks個d個日見到叉一城開左間天仁茗茶就走去買杯黎飲其實本身唔覺得天仁好飲不過口痕就買左杯試朋友叫左杯珍珠奶綠我就比913黑糖珍珠鮮奶茶吸引左飲落913系列好似係唔同d好重奶味 冇少甜度但係黑糖味道唔會太甜 啱啱好唯獨飲到後面d珍珠就冇乜黑糖味不過整體味道唔錯