影片
港鐵牛頭角站 B5 出口, 步行約7分鐘
繼續閱讀
電話號碼
98868501
營業時間
今日營業
08:00 - 18:00
星期一至六
08:00 - 18:00
星期日
全日休息
以上資料只供參考, 請與餐廳確認詳情
星期6約人studio影相，影到肚餓，就落樓買野返去食，行到毅力呢邊，見到呢間餃子鋪，好似係新開既，聞到陣餃子香味，一於試下。呢間鋪啲餃子，無論煎餃定湯餃，都可以叫2款味，咁我就一於2款湯餃2款煎餃咁試😈😈再叫多個鹵水豬腩肉。煎餃係韮菜同西洋菜，睇住佢地即場煎，好香🤤🤤煎得岩岩好，咬落去，外皮香脆，餡料有汁。掂👍👍韮菜陣味香過西洋菜，下次試下韮菜配其他味先😋😋湯餃就試佢地新品，蓮藕鮮肉+咖哩南瓜，餃子皮唔厚，肉料多，食落好juicy。本人係鍾意咖哩餃既（之前去4海8方都會叫咖哩味）但係食落就覺得蓮藕又爽又香，比咖哩南瓜好食。蓮藕出面唔多見，各位有興趣可以試下，推薦👍但係呢，我原本叫紫菜湯，佢地就落錯單比左魚肚湯我，我返到studio打開睇先發現😢😢又費時落去換啦，好彩個魚肚湯都唔錯，味道鮮而唔腥，算啦🤣🤣鹵水豬腩腩有醬汁，打開個盒就聞到香味，食落覺得鹵水味唔重，但係連醬食又好好食喎，咬落似炆完鹵水再煎一煎，好食。仲要只係賣20蚊咋，真心推薦👍👍👍另外配左2杯飲品，蘆薈茶唔錯，唔係杯出，係細樽比我地，飲落清爽，幾好。成張單加埋先百三蚊，前後加埋，好抵囉👍👍
繼續閱讀
今日喺觀塘番工，午飯時間唔知食乜好，行過毅力工業中心，意外地發現原來呢度好多食肆，見到呢間叫天天餃子既好吸引！🤭🤭仲有立食位😃😃😃黎餃子店梗係要食餃子☺️☺️ 我同朋友叫咗啲湯餃和煎餃，仲夾咗唔同口味😆😆 一次過滿足多種慾望😍😍😍韭菜鮮肉餃香菇木耳餃香菜鮮肉餃粟米鮮肉餃白菜鮮肉餃椰菜鮮肉餃西洋菜鮮肉餃所有食物即叫即做，喺等緊既期間見到呢度有我鐘意既涼拌小食呀🥳🥳 又叫番幾個先😍😍涼拌青瓜涼拌窩荀絲涼拌海蜇鹵水大腸呢度既食物唔錯👍🏻下午茶餐仲好抵食！ 天天餃子 (觀塘)觀塘觀塘道396號毅力工業中心地下G3號舖
繼續閱讀
去開毅力，發現呢間手工餃子店，見佢下午茶餐勁抵，六粒餃子加小食加飲品，都只是hk$50.餃子有9款可選，本來想揀西洋菜鮮肉餃子，但店員話呢款好受歡迎一早賣晒，咁我唯有揀左椰菜鮮肉餃，小食就揀左醉雞翼，飲品凍檸茶⋯⋯轉凍飲都唔洗加錢👍餃子大大隻，餡料食得出好新鮮，椰菜好爽甜👍跟餐小食醉雞翼竟然有4大隻中翼，而且非常入味，4隻排在盒中每隻仲各放一粒杞子做裝飾，我連4粒杞子都食埋，呢個好驚喜個餐份量不少，食完好飽好滿足下次再經過都一定會再幫襯
繼續閱讀
依排悶到飯都唔想食，就轉去食餃子喺觀塘食過幾間，試到依間覺覺得幾岩心水西洋菜餃真係食到西洋菜味，唔會全肥糕，算大隻同埋皮薄外賣盒包裝都做得好好，攞返公司食，完全唔會漏同埋老細同收銀姐姐都好有禮貌+人情味希望佢地愈做愈好今次自己有盒去裝，下午茶餐，6隻餃子+4隻中雞翼+杯熱檸水$50 好飽好抵食支持🫰🏻
繼續閱讀
😋觀塘打工仔外賣推介超大隻😍😍😍入面超多餡料🥩肉餡新鮮有口感👍🏻👍🏻皮又薄🎃咖喱南瓜鮮肉餃必試推介，加入左南瓜🥹🥹令到成隻餃子好鮮甜好正🥟韭菜鮮肉餃煎餃一定係揀韭菜餃😋😋好香食唔停口🫚蓮藕鮮肉餃🥬西洋菜鮮肉餃💓$42 有8 隻可雙拼 或揀 半煎餃｜半湯餃🍲湯餃可跟紫菜湯 或 古法魚肚准山湯🍜另外可以加$10 配出前一丁/幼麵/粗麵➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋回頭指數：💖💖💖💖💖🔖 天天餃子 (觀塘)觀塘觀塘道396號毅力工業中心地下G3號舖#lifeistooshortforbadfood#hkfood#香港好去處#食好西#foodiehk#吃貨#打卡#hkfoodblog#hongkongfood#hkfoodieblogger#hkfoodie#hkfoodshare#香港美食#香港旅行#香港打卡#香港美食指南#香港必吃 #香港必食#觀塘好去處 #觀塘美食#觀塘#餃子#煎餃#外賣#觀塘外賣#打工仔
繼續閱讀