影片
港鐵銅鑼灣站 C 出口
繼續閱讀
電話號碼
60850243
營業時間
今日營業
12:30 - 15:00
19:00 - 22:30
星期一至二
12:00 - 15:00
19:00 - 22:30
星期三
全日休息
星期四
12:30 - 15:00
19:00 - 22:30
星期五至日
12:00 - 15:00
19:00 - 22:30
以上資料只供參考, 請與餐廳確認詳情
74 瀏覽
表哥表嫂新春上黎拜年，同大肥爸爸講開食經，提到最近發現咗間好有水準嘅天婦羅專門店「天御」，眼見大家聽到流哂口水，仲立即夾日子請肥肥家族一試，堅有誠意！樓上餐廳厚實嘅木門應該好隔音。地上綑邊嘅小石仔散發著和式禪意嘅同時，著哂燈嘅招牌及旁邊嘅玻璃擺設又不失時尚。小店佔用面積全層，室內光線充裕，用餐大堂一眼睇哂，共有十五個吧位圍繞住師傅個大舞台，食物煮好即可享用，夠哂熱辣辣！細問下，得知包場最低消費為午市$6,000、晚市$12,000，絕對合理，唔怪得知成日俾人包啦！陳列架上可見意頭好好嘅招財貓同鯉魚。中間大大隻招財虎先最搞笑！話哂老虎真係貓科喎，設計者果然有心思！櫃頂及雪櫃內擺放著不少酒酒，似乎客人都好杯中物。酒牌中大多為日本酒，開瓶費設為$300/枝1.8L以下及$500/枝1.8L或以上嘅酒品。表嫂早已為各人點好包有前菜、天婦羅八件、冷物一品、天丼/天茶漬飯/天バラ（塩味）、赤味噌湯、咖啡或雪糕嘅午市套餐（$458/位）。另從散點餐牌加咗款驚喜菜式，而家先賣個關子，順序寫到落去先揭曉係乜。天婦羅大餐嘅海鮮及蔬菜食材主要源自日本。全權由年輕嘅榮師傅負責炸煮及介紹。師傅手勢熟練，仲好有幽默感，氣氛輕鬆且夠娛樂性。每位席上擺有自用餐具、乾濕紙巾及調味料。調味料包括蘿蔔蓉天婦羅汁、鹽、咖哩鹽及檸檬角。前菜：午餐迅即由師傅自家製嘅豆腐作序。豆腐前菜個黃豆味好重，入面夾咗啲白飯魚令口感更為豐沛，自己覺得一般，但表哥就好啱口味。天婦羅八件：一如傳統嘅天婦羅專門店，第一件出場嘅就係蝦蝦！炸至金亮嘅花竹蝦層天婦羅炸漿巧薄酥化，而且好夠乾身，毫不油膩，修長嘅蝦身爽甜彈牙，左邊嘅炸蝦頭脆卜卜得黎完全冇渣，送酒一流！第二件原條炸出嘅香魚形態堅挺，栩栩如生！香魚食落香脆尤甚，獨特在芳香回甘嘅尾韻，魚肉雖然唔多但勝在風味絕佳。第三道嘅菜菜代表打孖上，圓碌碌一開二嘅係帶點苦澀嘅椰菜仔。後面做緊配角嘅行者蒜先精彩！長長嘅蒜苗入口即溶，當中嘅爽甜迅即化於舌上，點乜都咁！第四件被誤以為係鱔嘅原來係日本三重縣節令嘅銀魚天婦羅，其實即係高級版白飯魚；細細條嘅銀魚質感幼嫩，簡單以紫蘇葉包住黎炸已能增添芬芳。同為當做嘅螢光魷魚飽滿肥潤。或許自己本身唔係咁識品評魚魚，感覺此味目光魚最為平平無其。不知不覺已經食到第七件，師傅介紹一刻真係愕咗愕，因為冇諗過午市套餐會有天婦羅鮑魚食！炸過嘅鮑魚件Q彈鮮美，柔韌有嚼勁。第八件連鬚鬚上嘅天婦羅BB粟米清甜爽嫩，輕盈脆巧。冷物一品：頂面白雪雪嘅新鮮百合及淮山好清爽，不過墊底嘅水雲勁酸，重口味未必人人接受得到；因有酒精影響下，長長嘅水雲更一度喺食道唔上唔落，實感難堪尷尬。赤味噌湯：食完多道炸物黎碗清清地嘅麵豉湯尤其暖胃。單尾共有三款可選，分別為天丼、天茶漬飯、天バラ（塩味），均配上爽脆嘅漬物。天丼：迷你天丼嘅兩口白飯柔潤窩心，份量剛剛好唔會太多，最正當然係隻流心嘅炸蛋啦，成功為上脆下綿嘅天丼添上芳香與滑溜！魚翅雞湯素麵（$180）：午市套餐其實已經夠哂飽，表嫂仲特別加咗幾客天婦羅魚翅麵大家分黎食，當真盛設得很！師傅預先張魚翅雞湯素麵分好每人半份。湯碗中嘅素麵柔軟順滑，呈金黃色嘅雞湯濃而不俗，最重要係飲落一啲都唔油。另上嘅魚翅天婦羅外層香口脆巧，翅翅柔韌幼嫩，浸落湯湯度索埋啲雞湯精華即有畫龍點睛之效！套餐結尾包咗咖啡或雪糕，個人覺得飯後一杯熱齋啡似乎最可以消滯。於銅鑼灣開業未到一年嘅天婦羅店「天御」環境光鮮企理，抽氣足，服務生友善周到，午市套餐用材新鮮，菜式輕巧味佳，不甚油膩，性價比高，最意外係食到天鮑（天婦羅鮑魚）同天翅（天婦羅魚翅），聽講晚市仲有天參（天婦羅海參）添，絕對值得一試！
繼續閱讀
在銅鑼灣廣場後面，交通是非常方便。可惜餐廳店內環境有點混亂隨性就是品味非常大眾化的佈置。午市人均600。性價比一般。不夠傳統，環境一般，服務不到位我說她不夠傳統是因為它的炸漿太超薄了。天婦羅炸漿薄本來是好事，但也不應該是超薄。師傅為了是中間的食物生熟度做得比較好。所以油炸的時間過短。很多時會出現炸漿不夠脆。內裏食物不夠溫熱的情況。在天婦羅餐廳出現這種情況，我覺得相當失敗。|天婦羅飯。 ^天婦羅飯做得不錯，因為這個炸漿比較厚，而且溫度拿捏得很好，發嬲，粒粒分明。喜歡上面半落心蛋，這個我是喜歡的。|海膽天婦羅。 ^海鮮本身鮮甜可人，是好貨。可惜被那層薄如蟬翼、冷若冰霜、濕漉漉的炸漿糟蹋了！天婦羅外皮沒有香脆感，紫菜也軟趴趴的。唉！|天婦羅魚。 ^這條小小的魚外型非常漂亮，又有高級感，可惜整條都有苦味！覺得是我吃過最難吃的一條天婦羅魚。吞了下去之後，眼中有點淚光。已經不想再吃，是店家故意讓我覺得後面的食物上啥我都覺得是恩賜嗎？|天婦羅沙錐魚。 ^沙錐魚竟然有魚味，炸漿的厚薄度剛好。溫度也拿得很準。這個不錯。|天婦羅雙色粟米。 ^雙色粟米很甜，但甜得單調乏味，沒有層次，如果，我自大廚。會在中間加入薄荷蒔蘿去增加其層次感。|天婦羅藍爵馬鈴薯。 ^這個有些驚喜，薯香滿滿。因為連皮一起咋薯仔皮加上比較偏厚的炸漿，非常香脆。師傅說自己萬慢炸了一段時間。師傅傲嬌地說「建議原味吃」？我偏不！沾點咖哩鹽，瞬間昇華，這刻內心誇讚自己是天才小廚神！|天婦羅八爪魚。 ^ 鮮甜，軟硬完美，確實是我吃過數一數二的天婦羅八爪魚。必要點!|天婦羅水茄子。 ^套餐以外追加的，是他們今天力推的,淡而無味，不喜歡。|天婦羅炸蝦。 ^超無敵薄的炸漿浪費了驚奇地非常新鮮蝦子！外皮不熱、不脆、不香。覺得不像係天婦羅。 .|天婦羅，魚翅雞湯麵。 ^天魚翅有點腥味，雞湯還算做得不錯，有雞骨味道。可惜面一點勁道都沒！但是我還沒後悔追加一道面。因為吃完一餐不太溫熱的天婦羅後，有一碗溫暖的雞湯暖胃確實是不錯。|麵豉湯。 ^這個鹹得太離譜，我從來沒有試過只喝了一口便不喝。|奶茶雪糕。 ^他們自家製的雪糕裏麵還有黑色的茶葉，覺得做得不精緻，味道偏甜，奶味不夠，一般。整體的菜色水準不穩定。 。如果你來吃午餐，要有個心理準備餐廳會不停的問要不要追加。午市套餐夠女孩吃飽，因為天婦羅還是有點油膩而且最後還有米飯。我還是第1次看到天婦羅餐廳去主動問客人要追加什麼，把一盆又一盆的食材拿出來。這裡的追加文化和傳統的日本天婦羅料理店有點不一樣，真的是老實不客氣。雖然八爪魚天婦羅飯味道都非常不錯，可惜店家對「薄」的追求走火入魔,使我。感覺不到，像吃天婦羅,下次要吃天婦羅，還是找更由日本師傅主理的店吧。而且環境佈置也太一般。雖吃得不生氣，但也沒特別高興。就是一頓不過不失的600元午餐。#天婦羅#香港日本餐廳#日本餐廳#銅鑼灣餐廳#銅鑼灣日本餐廳#日本料理#香港天婦羅
繼續閱讀
同老公周年紀念book唔到dinner，就book lunch試試先前菜自家製豆腐天婦羅有⬇️花竹蝦Goatfish粟米芯瀨尿蝦螢光魷魚中段時間上咗一個水雲，減輕左油膩感，之後再上香魚鮑魚薯仔 （慢炸師傅由11點開始炸）追加時段追加左一個海參釀蝦膠結尾仲有個天丼，味噌湯甜品奶茶雪糕Lunch來說好滿足1️⃣甘多樣炸物最欣賞鮑魚，鮑魚彈牙炸完都好爽口2️⃣薯仔慢炸個皮脆口，外脆內軟3️⃣天丼都幾好食，飯又軟綿
繼續閱讀
榮師傅的極穩定輸出已經變成基本，Gavin一季都至少來訪一次，但每次都有驚喜，有進步，和覺得更加好食！帶朋友或宴客極好之選！套餐亦富有彈性，適合大食和細食的朋友同座。食物：師傅自家製豆腐、白飯魚 （前菜）沖繩花竹蝦頭沖繩花竹蝦福岡鰆魚鹿兒島蠶豆 山形縣行者蒜富山灣小白蝦（紫蘇葉、黑魚子醬）河豚白子丼（柚子皮）沖繩水雲（淮山）兵庫縣螢光魷魚青森 刺參蝦膠長崎縣 小長井蠔粟米鬚天丼魚翅麵追加：魷魚蝦蛄帆立貝白蘆筍鮑魚烏魚子山形縣漉油（春野菜）地蛤🧑🏻🍳: 榮師傅 💲: $1400 dinner ($880 dinner set + 追加）🗓️: March 2025🌟: 10/10天御 Tempura Tenon 📍11/F, 駱克駅487-489 Lockhart Rd, Causeway Bay
繼續閱讀
Tempura Tenon, atmosphere was cozy and inviting, perfect setting for our gathering! The batter is exceptionally light and crispy, which showcased the freshness of the ingredients. We had flower bamboo shrimp, the fried shrimp heads are very crispy and full of shrimp aroma. The shrimp meat is firm and bouncy, the squid is very good, and the scallops from Hokkaido are sweet and have a tender texture, along with ginkgo nuts. Memorable items for me were the red bell pepper and the bamboo shrimp
繼續閱讀
您可能會有興趣的...