影片
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
今天在灣仔工作，順便約朋友在附近晚餐。朋友推介這家燒味店，是米芝蓮二星餐廳燒味部主廚自立品牌。燒味是自家店舖製作，原汁原味，每日即燒，保証新鮮，所以朋友想試試。在內堂就座後，要做最重要的事：選菜。點了二個一人套餐和小食一碟，應該足夠吧！燻蹄海蜇 燒味餐廳，也會提供不同小食。反正久久也未嚐過燻蹄海蜇， 所以來一份。這燻蹄沒有呈現粉紅色，也沒有刺鼻的味道，入口順喉，這燻蹄合格了！ 海蜇 即是白鮓，常常伴隨燻蹄一起上碟。爽脆的海蜇充滿麻油香。乳豬和燒鵝乃此店名物撚手菜，但看到廚房有剛出爐的燒腩仔和叉燒很吸引，所以點雙拼。燒鵝拼叉燒，乳豬拼燒腩仔，一次滿足四個願望。燒鵝叉燒雙拼一人餐及乳豬燒腩雙拼一人餐有湯有小食有飯有餸有菜，很豐富。今日例湯 南北杏木瓜豬骨湯。小食是拍青瓜黑木耳。很幸運，今次是燒鵝脾，髀位肉質滑滑無得輸。仍可剔出燒鵝皮自製黃梅醬燒鵝皮壽司。但更希望得到燒鵝胸！ 因為鵝胸肉厚，燒鵝皮也厚 ，可以嚐到鵝肉味和鵝油香。油潤的叉燒外層紅彤彤，有焦焦邊，中芯顏色偏白。肥叉鬆軟滑溜，而瘦叉健康。薄脆的乳豬皮夾著一層脂肪，當然油香滿溢。乳豬皮放在白飯，就變成乳豬皮壽司，沾上柱候醬，整件品嚐。白飯本無味，卻可以延長享用乳豬的時間，同時也中和了乳豬的油膩感，讓味蕾慢慢感受乳豬的甘香。燒腩仔 燒腩，五花腩，下方連著一層肉一層油脂，很多地區都喜歡這個部位。剛燒出來的腩仔，化皮很香脆，肉質仍然嫩滑，容易咬唔乾柴，單食已經得美味，不過也會沾上芥醬。間中來一口青瓜木耳，讓味蕾清新一下。菜心青菜是這個燒味晚餐最不可或缺。肥美的燒鵝叉燒乳豬燒腩仔燻蹄，好多肉，要來份菜扮健康。散點油菜是廿個大洋，如今套餐包一份青菜，計落更化算。特地走蠔油，清清地更健康。我倆食呀食，忽然聽到乳豬沽清。原來咁受歡迎，果然早到早享受。
繼續閱讀
一向喜歡燒鵝，睇完米紙灣仔燒鵝大戰，按奈不住，決定一試奪冠之店。餐廳老闆曾於米芝蓮2星中餐廳擔任燒味部主廚，自行創業開了此店。現場所見餐廳全日不停燒製乳豬及燒鵝，流量非常快，非常新鮮👍🏻。✨原隻燒鵝髀拼乳豬一人套餐✨ $180燒鵝外觀色澤誘人，令人流晒口水。燒鵝皮厚身，不會薄如紙。但同時燒得香脆，且有咬感，足見師傅功力十足👍🏻👍🏻👍🏻。燒鵝肥瘦恰當，不會全是肥膏肥油。一口下去，肉質非常滑嫩，而且多汁😍。師傅整體調味處理非常好，不會蓋過濃濃鵝味，保留鵝油的甘香。乳豬皮超級香脆，放入口時，每一口自帶ASMR「咔嚓」數聲🤩脆卜卜，好正。乳豬肥瘦適中，皮脆肉嫩，非常香口👏🏻👏🏻肉質濕潤而不乾柴，實屬高質😍套餐還附送油菜一碟、小食一碟、白飯及例湯各一碗。油菜灼熟的菜心，非常爽脆。小食是涼拌青瓜雲耳，以陳醋調味，非常開胃。✨燻蹄拼豬生腸✨ $40燻蹄薄切，沾上醋汁，非常開胃。豬生腸大件且爽口彈牙，夾脆不膩，好味😋用了新鮮，師傅功力十足，並必是明日之星🤩想睇更多介紹，馬上Follow我啦😁。#big_big_foodie #big_big_foodie食勻灣仔#big_big_foodie食勻香港
繼續閱讀
💬天龍燒鵝灣仔有兩間店，逢食晏時間都人頭湧湧，座無虛席，仲要等位。因此有時收工都會斬料，返到屋企慢慢嘆，感覺仲開心寫意。燒鵝當然係店主推薦，但個人更為喜歡叉燒，真係會搵勻全港最出色嘅叉燒比拼下😏.———————————————————————————🔥金牌蜜汁叉燒王💬唔可以成日去到柴灣買叉燒，灣仔呢間燒味店嘅蜜汁叉燒都可以暫時頂一頂住個胃先。外賣🥡最少$50，原件斬出嚟都幾靚仔，肥瘦均勻又有色澤，蜜味亦濃厚，當然見到濃邊嘅炭烤味道，增強口感，絕對唔會差得過招牌燒鵝😏
繼續閱讀
叫咗個外賣返屋企食，質素都唔錯，$56+$1外賣盒，叫咗個雙拼嘅燒味飯，叫咗叉燒同埋燒肉，包一包黃色嘅芥辣，同埋送一個老火湯！老火湯幾好，花生雞腳豬骨，非常濃郁嘅味道，個湯嘅質素亦都唔差，冇乜點落味精，飲完我都冇飲太多水，所以呢個湯都係幾好呀，跟餐唔使錢！份量嚟講 整體都唔錯，叉燒味道非常OK，我叫咗肥叉，佢嘅油脂同埋味道都唔錯，唔會話太多肥膏，所以我覺得佢都幾好食，送飯一流！燒肉就有啲肥，不過都冇乜投訴，再加幾條菜心，呢個價錢喺灣仔嚟講都係中等價錢
繼續閱讀
灣仔區呢間店嘅燒臘水準我一直覺得唔錯， 最喜歡佢哋嘅乳豬、燒鵝。 售價亦非常合理公道，間唔中都會外賣返屋企加餸。 今晚喺灣仔做完嘢，一個人就簡簡單單去咗呢間店食我至喜歡嘅燒鵝。叫咗份一人燒鵝單拼套餐 ($88）。幸運地碟鵝係鵝脾位，鵝肉肥瘦平均，食時鵝皮仍帶脆，肉嫩多汁，有㬭勁，鵝嘅油香，肉香停留在口中徘徊非常滋味。 套餐包例湯一碗（當晚是眉豆花生雞腳湯），另有油菜小食各一碟 ， 白飯一碗。 簡簡單單又滿足嘅一餐。
繼續閱讀