太子美食

營業中

休息中

今日中午係餐廳門口見到好多人食，就打算求求其其食一餐。點知一坐低叫完野食，就不斷有冷氣機水滴落黎，見到有其他位，就問聲自己調位，點知待應姐姐就話天氣熱，全場都滴緊水，無奈快食幾啖飯，就埋單。食物質素普通，不過不失。

嘢食味道普普通通。埋單嘅時候就令人感到憤怒。行埋去買單，好聲好氣問，呢度收唔收Alipay結果俾個短頭髮嘅阿姐話返我轉頭：我唔識聽咩Alipay喎，淨系得微信同支付寶姐。我呆咗，避免發生衝突，繼續好聲好氣，哦，咁支付寶囉。其實作為一個茶餐廳嘅收銀，簡單嘅支付方式英文Alipay都唔識聽，我認為系好失敗。你話你唔識聽英文唔緊要，但態度好啲，同客人確定下系咪支付寶。我都覺得可以接受，但事實系好令人失望

入到去落單都要舉手 5分鐘先有人見到 4個樓面4個都掛住出餐 叫到人落單但5枱人都等緊佢竟然係同你寫完一張單就行去入機 唔係一次過寫晒先行過去入機 終於落到單但係等出餐可以來幾次都來錯係隔離枱 叫碗沙爹牛肉麵可以15分鐘左右先上到牛又起筋 炒滑蛋又乾 餐肉又燶 成餐得個包叫食得下 同埋叫杯凍檸茶 佢可以自動幫我走甜結論 無返1個2個鐘都唔好食佢 我食早餐就用差唔多一個鐘落單20分 來餐15分鐘 去得食就真係要預咗係食法國餐時間

從來無見一個一間餐廳既服務係咁，男既吹水唔抹咀，傾計多過做嘢，女既就借咗聾耳陳隻耳，叫極都唔應。想投訴又唔肯俾電話顧客，最緊要係關門後經常見到米奇周圍走，衛生情況有待改善。

雞中翼3件，暫且都可算正常，然而雞中翼都相當細隻，而且完全冇諗過條司華力腸會係3片，而唔係一條囉⋯⋯咁就收$40，三隻細雞中翼同三片腸會唔會貴得離地左呀，真係冇下次。

近近地又吾想等位的好地方下午茶時間吾洗等入到去都好易搵到位炸雞脾沙律或薯條（各叫左一份）仲要配嘛紅豆冰先$38去邊到叫到有甘抵食丫沙律仲要係店自己整的雞脾係即叫即炸

蜜桃生炒骨（奉送白飯、例湯及熱飲凍飲加$3）例湯係白菜紅蘿蔔豬骨湯有點咸酸酸甜甜幾開胃凍檸檬茶咸魚雞粒炒飯上桌個刻咸魚味樸鼻味道一般沙茶醬牛肉炒河粉有多豆鼓牛肉用左鮮牛肉炒味道麻麻

港式豬扒包配薯條豬扒超juicy薯條無咩味生炸雞髀拼沙律配紅豆冰雞脾有點細隻不過炸得幾好食沙律有點小心機應該係自家製吾係罐頭金牌公司三文治平過大家X熱華田完全吾會好甜唯一吾係好鐘意可以搭枱

魚三寶粉麵 $44 （用外賣app有外賣自取優惠，外賣自取價$35）係附近住左一排，終於一試呢間想試好耐的茶餐廳！雖然等左一排先有得令，不過見到外賣湯麵有分湯，可見餐廳對於食物質素都有一定要求🤙🏿😋果然真係幾好味！！魚蛋、魚腐同魚皮餃不過不失，比一般茶餐廳來講好味🙋🏻‍♀️🙋🏻‍♀️麵就係一般既麵，煙韌彈牙，煮既火後剛剛好！！值得一試再試🤤🤤同埋餐廳食物選擇好多，menu上面的圖片都唔係照騙🤣🤣推薦住附近既朋友黎食！

大概都開了幾個月，但門面見是普通茶記，又主觀地會覺得會如樓上 君蠔、寶瘋的食物一樣不濟，加上裝修很雷同，所以一直提不起勁去試。只是吃太多意落八份八又太腌悶所以抱住無期望的心態去。點了個set lunch，價錢算合理，以碟頭來說更算抵食，司華力腸、雞扒都適中，味道不過不失；反而口痕點的all day breakfast，薯餅居然溫熱甚至脆（試過去某善廊分店早餐薯餅是凍且是油臆味的...），配料如沙律加了紅腰豆及蘋果粒，起碼不是批量拿工場貨或罐頭，多士亦微脆，算是不錯。

我喺度食過炒貴刁豉椒排骨炒麵西多紅豆冰佢哋有幾種特別嘅西多， 我有機會一定要試下，話畀大家聽。講唔出又幾好食總之就係傳統茶餐廳嗰種質素係你願意由隔籬邨行10分鐘過嚟食嘅茶餐廳因為要寫200字所以我繼續寫落去首先呢度啲阿姐阿哥好勤力，雖然有少少粗枝大葉，但係係好有心機服侍你嗰種， 好過出去連鎖店食飯受氣。間埔新開所以衛生同裝修都係5星佢嘅炒貴刁係薄粉底，之後隻蝦係大隻㗎， 口測五蚊銀咁大， 舊式嘅大蔥配料唔會炒到軟爛， 芽菜有口感又吸走炒河嘅油膩， 炒呀炒呀好強烈嘅炒貴刁香味，又帶一啲辣嗰種辣就係你鍾意食辣椒油辣椒醬， 都唔使專登再落嘅程度。豉椒排骨炒麵嗱呢個真係失傳嘅我覺得。平時我出去食嗰啲炒麵底佢一係就炸到脆曬有啲黑，一係呢就唔脆。但係其實我哋香港回憶食嘅炒麵底係面餅上面嗰部分就係脆卜卜好似童星點心麵咁樣， 下層就係雲吞麵嗰種少少煙韌軟熟嘅細麵。所以第一口就係享受佢嘅脆口之後慢慢食落去下層嘅麵條，吸咗D汁嘅香味就變咗 食極唔膩嘅 豉汁撈麵。值得大家來回味一下嘅港式茶餐廳

第一次食好滿足，公司名叫太子美食，開左二個月到，食左幾樣野，西檸雞，泰式炒通菜，黑椒薯仔牛仔粒，清蒸海沙巴，古法蔥油雞👍價錢公道，其實個人認為呢一間唔似茶餐廳，同菜館酒家有得比較，好有鑊氣，水準好高，老火湯不用錢，但都煲得好足料，好夠火喉，一餸一飯，覺得距地好俾心機做，大力推介，今次冇影到相，下次一定要影俾大家睇睇