奇華餅家 (悅來坊)

營業中

休息中

女友人YT五月尾結婚，佢俾咗奇華$50 .00嘅禮劵我哋，到9-8-2025（Sat）朝，我同老公送完回收物品同食完早餐後，諗起呢喥有奇華，於是嚟攞嘅傳統嫁喜禮餅做10-8-2025（Sun）早餐，嚟到時睇吓傳統嫁喜禮餅，咁啱成間店，店員偏偏執𡁵嗰個角落，我哋就係咁等，終於等完行埋去睇，見到咩紅綾，黃綾酥，都係$25.00一個，咁一張禮劵，咪只可攞兩件？睇吓全蛋糕，冇傳統大大個，只有迷你，但又見到有$12.50一個嘅迷你傳統嫁喜禮餅，咁不如攞呢啲4件，可以食多啲味。到10-8-2025（Sun）晏晝，我哋就先揀早啲到期嘅嚟食，就係迷你蛋黃豆蓉酥同迷你蛋黃豆沙酥，切開睇，一個淺色一個深色，酥皮層甩落嚟，我先食迷你蛋黃豆蓉酥，唔太甜，味道清清地，酥皮同蛋黃都乾，但蛋黃都算香。3.8分而迷你蛋黃豆沙酥嘅味道明顯濃好多同甜啲，我個人唔係咁鍾意。3分再晏啲，我就食埋另外嗰兩隻，迷你金華火腿酥其實我從未見過金華火腿酥，呢個材料豐富， 食，就係甜，口感有煙韌有脆嘅，有原粒杏仁 ，但其實我真係唔鍾意食金華火腿，呢啲係唔會自己畀錢買嘅嘢。3分迷你蛋黃蓮蓉酥自己本身都好耐冇食蓮蓉，真係一年一次，因為有傳統

經過舖頭見到奇華 crossover Line Friends，SO CUTE😍就忍唔住買左兩set😂-⭐️星星盒單個裝 & 一盒四個裝CHOCO朱古力香橙乳酪奶皇BROWN 朱古力奶黃月餅SALLY 蛋黃奶黃月餅CONY 士多啤梨乳酪奶皇-唔同set會跟唔同crossover產品🤩星星盒單個裝set 跟一個環保袋 & 冰巾一盒四個裝set 跟一個環保袋 & 縮骨遮*環保袋可以收納到勁細粒，方便帶出街，唔會佔好多位👍🏻👍🏻

今日食完午餐，行過悅來坊的奇華餅家，買左個鳳梨酥做點心毎人好鍾意食鳳梨酥，尤其係土鳳梨餡開袋，已聞到好香牛油味，入口，有點杏仁味，唔鬆軟，較實，鳳梨就好好味，帶酸且甜，但杏仁太味太重，個人就唔太鍾意

過農曆年，總會收到少少新年賀禮，但大多數不外乎喺超市買嚟嘅傳統賀年禮盒裝，當然，不乏有心思嘅賀禮，就好似呢份友人所送嘅，就頗有趣，喺嚟自奇華出品嘅「小丸子孖裝禮盒」，外觀非常應節。腰果牛油曲奇花輪同學嘅罐內，喺腰果牛油曲奇，其實，以往都食過奇華嘅曲奇，知道佢哋嘅質素一向唔錯，而今次嘅曲奇，雖然簡單，但水準穩定，曲奇本身鬆脆而富牛油香，而且，混有脆口嘅腰果粒，轉眼就KO晒6塊。芝麻花生軟糖而小丸子罐內，喺奇華一向有賣開嘅唐式零食芝麻花生軟糖。數一數共有10粒，一樣喺獨立包裝，夠衛生。粒粒花生糖都沾滿黑白芝麻，甚富芝麻香，咬落柔韌有咬口，但花生卻又保持脆口，加上唔太黏牙，好食。雖然小弟對小丸子嘅懐舊感唔喺好深，但都知道呢套喺一齣有趣嘅動畫，而親友嘅細路中，有啲更喺小丸子嘅粉絲，所以，曲奇同軟糖就由我食晒，兩個小圓罐就留番俾佢哋。

因為需要在悦來酒店轉乘巴士，看一眼九巴app，巴士還有十多分鐘才到，立即轉入悦來坊奇華餅家。每次入奇華，首先一定係行去看中式嫁喜禮餅，本人超級喜歡各款中西酥皮食物，今次放棄了紅綾蓮蓉酥，買了五彩皮蛋酥和金華火腿酥，另外又拿了幾個土鳳梨酥。店員妹妹好醒，即刻問我有沒有會員卡，沒有的話可以考慮買多少少，購物150元就可辦入會手續，不用下載app當然係買買買入會啦！剛剛好砌夠150蚊！這個471卡路里嘅原個皮蛋酥必然係今朝早餐，非常like奇華將包圍皮蛋嘅紅薑豆蓉做成小小"流心"狀態，平衡了皮蛋相對嘅口感。坊間有些店把這份豆荳做得死實爛實，你就會覺得成隻皮蛋酥係一個粉團。土鳳梨酥為何貴過鳳梨酥？因為饀料係只有菠蘿肉，沒有添加冬瓜蓉之類，菠蘿肉沒有打得太碎，還能夠看到一絲絲纖維。皮蛋酥加上一杯濃茶，太滿足了，夠鐘開工。

29-10-2017 (Sun)朝同老公買完餸經過呢間新開o既奇華,記起會員買臘腸有優惠,但唔記得詳情,於是行入o黎問店員,店員答係可用積分加優惠價換購.啊,咁請佢幫我check吓有幾多分,佢幫我check o左,我重欠40分,店員話$1.00就儲到1分,咁我買少少o野啦,見到竟然有鳥結糖,重要係杏仁小紅莓咁特別,一包賣$46.00,咁就買呢個,即時用分換購.但店只話分數要一個工作日至update到,即係我第二日至夠分.咁我問佢,呢個優惠做到幾時?佢答10月.啊,即重有兩日,咁我照買鳥結糖先.返到屋企忍唔住打開食,一包有18粒,size適中,見到杏仁同小紅莓都唔算少,食吓先,味道唔太甜,有小紅莓o既微酸味,但杏仁唔脆,奶味就唔係好食到,而個糖唔會黐牙,呢點幾好.服務:好有禮貌,而o係我俾錢時,佢即刻提我俾張咭佢儲分.