好好甜品

營業中

休息中

晚上甜品時間去左好好甜品食芒果西米撈，份量略少，但價錢不算太貴，唯獨芒果汁底用糖水稍過量，令糖水的味道略蓋過芒果本身的味道。建議如果要選吃，可以點選芒果以外的甜品。之前試過中式糖水，還是不錯的。

食完飯去食糖水 見呢間好多人排隊 心諗咁好生意應該都唔差一共叫左三個糖水 個樣睇落都正正常常1.芋圓丸子腐竹銀杏薏米2.合桃露加湯丸3.椰汁紫米露每一款都甜到食完好似會即時變糖尿病 甜度完全不合理 如果你曾經有試過做糖水測試 就係個種感覺 所有甜品都係得一個甜字 完全無食物既味道 芋圓丸子腐竹薏米係完全冇銀杏 好似有30匙糖咁甜合桃露係完全溝左好多粉嘅質感 湯圓又係甜到痴線 紫米露係稀如水 如果您係鐘意食勁勁勁甜 咁呢間野好啱你真係好耐無食過咁既質素既甜品 每碗食咗幾啖已經食唔落去

食完晚飯之後都唔係好覺得飽所以就去食多個甜品先 叫左個雪芳芒果椰子冰 本身都覺得好驚個芒果係會比較酸 但係估唔到 唔錯wor 都幾新鮮椰子味亦都好濃 所以都覺得唔錯 下次可以再嚟食

今日同老公有雅慶食完飯後去食甜品，平時成日食開呢一間嘅芒果西米露都覺得好出色，雖然裝修就比較舊，但係勝在甜品款式多，同埋有我最鍾意嘅榴槤食。今次老公就試了榴槤香芒芋圓撈$46，上層係榴槤冰，中間係淡淡的芒果肉，下層係芋圓，估唔到芋圓嘅份量係咁多，當中我鍾意食黃色嘅番薯圓，因為番薯味好出，芋圓煙煙銀銀，😳正！ 而我就點左一個椰皇燉蛋白加湯圓$55老公話我真識食，叫了全場最貴的一個甜品！ 椰皇好清甜，蛋白好滋潤，花生湯圓好QQ，餡料充足！ 食完好滿足！

行到出哂汗，忍唔住去左食刨冰，好好食。雪糕紅豆冰 $28好甜但好食，曲奇雪糕+紅豆+刨冰+奶，奶好多，好入味，好甜，紅豆好多，雪糕都好味。雜果西米冰 $30如果水果再多啲就好，有雜果賓治，西米粒粒都漲卜卜，好有口感，啲冰都系有好多奶，好好味。可惜系啲冰都比較粗糙，唔系入口即溶，不過落得夠多奶，食到底都好甜❤但呢個價錢黎講算唔錯平靚正，好多款刨冰簡，有芒果/其他水果味，配西米/涼粉/椰果，好多配搭，消暑一流。環境就比較迫，可以室外/室內食，飯後既時間都幾多人。

同老公拍拖去食甜品而家d糖水舖多數做西式，中式甜品較少，尤其是芋圓～舖頭重點唔係靚裝修同環境，而係中式枱面同玻璃中間夾滿menu既親切感，呢d係新式糖水舖無既薑汁芋圓丸子西米露，芋圓有咬口，薑味濃，糖水甜味適中（最怕d糖水甜到涸喉）。木瓜雪耳糖水，比起我個芋圓感覺上較甜，木瓜夠淋，雪耳係爽口個種。唔會有趕住走既感覺，慢慢細味暖入心既糖水，價錢亦好親民，確實令到呢碗好食芋圓Level Up

大埔好吃的糖水鋪不多，這家算是一個。飯後都好多人排隊，不過大家都吃的挺快，不會坐很久。它們家大都是以芒果為主，門口也放了很多芒果擺檯。味道：蘆薈蛋白椰子奶凍：椰子奶凍是店裡比較貴的甜品了。它們家這個奶凍和以前吃的不同，以前吃的椰子奶凍都是那樣滑滑的口感。它們家的吃起來不是很滑，但是吃到口裡很香，就是那種吃了一口還會想吃第二口的感覺。然後又不會死甜。是我中意的～芒果西米撈：它們家芒果都還不錯的啦，只是我沒有特別愛芒果而已～總的來說，值得一去～

嗌咗個芒果黑糯米，糯米都還可以但芒果得個幾細塊仲要唔甜。仲有啦咗個薑汁西米芋圓，成碗嘢都好稀，啲料唔係好夠，食得唔夠喉，不過薑味就都幾夠嘅。同埋可能夜晚太多人啦，叫極都冇人過嚟落單。

大埔飯後甜品的選擇不多，記得以前這是芒果大王，一直都是人山人海，今日跟兩位朋友再來到光顧，希望可以尋找返當年的回億，餐牌仍然保留住紅、皇、藍、綠精靈，當然我點回我的皇精靈、而朋友就點了香芒芋圓冰、另一款都忘記了。皇精靈仍然保持水準，香芒芋圓冰就普普通通，個人覺得不值這個價錢。服務方面有侍改善，只要一吃完最後一更，侍應就會立即收碗，並說多謝，感覺像迫人走，我們只是坐下十分鐘，吃甜品的就是想跟朋友坐下，傾下計，真的令人失望。

這晚和一大班朋友來到吃糖水，因為我們人太多，呀姨很熱情地開了兩張枱給我們坐在外面。我和其中一個朋友share了兩個甜品，分別是幻彩雪糕丸子盛和雪花芒果椰汁冰。兩個也好好吃。幻彩雪糕丸子盛（$35）什麼也有點，好像芋圓、涼粉、西米、珍珠等，我們選了Oreo雪糕，好吃！份量也很夠。而雪花芒果椰汁冰（$33），也不錯，底有紅、綠豆。其他朋友點的也試了點，他們的也不錯，總結，值得試試，有機會也會再去吃過。

呢間甜品小店係大埔黎講算係不錯，（咁當然品可能同b仔聰嫂個d比較啦），晚上來總會見到很多人食。我都係度食過四次了，不得不提佢既水果系列，鮮雜果西米撈椰汁底（$34）既雜果份量都幾多，咩都有d岩哂選擇困難症既我，當做飯後甜點也不錯呢！————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️💫味道：⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️💫————————————

叫左個芋圓丸子紅豆沙，難飲到喊以後唔會再去，諗住紅豆沙正正常常冇死啦，一試就中伏芒果又酸既，價錢又貴，左右附近既糖水鋪都唔會差到咁。真心覺得唔值同埋勸說各位唔好去

晚飯後，最好就係去食甜品。 女人仔係可以有第二個胃仔食甜品啦…絕對是真的！在大埔，最出名的食芒果甜品，就係去好好甜品又名叫芒果大王。 平時在新年前夕，或者聖誕節前夕特別多人，簡直越夜越多人，好不熱鬧的。大埔的甜品店，好似見少買少了。芒果大王仍然『生存』，真的堅勁…。其實見到食店，好多做不耐，存在空間越來越少。 回想以前，在年三十晚食完團年飯後，必定約埋同學仔去食甜品，間間甜品店都是『座無虛席』。希望新一年，仍然繼續可以食好好味的甜品楊枝甘露$33芒果布甸$21腐竹薏米雞蛋糖水$23

#MJ太和#MJ甜品 .🔽🍧雜果綠豆冰($30)(🤤7/10)雖然天氣仲係凍 但文仔從來都係鐘意食凍既甜品多，因為係呢間甜品店 對我來講特別有回憶 因為每年既除夕都會黎呢度食糖水同倒數。🔽個冰底係有落煉奶既 所以甜甜地好有煉奶既味道 唔會因爲冰溶左而唔夠味。綠豆煮得好夠時間 好溶化起晒沙 份量仲要幾多，加埋面頭既生果 有西瓜 蜜瓜 哈蜜瓜同芒果，非常唔錯。📍好好甜品📍太和美新里5號美菱居地下B號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#太和美食#食好西#好好甜品#雜果綠豆冰

說到大埔飯後甜品，莫過於位於這間位於太和和大埔區之間的好好甜品，幾年前吃過，前名是芒果大王，今天難得有空到大埔和朋友聚舊，就決定再光顧，看看是否保持水準。我們一行七人，店內座位不算多，故被安排到店外用餐，門口已有一大班人在等候，門外水洩不通。餐牌有各式各樣的甜品，招牌當然是芒果系列，紅皇綠藍精靈，我們點了皇精靈 （芒果） $35、皇精靈 （芒果） $37、什果西米露 （西瓜汁底）$36、芒果西米露 $29、楊枝甘露 $33。皇精靈 （芒果）- 材料足，味道保持水準！其它是朋友叫，他們都一致好評。總評：芒果大王名不虛傳