好撈得

營業中

休息中

呢間店嘅糯米糍，真係忍唔住想推介​本來話好咗要減肥，唔食甜食，點知經過呢間舖，聞到陣芒果同榴槤嘅香味，腳就停咗落嚟。​入到去先見到，佢哋用嘅芒果真係幾大隻，差唔多有隻手掌咁闊。切開之後，果肉顏色好靚，金黃金黃嘅。咬落去口感好嫩，汁都幾多，甜中帶少少酸，幾清新。​至於榴槤，老闆話係用金枕頭，打開個陣味幾濃，但又唔會太過。入口軟綿綿，甜度適中，仲有少少回甘，食完陣味仲係個嘴度留好耐。​整成糯米糍之後，口感幾好。芒果肉同榴槤蓉分開包，一口芒果，一口榴槤，再配埋軟糯嘅皮，幾協調。​

📌荃灣平民食堂 自薦小店篇平民食堂最近，就系Threads上面招募餐廳自薦，自費去支持下，畢竟香港其實有好多小店需要大家多多支持。而今次自薦既小店系位於荃灣，又系一間隱世小店，小店位於荃灣鱟地坊小巷入面，行過路過好易錯過 一 好撈得 @piglegginger0316一直以黎支持小店，說到做到，唯獨今次老闆娘堅持吾收錢😂「你點解會幫小店宣傳既？」老闆娘問「因為見到好多鋪執笠，盡力咋，吾知有冇用，但系做得幾多得幾多啦」🐷🥚豬腳薑 $30豬腳燘得好入味，膠質滿滿，薑味出得黎又吾會太辣，而個秘制醋汁酸酸甜甜，好好飲😋👍🏻🥤鴛鴦酸梅汁 $20飲落酸酸甜甜，帶些小回甘，好消暑😋整體而言，小店雖小，但系食得出店主既用心，值得大家多多支持 👍🏻*宜家只要Follow好撈得社交平台於本月幫襯即可獲送多舊豬腳。📍好撈得地址：荃灣鱟地坊80-84號華成樓B座地下B7號舖#荃灣#好撈得 #鱟地坊 #撐小店 #豬腳薑 #小店系列 #平民食堂 #平民美食 #自薦小店 #香港小店 #地區小店 #隱世小店 #星星帶你食 #荃灣食咩好 #星星和你食 #鴛鴦酸梅汁#foodie #hkfood #hkfoodie #f

雞蛋唔喺太硬， 又唔喺太軟， 剛剛好，非常好食；豬腳夠腍， 但沒有散開， 亦都好好食姜醋唔喺太甜， 唔喺太酸， 口感膠膠地（應該好多骨膠原）， 好野味。可能加了山渣， 好醒胃。喺我食過最好食嘅豬腳薑！

【荃灣好撈得｜豬腳薑醋終極體驗】 今日專程去荃灣街市搵食，試咗「好撈得」嘅招牌豬腳薑！一打開外賣盒就聞到濃郁嘅甜醋香，即刻流口水。豬腳炆得超淋滑，皮肉入口即化，膠質黏唇得嚟又唔會太膩。最驚喜係啲薑，煮到冇晒辛辣得返甜味，咬落爽脆仲索滿醋香，正到想單買薑食！ 醋汁甜酸平衡得剛剛好，唔會太嗆喉，撈飯一流。份量足料，有齊豬腳、雞蛋同薑，女仔補身必食。補身指數：★★★★★ 性價比：★★★★☆ 地道風味：★★★★★ 後記：食完成個人暖笠笠，呢碗充滿阿媽味道嘅豬腳薑，絕對係寒天最佳comfort food！

薑醋好好味，雖然係夏天，都忍唔住買咗一碗食。個醋好好味，加上蛋非常之正。見到店內有糯米糍賣，就順便買咗紅豆味來試。實在是驚為天人，非常非常好味。紅豆大大粒餡料，同皮的份量比例啱啱好。食完好想再食。 極力推薦。我和朋友把店內剩下所有的紅豆糯米糍都買走。看得出老闆是非常用心做的，真係要支持吓。糯米糍仲有榴槤味，但因為我不吃榴槤，所以沒有買，但大家可以試下啊。店舖隔離，聽講是一間頗出名的涼茶舖，很多人排隊。

無意中發現的寶藏小店，才發現老板因為對美食的執著和喜歡而存在，可以話每樣嘢都好正！豬腳薑只能話是我吃過性價比最高的！唔似其他一味得過甜字，仲要貴。個醋汁一絕，好有特色，原來老板用五種醋自己調，加上2種薑（最初仲以為呢間鋪賣姜，擺d姜喺門口），所以之後我會多買一盒姜醋汁用嚟送飯食。佢嘅酸梅汁和樽仔奶茶飲得出用心之餘有水準！真係好鍾意！之前食過一次佢嘅豬油渣撈麵，好正，可惜已經食唔番，因為老板忙不過來，期待有機會可以再食到。繼續支持！

好耐無食過咁好味豬腳薑，仲有推廣價38（原價68）3件豬腳、2只蛋、有薑同埋醋，實在平靚正，最重要系好好味、好好未、好好未（重要事要講3次），豬腳淋度啱啱好又入味， 薑都系好入味。聽老闆講晚晚最到深夜就系要煲定足夠豬腳薑早上先有淋淋豬腳、入味蛋和薑，不過好像快取消推廣價，要快啲去再食先得。上次十幾人排隊無時間排、今次唔放過。媽媽非常鍾意食好味豬腳薑的話好底食，食完話下次要再去買。冬天最啱食， 美食進保最好 ：）

第一次食蒟蒻麵🤣仲以為好腥 原來幾好食嘎窩！加埋啲麻醬 好食啊🥹聽日放工再買黎食～因為咁啱喺公司樓下 呢度$20其實都好多🤣超級抵食啊！青瓜絲雞絲都比好多🥰大份都係先$40

偶然走過橫街窄巷，傳來陣陣豬腳薑香味，即刻停步要試吓呢間穩世美食。發現呢間小店除咗有豬腳薑，仲有自家每日新鮮炸豬油渣撈麵；仲比我發現有減肥恩物「雞絲蒟蒻撈麵」下次一定要試吓！每樣食物食得出店主好用心去做❤️傳統豬腳薑✌🏻火喉十足，軀寒暖胃，豬腳入口即溶😋又抵食，真係好少有！自家製豬油渣撈麵🍜每日新鮮製作，記得係限量供應呀！仲有自家製「鴛鴦酸梅汁」店主講用咗唔同嘅鮮梅煲，入口清甜又解渴，清涼解膩！

已經行過幾次呢條巷仔，今日終於買來試吓！因為發現係荃灣地標戴麟趾診所隔離，嗰條巷仔最近新開咗間懷舊風味的小食店，睇落去有啲似以前用綠色鐵皮搭建嗰種檔口仔，雖然間舖頭好細，但係小食嚟講都算多，原本想食豬油渣撈麵，唉！因為減肥我唯有買就咗一份麻辣雞絲撈蒟蒻麵試吓！有驚喜👍味道唔錯👍麻辣似秘製夠惹味😋哈哈😆配蒟蒻麵冇咁邪惡減肥啱晒！（麻辣雞絲蒟蒻麵紅蘿蔔絲青瓜絲）😌下次經過會再買其他嘢試吓！支持小店！

小時候的車仔麵是走鬼檔，現在所有的都入舖了，去過深水埗幾間出名的，味道不錯，但食一碗麵加飲品最少$60，而且坊間的都是湯麵，這間新開張的後巷外賣小店賣的是撈麵，相當驚喜，$40一份四餸撈麵，深水埗都找不到，冬菇好香，再滑一些就更好，豆卜料足，馬來咖哩魚蛋只有一個正字，難得夏天蘿蔔都好清甜，加$10有自製酸梅湯，炎炎夏日真係好解渴。位置比較古怪，但幾過小巷的人也不少，不過生意要做好也不易，現在小店很難生存，加油。

就系屋企樓下開咗一間車仔撈麵，第一時間就去試吃啦！老闆話全部嘢系佢自己做嘅。有豬肉渣撈麵同車仔撈麵，仲有雞絲麻辣撈麵同冷面。 咁熱嘅天氣，我緊系點咗日式雞絲蒟蒻麵，系款冷面有雞絲 蘿蔔絲 黃瓜絲 果D醬汁食落去好清爽合適噻我嘅口味老闆仲推薦咗鴛鴦酸梅湯，系用烏梅同話梅整嘅一個飲品 跟餐有特價就十蚊就有一瓶，飲落去掂啊可惜酸梅湯唔記得影相系附近嘅街坊可以過嚟試下啦老闆都好好人喔！唯一缺點就系祇做外賣 不過返屋企食都好好味下次我要試下熱撈麵