宜家家居美食站

營業中

休息中

沒$而又不想練仙 / 沒時間而又不想練仙時之選。不怎需要排隊又便宜。當許多客人都買IKEA signature肉丸 或 新出口味的軟雪糕，我還是覺得蔬菜薯餅最好吃。西蘭花+creamy的薯粒。才$8！又filling (雖然1個不夠飽)。Shop還有同款急凍蔬菜薯餅可以買回家~

今日同囡囡行megabox ,例排要去IKEA美食站食雞脾同腸仔。雞脾一樣 嫩滑 唔痴牙，家中小朋友都食到。到腸仔味香，皮脆身，呢2樣係必食；今期新出一個精選叫粒粒千層面，本身都唔知咩黎，問收銀哥哥佢話係面，就諗住都唔貴10蚊有三粒，買個黎試下。一咬落去，係好香，好多芝士，望下入邊，芝士已經將入邊溶為一體，我完全食唔到面，只係覺得好漿口，要飲水，要飲品。如果芝士控可以食，我自己就唔多鐘意， 太多芝士好漏架。唔唔好意思，又係食到一半先記得影相

九龍灣宜家家居除了有餐廳及咖啡室外， 還有美食站， 豐儉由人。長期糧尾既我， 當然係選擇去美食站搵食， 唔駛搵位又平、靚、正。 熱狗餐 $10 （Hot Item）熱狗加無限添飲， 都係$10， 真係好扺又飽肚， 但如果熱狗包可以熱辣辣， 一定會更好味😋瑞典肉丸 $10/5粒每次我都會加勁多紅果醬 ，肉汁香濃加上酸酸甜甜紅果醬， 刺激味蕾。 (如果肉丸特價，我會成包買回家， 百吃不厭) 香草烤雞腿 $15香草烤好惹味，雞腿肉夠嫩滑。

推介指數 🌕🌕🌕🌕🌕 .終於食到IKEA榴槤新地筒🍦💲9️⃣味道濃郁得嚟感覺好天然，同時個口感亦都比一般雪糕滑。不論味道同口感都好似榴槤 😯！鐘意榴槤嘅我覺得極好味🤤🤤😋😋！

D24榴槤新地筒，宜家傢俬都有得食?!聽講係九龍灣分店先有， 榴槤控聽到呢個消息又點會唔衝去食。一條長長嘅人龍， 有規矩地向前移動， 週邊的人大部分都拎著一個個筒。事不宜遲立即跟隊， 雖然好人龍好長唔使十分鐘已經到手。 白雪雪嘅雪糕， 蘊藏著濃郁嘅榴槤味?! 聞落去感受唔到，咬一啖就知味道。 對於榴槤各人鍾愛程度唔同， 榴槤味道重， 甜味亦很重，雪糕質地幼滑， 整體來說很不錯的。唔鍾意嘅係， 若甜度減輕會更易入口。得兩個圈，兩啖就食完，承惠9蚊，多謝。

九龍灣IKEA新出期間限定的D24榴槤新地筒因為去開觀塘 所以專程去九龍灣試一試.D24榴連新地筒 $9新地筒有榴槤味，但太甜榴槤同雲呢拿味的配搭有啲怪怪的雖然唔太好食，但$9唔太貴可以一試

臨近新居入夥，去宜家傢俬睇傢俬食下午茶。見到雪糕又有新口味，當然要試吓。而今次亦都有香辣單骨雞翼，由於宜家傢俬嘅雞髀雞翼一向質素唔錯，所以都試吓啦。再叫多個熱狗餐，兩個人就飽晒啦👍🏻。今次雪糕轉左柚子味🍊🍦，口感似sobert，味道清新，好似韓式柚子蜜，好啱夏天食呀。好味到食完會想再買多支。單骨雞翼食落去有啲似巴辣香雞翼，但更加香脆入味，雞皮都幾辣🔥🔥🔥。熱狗餐就係一貫嘅飽肚之選🤤。

行九龍灣Megabox行到有點累又唔知食咩好於是又係走去食下野叉下電雖然好多人有少少迫但環境都算唔錯自助搵位去到等一陣就有位老公擺低d野就出去點餐點左招牌既瑞典肉丸酥炸咸豬手小食拼盤肉丸同拼盤都不過不失但豬手好有驚喜😱一拎到個餐望到個賣相都相當吸引外皮炸成金黃色而且離遠都聞到佢陣咸香味豬手原隻上食起上黎係有少少麻煩但一切落去果下就知冇買錯外層卜卜脆切到入肉又唔會好難切開🍴放入口口感好豐富外酥內嫩脂肪層食起黎唔會油膩醃肉醃得好入味味道岩岩好可以話係好食過d德國餐廳咁既價錢咁既質素我真係比十分！得閒一定會再去食

每逢假日，ikea美食站必定人山人海👪。呢期賣緊豆腐花味雪糕，當然要試。過往經驗，宜家嘅雪糕一定好食，無論咩味都好正。而呢個豆腐花味已經唔係第一次推出，喺我心目中絕對係第一位😆。雪糕面度有大量黃糖碎，雪糕有香濃嘅豆味，比起「手作の店」嘅豆腐味雪糕稍甜，但食落去就好似浸咗黃糖水嘅豆腐花，但口感更香滑😻😻😻。重點係$4.5真係好平好抵食🥰，呢個價錢可以食到味道無可挑剔嘅雪糕真係不得了👍🏻👍🏻！

本身打算行一陣IKEA去食個TEA, 但係IKEA真係好大同好多野睇, 行完已黎差唔多6點, 邊度都冇下午茶啦, 所以唯有係返IKEA小食部食啦!!!其實次次都會咩都想食!!HAHA!!今次叫左個熱狗餐, 1份肉丸, 3隻雞翼, 1份薯仔星星魚柳, 一個乳酪雪糕!!熱狗餐好似咁多年都係$10, 好鬼抵食, 汽水仲任添, 我地飲完百事又飲檸茶!! Yummy!!第一次食個薯仔星星魚柳配他他醬, 都唔錯!!乳酪雪糕都係第一次叫, 個醬係平時肉丸個甜醬, 我麻麻地中意, 平時食肉丸都唔會要個嗰醬, 如果再食乳酪雪糕會走醬, 就咁食都好味!!滿足既下午茶!! =]

嚟ikea買完野，點少得食野環節呀兩個人都好肚餓，於是叫左四碟撐餐勁嘅，有三文魚扒，牛扒，蔬菜薯餅同埋必食嘅肉丸🐟三文魚扒：無咩特別，但加埋薯蓉好大份🥩牛扒：有d韌喎🌯蔬菜薯餅：我的最愛，有奶香口感好好🍢肉丸：呢個汁同肉丸係絕配呀

IKEA 新出的 #伯爵茶新地筒 你試左未？🤤伯爵茶味驚喜地好濃😚🍦質地不是結實嗰種 而是偏軟滑略嫌比較甜+份量少👉🏻👈🏻但$4.5 完全CP值爆表💥食多幾支都冇問題啦😎👌🏻

宜家傢俬嘅小食一向都係好抵食👍🏾👍🏾今日黎左megabox行街、咁緊係都要幫襯一下啦😎😎宜家家居嘅美食站非常之有系統，一邊係買嘢食，令一邊就係比人站立食而醬料同飲品吧都自助形式。醬料可以隨心落幾多都得，而且佢有番茄醬同芥末醬選擇，非常方便👍🏾👍🏾而飲品吧係可以無限添飲，只要買左佢既飲品杯，就可以飲哂唔同口味既汽水😎😎😎今次叫咗個肉丸食，肉丸$10有5粒，而家仲做緊優惠，用八達通俾錢，佢會送多一粒肉丸。另外叫咗個他他醬配炸魚柳，$13蚊有3件，魚柳凍左，有d腥，而且已經唔脆了😖😖

Ikea真心好聰明，知道客人平時行黎行去睇傢俬行到攰，加咗個美食站，簡直係好細心👍🏻🤣 前牌同左屋企人去搞搬屋嘅嘢！所以要去宜家傢俬睇傢俬兼買日用品！九龍灣嘅宜家傢俬都算幾大！轉來轉去都好多野睇～ 我同我屋企人行左個幾鐘左右，揀得7788 ，最後比完錢見到有速美食站，就衝左過去睇下有啲咩小食！其實之前都有食過，不過好耐冇嚟過，結果發現超級抵嘅熱狗餐都仲喺度👏🏻 佢係有熱狗一個，大大件，同埋汽水一杯，任飲！真係超級抵～個熱狗大過兩隻手板，女仔的話，食到飽～ 男仔的話，啱啱好！熱狗就芥茉漿同茄汁任加，正👍🏻👍🏻 熱狗嘅包雖然有少少硬，但係唔算食唔落肚，但係腸仔就好味👍🏻👍🏻👍🏻我仲要飲咗兩杯汽水，行咗多一轉再飲多一杯，成件事好抵

一如往常，九龍灣Megabox在週末的時候比較多人，特別是在Ikea這裡頭，我們其實只是短暫路過，主要目的是來退貨。在等待退貨期間，我飢餓難耐，所以偷溜到小食站買東西吃。大家不用怕人多而退卻不排隊，其實小食站的員工訓練有素，下單快而準，準備食物也很快。除非有客人在收銀慢慢想吃什麼，要不然，8-10分已可完成。這次試了本週精選，3隻雞槌，味道偏鹹了一點。另外，買了老婆大人的至愛，肉丸，不知為何沒有了甜莓醬。最後追加了熱狗套餐，大滿足😊