客常臨

營業中

休息中

1個人去食，同人搭枱，叫熄細 D 風扇，埋單時被伙記單單打打話阻住做生意，又話熄細 D 風扇會熱死人。最近幾個月午飯時間去光顧，發覺顧客比以前大幅減少一半，原因是員工服務態度差。雖然食物選擇及味道尚可，但惡劣的服務態度，等同趕客。

大班人最啱出菜光速 調味堅好今日同事生日，所以諗住叫餸食飯。一出西營盤地鐵站直望，不如就呢間。Let’s TRY!呢一間嘢冷氣夠，每樣小菜都好夠鑊氣🥘出乎意料嘅火候同重口味😍海鮮超好味！！！唔係講笑，本人唔食魚，但係好鍾意嗰度嘅魚🐋特別係啲椒鹽，連蝦殼都想吞晒🦐芥末沙拉骨有驚喜，又林又入味食食吓不斷有啲識揸筷子嘅鬼佬入嚟👨🏼‍🦱🧔🏼🧔🏼‍♂️我心諗：你哋識食啊吓最犀飛利嘅係：唔使+1

估唔到有一間CP值咁高嘅小炒王係西營盤，當周圍都係連鎖集團式嘅餐廳，呢類本土派小店真係好值得我哋欣賞同支持！今晚特登過海同一班朋友gathering ，隨意去咗一間港式小店，見到啲外國人好知架步入嚟食，坐滿人，都知有信心保證，特別推介沙拉骨同海鮮小炒，好好食，豬肉勁鬆脫，麥皮蝦好大隻，鮮味十足，朋友未食完已經話要帶媽咪嚟食炒蜆有驚喜，好多時我只食清酒煮蜆，因為出邊食鼓椒炒得個鹹字，感覺到廚師有誠意，配汁無蓋過蜆嘅鮮味希望可以多啲特色小店留住一份本土滋味！

味道：不算差，中规中矩，中等偏上，鲜咸度适中。环境：2张大圆桌，6-8个小桌子，地方不算大。上菜速度：适中大约15分钟起吧。缺点：如果是内地人来吃饭，如果你没有准备港币会嗑扣你汇率，店家会从和你沟通时候判断你是否是内地的人，且最后解释是店里自定的规矩（实际汇率是RMB比港币是1:1.14，店家强制按照1:1.1结算，且态度强硬不友好）内地人前往不推荐，注意避坑

聽同事講喺呢度食過幾次宵夜都好有鑊氣有水準 😍😍所以就約埋一齊嚟試下 坐低指定動作叫完啤酒🥰🥰就叫幾款小菜食下先 臘腸蒸肉餅 肉餅係新鮮豬肉手剁嘅好彈牙肉味重好鮮甜😋😋😋😋 臘腸就麻麻地冇乜味 同埋偏瘦 之後係最期待嘅梅菜扣肉 之前去其他餐廳嗰陣時因為好耐冇食所以order咗 不過員工漏咗單 到到我哋吹單嗰陣時已經賣曬所以食唔到 所以喺呢度諗住叫返嚟食 呢個就麻麻地 豬肉唔夠肥偏瘦 顏色紅紅地好似落咗南乳咁樣 個豬肉係食唔到有梅菜味 兩樣嘢加埋一齊好似搭枱咁 唔係正常嘅梅菜扣肉 好失望😔😔😔😔😔 跟住有個 椒鹽九肚魚 唔知係咪因為 夜得滯 九肚魚唔夠就搭啲鮮魷 火候十足 炸到皮脆肉嫰 九肚魚滑捋捋 椒鹽鮮魷都 好爽彈😋😋😋😋除咗梅菜扣肉 其他小菜都相當出色 25蚊一支大啤算平 小菜價錢中等 有機會都會再嚟試下其他小菜😊😊😊😊😊

年初三過黎呢邊 沿路都有幾間餐廳開左，憑感覺入左呢間 坐低見到餐牌先知要加20% 🧐 雖然係多左d 但都當支持下小店抗疫叫左個乾炒牛河同魚香茄子炆米，份量都大大碟，如果係兩個女仔share 一碟都夠。都幾多牛肉同笳子，味道係唔錯都好夠熱但可惜唔太有鑊氣 $55 一個炒麵黎講 我覺得質素已經算唔錯👍🏼

該店位於大街，具一般餐廳的門面。餐廳外貼滿圖文並茂的餐牌，使人客未入內已能瞭解該店之出品。該店每日在門口貼出多款午市套餐，有飯有湯有飲品，價錢亦算實惠，方便上班及速食一族。餐廳內有卡位及大圓枱，午膳時間人頭湧湧，要搭枱是一般常識了。是日叫了勝瓜雲耳肉片飯，配湯及飲品。碟頭飯上枱熱騰騰，食落亦中規中矩，而湯和飲品亦是一般大路貨。但以44元來說，亦不可要求太高了。以這個午餐而言，該店出品合乎一般要求。是日室外温度達32度，本期望進入餐廳後會感到涼快，奈何餐廳內温度竟與室外不相伯仲，邊進食邊流汗，實在無法忍受，惟有速食速離開。是否該店空調突然有問題就不得而知，但如果大熱天時餐廳經常都是如此高温，則很難吸引人客再光顧了。

今日特別好想食豉椒炒蜆，咁就打打算去坤記食煲仔飯同埋豉椒炒蜆啦，18:20去到，但係已經坐滿晒，仲有人等緊，咁我就去拎飛啦，點知…….話要21:30!!!!!咁我就梗係唔等啦，見對面客常臨都有豉椒炒蜆食，就一於試下啦一坐低就俾2杯熱茶你，等你慢慢揀食咩，未揀到食咩之際，都已經拎左2碗蓮偶湯俾你飲下先，個湯飲落幾好，飲落都幾順喉，似係無落味精1) 沙嗲肥牛粉絲煲 $70 – 份量都幾大，好多肥牛，差不多啖啖都食到肥牛，個味都OK，唔會太辣，如果多點花生醬味就更好喇2) 海味雜菜煲 $70 – 都幾大煲，海味有蜆肉，魷魚，蝦米等，菜都幾新鮮，食落有麻油香氣3) 豉椒炒蜆 $88 – 份量都唔少，味道不過不失，洋蔥超甜，食到清晒，蜆就有少量有D有沙仲有叫左枝青島，埋單$256，都算幾抵食

這是我第一次在OpenRice寫評論，因為我真的很不高興，不知道為什麼服務態度是這樣的？我來客常臨餐廳好幾次了，其實菜也還可以，因為我個人的關係，很喜歡來買外賣，比較方便。餐廳的外賣菜單很明顯寫的營業時間是早上10:30AM, 所以我今天(3/16/17)一早10:30AM就去了，因為今天剛好要趕時間。但是我點菜時，前台的先生說要11AM才能做好。因為我家以前也是開餐廳的，所以就好奇問他，是不是剛好今天廚師有事，還是其他原因？但是這位先生說不是，而是他們每天都是11AM開始。那我就拿他們自己的外賣單，問他, 你們不是自己寫10:30AM開始嗎？他發現無理可爭，就跟我講香港每一家餐廳都是這樣11AM開始，然後補上一句，你如果不高興，可以到別家去吃飯！所以我就尊從他的意見離開了，我想以後也不會再回來了。

我同我表叔一行兩人喺西環搵晚飯食, 當我哋行過皇后大道西發時現咗呢一間叫做客常臨嘅餐廳裝修都幾靚仔咁我哋就決定一齊入去試一試!呢一間餐廳嘅座位設計都幾闊落, 坐得十分之舒適,我哋睇完個餐牌之後就決定叫一個豆豉蒸海鱸套餐,同埋單點一份乾炒牛河.例湯例湯都幾真材實料下,有豬骨,紅蘿蔔,同埋黃豆,味道唔會太鹹亦都唔會太甜,感覺一流!豆豉蒸海鱸(套餐)$65包埋嘢飲條魚幾新鮮,冇乜魚腥味,廚師冇落得太多豆豉,所以唔會太鹹,仲食得出魚嘅鮮味,條魚都幾多肉下, 口感煙韌啖啖肉!乾炒牛河 $49依道嘅乾炒牛河做得非常之好,廚師好有水準,乾炒牛河嘅牛肉size都幾大片下,牛肉嘅份量亦都幾多,口感方面牛肉煙韌彈牙,炒河粉方面,鑊氣十分之夠,河粉冇痴埋一舊值得一讚! 依道菜做得唔會太鹹亦都唔會太甜,有足夠嘅味覺空間畀食辣嘅朋友再加辣椒醬上去!另外值得一提嘅就係,廚師喺上菜之前喺碟乾炒牛河上加咗啲白芝麻令整道菜嘅賣相更加好睇! 總括嚟講呢度嘅乾炒牛河能夠同貴價中餐廳或酒樓媲美!熱檸檬茶-套餐餐茶我叫咗熱檸檬茶,呢道嘅檸檬茶茶味香濃,檸檬量亦都十分之足!總括嚟講,依間餐廳性價比超高,食咁多嘢總共花咗114蚊,

上班一族的午餐只有一小時，平時貪圖的只是快捷，填飽肚子就算，食物的味道不太差都可以接受，更何況公司附近的餐廳寥寥可數，總會再去光顧。最近同事推介了這一間茶餐廳，雖然位置比較遠，勝在味道和價錢都成正比。環顧四周，每枱都會有人點的一個午餐 - 東江雞飯。三十多元一個餐，還包括中湯和餐茶，對於現在物價高漲的社會，實屬一大優點。份量方面也毫不遜色，七八件雞，吃下去肉質嫩滑，不會霉，最重要的是沒有雪藏雞的味道，拌上蔥油，甚是滋味。同事點的通菜牛肉飯，芡汁較多，味道比較淡，牛肉不韌，比較適合口味淡的人。午市光顧的人數不算多，省去了等位的時間。但是內裡冷氣比較大，飯菜很快就會冷掉，所以適合忙碌的午餐時間光顧。

在上環上班每天想午餐吃什麼是一個很大的煩惱，自從同事建議向西發展，這個星期都在西環解決這個艱難的問題，一日試一間。西環的茶餐廳比較多，價格也相對便宜，一個午餐$40左右便有交易。XO醬豆卜蒸豬頸肉 - $39這個是是日午餐，餸和白飯是分開上的，份量比較多，下次可以3個人吃兩個餐便足夠。經XO醬調味過的豬頸肉非常惹味，爽脆厚實，豆卜吸收了醬汁，比較咸。梅菜扣肉飯 - $45豬肉肥瘦適中，入口肥而不膩，梅菜吸收了五花肉的咸香，配飯一流。乾炒叉燒河 - $41鑊氣十足，不會太多油，同事不停讚不錯。跟餐送熱飲一杯，凍飲加$3，沒有加一服務收費。食物質素非常好，但是服務欠奉，招手叫侍應，多次都扮看不到，不加理會，扣分不少。