家樂茶餐廳

營業中

休息中

本人於午飯時間惠顧外賣，時間大約1時30分左右，見樓下餐牌寫著外賣涼瓜排骨飯$36，便上樓梯前往購買，但付款時才知要$40，店員話剛轉了上非特價列，所以要收$40，有斂財之嫌。及至落樓時發現，涼瓜排骨飯的牌已不見了。樓梯很長嗎？算不上，只是幾級罷，只是步行上去便漲價了？或是貧窮限制了想像？

黎茶記當然要試下個常餐啦，我點了一份雞扒出前一丁，搭配炒滑蛋🍳和牛油粟米🌽首先，雞扒的呈現讓我有些失望🙃。雖然外觀不錯，但咬下去後發現肉質過於乾燥，缺乏應有的鮮嫩感，味道也偏咸，對於喜愛雞肉的人來說，這樣的雞扒實在難以滿足味蕾。不過，隨之而來的出前一丁卻讓我驚喜。麵條煮得恰到好處，彈牙的口感與湯底的味道相得益彰，讓我對整體餐點感到些許安慰。炒滑蛋則是另一個絕對的高分項目。蛋滑水潤的口感簡直是完美，這道滑蛋的技術可見廚師的用心，真的值得稱讚。最後，牛油粟米的味道也不錯，甜中帶有牛油的香氣，為整餐增添了一絲清新感。總的來說，雖然雞扒讓我有些失望，但出前一丁和滑蛋的表現讓我感受到家樂茶餐廳的實力，希望下次能品嚐到更好的雞扒。

去官塘約舊同事吃午餐, 帶我去一間工廈1樓, 樓梯好舊, 餐廳是傳統茶餐廳裝潢, 都算寛濶, 有卡座同圓枱, 格局是平民食堂. 牆上有不同餐牌, 除咗套餐, 仲有炒粉麵飯. 未到1點,巳坐滿8成, 夥計安排搭枱. 同事介紹吃午餐, 唔貴, 午餐1:45分後叫仲平, 但我叫咗散餐芙蓉蛋飯同凍奶茶. 飯份量好大, 蛋煎得好香, 啲邊好金黃色, 有叉燒, 火腿絲同芽菜, 好足料, 味道不錯. 同事叫咗午餐既干炒牛河, 份量好大, 佢都食哂, 我估應該味道都唔錯. 食完即走. 雖然裝修一般, 但午餐40+蚊有湯有飯, 真的是平民食堂, 性價比高

叫左個揚州炒飯，等左成半個鐘，入去睇下會唔會漏左叫放左係枱度，點知個阿姐大聲喝話11點幾叫既都未得呀。我心諗而家都成1點喇喎，我等左咁耐都未發脾氣你竟然對客好似喝狗咁？ 你係咪當啲客係狗？好喇，到拎左個飯返去喇，睇下個飯係咩料，值唔值等咁耐嘩，個飯濕架喎，濕炒揚州炒飯？？？啲飯一pat pat超難食，真係當啲客係狗如果你間餐廳有問題出唔到果個餐，係咪應該叫停唔好比人再叫呢？而唔係錢就照收，態度惡劣，食物質素又極差呢？

今日落街食飯經過駿業街試吓呢間工廠區食堂，價錢味道都幾貼地。每逢中午食飯時間，家樂茶餐廳條樓梯都擠滿左好多人，環境乾爽，枱與枱之間都有一段距離，茶餐廳夥計爽快安排座位，每日餐牌都有唔同嘅款式，今日我就試吓食雞翼炒公仔麵。碟炒公仔麵一嚟到已經聞到一陣洋蔥爆香嘅味，我即刻拎起筷子就夾嚟食，公仔麵同洋蔥爆炒充滿鑊氣，麵質乾爽，唔會好油，雞翼炸到香口，食到咁上下，加埋豆瓣醬撈住食都幾滋味，凍奶茶茶味濃，突顯到茶餐廳嘅特色。平時午餐都係$40左右，到咗1:45後就會有下午茶炒粉麵，所以成個套餐都係38，唔怪得知咁多上班人士擠滿樓梯，對於我呢個街坊來講，以後有多個地方食好嘢。

呢排都係觀塘，就發現觀塘食個飯比起灣仔仲貴，選擇又唔係好多，啲價位都比較高，有朋友就介紹我去個飯堂度食，嗰度好平好抵食，雖然我成日都經過，但一直都冇入去試，今次終於的起心肝入去試吓。佢似係一間舊式嘅飯堂，但入到去就好有人情味既感覺，價錢真係好抵， 30幾蚊一盒飯，下午茶時間仲送嘢飲，喺觀塘來講都算係好抵，佢係下午茶嘅時候加$2仲可以叫早餐嘅嘢食，由於唔知食乜好，就試吓佢嘅早餐：炸紅腸米加火腿奄列再加牛油方包，加多杯茶走，外賣都係$31，呢個價錢真係冇得輸，早餐都食唔到。雖然都冇乜期望，個火腿奄列嘅蛋都炒得好嫩滑，紅腸就切到好薄，都方便咬，但個即係咁就一般，茶走反而有驚喜，個茶底好濃，飲到舊式茶餐廳嘅味道，整體來講，呢個價錢，都還可以，下次可以試埋佢既飯，呢間真係糧尾之選。🍴家樂茶餐廳🚗 地址：觀塘鴻圖道55號幸運工業大廈1樓A座 抵食指數：🌕🌕🌕🌕🌖Encore指數：🌕🌕🌖🌑🌑

觀塘家樂出名快靚正🤩平日午飯時間經常坐滿人今次叫咗成日晏晝就買哂嘅海南雞飯外賣🤩一打開啲餸同飯多到好似要爆出黎咁🤯份量十足🤩下次要嗌少飯先得🤣海南雞已經拆好骨🦴食落啖啖肉啱哂我依啲懶人🤤配搭酸酸甜甜嘅雙色蘿蔔絲特別開胃😋😋食哂成盒冇難度🥢🥢海南雞不可缺少嘅酸辣醬都有附上💓點雞一流唔可以唔試😂😂雞肉即使係雞胸部分都唔會乾柴💦加分👍🏻附餐揀咗中湯🥄有湯料唔會淡到溝水咁飲完都冇口渴😆

今日下午剛去開觀塘，記得某網台光頭美食家曾推薦此茶記，因此再拜訪一下。點了下午茶A餐:炸雞全翼同熱狗各一，凍檸茶賤內點了炸雞全翼薯條，凍檸茶埋單只係＄56！雞全翼係生炸，而老細話薯條唔夠的話可以再加！地方亦見企理但位置有啲隱秘唔顯眼值得翻兜，小店值得支持!

最近轉工黎到觀塘返工 , 人多車多癲佬多, 街又窄過人 , 想食個lunch或下午茶都排長龍...wtf?價錢方面想稍為食好少少都唔平...郁d都要hkd 60-80 , 無意中發現左家樂快餐食堂裝修一般茶記...衞生一般 , 做平民工廈生意, 正常環境都唔會豪裝架啦 , 平民路線無誤呢度只做早,午,下午茶 , 唔做夜晚 , lunch 一般碟頭飯$40左近 , 一去到4:30pm就精彩咯, 有$29餐碟頭飯 , 每日都有唔同既5-6款揀價錢平左, 份量不變無偷工減料 , $29 仲要包熱飲, 凍飲+2-3蚊唔記得左 , 例湯加1蚊 , 堂食外賣自取一樣$29 , 價錢回返10年前左右, 簡直平到震呀正題, 值得留意係上海粗炒同炒貴刁 , 鑊氣十足 , 炒野多少少油實在難免 , 怕肥OL港女免問味道好過少少一般茶記咁 , 粗炒較為少許偏濃 , 上海野通病實屬正常 , 睇得出材料無慳住駛 , 貴刁炒得都乾身 , 少量黃薑粉帶微辛又唔過火 , 岩唔太食得辣人士慣左開始每日買兩盒外賣自取拎返公司食,1個lunch,另1個夜少少食 , 隨時仲抵過你自己屋企煮飯食 , 仲邊有得輸呀老細?

起觀塘返工有咁上下時間既朋友都應該聽過家樂食堂個大名，之前因為競爭唔多，姐姐們都好盡責地一食完最後一啖後就即收走全部野，真係唔排除有股份，但由於最近真係開咗好多新餐廳，所以相對地少咗人，所以即刻返食我最愛亦係最出名既涼瓜叉燒炒蛋飯！家樂既炒蛋係出色既，而且起同區黎講都唔算好貴，四十零蚊就有埋飲品真係為毒L們慳返唔少~又可以課多PACK喇~YEAH!

前嗰排同啲同事去食呢間嘢，其實都食過五六七次。貪佢夠平靚正。佢啲午餐都係二十幾蚊，包一碗通粉，一份多士，一杯嘢飲。香港真係唔知邊度搵到呢個價錢。間餐廳都好大。雖然每次食飯時間都好多人，但係都係唔使點樣等位。呢一樣真係好好。好坦白講，如果係去食飯嘅話，我覺得啲飯真係麻麻地，感覺有少少乾。但係嗰啲常餐，快餐，食通心粉，公仔麵嗰啲就幾好食嘅，不過不失咁樣喇。自己睇圖喇。啲阿姐，阿叔侍應都好禮貌，好親切。

平時返工都係係紅茶個頭食晏 。如果有係觀塘區返工嘅都知，個到係人山人海。。。即使有超過十間餐廳，都對分散人流無咩大幫助。基本上等15至20分鐘係走唔甩。同同事經過 無意見到呢間 見到都有位 就坐低咗唔係好肚餓，就加錢嗌咗早餐餐牌同事話個湯略咸，但咁嘅價錢去邊到搵。我就嗌咗個麥皮餐，清下腸胃😜😜 可揀要唔要甜，我就走甜，只加花奶。都幾多塊檸檬。店員態度都好好，友善快手。上餐都快。不過如果你係好注重用餐環境呢到就唔係好啱你啦。🤣

下午茶時間去。一個人坐張四人枱都不用看餐牌對上一回有叫的豉油皇炒麵今次也有再encore。比較之下這餐嚐到的麵條是更出色 ---- 醬油味是更濃且更乾身，麵條上色的程度也亦更均勻。鑊氣甚充足且再配會大量切條洋葱，這當然令香與味更上一層樓....餐廳位置唔多，但都幾闊落，唔知係咪因為上左樓，門面又不起眼客人就唔多，有少少可惜。老實說呢間野質素唔錯，價錢又唔貴！同朋友一致都認為好食....我會經常幫襯...

今日去觀塘搵老公食飯 本身想去個間x茶到食 點知門口排成60人有多 大肚婆等唔到行前少少見到呢間餐廳 行上去都唔少哥哥仔食緊又有卡位就決定食午餐$36 大大碟 有5至6款比你揀 包個例湯其中一款會貴d$43 唔要湯要凍飲都係加$2 勁抵 叫左個洋葱豬扒飯同瑞士汁叉燒炒河 麻甩嘅我真係好鐘意食呢類型嘅飯 洋葱汁好味 豬扒起碼有成塊咁大切成粗條都6 7 條叉燒炒河夠大碟 叉燒質素又唔差 加埋辣醬附近有其他工業大廈嘅食堂 都要45蚊以上 有d仲係馬路邊 呢間反而樓上少少室內有冷氣 舒舒服服 真係唔用平靚正黎形容都唔得

原來男女大不同🤔今日就跟幾個男同事去買飯食, 就睇下佢地平時食D乜先🤣 行行吓行咗上樓, 平時成日經過但我都無留意到原來有間 "家樂快餐"😎上到去, 餐廳裡面都幾寬闊, 仲無油煙味, 值得一讚!$36 一個餐? 外賣仲要減 $3?凍飲都係 +$2 ? 而家好多都要加 $3 了咁抵就試下佢啦!要個京都骨飯+凍檸茶丫多謝 $35 打開個飯盒, 嘩, 真係脹卜卜喎😃果然男同事會夠飽! 我就食唔曬喇😆京都骨多肉少骨, 正👍個汁偏甜, 但都好好味👏果然好介紹, 下次我好好好肚餓時應該會食得晒❤