小方糖甜品 (荃好景大廈)

營業中

休息中

下午想吃個甜品，走去看看松記仍未開門，只好過去隔離鋪吃，店名小方糖。入內看見只有一檯客，自己找位坐下翻閱餐牌找吃的。選了一碗凍椰汁芝麻湯圓。店員走到身旁為我下單。湯圓要煮所以要等，煮好店員把椰汁湯圓上檯，她細心說湯圓剛煮起，內部較熱，吃時小心。黑色碗內是冰凍的椰汁，浮上幾顆白色小圓球，周圍有著無數的西米粒，整個甜品有著獨特構圖，像茫茫白雪。湯圓內是黑色流心芝麻，不太甜，芝麻味濃郁，湯圓皮黏糯有口感，椰汁清甜，整體是不錯。

食完飯行咗一陣散步散又想食啲甜品搵咗好耐都冇窩夫最後去咗呢到試吓個心太軟加2個雪糕$55等咗10分鐘左右就到心太軟配雪糕超正😝下次會嚟試其他甜品👍🏼👍🏼

飯後甜品時間又到！見到店內選擇多好!花多眼亂!蛋白杏仁茶好香清甜清潤，好啱男女老幼！🤪泰式芒果黑糯米賣相吸引!芒果鮮甜,糯米具口感！😉合桃糊入口香濃,又非常好益！

今次我趁著晚間嘅空檔，去咗小方糖嘆返份榴槤小丸子蛋白燉鮮奶，正！榴槤粒粒香濃，同滑得嚟嘅燉奶完美結合，每啖都得我心水流啊😍。跟住仲嚟咗個朱古力粒粒拿破崙，講真，食落真係香脆得嚟又夾雜埋煉奶同雪糕嘅味道，有種罪惡感覺，又點止，重可以話係一種存在感爆棚嘅享受！至於熱帶水果茶，啊，呢杯真係令到冬天嘅我溫暖曬，酸酸甜甜，飲落又提神又養生。最後，老公嗰杯芒果椰子樂，輕輕那兩啖，我就知道店長係幾有心機，奶凍滑溜，芒果味質感滿分，正！整體嚟講，呢次食到小方糖，真係質素同價錢拿捏得恰到好處，值得一試！👍👍👍

12月22日冬至8pm去咗荃灣小方糖成間舖只坐滿一半，8pm落order叫了2碗芋圓番薯湯圓糖水，睇住隔離台同我哋一齊嗌食物，食埋走埋 都830pm, 我哋 兩碗 都未有，就叫侍應問，侍應先應我冇番薯， 跟住我就火都嚟就同佢講點解8pm我哋落order時唔同我哋講冇蕃薯？ 我話厨房應該冇要早啲出聲，唔係等個客8：30pm追單先講，個侍應仲講佢815pm返工所以唔知道，所以而家咪同我講囉 ，我真係火都嚟埋， 呢間嘢啲員工做有36唔做有36 真係不知所謂

同朋友好早食飽晚飯，個肚有d空虛😂於是就由荃灣荃新天地行去海壩街揾甜品鋪😝見到門前放有餐牌，見幾多選擇，就入去試下，同朋友每人叫一款😏齒頰留香$56嘩，不得了，未上枱都聞到好大陣榴槤味😂坐喺附近唔食既朋友真係多得你唔少😂😂口感相當豐富，有新鮮既榴槤肉、榴槤汁、牛奶布甸、珍珠、椰果，$56真係物超所值，絕對對得住個價錢，唔係流料😬朱古力粒粒拿破倫 $45本身想食刨冰，但實在太凍啦，就叫個雪糕😏配上香脆既拿破倫，沾上忌廉同雪糕，雖然普通，唔係咩手功制作，但本人覺得依然好食，可以填飽我空虛既胃😍😍

完全唔敢相信呢個係榴槤班cake皮薄正常 2.5 cm厚嘅忌廉 沒有1cm厚嘅榴槤食落成口忌廉沒有什麼榴槤味 真係好失望$40買呢舊咁嘅嘢咁樣做生意都得嘅以後都唔會幫襯

同朋友附近食完飯 想繼續傾 就搵間甜品糖水再續攤🤭 地方唔算好闊落 都幾多人食 甜品款式都算多😋 由於都少少夜喇 都唔敢叫得太過份😂本來少少想食拿玻倫 但最後放棄咗🤭😂

喺荃灣食完飯就一定要嗌甜品啦😂而我哋今次就經過，就食返依一間因為我哋成八點就去食糖水，所以入到去呢就唔算好多人佢個心太軟呢，真係幾有水準整得啱啱好，同埋流心！正係佢個椰汁西米露，今次整得麻麻淡而無味但其他甜品呢都好味嘅

荃灣區冇咩甜品鋪松記糖水份量勁縮水另一間行文青風又下下六七十蚊唯有試下呢一間小方糖呢次係第一次食平時夜晚見都坐得幾滿但就唔夠松記好生意呢次嗌咗兩樣甜品第一樣係香蕉朱古力拿破崙本身以為要焗，所以要等好耐點知幾分鐘上檯雖然佢同傳統拿破崙嘅外表風馬牛不相及係一粒粒個樣似現成零食嘅野但連埋配料食嘅話其實味道都ok食完之後唔夠喉又嗌咗椰汁西米露又係好快上檯呢碗野真係不得了冇椰汁味得花奶味西米又淋到嘔好似煮完擺咗幾日咁堪稱係我呢世人食過最難食嘅西米露我食咗三啖就決定舉白旗埋單走人

星期六晏晝心思思想去食個甜品，去得路德圍就梗係大把野食啦，今日去左小方糖。我不嬲都中意食熱野多啲，要養生，所以叫左榴槤小丸子椰皇燉蛋白(熱)($62)，甜品出到嚟暖暖地，配合榴槤肉係凍，所以有種又凍又熱嘅感覺，味道就正正常常啦！男朋友叫咗個芒樂多 ($40)，不過啲冰好似未打爛，食落會有一粒粒嘅冰，麻麻地。勝在中午唔洗等位，舒服坐一坐啦。

之前有食過小方糖其他分店，今次初訪荃灣店諗住都穩穩陣陣，但世事如棋……呢個芒果拿破崙，完全顛覆我對甜品賣相的想像忌廉分佈隨性得令人不自在，芒果水流流就嚟爛咁，此時此刻心諗：賣相不討好希望味道搭夠啦味道方面……芒果現在不是時令，唔甜唔可以怪佢，但相信餅皮絕對係可控制範圍之內，呢個餅皮有d似未焗透咁，色水白奶side仲濕漉漉，做唔到拿破崙應有的酥脆口感，酥皮同果肉係分離，皮還皮，芒果還芒果，衰d講句好似食緊個未焗熟就爛咗的芒果pancake補充：另一碗嘢係ok的

絕對不建議選擇此甜品店！！叫了一份宇治金時，本應一份簡單既甜品，此店鋪竟能突破下限。最重點既冰沙，不是，應該稱之為冰鑽，硬到用匙羹也敲不碎。。。。令人覺得冰沙是先整定，再放入冷藏櫃，有需要用才取出使用。這種質素能接受嗎？！只能説荃灣附近有其他更好的選擇

【荃灣甜品下場3選1 之小方糖🍧】小方糖好多分店，以前讀u去九龍城都見過，荃灣路德圍出名多宵夜選擇，甜品宜家得返3間，松記得啲傳統單一糖水，新式啲啲得返小方糖，多啲台式冰、炖蛋、拿破崙間今次簡小方糖因為小編想食炖蛋白，本身想食椰皇雪燕炖蛋白…但得熱間就間左其他..___ ___ ___ ___ ___ ___ ___✨芒果小丸子椰皇炖蛋白$58🥥✨榴連小丸子椰皇炖蛋白 $60🥥✨ 黑白配 $3x小編想食炖雪燕但因為熱放棄咗，叫左芒果小丸子…黎到同相差好遠..芒果份量有啲少，少sad 小丸子份量都幾多，有多過10粒，椰子味🥥適中，炖蛋白滑，都有少少椰子肉；榴連應該會抵食啲，榴連蓉較多，都係貴$2 同佐敦大街小館比，相對冇咁濃椰子味，冇咁清甜，少啲椰子肉，建議食炖蛋白都係去佐敦🥹黑白配相當清涼，有2球雪糕同仙草、珍珠、小丸子，仙草微甜，夾埋食係超消暑嘅甜品以下場甜品糖水鋪，價錢唔貴，雖然質素一般，但冇咩選擇又可以坐耐啲同朋友傾耐啲，小方糖不過不失🌝

噚晚同舊同事食甜品，男友詐型話未同過我食，於是今日趁早食完飯就搵下路德圍附近有咩甜品店，方便食完搭車返屋企。喺開飯睇過menu覺得都啱食就去試吓。淋住雨去到門口見有位，嘟完安心就自己搵位坐。menu已經喺檯上面。我叫咗芒樂多，menu上面介紹係益力多味沙冰，再加芒果肉、珍珠、椰果同椰子條。益力多沙冰好濃益力多味，酸酸甜甜好解膩。初頭以為得幾粒芒果肉，原來都唔算少，而且都幾甜嘅～珍珠咬落都有微微嘅黑糖味，亦幾煙韌，唔會俾沙冰凍到硬哂變咗口感。椰果就冇乜特別，不過個人鍾意一粒粒嘅椰果，食落口感好啲。旁邊幾塊應該係menu所講嘅椰子條？？？其實係有芒果味嘅蒟蒻類物體，個人就麻麻喇。男友叫咗芒果紫米小丸子。食咗兩啖，紫米足料，唔會太甜，如果有sweet tooth嘅可能會嫌佢淡啲。小丸子就冇乜味，我覺得如果有多啲甜味會好啲，唔係就好似食緊嚿粉團咁。清潔方面，我好怕甜品店清潔得唔乾淨，小方糖嘅檯櫈同地下都乾淨唔會痴lub lub，呢樣唔錯。價錢、味道、清潔整體都唔錯，但店員唔知係太熱定心情唔好，基本上都係冇表情同唔出聲嘅。