影片
港鐵奧運站 C1 出口, 步行約2分鐘
繼續閱讀
電話號碼
67016689
67037381
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
以上資料只供參考, 請與餐廳確認詳情
大角咀呢間標榜「北海道直送」嘅家庭式拉麵店，真係由門口驚喜到埋單——見到menu拉麵最平都過百蚊碗 仲諗住唔通啲有驚喜嘅隱世街訪小店？？😂驚嘅係價錢，喜嘅係...自家製餃子 ($50)✔️ 皮薄脆底，肉汁爆棚 ✔️ 全晚MVP竟然係前菜 1️⃣ 自家製豚軟骨拉麵 ($125)🫨超級大碗大過我個頭，不過零精緻，賣相唔吸引 🫨湯底淡過海水，北海道味噌迷路了？ 🫨麵條腍過即食麵，完全唔彈牙🫨食食吓啲回憶出返晒嚟，根本就係細個食五X嵐嗰碗豬軟骨拉麵嘅味道😂不過價錢就係兩倍😁✔️唯一曙光：糖心蛋合格👌🏻入味得嚟熟到啱啱好2️⃣ 北海道醬油拉麵 ($108)🫨湯底冇醬油味不特止，仲要離奇有浸神秘藥膳味🫨叉燒又瘦又柴，真係試一嚿就夠🙅🏻♂️食後感：$108買個人生疑問「我到底食緊乜？」 💸 價錢震撼教育▪️ 質素拍得住五X嵐，冇服務之餘仲要收我加一服務費？😭📌 $3xx買個深刻教訓，用兩倍價錢嚟回憶返細個嘅味道雖然最後送咗張$30 coupon💸但係我諗都真係未必有下一次啦😁抵食指數：🌕🌑🌑🌑🌑好味指數：🌕🌗🌑🌑🌑📍 小林札幌拉麵 ❀ 大角咀博文街11號富貴大廈西座地下16號舖
繼續閱讀
第三次食依間餐廳，第二次食地獄拉麵🤩🌶️。之前見到rock 哥介紹，啱啱新出地獄拉麵嘅時候，試過一次，今日星期一午餐時間，同事冇返辦公室，得我一個人好，就啱晒靜靜雞做一啲濕晒嘅嘢。。。之前辣得好過癮，所以一直念念不忘。不過，午餐嘅時間同同事一齊食嘅話，就唔係太方便👻午餐餐牌其實好多選擇，有北海道拉麵、牛奶拉麵、醬油拉麵、炒飯、咖喱飯嗰啲。嗰啲都唔錯，唔食辣嘅人，可以選擇我就叫咗個地獄拉麵以及餃子我自己本身都鍾意食辣，當然唔算得係超人咁樣，可以開YouTube頻道Rock 哥level。咁所以以下落嚟，會講解下，正常人點樣品嚐😹建議最好等埋餃子上咗先，如果冇叫另外食物嘅話，建議你另外要多一個兜。地獄拉麵，比起一般拉麵大碗，而且足料。有一隻糖心蛋、牛蒡、好大塊好厚嘅叉燒、芽菜嗰啲friend、竹筍。餃子上咗之後，我會將叉燒、糖心蛋放上餃子盤上面。咁樣冇浸水嘅話，就會冇咁辣，而且食麵嘅時候，伴隨冇辣嘅餃子或者叉燒、雞蛋嘅話，會比較有層次及風味食拉麵嘅時候，我會伴隨芽菜及牛蒡一齊食，不過我會盡量用匙羹幫助，將嗰啲湯汁滴完先食。基本上剩返落嚟嗰啲汁，已經好夠味。食嘅時候到YouTube整好節奏及呼吸，只要唔好啃親，接觸到氣管嘅話，其實就唔會太大問題。可以輕鬆品嚐。不過如果你唔小心入咗氣管有咳嘅話，就暫停一下，放慢速度。其實如果細心慢慢品嚐嘅話，唔好心急，辣嘅程度有少少似四川麻辣火鍋嗰個程度。不過如果你貪心，或者你好鍾意食辣，咁就歡迎飲埋個湯😹。所以辣嘅話就對我來講唔係太大問題，只係會流好多汗，不過餐廳有餐巾，而且有水。所以，我就話一般來講，我會專登揀冇同事見到嘅情況下先過嚟一個人，靜靜雞獨食👻。食完之後，個胃有啲刺激，不過我公司有熱牛奶飲😼嘻嘻。如果閣下唔係同我同一間公司，可以走去七記自己買牛奶。👻
繼續閱讀
睇openrice好似評分ok過來試下，點知面岩上，就有一隻🪳從檯面爬上來即時已經唔想食，服務員唔單止無同我地道歉，態度仲好似好正常甘，買單都仲要再加收服務費，我想問到底有咩服務？🤢如果唔係睇在新年，已經好想鬧人，見到有其他客係度我地都無講見到🪳就剩係話你地仲要收服務費？收銀完全好似聽唔到甘，亦無任何抱歉表示以後一定唔會再來出品都好一般，地獄辣其實都係噱頭居多，辣味主要係口腔，辣椒味太重反而掩蓋左其他味，完全無必要嘗試
繼續閱讀
啱啱去咗間小林札幌拉麵試咗碗招牌，味道真係咁正宗！🍜 湯底夠晒濃郁，一啖落肚即刻暖笠笠，啖啖都有牛油嘅香，順滑得嚟唔會膩口。啲拉麵嘅麵條又係夠勁射嘅，煙韌又彈牙，啖啖都話得過癮。仲有呢，海帶又爽口、蘿蔔又入味，配料做得好有心機。就算拉麵做得幾好食，但叉燒就略嫌少咗啲，得幾片覺得有啲掛住。不過，質素真係一流，肉質嫩滑，味道又鮮美。😋呢家店嘅氣氛好港式，又有啲日式風格，食物質素同服務都算係嘅。值得一試嘅，下次我會再挑戰第啲樣野食，可能會兜個螃蟹湯底或者咩豚骨湯底，跟部隊再衝啊！✌️😉👏
繼續閱讀
每個月總有一次想食拉麵嘅日子今次去咗呢間大角咀開嘅拉麵店舖空間唔多 不過好彩唔使排隊因為好肚餓 入去決定叫個二人餐 佢個二人餐好豐盛 有薯泥前菜兩個拉麵 🍜 同埋三個小食食到個肚攬住咁走
繼續閱讀
您可能會有興趣的...