小甜甜 (已結業)

幾個舊同學，難得聚首一堂，當然要找個機會出來聚一聚~~我們「聚一聚」的意思，當然不是飲杯野吹下水，而是打牌，你估真係咁多野傾咩？在嘉雀打完牌出來，正是凌晨四點幾，循例來這裡吃宵夜。大家也叫自己喜歡吃的，我要了生磨杏仁糊加湯丸。喝起來口感幼滑，杏仁味香，不過甜，相當對口味。湯丸是麻蓉餡的，煙煙韌韌，也討好。席上朋友要了煲仔飯，一人說這裡的小雲吞不錯，又來一碗淨雲吞。聽說這裡的雲吞皮是自家的，但口感不滑，幾粗鞋。說明是小雲吞，餡也少少的，雖然我不喜歡吃大大粒的蝦餃雲吞，但餡太少的雲吞，也不是味兒。這個小雲吞最好的地方，就是份量多，重量不重質的一定滿意。而且有不少的A菜在內，幾健康。埋單我果份54蚊，似乎還是來吃甜品穩當一點。

2007年10月19日，小甜甜。以前在附近工作，都時不時有來，以前常叫的都是豬扒龍鬚、竹筒飯、荷葉飯、梅菜扣肉飯等。但我覺得最出名的還是D service，收錢個成日都黑面。今天叫了中午套餐：小雲吞龍鬚+喳咋：小雲吞D餡唔係好新鮮，龍鬚其實是米線，碗粉清清地都OK。竹筒飯+冬瓜湯+菜+凍豆腐花：冬瓜湯不錯，竹筒飯都幾好食，另一半嫌size小，其實成個餐食就都夠飽喇，凍豆腐花都滑但無豆腐味，落太多糖喇，好彩無撈勻。咁耐無，今天見不到以前成日見個黑面收銀（應該是負責人），但今日個也不差，服務始終如一，黑面，全程得我們和另一客，都無人收，食哂D又無人跟甜品，要我叫人收叫甜品，甜品都一早填食乜啦，又唔，重要問我們要乜，咁叫我寫做乜？落一定不會放到你面前，成日放在對面或角，好似叫你自己咁，有相為證。

2007年10月19日，小甜甜。以前在附近工作，都時不時有來，以前常叫的都是豬扒龍鬚、竹筒飯、荷葉飯、梅菜扣肉飯等。但我覺得最出名的還是D service，收錢個成日都黑面。今天叫了中午套餐：小雲吞龍鬚+喳咋：小雲吞D餡唔係好新鮮，龍鬚其實是米線，碗粉清清地都OK。竹筒飯+冬瓜湯+菜+凍豆腐花：冬瓜湯不錯，竹筒飯都幾好食，另一半嫌size小，其實成個餐食就都夠飽喇，凍豆腐花都滑但無豆腐味，落太多糖喇，好彩無撈勻。咁耐無，今天見不到以前成日見個黑面收銀（應該是負責人），但今日個也不差，服務始終如一，黑面，全程得我們和另一客，都無人收，食哂D又無人跟甜品，要我叫人收叫甜品，甜品都一早填食乜啦，又唔，重要問我們要乜，咁叫我寫做乜？落一定不會放到你面前，成日放在對面或角，好似叫你自己咁，有相為證。

平日三更半夜還留連銅鑼灣，最佳宵夜地點必屬小甜甜。輕巧可要碗甜品，肚餓來一碗小雲吞、竹筒飯，甚或麻辣鍋，雖非樣樣皆精，但大多在水準之上。個人最愛雞湯小雲吞，皮又薄又滑，比內地常吃的餛飩更佳。再叫幾個如白切肉、鳳爪的冷盤，煎腸粉，南瓜餅，當然還要杯楊枝甘露。

同男友行經灣仔，有ｄ想食甜品添，未食過哩間”小甜甜”，於是就入去試吓．店鋪裝修幾古色古香，好多食客，fully fully，除咗有甜品之外，有麪食．男友叫咗一碗雲吞龍鬚麪HK$32：又係ｄ味精湯底，粗米粉之嘛，配菜多過乜．香栗南瓜露HK$18：又幾滑既，就真係名副其實既”糖水”喇！

經常半夜特地來此吃麻辣煲，(我要最辣的)不管是雞、豆腐、田雞...特別是豆腐的質感很特別，配料索飽了湯汁亦是非常美味...適合冬天裡吃，真是滾熱'辣'!麻辣煲的好拍檔是珍寶青檸樹。糖水、其他食品我不怎試過，只屬一般而已。

平時在晚上食甜品都ok,特別是高力奶皇,擂沙湯圓,海底椰西米露...但價錢比較貴d.晚上都好待多客,常冇卡位坐.最好坐卡位,如果坐中間比較迫d.晚上的出品比較穩定,出品不錯,味道不太大分別,eg,碗麫都多料多d菜,牙菜和菇,味道不會太差.不會太淡太saltly.下午師奶kitchen煮的麫又少,又碎,這樣叫作麫咩??叫碗麻辣魚旦擔擔麫,魚旦得少少辣,碗麫完全不辣而且冇咩味,好差的麪又碎,不是一條條...唉..(3/11)一入到坐下來,樓面給我們兩杯茶,杯茶竟然有油鋪面,整杯茶都是油,我不覺意飲了一淡,根著吐了出來,馬上叫佢change another one.又冇攪錯!!!!BAD!!!d杯洗得不乾淨...千萬不要下午去,d師奶樓面求求其其!!開個冷氣鬼禁凍!!

睇落好似茶餐廳, 一個麻辣雞煲飯、一杯野飲, 賣單已經75 蚊, 真係貴到爆.佢整體食物水平都幾水皮, 煮功可能還及不上附近那間蘭芳或金石茶餐廳, 門口那盤封塵魚蛋更加係極品. 不過, 佢既麻辣雞煲, 辣中帶甜, 遍遍好合我口味. 要推介呢種餐廳, 實在推介唔到手, 唯有給個中立啦.

兩年前成日去食~依家少鋪, 少左去~必食：小雲吞+雞龍鬚麵楊枝甘露如果坐唔到卡位就慘d~

尋晚去食咗芝麻糊, 失望首先溝水, 好淡, 同多多即食芝麻糊冇分別又冇口感, 19蚊唔值以後唔會去食反而石磨坊真係有口感

其實一路以來都知道有呢間舖頭o既存在，但係門面實在騎呢，甜品fusion 川菜，點食呢？一場黎到，當然要試過擔擔麵。講真，食擔擔麵真係好唔低，簡單D黎講，只不過係楊春麵，但見佢有埋甜品，膽粗粗試試la。麵質認得出係普通上海幼麵，不過不失。至於湯底，色水就有la，味道欠奉，麻味不足，亦算不上是辣；花生碎同肉鬆唔見蹤影，完全無哂人生樂趣。就係諗住俾硬紅牌出場時，侍應端上腐竹白果糖水，嘩！正！自己煲個D真係要企埋一邊。糖水足料又夠滑，仲有薏米tim! 凍食簡直係至高享受。我明白點解糖水fusion 川菜la，大家各自亙補不足，淨買糖水午市會無客，於是搞埋川菜；但係川菜又唔拖唔水，所以要有糖水幫補下。完全明白了！

我特別喜歡小甜甜的楊枝金露和蕃薯糖水, 因為是落足料的。楊枝金露是用芒果搾出來的汁做楊枝金露, 唔似出面其他用椰汁做, 好味好多的。蕃薯糖水有好勁的薑味，喝落去時喉嚨好辣的感覺，好正，冬天必定是保暖的食品。我都很喜歡那裡的招牌沙薑鷄腳, 鷄腳炆得好林，沙薑醬好好味。有點兒美中不足是待應們唔是好彩人，叫極都冇人理，但是店內又唔是多人，真是奇怪！

30 January 2006 (Mon) - 年初二食糖水食完晚飯之後好想食楊枝金露，原本想去發記，但係非常之多人排隊，要等起碼25個位，我嗰日又行完山好鬼攰，所以冇辦法等，唯有去過第二道，但係一時諗唔起仲有邊度有得食楊枝金露，咪黎咗呢度囉！可惜，個楊枝金露真係麻麻地，啲芒果非常之酸呀，好似壞壞地咁，我就唔太鍾意，朋友話ok，是但啦，總之食完快快走就得．．．原來而家喺新春期間食嘢係要加一既．．．真係慘！

當我一入去間舖頭我已經好奇怪，為何眼見的人全部都是吃飯，沒有人吃糖水的，那時是大約九時許左右。但我因為很久沒有吃過此舖的糖水（數年），所以都沒有理會，我與朋友叫了一個芝蔴糊，一個什果西米露。個芝蔴糊絕對是用粉開水的，仲要係開得很淡，似是黑色的水（雖然很多時下的舖頭，都是開水的，但都唔好咁離譜呀）；個什果西米露絕對係用清水煮西米後，任何東西（例如：調味料，椰汁等等）全部都沒有加入去，然後在西米上加一些不知雪咗幾耐的西瓜，蜜瓜。跟住我與朋友即時明白為何沒有人叫糖水吃，全部都只是吃飯或小菜。奉勸大家切勿去看奇景：在糖水舖內竟然沒有人吃糖水

去小甜甜一定要吃腐竹糖水，不知道他們如何製作，非常好味，湯底好香腐竹味，濃滑，有好多薏米，煲得很林，又有白果，加埋隻雞蛋，好食又飽肚，是宵夜的最佳選擇。