小甜頭

營業中

休息中

偷工減料 超難食 冇誠意劣質糖水舖見佢新開張諗住試下叫完外賣番黎打開兩碗都得一半一碗糖水四五十蚊已經算貴 仲要俾得半碗咁偷工減料!!!!!!!! （如圖）一碗係熱蕃薯糖水加湯圓明明叫左熱 一食落去擺明就係凍同熱既野溝埋 搞到唔凍唔熱 超嘔心 連叮番熱既誠意都冇 學人開糖水舖而3粒湯圓個皮又厚又凍又硬 唔知雪左幾多日 咁基本既糖水都可以整到咁難食 另一碗係班蘭湯圓 諗住係特別野原來係特別難食野 「半碗」唔凍唔熱既椰汁 入面有幾粒綠色泥膠 一咬落去成口爛麵粉 超級難食第一次食到咁不知所謂既糖水!!!!!!!!!!切勿中伏!!!!!!!!!!!!!

去完圍方行街 附近發現呢間新開嘅甜品舖！環境好靚好乾淨 價錢合理 甜品仲非常高質！！佢地招牌係斑蘭甜品同每日自家製嘅椰子雪糕🍨😋-🍮椰子雪芭斑蘭奶凍$38聽店主講佢地既椰子雪糕都係每日新鮮製造！勁香椰子味🥥清香得嚟唔會好甜！再配搭埋斑蘭奶凍 成件事係好夾，個布甸極濃斑蘭味 比較甜少少 但係加埋個椰子雪糕 整體食落就會啱啱好！好夾🍮椰子脆脆·海鹽奶蓋·沾醬麻糬 $42係呢排好Hit嘅沾醬麻糬！麻糬超煙韌，外面包住咗啲黃豆粉，點埋個奶蓋醬同埋椰子脆脆一齊食，口感豐富！又好玩又好食🤣👍🏻👍🏻👍🏻🍮椰枝甘露 $45入邊係新鮮芒果再加椰汁底，然後有西米、金柚、仲有椰子肉！好特別 有好明顯嘅椰香味 芒果又完全唔酸 超級match💬地方環境唔大，但裝修好新，好乾淨好整齊！食得好舒服😌冷氣又夠凍 (好緊要…)

大圍甜品店發現沾醬麻糬！凌晨一點都食到😝.小店新開冇耐，甜品選擇唔多，但試咗幾款都高質，夠哂足料抵食👍🏻 主打以新鮮椰子🥥同斑斕🌿製作～.呢度嘅signature甜品係各款配搭好嘅「甜頭」 ( $42-$52 )，中意椰子嘅記得要揀大甜頭，有兩球新鮮椰子整嘅椰子雪葩㗎～椰汁椰肉特別濃甜🤩椰枝甘露 ( $45 )用新鮮芒果+椰汁，食落夠天然冇假甜㗎😋 除咗金柚同西米，再加埋椰子肉，更有口感😙沾醬麻糬 ( $42 )配海鹽奶蓋，麻糬粒粒煙韌，Oreo/椰子脆脆增加口感～.仲有好吸引嘅新鮮斑斕甜品，斑斕椰汁糕有漸層嘅打卡效果，好有心思😍

如果想同朋友食宵，平時都會諗起去大圍，皆因唔少食肆同甜品舖開到好夜，呢間係其中一間，主打椰子同班蘭味嘅甜品，後來先發現原來係新開冇幾耐，執筆之際連OpenRice都冇嘅新舖🤣椰子雪葩斑斕奶凍 ($38) 其實一上枱嘅時候已經見到好動L，淨係搖都好好玩了(˶‾᷄ ⁻̫ ‾᷅˵) 食落班斕味都出，個椰子雪葩係幾有驚喜，椰子味好出得嚟又幾滑，同朋友都食到刮乾淨隻碟🤤椰子脆脆海鹽奶蓋沾醬麻糬 ($42) 就係個人私心pick🤍 麻糬好軟糯但又未去到鬼口水流質個種，個口感係剛剛好٩(˃̶͈̀௰˂̶͈́)و外面包住滿滿黃豆粉，個奶蓋係勁鹹香，加埋椰子脆脆口感更加豐富✨ 同埋以呢個價錢嚟講個人覺得質素好過唔少外賣沾醬麻糬，仲有得堂食幾抵😛店家主打甜品係叫小甜頭，如果想同朋友share就可以叫大甜頭 ($52)，配料有成12款咁多，入面有滿滿嘅椰肉同椰子雪芭，椰子fans應該好滿意🥥另外冬瓜薏都幾有咬口，加埋私心最愛芋圓、仙草、芋頭粒，食到最後都勁飽🤣總括嚟講，呢間係街坊甜品舖嚟講都唔錯，裝修算係比較有心思，一大班人/人少少過嚟都可以，嚟開附近想食甜品都可以考慮一試～