小白鷺餐廳 (已結業)

to have lunch at Little egret is Quite a memorable event for me Years ago A great friend drove us from downtown to The red Hung Lam drive to dine We were so happy to be spoiled 😌🍹😢Now every one is working on one 's own field But yesterday warmth still admit I love the place earnestly event but no disturbance at the cafe Very precious tall building In the water garden Before Kerry property group tender good steak Australia 🇦🇺 the long mushrooms Fresh Scented good 😊 Uncommon and delicious Steak ta

7點半入坐，9點同你講收10點食到好似阻住佢收工咁，係咁實你一個人頭食左4百5，廿幾個人基本成個餐牌點哂服務普通，食物中上，環境上因為可以容納多人地方夠大講完

下午三點的早餐、午飯、下午茶，一剔過！由大埔的到小白鷺，相約歌妮仔一齊慶祝回復單身，重獲自由、重現曙光、生機勃勃﹗不過歌妮仔似乎一臉愁容喎，咁更加要食好?，今餐我請客 ﹗十幾年前層經到訪燒烤過，其後一無緣再訪。舊地重遊真係十年如一日無變，只係座建築物殘左好多好多囉。負責接待那位男侍應似乎比較生硬，木口木面、豪無笑容，說話有點硬朗，親切熱情欠奉，還有好大既改善空間。不過都有問句會否怕露天大風會凍呢？可以坐室內架喎。有關心，讚﹗經理及阿姐侍應們感覺 warm 好多，滿意得多。今日仲咩鬼勁多細路架，好很嘈呀  ﹗又多師拉、又多大陸自由行，做唔到黃金海岸既氣氛，羅湖商業城既氣氛就有。本來個環境非常優雅、空氣清新、寧靜舒服，依家完全破壞晒。不知不覺到步已經係下午茶時間，所以侍應哥哥最初只放下午茶 menu，但我不太感興趣呢。見隔離男女鋸緊扒喎，即刻拿份大 menu 睇睇先。菜色種類都好多喎，仲有龍蝦餐約每位 HKD800，都係下次先啦，哈哈。發現有二人餐都好豐富，可以試多幾樣野，8 道菜加埋一就 HKD800 埋單搞掂，價錢都合理。餐包、龍蝦湯、焗田螺、西班牙火腿、黑鱈魚、黑豚鞍、提拉米酥、熱啡

好睇唔好食，賣相好似好靚，但全部都係錯既！！鵝肝 未食過咁難食既鵝肝 口感勁奇怪，好似變左味咁，牛扒係d cheapcheap扒，仲有凍水出既，龍蝦都係雪藏既，霉既，總之一句講晒，為左睇個景既話香港大把好地方，唔值老遠入黎浪費晒金錢時間同虐待自己個胃差差差

今日係幼稚園既活動，到接近午飯時間，餐廳唔算多人，而我地已經提早幾日訂位，佢當時就答我果段時間只接受walk in,入到餐廳，有2個好冇禮貌（著西裝）既男人就問我地係做乜，咁佢就話冇位，問我有冇訂，我話訂佐你地答我只可以walk in,佢話咁冇位緊係冇得訂，完全係9唔搭八，不知所謂...

態度非常差，早一日book位，就同我講呢到唔接受book 位，感咪早D去，12點未到，見無咩人就諗住食野，點知入到去，佢問我入黎做咩，有無book位，我話無，我話打過黎book你地話唔接受book 位，佢就話感滿晒就緊係book唔到啦，咩態度，無位唔緊要，你唔好問我入黎做咩呀，入黎唔係食野唔通入黎行街呀！

小白露 每年都會最少去幾次次次都有新驚喜今次引入了 滑水項目 一邊食 一邊睇人 滑水(wire)又幾得意喎 ( 聴說冬天也開呢)羊仔己搬家 只淨 10數隻 瘦瘦的可能己少打理 食物尙可

Haven't visited this restaurant for a long long time, and found that the menu got largely updated.  Still in good value for a nice place with cozy environment and nice scenery.  Too bad that it was a rainy day and we can't spend enough time to walk around the area... but overall, worth coming back for more... 

老友同我慶祝牛一, 我身為主角, 梗係將個波留比老友啦~ 由於是晚係星期五, 預計周圍都鬼死咁多人, 又要就泊車, 於是佢諗到呢到, 一來book到位, 二來免費泊車, 三來大家都未食過, 好彩都不負所望, 環境唔錯不在話, 食物質素都算係咁~曾經有嚟過小白鷺, 但食就冇食過, 而且見電視劇都好鍾意嚟呢度取景, 不過由於是次係食夜晚, 所以冇乜景好睇, 而且又多蚊, 所以都冇人選擇坐室外走廊位, 個個都坐哂入室內, 其實室內都好靚, 裝修得好古老, 而且樓底又高, 所以就算人多都唔覺好嘈, 何況果晚唔係咁多人~睇咗個menu好耐, 但都唔知食乜好? 咁梗係選最抵食的set dinner, 都有成十款選擇, 有齊豬、牛、羊、雞、海鮮, 梗有一款啱心水~  餐包雖然我地叫咗3個餐, 可能待應們見到我地有1個小朋友, 所有送多1份比我地, 總只有4條麵包條+4塊法國麵包, 已經好耐冇試過有餐廳係用麵包條, 所以我第一眼見到都有少少興奮, 即係拎嚟點湯食, 唔駛講梗係好好食啦~ 而法國包個心好軟熟, 個皮又唔會硬到界咀, 都唔錯~  餐湯 我地3個都選咗忌廉湯, 果然有眼光, 好香濃好滑

剛巧在附近做嘢，呢度大埔坳冇咩可以揀，咁就來小白鷺！我估日間來應該好d，夜晚黑漆漆，什麼景也不太覺入內叫個平平地的肉醬意粉，其他價錢不太經濟意粉幾煙刃彈牙，質感不太林肉醬好多牛肉，味道好農蕃茄味，汁不錯食物正常但服務員態度一般

和M君頭幾次約會，佢都帶我去啲拍戲先會去既浪漫地方 e.g. 黃金海岸。 今次係我第一次坐佢車，一齊去大埔狗會做義工，探流浪狗。天氣咁熱，仲要成身狗毛同狗狗既味，難得M君唔介意。不過我都早有準備，帶定套衫黎換加狂噴香水...餐廳望出去都幾舒服，不過怕熱既我都係坐室內好了M君好鐘意食鵝肝，所以order左一份。上碟時我都嚇親，塊鵝肝好大件 食落煎得幾香，不錯...仲叫左牛扒同risotto，不過不失，個名都唔記得了

我和D先生因為在同一坐大廈返工, 有時搭電梯都會遇到, 每次大家見到面會Say Hi 。某天我被抄牌後成為朋友, 由於大家也是愛吃之人, 話題也特別多。久唔久我們會相約去食早餐, 它會揸車由新界來到香港南區接, 繼而送埋我返公司, 同事見到佢每次送到我到公司門口還以為我們蜜運中。哈哈~公眾假期天他傳了個text比我, 他又有鬼主意, 話要接我香港半天遊, 有車好辦事所以我一口答應。風和日麗的假期有乜野好過去郊遊。原來D先生帶我黎這麼近; 那麼遠的小白鷺餐廳。我以為可以清清靜靜享受下美境。點知人多到呢, 好似家長, 小朋友齊齊出動校際旅行一樣。我生平最怕等位, 好彩我地都幾有運, 有客人埋單, 我地唔使等就有張無敵海境位。當天廿幾度, 風和日麗, 陽光斜斜地照射在湖上, 閃閃生光的湖水有如耀眼的金箔。我們兩人點了一份下午茶餐 小白鷺三文治 $93平時唔飲啤酒既我竟然叫左支 Corona人有時就係要放縱一下, 減下壓。等了又等, 小白鷺三文治終上枱。原來是公司三文治, 錎料有雞肉, 兩份火腿, 雞蛋, 蕃茄, 生菜, 加多幾片薯片。三文治都頗為巨形, 如果要我一口咬落去可能會好失禮, 所以

其實平時真係冇乜機會特登去到咁遠食個飯，不過朋友有車，朋友話又勝在易泊車，所以喜歡入大埔食！餐廳真係好大，出面有好多貓貓！望下餐牌，其實食物同一般西餐廳都差不多，我自己就點咗龍蝦，調味偏重，肉質都彈牙。不過朋友點嘅牛扒就唔合格，五成熟都好鞋，又難咬。既然嚟到咁遠，其實主要都係食環境嘅！當見識下！

星期日一行四人約左去大埔小白鷺餐廳慶祝其中兩位朋友生日，交通不算方便，揸車過黎反而都幾多位泊，入到黎等朋友既時間可以帶小朋友睇下黑羊，踩下船仔，一家大細都係一個溫馨親子的活動。郊外既地方踏入春夏都怕怕地坐戶外有蚊，但係面對怕蚊同對住湖景食餐寫意午餐，我地最後係選擇坐戶外，唔係太熱，望住d家庭係湖上踩船同遠遠白鷺飛來飛去，都算享受生活。我地叫左三份七成熟既牛扒午餐，牛扒都算厚身同大份，肉質都幾林，都算有牛味，配菜份量足夠，蔬菜平衡番肉既肥美，另外柯打左一份魚白汁天使面既午餐，味道同賣相都唔錯，濃濃既白汁好creamy，配上魚塊好合襯，每份午餐配上餐湯、面包同餐飲，每份價錢都係百鬆d蚊，唔算太貴，我地食埋自帶生日蛋糕都唔洗另收費，得閒揸車黎玩下都幾開心，出面仲有小店賣精品，又可以去貢下。

昨晚和朋友到這裡吃晚餐，地點不太好找，所以人客不多。首先是忌亷湯，好 rich ，味道吾錯，什菜湯就太多薯仔啦，所以湯的份量好少，味道就普通啦，附上的麵包只是2小片法包及意式麵包條，略為少左d。牛仔扒田螺磨菇汁（6成熟），份量不少，牛仔扒有點過熟，扒的傍邊有點脂肪，夾在一起吃，肉的質感吾錯，好淋，田螺有3粒放在牛扒上，個汁就好多三色椒粒，好濃好好味，伴碟的薯仔，蜜糖豆也不少。燒德國無骨豬手，已起骨份量超大，有7，8件，相信有一隻，個皮好好脆，豬手燒得吾乾，肉汁仍然好豐富，與帶點軟軟的根位同吃，好好食，好有驚喜。跟餐是藍莓布甸，質地軟度量中，淡淡的藍莓味不太甜，食得出系新鮮做的，不是有太大的雪味。另加錢叫了一個麵包布甸，等左15分鐘左右，份量好大，上層的麵包焗到脆脆地，下層有淡淡的忌廉味，不太甜也不太漏，very good!餐飲就叫左熱檸茶，茶底有點濃，好一般，朋友叫左凍奶茶，冇試！埋單 $550，總括來說，食物夠熱，食材優質及新鮮，份量大，環境吾錯，服務員也不賴，可以再次到訪！