影片
禽晚收工同姑姐去左元朗千色附近，見到小胖台灣麵，諗起上次大大件既紅燒肉決定再去食🌶🐮麻辣三寶牛肉麵 $84姑姐話今次試下麻辣三寶牛肉麵，份量真係好澎湃，好大塊又厚既牛肚、紅燒肉炆到好腍，中間可以見到晶瑩剔透既筋，好入味、牛筋軟腍黏口，滿滿骨膠原識食梗係要加埋佢地既自家製的黃牛油，會更突出牛既香味，係香港比較少見，但係台灣傳統牛肉麵店係常見的調味餐飲加左$15要凍🍋鴨屎香手打檸檬茶，可以揀小冰但固定甜度檸味十足，茶底香濃，酸中帶甜，唔錯我今次想試下乾拌麵，叫左🐽豬扒皮蛋醬滷肉香蔥乾拌麵 $ 58賣相十分吸引，重點一樣份量十足，先講滷肉係半肥瘦，好有台灣街邊檔食到既感覺，皮蛋醬亦好特別同香蔥乾撈埋一齊，特別惹味。另外仲有一隻皮蛋切片，海量青瓜絲解膩。無諗過佢地既豬扒都咁腍，麵條爽口彈牙，都真係幾驚艷到我。我就跟餐加$14飲凍🧋珍珠烏龍奶茶，揀左半糖小冰珍珠口感夠晒Q彈，茶香奶滑再加左個酥炸和風牛蒡條$ 32呢個都比較少見，平時唔係鹽酥雞就地瓜條，估唔到牛蒡條炸左都幾唔錯。食落爽口，帶甜，我地都幾鍾意。同上次黎感覺好唔到，餐牌又靚左，仲多左會員APP，馬上下載有迎新優惠，仲可以增值當預付卡用、回贈、積分換領等。總之食得多獎得愈多，記得睇埋積分可以換咩coupon。
繼續閱讀
【有驚喜嘅連鎖台灣麵店🍜 小胖台灣麵🧋】-『小胖台灣麵』喺元朗千色都開咗一段時間😌今日午餐諗唔到食咩就try try佢🍱原本以為連鎖餐廳味道應該中規中矩，所以都冇抱太大期望😳點知食落又有驚喜喎！牛肉麵足料個湯底好飲，價錢又唔貴，食得過！-😋招牌三寶牛肉麵🥩$82招牌三寶有金錢肚、牛筋同埋牛腩🤯牛肉份量超多，牛筋充滿骨膠原而且炆得好腍😋個湯頭有紅蘿蔔嘅香甜🙂↔️又有紅燒牛肉湯嘅微辣😎仲有得自己加黃牛油🧈個麵條煙韌有咬口，估唔到可以喺度食到咁嘅質素嘅牛肉麵！跟餐可以加$13配珍珠奶茶🧋～好味指數：🌕🌕🌕🌕🌗 -😋鹽酥雞排便當🍱$48 鹽酥雞香脆可口，雞肉嫩滑🤩個飯有鹹酸菜、滷肉、粟米同埋半隻滷蛋，相當豐富！跟餐免費跟冬瓜茶😙 $50有找非常抵食！好味指數：🌕🌕🌕🌕🌘-😋甘梅地瓜🍠$28 如果你個肚仲有空間嘅話，絕對可以試埋呢個甘梅地瓜🤩番薯香甜😚外酥內軟，加埋酸梅粉💯還原台灣味道！好味指數：🌕🌕🌕🌕🌗-📍小胖台灣麵 元朗：教育路1號元朗千色匯地下25-26 & 61號舖屯門：鄉事會路2A號愛定商場(H.A.N.D.S) A區1樓A122號舖沙田：正街11-17號偉華中心2樓3B-3C號舖尖沙咀：加連威老道21A-21B號德立大廈地舖及1樓💸人均消費： $85
繼續閱讀
前排同朋友去元朗行街～發現呢度都開咗小胖台灣麵！之前喺屯門食過好好食，今次帶埋朋友一齊試吓🤤入到去空間好大乾淨衛生～裝修簡約風格，入咗QR code落單非常方便，有自助區域茶飲同埋餐具提供👍🏻美食⭐️⭐️⭐️⭐️⭐️🩵濃.純.香牛骨湯麵我加咗手切封門柳、滷水豬大腸、墨汁花枝丸 、魷魚焿 等等的配菜，牛肉湯濃郁鮮甜，落埋自家製黃牛油湯底昇華在一個層次～濃郁醇厚以牛大骨長時間熬煮，釋放骨髓的膠質與油脂，湯色呈現淺褐色，口感滑順濃稠，帶有淡淡中藥香氣但不搶戲。鹹鮮回甘🤤搭配蘿蔔增添自然甜味。麵條粗細適中👍🏻吸附湯汁卻保持彈性。🩵鴨屎香手打檸檬茶底清香～帶有濃郁的蘭花、茉莉花香，尾韻有蜜香或杏仁甜香。發酵輕盈，屬半發酵烏龍茶，茶湯金黃透亮，口感不苦澀，清爽回甘！新鮮檸檬選用黃檸檬＋青檸混合，捶打出汁液與果皮油脂，釋放濃郁檸檬香氣～酸度柔和且帶果皮清香。🩵甘梅脆地瓜 地瓜咬下時外皮喀滋酥脆，內裡地瓜綿密香甜，熱氣帶出濃郁的薯香。地瓜沾滿甘梅粉的鹹甜完美中和地瓜的甜膩，超級開胃！🩵鮮茄滷蛋雞扒便當炸雞扒超大份，非常鬆脆🤤連埋蕃茄醬汁超開胃，撈飯一流👍🏻小朋友都好鍾意食😋值得推薦俾大家👍🏻🩵古早味手搖酸梅⭐️⭐️只要下載「小胖會員」 App⭐️⭐️！！免費送鹽酥雞一份！！💡食得多獎得愈多，食得至抵～💡積分換領系統💡迎新優惠，升級優惠💡提供不同折扣嘅優惠券💡仲有增值愈多回贈就愈多嘅預付卡
繼續閱讀
[✨元朗小胖台灣麵 ]#元朗 #小胖台灣麵🔸招牌三寶牛肉麵 $82三寶麵非常足料，牛腩、牛筋同金錢肚都好高質，而且分量好多，大大件勁抵食！最鐘意呢度啲牛筋，骨膠原滿滿，好好食👍🔸半筋半肉紅燒牛肉麵 $80紅燒湯底濃郁，牛腩牛筋雙拼嘅份量更加滿足；麵身又煙韌有，成件事好夾！🔸珍珠烏龍奶茶 跟餐 +$14🔸珍珠奶茶 跟餐 +$13大大杯，珍珠又Q彈，解渴一流😊💕🔸麻辣涼拌牛肚 $38麻辣味超香，整得好入味，辣得好過癮！————————♡♡♡♡♡♡————————✨總結餐廳主打係台式牛肉麵，分量比較大份，質素亦好好，環境又舒適，CP值好高👍💯📍小胖台灣麵🏠元朗元朗教育路1號元朗千色匯地下25-26 & 61號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #台灣麵 #小胖台灣麵
繼續閱讀
舌尖上嘅台灣風味：小胖台灣麵食探店體驗行入小胖台灣麵食館，撲面而來嘅係濃濃嘅台式市井煙火氣，牆上嘅霓虹燈牌閃爍住「招牌三寶牛肉麵」「小胖豬扒蔥油乾拌麵」等字樣，即刻勾起我嘅食欲。作為一個為食鬼，我真係忍唔住要展開呢場舌尖上嘅台灣之旅。首先上枱嘅係店舖嘅王牌——招牌三寶牛肉麵。個碗大到誇張，入面嘅寬麵條好有韌勁，每一啖都掛滿濃郁醇厚嘅湯汁。呢個「三寶」，其實就係軟稔入味嘅牛筋、鮮嫩多汁嘅牛肉塊同鹵香十足嘅牛肚，每一啖咬落去，都可以感受到食材嘅新鮮同師傅烹調時嘅用心。最驚喜嘅係，佢哋仲有自家製牛油！只要落一舊落湯麵度，牛油慢慢融化，同牛腩煲出嚟嘅湯底一夾雜，牛味即刻濃郁到爆棚，鮮香加倍，飲落更加惹味！湯頭本身就係用牛骨、多種香料慢火熬足幾個鐘先搞掂，再加上牛油加持，真係令人回味無窮，一碗落肚，成個人都暖笠笠。小胖豬扒蔥油乾拌麵一樣令人眼前一亮。幼細嘅麵條均勻地裹滿蔥油，蔥香撲鼻。配搭嘅豬扒真係正到爆，外皮酥脆，入面嘅肉質鮮嫩多汁，咬落去先係「咔嚓」一聲脆響，跟住就係嫩滑嘅豬肉，鹹淡啱啱好。同蔥油麵一齊食，口感層次豐富，食到停唔到口。除咗麵食，台灣香酥骨都值得一試。選用嘅排骨經過獨特醃製，炸到金黃色，外皮脆卜卜，肉質鮮嫩，鹹香惹味，慢慢啃好過癮，配埋啤酒簡直一流！金橘檸檬酸甜醒胃，新鮮嘅金橘同檸檬搭配，果香四溢，食完油膩嘅野飲返杯，解膩一流白桃珍珠烏龍茶散發住濃郁嘅白桃香氣，烏龍茶嘅茶香同白桃嘅甜香融為一體，Q彈嘅珍珠令飲用過程更加有趣。
繼續閱讀