山下無雙日式料理 (大隴街)

營業中

休息中

咩話ivy so都幫襯過？？？？咁就真係不得不試啦😍-🤍火炙三文魚丼 $68三文魚腩燒到微微金黃🐟食落好稔身 有入口即融嘅感覺呢個價錢有呢個質素好掂😋-🤍吉烈豬扒定食 $70✨配白飯、茶碗蒸、加洲卷、前菜豬扒炸得好脆 但略嫌唔夠juicy🥲-回訪嗎：🙋🏻‍♀️味道 🌕🌕🌕🌗🌑抵食 🌕🌕🌕🌕🌑

琴晚誤打誤撞第一次去食，有意外驚喜♥️店員好忙，但係都好有禮貌。如果唔等店員幫你落單，每張枱都會有本薄仔可以自己手寫，上菜速度正常。野食即叫即做，個雜錦炸物拼盤黎到係熱辣辣脆卜卜，二人份量，有炸蝦，炸蠔，炸魚，炸墨魚，炸南瓜，炸薯條。兩個人叫左雞軟骨串燒，二式便當餐，三式便當餐，兩隻生蠔，炸蝦手卷。便當餐已經包埋麵豉湯，前菜，仲可以揀要加洲卷定甜品。鋪頭光猛亦都好乾淨，價錢親民合理，支持小店，一定會再回頭去食🥳

呢間係我疫情期間食得最多嘅日本嘢唔止因為佢係黃店同我鍾意食日本嘢更多嘅係因為味道份量嘅性價比好高一度覺得可以媲美九龍區嘅餐廳但隨住時間過去份量的確縮咗水🥲晏晝嘅定食比較抵食選擇都唔少不過有好多我鍾意食嘅都要夜晚先有例如係左口魚邊壽司同明太子玉子燒份量明顯係少咗一截特別係蟹籽沙律話雖如此但都一樣係好夠食唔會少只係性價比冇咁高🥲都明嘅小店難做依然開心小店嘅刺身質素可以保持新鮮三文魚腩/赤蝦/帶子一直keep到水準舊飯比一般見到嘅細舊刺身丼嘅飯都好似係偏少每次食嘅感覺都係刺身多過飯另外鐵板牛肉蠔卷都係鮮味十足夜晚嘅二人餐好豐富好滿足😆普遍所有嘢食嘅味道都有少少偏甜重點介紹返佢唔鹹唔淡嘅自家豉油豉油本身係畫龍點睛嘅作用而山下嘅豉油真係恰到好處✨

因為今日係一個好朋友生日，我地由中學識到大，好老友鬼鬼，但因為大家返工都好忙，佢又要on shift ，超級難約到食飯，唔好話食飯，見佢一面既機會都好難，但因為佢生日我提前2個月已經約好左佢呢日，由於佢都比較忙，就約左係佢住既附近，係佢住既附近搵到呢間日式餐廳，我地點左超多野食，最有驚喜係有個10件既廚師發板壽司，你唔會知佢要比咩你，但係件件都好好食仲要擺盤得好靚，其次最好味係個玉子燒，可惜我唔記得影相，呢間一定會再去食

好耐無食壽司 happy day🔥超抵食壽司店 幫襯過無數次發現我原來幫襯完但漏了好評😛1️⃣午市優惠-三式便當先選了刺身丼-火炙海鮮丼再自選兩款手握壽司 一共四件（希靈魚/鰻魚/北奇貝等等）最後可選抹茶厥餅/加州卷做配搭一次過cross over 滿足唔同願望三樣都只係$98 抵食高質日本便當🍱✨✨✨推介

食咗個外賣魚生飯再加三文魚飯卷，買單$100內，呢個價錢來講真心抵！ 另外見到佢哋都有好多套餐, 又午市同晚市嘅，都包前菜同埋甜品，性價比好高，呢間真心超級推介，街坊最愛。❤️

同朋友來了一家屋村附近的日式餐廳聚舊見面，食物選擇多而且中意佢空間感夠大，慢慢傾計都可以😌明太子玉子燒：玉子燒原來都有咁多款式，我哋揀左明太子，中意佢有少少辣，一啖咬落去啲明太子爆曬出黎，雞蛋鬆軟柔嫩，一上枱都聞到濃郁香蛋味，甜甜地又辣辣地，外實內軟吉列廣島蠔：即叫即炸既廣島蠔，外表非常香脆，即使經過油炸既過程但裏面既蠔汁依然完美鎖住，包你食到原隻廣島蠔既鮮味黃金芝士燒蠔：廚師用另一種煮法帶出廣島蠔既美味，用芝士燒相對上味道更濃烈，我中意食芝士因為少少鹹可以搭配蠔既鮮甜，白，有香蔥同拉芝效果，68蚊兩隻性價比合理海鮮刺身丼：十分足料，第一次食刺身當有鮑魚，仲有海膽、大赤蝦、火炙魷魚、帶子等等，總共十樣既刺身比你一次過食曬，每啖都係舌尖上既享受，最愛食海膽既鮮味，赤蝦有好多蝦膏添，鮑魚彈牙爽口，正呀！薄燒牛肉便當：要讚吓佢個味噌湯，好好飲，配菜有中華沙律同埋蒜味螺肉，兩者都啱曬我心水，主角薄燒牛肉簡直一流，基本上冇個配汁都非常惹味，外皮微焦，牛肉味香濃，口感稔嫩，薄燒更加易入口，幾件都夠撈曬成碗飯，珍珠米又大大粒有嚼勁，讚👍😋😋

移民的季節，又有朋友即將要離開，約極都約唔到日子，為咗方便朋友安排，今晚就去左佢屋企附近食飯farewell。石籬，細細個就聽過呢個名，但真係第一次黎！荔枝角搭巴士黎原來10分鐘就到，看似偏僻但原來又幾方便。朋友知我好鍾意食日本野，於是帶左我黎呢間日本餐廳。呢間家庭式嘅餐廳，坐位闊落有卡位，我地可以好舒服咁傾計。 =蟹子沙律 $58=先來個蟹子沙律做前菜，份量之多是可以當一個主菜。青瓜多而且爽口，並沒有出水，加上沙律醬、蟹子、蟹柳絲，連沙律醬一起攪拌均勻，夏天吃這個前菜的確係令人開胃，食慾大增。 =芝麻雞翼2隻 $30=雞翼皮燒得香脆，肉質嫩滑而且多汁，外面再灑上了芝麻粒更加令雞翼整體吃起來就是完美的口感。 =日本紫薯餅 $20=必點小食！炸粉份量剛剛好，不會過厚，炸至酥脆，紫薯餡軟滑而且甜，最值得讚是中間竟然有栗子粒，呢個價錢有這樣高質，正！ =三色刺身丼 $78=三色刺身是三文魚、油甘魚、帆立貝。刺身全部厚切而且新鮮，最愛油甘魚，同在日本漁市場食的丼飯口感無異！三文魚油脂豐富，帆立貝亦爽口彈牙！即刻好想念可以去日本旅行嘅日子。 =原燒鰻魚便當 $88=便當配有味增湯和前菜：螺肉及中

幫朋友搬野番屋企順便喺樓下食埋野先走本身諗住求其食飽就算啦點知街坊小店都咁有質素喎Omakase十貫極上壽司超抵食呀168咋 食材都幾有質素 牡丹蝦 海膽 三文魚籽 拖羅茸 油甘魚 三文魚腩 帶子 鮑魚 魷魚 鯛魚出面啲餐廳分分要貴一倍啦薄燒牛肉定食燒牛肉中間卷住好多炸蒜同蔥 食落好香口定食仲跟埋味噌湯同前菜明太子玉子燒玉子燒好嫩滑 食落甜甜地幾濕潤嘅口感入面包住鹹鮮嘅明太子 超好味日本紫薯餅&南瓜餅炸得好脆 南瓜同紫薯餡好軟滑好甜呀紫薯餡中間仲有栗子粒 呢個小食必叫芝麻雞翼炸雞翼加左芝麻仲香脆最後仲送左甜品埋單都係400左右 好抵食

如果呢間喺地鐵站附近，應該好多人食嘅平民日本餐廳。《黑松露鯛魚薄切》 $98除咗黑松露，加左柚子汁，所以酸酸地。《明太子玉子燒》 $68一個好食玉子燒真係唔係度度都可以食到，我幾鍾意呢度嘅玉子燒，咬落亂口嘅玉子燒甜甜地加埋明太子，個味道幾夾。《鐵板牛肉燒蠔卷》 $98金菇肥牛卷周圍都有得食，而今次內餡將金菇改做蠔，個效果比金菇更好，燒蠔比起平時食開嘅金菇肥牛更加爆汁，爽脆。《Omakase 十貫極上壽司》 $168每日都有唔同嘅壽司，主要由師傅決定，今次覺得最好味嘅就係藍鯨吞拿魚。

今日想食壽司，咁啱返工附近有間日式餐廳 - 山下無雙🗻所以就嚟試下😋餐廳入面有好多日本既裝修，幾有日本感覺🤩原條鰻魚飯 $88呢個鰻魚飯都幾大碗，鰻魚都係大大舊幾厚肉，而且又冇骨，驚食魚骨嘅朋友仔都非常值得一試🤩配埋佢既醬汁甜甜地撈飯食一流😋另外仲加咗啲山椒粉食，變得更開胃，可以大大啖食鰻魚真係好正又滿足，性價比頗高😍十貫極上壽司盛 $168我哋仲另外叫咗呢個十貫極上壽司盛，試下佢既魚生係點😋三文魚腩壽司佢既三文魚好肥美，入口即溶，油脂味幾重😆上面仲加咗啲魚子，令到成件壽司既口感層次昇華油甘魚油甘魚都好厚肉，好肥美🤤因為佢比較肥，所以食落去好滿足，好想再食多件😆帶子佢既帶子大大舊，仲好厚添！帶子仲幾鮮甜，食落唔會好乾，再滴多少少豉油落去食就perfect la🤩魷魚呢件魷魚壽司都幾特別，因為魷魚上面係燒過下，佢又燒過好香😍食個陣都食到佢陣炭燒味😋海膽軍艦佢既海膽軍艦幾搶眼，因為啲海膽好大粒，食落仲幾creamy🤤吞拿魚蓉壽司 吞拿魚蓉帶有少少油脂感，上面仲加咗啲蔥花，所以食落更香茶碗蒸 $20呢個茶碗蒸蛋味比較濃，食落去好滑，又熱辣辣😆裏面仲有蟹柳陪襯🤤南瓜餅呢個南瓜餅係即叫即整既，所

簡直係俾錢買難受😤問個侍應有冇池魚,佢答我得飛機貨.本嚟上錯條魚俾我就算,態度又差,又掛住玩電話,條魚仲有骨😡希望呢位員工檢討吓自己.成餐飯真係食到火都嚟埋😑

近年來，跨區團購大行其道。皆因疫情持續肆虐，晚市堂食被禁，不少餐廳食肆的生意額吸吸可危。為了生存，它們會累積一定的訂單後，會以跨區的形式，把外賣運送至該區幾個特定的地點🚚除了維持日常營運之外，也可起跨區宣傳的作用🗣今次剛巧碰上葵涌一間日式料理店來我住的地區做跨區團購😋本身對它很陌生。不過聽人分享覺得不錯，於是就抱著好奇的心態一試😮食物🥟餐廳的團購餐單，因要顧及品質關係，食物的選擇比店舖少，訂單也是先到先得，到一定配額即止🖐🏻但當晚餐廳爆單，可見其受歡迎的程度😍點了壽司、丼飯和燒物炸物小食，每一款都是獨當一面。其中最令人眼前一亮的是壽司🍣它是以Omakase 形式製作，客人是當晚才知道壽司的款式，款款也令人驚喜🤩1. Omakase 十貫壽司🍣（$168）🔸10件不同口味的壽司，壽司的款式是由餐廳決定：特別要介紹金箔三文魚，三文魚的肉質非常肥美且豐厚，size幾乎比壽司飯還厚；另一款是熟三文魚壽司（非火灸），三文魚一咬下去，大量魚油滲入口腔，感覺非常震撼😋🔸其他壽司的質素亦不遑多讓：海膽壽司賣相精美，若果海水味再突出會更好；帶子壽司的口感也相當出色👍🏼2. 角切魚生丼三式便當（配前菜、蟹

✨隱世日式小店🍣平民版OMAKASE壽司😍————————————————————💛#littlefatwest良心小店 💛.$168就有omakase十件壽司🥰材料新鮮之前推介過葵芳既「山下見」 原來呢間係姐妹店❤️一樣咁高質！重點係價錢好親民😍————————————————————🍣OMAKASE 十貫極上壽司 $168 （8.5/10）性價比真係超高！呢個價錢但用料絕對唔hea海膽好新鮮 勁creamy😆唔會腥帶子好厚身又鮮甜💕火炙三文魚油脂幾香呑拿魚同三文魚都好厚切 師傅仲介左花紋蝦都好大隻！仲有左口魚 炙燒完入口即融咁☺️.🍚海鮮刺身丼 $118 （8/10）Cls 堆到滿哂🥰有十款刺身咁多有啲係同壽司set一樣 唔重覆講喇呢個丼額外多左拖羅同鮑魚同玉子 正😍.🍳明太子玉子燒 $68 (8.5/10)好多層既玉子燒！蛋香幾重入面既明太子咸香 好match😛————————————————————📍 山下無雙日式料理 (葵涌) @uniquesushi1 葵涌石籬大隴街103號昌榮樓地下1號舖.🔺#littlefatwest葵芳 🔺#littlefatwest葵芳黃店🔺#litt

本身都無留開食評，但係今次真係不吐不快。夜晚19:30叫左戶戶送自取，19:50準時去到時叫我出門口等，話入邊好凍要閂埋度門。係出邊等左接近20分鐘都未有得拎，入去追單時先同我講出左好耐，但係無人拎過出嚟，仲要問我有冇入過黎，火都嚟。再講食物，叫左個十三貫究極壽司，有鮑魚海膽等壽司，但係唔算新鮮，價錢黎講算合理水平，無驚喜。另外叫左個烏冬配特色卷物便當，好彩有分到湯，如果唔係等咁耐真係唔知點食，食落口感一般。牛舌同茶碗蒸就真係好食，成餐最滿意呢樣。