山田海韓國料理

營業中

休息中

前排見完個韓國客，客戶推介我地黎試呢間韓式餐廳，老闆係韓國人黎。用餐時間個半鐘，我地想傾耐少少，所以book左8:00pm果段時間。未order野食，前菜都有8小碟。炸雞 （醬油/辣醬）$189 炸雞配大蔥食好味，雞肉鮮嫩，仲要無骨，啖啖肉。加埋米酒啤酒，一流呀。石鍋雜菜飯（牛肉）$108 石鍋飯一黎就香噴噴，侍應幫我地拌好，可以揀落唔落辣椒醬。識食緊係連飯焦都食埋。芝士辣炒年糕 （牛肉）$118 年糕比想像中冇咁辣，而且仲有我最後嘅魚糕，牛肉加埋，岩哂我。烤牛舌 $128 薄薄一片牛舌，輕輕一燒就食得，Yummy 烤牛肋骨 （有醃）$220 侍應幫我地剪開牛肋骨，唔需要燒好耐，肉質好juicy，入口即溶，雖然燒完油煙味大d。整體上呢間韓式餐廳幾正宗，而且抵食。最後，老闆仲每人送左罐果汁俾我地。

老闆好好客，送了菓汁和啤酒，和泡菜！牛肉和蝦好味，炸雞也有雞味！一般香港的韓式炸雞不太有雞味。前菜非常豐富，泡茶味道足夠。服務態度可以接收，餐廳格局比較親和低調！

在觀塘那邊與朋友逛完街，就去了這家山田海韓國料理吃晚飯。坐下點菜過後，一會兒前菜就端過來了，部分前菜很出色，例如糖矮瓜，甜薯，蛋餅。尤其是糖矮瓜，糖漿很夠味，完全覆蓋矮瓜，入口即融的感覺。上菜速度不錯，很快服務員就端上gas爐，來到了最期待的燒肉環節我們叫了牛舌，五花腩，牛肉。五花腩是最最最好吃，肥瘦分佈剛好，也夠厚，燒了之後蘸一點醬，吃起來非常香。牛舌也可以，挺大塊的，而且很薄。不過牛肉的話，因為它是醃製好的，有點過甜，蓋過了牛肉的味道。還叫了一份醬油蝦，不過海水味真的有點大....而且醬油不覺得有啥特別總的來說，也就燒五花腩比較好一點，其他都OK而已

本來無打算寫食評，所以無影相，但係都忍唔住要寫...首先講服務，一坐低已經被個女侍應黑面，本來唔太肚餓，兩人想叫一個飯share，餐牌都無寫有最低消費，點知叫左一個餐之後仍然唔上前菜，侍應過來問仲要叫乜嘢，咁即係最少要一人叫一個餐啦...講食物質素，我地最後叫咗石鍋牛肉拌飯同埋韓式炆牛肋骨煲。石鍋牛肉飯完全唔掂，啲飯又濕又爛，牛肉唔係平時既韓式做法，加左芡汁，令到啲飯更濕。牛肋骨份量係好足，有四大件牛肋骨，但係牛肉筋位未炆淋，紅蘿蔔硬都切都切唔開，味道都算及格既，但係好油膩...總括而然，每人平均消費80蚊，份量係足既，但係服務同食物質素完全唔值，絕對唔會再來。

觀塘韓國菜唔多，所以好多時食韓菜都嚟呢間，味道偏向較正宗。地方都算夠大檯都算多，唔使點等就可以入座。食韓國菜最喜愛嘅就係八小碟，最好味當然係泡菜啦！但今晚其他泡菜以外嘅就比較一般嘞。首先叫咗烤鰻魚，氣爐上加塊鐵板。味道同一般出面食嘅醬油差不多，但肉厚彈牙骨唔多，算唔錯。泡菜炒飯，可隨個人喜好走肉都得，因為佢哋泡菜唔錯，所以個炒飯都唔錯。烤豬面青，味道都OK，肉質爽口但無豬頸肉咁肥膩，都幾值得一食。海鮮炒炒絲，好明顯佢哋唔係用雪藏細細粒海鮮，材料尚算可以，味道就比較一般，無乜特色。總括嚟講都可以值得一試嘅。

同朋友一直都好想食醬油蟹🦀，所以就嚟呢間韓國餐廳試試。醬油蟹係雙數咁嗌，我地二人就嗌咗兩雙。蟹膏感覺有啲膩，而且得一碗白飯真係太少，我諗兩隻蟹俾我地兩碗飯都唔過份掛🤔，建議多啲人一齊share食，。另外，我地仲嗌咗生牛肉拌飯，易外地好吃，員工好熱心主動幫我地拌👍🏻

依個價錢嘅韓國菜真係唔洗食個咁嘅水平服務又差 環境又嘈之前有promotion 草印花送一客燒雞咁岩發現草齊 提早whatsapp 去book又完全冇人應唯有上去等位上到去坐底俾張卡佢 佢竟然話後面兩個印得朦 應該未草齊我同我朋友明明睇到 心諗自己都仲有幾張係袋 洗唔洗呃你個一客燒雞然後佢再睇 : 「 最尾個個肯定冇囉. 唉 算數 當送俾你」個下真係火都嚟.坐左一陣 佢要我地搬枱 因為有其他客要坐4人枱坐到去第二張之後 佢地完全冇意欲幫我地set反好張枱茶水都冇杯叫野 佢明明冇寫最底消費 我同朋友兩個人驚食唔曬 諗住叫1 set share食佢先話每人都要叫1 set lunch咁都算 佢出面貼曬mastercard visa咁我地埋單發現唔夠cash 諗住look card點知佢話要消費滿300先可以最後唯有留底一個 落去老遠禁錢真係好後悔食左依間垃圾又唔係好食 服務又唔係好......

是咁的原本諗住睇完戲就求其食D野就反屋企，其中位朋友就話帶你地去食韓國嘢，之後我地一行4人就浩浩蕩蕩黎到觀塘！早早都聽個觀塘係一個臥虎藏龍既地方，因為好多好有Heart既食店！Meun有好多唔既選擇，亦都可以食韓燒！呢個前菜真心非常出色，最大碟個泡菜係呢間店自己整！呢個生牛肉伴飯，味道非常濃，牛肉都非常新鮮呢個海鮮湯真心緊火，你完全會飲到海鮮既濃厚，辣味亦都唔會搶咗海鮮湯嘅味道！熱情又好玩既老闆拎左2支燒酒出黎招呼我地，又教我地玩啤酒🍻，走既時候老闆仲送我地去搭𨋢！係呢到食野除左好味之外，人情味係滿瀉！

相信去過韓國嘅朋友都一定有食過韓國嘅醬油蟹，食過之後一定會對佢嘅味道念念不忘😭😭😭😭😭可惜嘅係喺香港好難可以食到新鮮又好食嘅醬油蟹，今日終於比我搵到呢間餐廳😋😋😋😋😋餐廳嘅位置位於觀塘嘅一座大廈，平時大廈嘅人流都幾多所以大家要預早少少時間去排隊等lift😃😃今次試咗佢嘅醬油蟹同埋佢嘅烤肉😋先講佢嘅醬油蟹，肉質好新鮮，而且真係有蟹膏😋😋味道同喺韓國食嘅一模一樣！以佢嘅烤肉都算合格，但如果肉可以厚身一啲會更加好！而且係呢一度嘅老闆係韓國人，對客人好好好有禮貌！！！同朋友喺呢度坐左三個鐘都冇趕我哋走😂😂而且仲送嘢飲俾我哋😳😳呢啲服務態度係香港真係好少有！大家有機會一定要嚟呢度試吓啦😍

朋友相約再次到官塘駱駝漆大廈吃山田海韓國料理，一間隱藏於工廈區有點難找的食店，之前和朋友誤打誤撞😅幸好上次韓籍老闆送了張會員咭(九折)才有正確地址。唉！星期六沒預訂位，哇! 好熱鬧全店座滿滿😳，衹好等等。跟上次一樣點了2人份量套餐海鮮雜錦鍋加烤牛肉拼盤及生菜拼盤配秘製豆醬，最愛吃它們的餐前小菜8小碟(任加任吃)和韓籍老闆自製醃泡菜又爽又鮮甜，前菜也能夠吃飽😜(添了3次)，別小看2人套餐份量，拼盤內有4至5款牛肉，有牛味和油花香，配上生菜、青椒、 蒜頭 、泡菜醬料同吃，再加濃郁芳香韓式生米酒……超正海鮮鍋湯頭甜夠大新鮮抵吃。上次是閒日來沒太多人， 和藹可親的老闆和員工一邊剪牛肉，一邊提醒別點太多食物會浪費，結果3人真的吃不下2人份量，溫馨韓劇家庭風味。1

我黎呢座工廠大廈係因為想買海鮮. 但無意中比我發現到呢間店既存在~ 當日係星期六，大慨2點左右.. 食飯時間已經過了入到黎都有成8-9枱客人! 我地坐低左之後店員即刻比左一壺熱茶我地~ 係用金壺仔裝住左呢 好懷舊~🤣🤣🤣 午餐menu都好多選擇~ 我地要左一個 <<辣泡菜豬肉湯>> $70  &  <<招牌炆牛肋骨>> $85 落完order之後 店員隨即送上6碟小菜~ 我竟然最鍾意薯仔果碟!!! (平時既我一D都唔鍾意薯仔!) 佢係甜甜地既薯仔~ 可能係蜜糖汁薯仔~~ <<辣泡菜豬肉湯>> $70平時食韓國菜既辣泡菜豬肉湯都未見過有咁紅既顏色! 睇黎呢度真係落左好多辣椒粉下😂見到咁紅既顏色對佢真係滿心期待!  非常足料!!! 有大量既泡菜.. 而且仲要係大大塊~ 唔似平時TST果D碎片 🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️除此之外，佢地既豬肉粒都好多下.. 唔係瘦猛猛既瘦肉咁簡單! 佢係mini五花腩粒粒!! 👍🏻👍🏻食食下會覺得咸左小小🙁🙁🙁同真係夠辣~~ 都真係幾唔錯的! <

今日lunch叫左個 ‘香辣豆腐海鮮湯飯 - $80’，簡直不知所謂🔥🔥🔥首先，落左單等成半個中⏱先有得食，黎到真係嚇親你 😱 成個餐，所有蝦仔🦐細細粒得d蝦皮，甩頭甩骨，真係用埋放大鏡都睇唔到邊度有肉食🧐，非常唔新鮮。D蜆得堆殼。有肉得個幾隻細細粒。又灰又黑。又係超級唔新鮮 配菜？得幾塊Ultra Slim翠肉瓜，一夾即溶，都唔知浸隔夜左幾多日 🥶基本上，成個餐未食都巳經一堆垃圾，夾走埋得返d豆腐同一隻青口 🤬投訴完，俾返同一碗野我，純粹加返二隻大少少既蝦，但d蝦頭都係黑晒，又係唔新鮮。想點❓於是再投訴💢，先俾我轉其他野食，叫做正常少少，食得入口，但都搞左一大輪遲左返工 🔥作為食市，係咪要俾返少少良心，$80蚊俾堆垃圾人，真係唔會有下次 ❌‼️

韓風吹不停，估不到吹到上工廈。山田海係一間由韓國人開， 所以野食都特別有韓國風味。 一入到去就會見到佢地既環境唔錯架，地方幾闊落同埋啲燈光都幾有FEEL架~ 牆上面仲有電視機播緊韓劇，俾你一邊食韓國野一邊煲韓劇，一次過滿過足哂你既韓國癮。 醬油蟹又多膏又鮮，沒有腥味。雖然唔算平，不過勝在多選擇同埋份量都好足，真到大滿足！

一間好餐廳🍴，食物質素固然重要。但氣氛都好重要。呢間#山田海韓國料理 位於官塘工廈，賣既韓國🇰🇷菜唔係非常出色，但勝在款式多，燒烤、海鮮鍋、醬油蟹應有盡有。服務超好，唔駛你燒、唔駛你烚，光吃就可以，仲有個風趣老闆會走過黎請你飲酒🍻表演「炸彈酒」即係燒酒溝啤酒，🍶飲到你唔想走。 📍 山田海韓國料理 (觀塘)觀塘開源道60號駱駝漆大廈三座3樓U室#工廈搵食 #foodblogger #食玩焗煮遊世界 #gotravelwithandie #dining #industrialloft

平時lunch都有食開山田海，我同同事們都好欣賞佢地嘅前菜，當然set都唔錯好多選擇！早幾晚有時間同個朋友仔一齊食晚飯，仲試左醬油蟹同燒牛肉，味道好好，但原來夜晚都好多人食架，要食醬油蟹就要打電話問一問先好d啦⋯⋯