幸福鳥 (K11購物藝術館)

營業中

休息中

今次星期日午市光顧，即使係假日，都有午市套餐，價錢以尖沙咀區而言，尚算合理 。首先介紹係主打嘅串燒定食（$198），定食總共有七款串燒，有各種肉、秋葵、菇，都燒得好惹味 。點串燒要等候耐一啲，因為即叫即燒。另一個定食係壽喜燒（$158），可以揀豚肉或者牛肉，個鍋入邊有菜有肉有蛋，非常豐富 。所有定食都配溫泉蛋，但唔想食生雞蛋可以要求佢轉玉子燒 。最後一個定食係鱈魚西京燒（$198） ，鱈魚燒嘅汁甜甜地，配一大堆沙律菜，適合唔想食咁多肉食得太飽嘅朋友。定食仲可以加$28轉稻庭烏冬。值得一讚係服務態度非常好，有禮貌之餘，仲好關心客人需要。

好味又好服務，全部食物都熱辣辣，店員介紹詳盡。職員友好，特別係金仔，靚仔又大隻又高又風趣又幽默又似韓國oppa。😂😂黎開尖沙咀會再到訪，會介紹比朋友also。

🍽️ 走進幸福鳥，嗅到陣陣燒烤嘅香味，真係口水直流三千尺，港式話講就係"肚餓到咁上下"! 揀左張靠窗嘅位，環境唔錯，有種微微放鬆嘅感覺。🍗 搞掂落單，首先上嚟嘅係個拼盤，賣相靚得嚟，啖啖肉嘅燒牛舌，外層微焦香脆，啖啖滋味；而燒雞，啲肉嫩滑得黎又多汁，真係食落一啖幸福滿滿。添喇，忍唔住叫多份，跟住就係個汁燒九洲槍魷魚，海鮮鍾意者必試呀！魷魚夠晒彈牙，入口即溶，只係搭住少少嘅薑蓉就已經"嘩"到我哋。🥡 至於牛肉壽喜燒，哩個就真係溫暖人心，甜甜哋嘅壽喜燒汁包裹住肥牛同埋各種蔬菜，都算係一個過癮嘅選擇。雖然味道強烈，但又好似幫到其他嘅食材提香，充滿層次。總括嚟講，呢度嘅食物賣相同味道都掂，特別係個拼盤同牛舌，真係嚟一次仲想再嚟。店員服務都好貼心，雖然無賣酒，但係可以自己帶酒嚟配菜，嗰種小心思，就令成個體驗加分唔少。不過串燒呢邊，就覺得仲有啲提升空間。若果問我會唔會再返嚟食，答案係嘩！絕對會嘅！👍👍👍

之前一路經過K11一直都好想試，上個禮拜終於有藉口可以試😗初時以為都可能價錢偏貴，但係每款都好食，冇乜邊樣唔得，最緊要價錢唔會太貴overpriced!!個人最鍾意食玉子燒、烏之盛，玉子燒係因為我本身係一個食蛋迷😂淡淡芝士真係好好食，非常足料；另外烏之盛啲雞肉燒得啱啱好，唔會鞋口，個雞翼真係啱啱好。當然除咗食物質素，服務都好好，尤其是經理好服務又好好笑，因為我去廁所去得太耐，佢哋以為我失咗蹤😂因為晚市優惠，又送日本蠔俾我地食，好鮮甜！我本人其實鍾意食生蠔多啲，成日覺得熟嘅蠔冇咁好食，但係今次真係有驚喜！同埋可能我哋坐近吧枱，睇住師傅燒到覺得特別和味。另外因為我都覺得燒魷魚一定唔會差得去邊，佢本身有兩款，一款係避風塘，一款係九州，問咗經理佢會建議唔鍾意食太重味嘅叫九州魷魚，一樣好食。不過我哋兩個人食一碟，其實都幾飽😌甜品方面，我哋就叫咗焦糖菠蘿，初初以為焦糖菠蘿係熱嘅，但係其實只係焦糖面燒熱，菠蘿都喺凍身，估唔到都幾特別，同埋食完串燒嘢，食返凍菠蘿都幾舒服。然後經理話見我生日，再送多兩個甜品俾我，所以我哋又揀多咗布甸加雪糕作為甜品結尾！紅豆綠茶雪糕正常，最有驚喜係日本布甸，除咗好動L之外

今日試左午市定食（串燒餐）份量相當豐富，有前菜温泉蛋味噌湯御飯，這間餐廳服務相當一流，各服務員及經理細心款待，特别高高肥肥的哥哥，今天非常開心，下次一定再來，嘗試其他款式既午餐。

星期天與家人到幸幸福鳥午餐，食物方面，食材品質非常好。服務方面，服務態度細心，特別係高小肥的四眼哥哥，服務細心體貼，2老不食生雞蛋，我跟他說聲，立即轉玉子給他們。真係比個like 佢。

食物非常美味，燒牛肉必食推介，環境好好，服務態度真係好👍🏻👍🏻👍🏻尤其是高大靚仔哥哥！－定再次回來吃😉地點在尖沙咀地鐵站非常方便、非常享受這次晩餐！

和朋友訂枱慶祝生日。太多選擇，有選擇困難症的我們最後決定點二人餐。餐的食物類別很豐富，有前菜滑豆腐沙律、鮑魚、三款刺身（全部都好新鮮）、六款串燒、炸樱花蝦（唔油又香脆）、芝士明太子玉子燒、清酒煮蜆（勁香濃清酒味，啲蜆粒粒都咁juice)、肥牛烏冬、鰻魚飯，仲有美味布丁甜品，可以一次過試到好多款食物之餘，每款都很美味。最後不得不題經理的殷勤又細心嘅服務，亦是這個原因才在這邊發文表揚。絕對係其中一個回頭再訪的原因。唯一是如果用餐時間可以有120分鐘就更加幸福了。

同朋友出街食飯 見到呢間幸福鳥原本都驚日本福島嗰邊啲廢水員工都好耐心咁同我解釋佢地入嘅貨唔係全部都嚟自日本而且佢地自己都有驗貨 聽到佢地咁講我地都食得放心咗我地叫咗一個叫幸之晚宴嘅二人餐同散叫咗一啲鳥冬、燒魷魚同埋燒鰻魚 份量都唔少足夠我地四個人食 啲野食好好味 特別係串燒同埋鳥冬 刺身都唔錯但始終都係有啲驚福島嗰邊 所以叫咗三文魚腩同埋帶子試少少 價錢偏貴 但係好值得食 真係價錢公道 用料優質重點係店舖環境好舒適 一邊享用美味嘅晚餐一邊舒舒服服咁飲住酒同朋友傾偈 服務員嘅態度非常之好 好熱情同好細心 得閒同啲員工傾吓偈有講有笑真係有啲居酒屋嘅感覺 整體嚟講 以後有機會就一定會過嚟食飯

幾個星期前朋友一直喋喋不休的在推薦幸福鳥日料店雖然本身對日料沒什麼興趣的我經過朋友的推薦後抱著試一試的心態就去了k-11的幸福鳥到了目的地後 前臺人員便熱情的跟我打招呼和安排就坐 就坐後拿起餐牌 就叫了個滑蛋雞柳丼 等了大概十五分鐘左右我的丼飯就出餐了這個丼飯真的很好吃 雞柳和蛋的搭配讓我越吃越順口 然一旁的工作人員偶爾會問一下我有沒有其他的需要 服務態度真的滿分總之就是 我十分推薦大家試一下幸福鳥的日料不僅食物好吃 工作人員 和吧檯的廚師服務態度也相當不錯

預早喺OpenRice度定位，原來係有優惠！非常驚喜 餐廳有送兩樣俾我哋揀 我哋揀咗清酒配小食清酒平時少飲，但係比想像中易入口同埋覺得幾好飲 小食係炸雞軟骨 我一向唔食雞軟骨但係原來佢整得好好食令我愛上咗！三人份：平時都鍾意食豆腐 佢個豆腐挺身但係唔易爛 豆味又重 個人幾鍾意～牛肉烏冬 正常發揮牛肉質地對得住個價錢我哋每人叫咗一條雞肉棒配月見汁 蛋黃超級黃味道不錯串燒拼盤整體ok 熱嘅生果味道我就覺得普通但係其他燒蔬菜幾好食 避風塘燒魷魚又係一樣杯酒佳餚 惹味但係唔難咬 幾好食燒菠蘿配有焦糖面 清甜解膩服務員有禮貌會問返顧客整體感受 服務質素幾好～整體分數：7.89/10

今日跟朋友在K11找地方晚餐，最後發現在地下ninety咖啡店旁有這間「幸福鳥」！環境很好不會很擠迫，很適合幾個朋友慢慢談天食飯！在員工的介紹下我們order了 2人set dinner menu！沒想到份量和食物質素是真的有驚喜😊今次由於吃力不足🤣點不到太多食物，見到旁邊有人點飯團🍙、免治軟骨雞肉串燒，樣子都很吸引人，下次一定會再來☺️必點🥢：幸福串燒盛合、牛舌心、燒活鱔、燒魷魚、清酒煮蜆和玉子燒！👍🏻👍🏻👍🏻👍🏻👍🏻

朋友生日，想食日本菜！係openeice見到呢間餐廳，不論裝修和食評也不錯，所以決定一試！香港好食物的地方太多，但很多餐廳的服務質素一直垢病，很慶幸今天能感受到令人回味的食物質素和細心貼心的服務！點個兩人餐，（跟openeice訂的一樣）份量豐富，其實份量大足夠三個大人食！驚OpenRice訂枱仲要每人送一隻火燒生蠔！明太子雞蛋：這個味度很好，中間有芝士流出來！燒魷魚🦑：原條魷魚，很大！燒汁很入味！牛肉烏冬：估唔到很好食，烏冬彈牙！最後來一個抹茶蛋糕🍰！完美終結！已再去了一次！朋友讚讚

Nice food, Nice location , Good service 😋海鮮好fresh ,燒鮑魚、火焰帶子、蒜香蟶子、避風塘魷魚、蒜香牛油燒蠔 🦑🎣👍芝士年糕唔會覺得膩🍘福岡豚之盛合很特別，尤其蔥＆大蔥卷🥓燒飯團🍙帶有梅子同鰹魚湯嘅味道～ending with 焦糖燒菠蘿🍍（有crème brûlée feel)＆白桃鯛魚燒雪糕🍦yummy~ 仲有忘記了拍照嘅清酒煮蜆都好好味，好清甜～值得推介的居酒屋👍👍👍

星期五的中午，店子裏滿是顧客。點了兩個午餐，分別是燒汁牛舌丼和串燒五盛盒。每個午餐均附前菜、味噌湯、御飯和溫泉蛋。前菜是芝麻醬沙律，沙律菜新鮮，和芝麻醬一直是絕配，這沙律很適合在炎夏享用，好吃。味噌湯，和其他日式餐廳的味噌湯分別不大。御飯，用的應該是日本米吧，不過覺得水放得有點過多，所以煮出來的飯太軟。溫泉蛋，生熟度掌握得很好，用匙羹把蛋黃戳穿，色澤亮麗的蛋黃流出，看到已經增加了食慾大增。這溫泉蛋很滑，蛋味香濃，也好吃。牛舌丼的醬汁味道很好，牛舌有八片，份量十足，牛舌煮得很軟，不柴不硬，質感滿分，下次一定會再點這午餐。串燒五盛盒，包括3串雞肉2串蔬菜。雞肉味道好，肉質滑。其中最好吃的是放在中間的免治軟骨雞肉棒，口感很好。蔬菜包括冬菇和秋葵，都好吃。不過覺得串燒上的醬汁略鹹，吃過之後有點口渴。食物方面，我就覺得很不錯，環境和服務也不俗，會再光顧。