彈彈旦 (已結業)

上次見電視有介紹，好似幾好食，同埋見有人排隊，就諗住試試。基本上，成個menu都係炸野，價錢都算貴，以為有人排隊會冇事，點知瀬野😩一碗裡面全是炸物，佢有幾條薯條，兩粒白魚蛋，同一粒大魚旦，但係冇任何嘅醬汁供應，連basic 既茄汁都冇(有既，要加兩蚊囉)。薯條炸到乾爭爭，有少少燶味同油味，仲要得嗰五六條。不過魚蛋的而且確係幾彈牙，但因為冇醬汁點，基本上成碗野都係一個味。老實講，真心吾抵食，如果28蚊俾依碗野我，我係寧願食老mc。

如果你問我，要數香港最有特色既小食，一定係咖喱魚蛋😆香港人食魚蛋都有好多種🙈有常見有陳皮魚蛋、潮洲白魚蛋，今次就係大家介紹一間係旺角嘅魚蛋專門店😎🤘🏻根據店主所講，佢哋嘅魚蛋全部都係自己親手打，粒粒彈牙😛，仲有四款醬汁俾你揀，有辣有唔辣😈任君選擇😌初榨椰子油咖哩汁-HKD20$/10咖喱唔算太辣，有一陣淡淡的椰子香，鍾意食印度咖喱但又怕辣嘅朋友應該會幾鍾意🤗其次我好推介佢哋嘅天婦羅炸魚蛋，對比之下，外層較鬆脆，口感較豐富！如果淨係食魚蛋覺得太獨沽一味🤔佢哋仲有撈麵買😛美中不足嘅地方係不是營多🙈不過配搭佢嗰隻蒜香香辣汁又幾正既😆

之前睇咗電視嘅節目介紹 ，講到佢啲魚蛋係搵咗好多間供應商先搵到呢一隻， 就出嚟試下有幾好食， 我個人嚟講真係好鍾意食白魚蛋 ， 同埋對白魚蛋都有啲要求，問店員炸彈同大彈旦， 除咗大細粒之外有咩分別 ，店員話大彈旦係用味粉嘅， 可以 揀避風塘紫菜或者芝士粉， 而炸旦 係一啲醬汁嚟嘅 有bbq肉鬆, 咖哩， 香辣 ，同埋煙肉芝士，叫得炸魚蛋無理由用啲汁去整淋佢嘅， 我揀咗大彈旦，紫菜味 ，即炸等咗大約五分鐘， 佢個紫菜味調味粉好似麥當當shake shake薯條嗰隻味 ，幾好味 ，唔會太鹹 ，講到粒魚旦唔會淋patpat ，唔會成口粉，夠爽口，好食，不過25蚊三粒就好似貴咗啲

係u tube睇反tvb🐎家做既飲食節目介紹旺角有咩好小食睇到流哂口水，甘第一時間就係拉埋好食之人陪看岀旺角掃街啦。一衝到旺角就黎到大彈旦🥚食大彈旦啦，實在係比電視上見到既粉吸引住。叫左芝士大彈旦，一開頭仲諗住係醬，最後拎到手變左粉五緊要啦，👻叫自己無做research咩！第一口咬落去，Oh my god... very juicy. 炸粉裹得岩岩好👍🏼 薄薄一層，街邊小食黎講都算有水準😍

得閒同Mr C遊旺角，聽講有特別魚蛋，就走去試下。第一次去，當然要試下佢個大彈旦！有三隻味，避風塘、紫菜、芝士。我揀咗避風塘味，小小辣，應該既風味！等咗幾分鐘，哇，好大粒！見佢炸過粒大魚蛋，外面食落去脆脆地，裡面軟軟的，口感好正。佢個避風塘味就有小小美中不足。係好好味，但係始終係粉，我同Mr C一食落去嗰時咳，啲粉好似入錯喉嚨。。。不過之後就冇事。嗰旦裡面，好滑，好彈牙，好好味！下次去旺角要再食！

路經此地，見到有間店名咁得意，叫彈彈旦，於是就去睇下，餐牌上有好唔同味道既魚旦，就想試下，由於款式多，都選了5分鐘才能決定要邊款呢！在選擇期間，店員就說：可以試佢前面放既醬，但都無試就決定要日本天婦羅金黃炸魚旦，可以加2元試特色醬，由於想試原味，所以無加錢了。落單後，店員說要等一會，因為是即叫即炸，等左大約10分鐘，一碗金黃色既魚旦就在我面前，店員在魚旦上灑上似淮鹽的粉，魚旦粉漿很薄，魚旦如其店名一樣，是彈彈的，很好味，不過20元只有10粒細細既魚旦比較貴。除左魚旦，仲有好多唔同既美食，下次先再來試下了。

掃街一定要食魚蛋,平時見到嘅9成都係黃色魚蛋,但呢日去旺角見到白色魚蛋,仲要係配特別醬汁即時忍唔住要試.呢度主打白魚蛋,但都有炸魚蛋同薯角/撈麵賣,but 我都係想食最基本,所以一黎就點左BBQ肉鬆醬,10粒連醬$20蚊,其實行出去普通魚蛋都要$15,所以我覺得算平白雪雪嘅魚蛋配紅色醬汁即時胃口大增,BBQ醬有D似甜醬但無咁甜,魚蛋本身非常非常非常彈口,我敢講係我掃街食過最彈口!加埋肉鬆有少少酥同咸的感覺,超正!之後我又想試椰子油咖哩汁,但貼心的店員話會好辣,所以我轉吃 蒜香味,啊?又ok wor,雖然我不太喜歡咁多油,但蒜香味道濃郁帶少少辣,唔太吃辣但又唔想食甜嘅朋友可以試呢個最後我必需要再三推薦炸蛋!呢個炸魚蛋並非普通攤檔油到爆嘅炸魚蛋咁,佢雖然係炸,但停留嘅油相對少,而且保持到外脆內嫩嘅口感,我試過買外賣,店員雖然話會"林",但隔左十幾分鐘仲係脆的!大家有機會真係要試~~

蒜香香辣汁 其實只不過係茶記既辣椒油 揀左撈烏冬(辣汁) 食左一半 已經頂唔順一路食一路諗 諗呢個組合既人究竟有無自己一個完成到一碗野？ 知唔知其實食呢碗野係要用難受來形容 ？茶記辣椒油撈烏冬.....辣椒油=湯？真係無諗住係辣油撈烏冬(可能係我唔識欣賞)我知道雖然烏冬唔係主打 但整得出黎都係比人食落肚 係咪應該理下食個個人既感受..但呢到既魚旦係好食既。之前食係咖哩汁 唔錯既 ，如果想揀辣汁 要考慮下個胃受唔受得住先 。

天婦羅金黃炸旦（$20/10粒）特色醬汁（+$2）👅魚旦就食得多啦，呢個炸旦咁特別緊係試試佢啦😎一咬就即刻愛上😳😳個炸皮好薄好脆超驚喜！又完全唔會油淋淋👍🏻👍🏻👍🏻仲要個魚旦好鮮甜好重魚味又爽口好高質😋😋有林昌記既影子🤓🤓識食一定要加醬💁🏻我地簡左蒜香辣醬，同熱氣野超夾😂😂好香炸蒜又辣辣地咁，完全將粒炸旦提高一個層次😆😆食完好想再encore停唔到口🙊🙊MK掃街又多個選擇啦🙆🏼

以前細個我好鐘意食街頭小販檔嘅小食，因為真係好有風味，而且掃街感覺好正😌加上每檔都有佢專攻一款小食，唔似宜家一間舖賣齊幾十樣又難食👉這店不花巧，專賣魚旦跟飲品，頂多可加撈麵同多一款薯角，魚旦即叫即炸，味道仲有好多款選擇，當日跟朋友仔試了幾十粒😂真係食到個人彈下彈下<初榨椰子油咖哩汁> 🍡$20/ 10粒我愛辣又愛香當然選了這款口味，魚旦真係幾爽彈，魚味都夠😋個咖哩汁更是不得了，辣度夠之餘仲好香椰油味 <極濃火灸芝士香脆薯角甜筒> $25個名長到呢🙈薯角一樣即叫即炸，口感跟味道是可以，但芝士熱溶差了一點😅食到有啲粉粒係面<Shake Shake旦> $25/ 3粒大當天仲開始推出這款大粒版⚪️會加芝士粉比你係咁Shake✨另外圖仲有<BBQ肉鬆燒烤醬汁+日本天婦羅金黃炸旦> <糖水飲品>

呢間經過一定必食佢既炸魚蛋我好少比5星 呢個係試得過！淨係試左呢個shake shake炸魚蛋 要紫菜味的確係好新鮮既食法！即叫即炸 出面好脆 入面好彈 加上個人黎講好中意紫菜味！所以係5星 perfect!

白魚蛋都有好多種食法, 呢度就有佢哋最出名嘅天婦羅炸旦。 每粒即叫即炸嘅天婦羅炸旦都有薄薄嘅炸粉包住,外脆內彈牙,值得一讚。佢哋仲有多種醬汁可以選擇,我今次就選擇左試下芝士煙肉醬汁,芝士同煙肉味亦唔太食得出,所以下次都係食原味算啦。

今日下午去左旺角美容院做Facial ，記得近來大熱人氣小食店彈彈旦，係旺角登打士街廣華街附近，所以專登行去試下，當日下午四點，晤多人。餐牌簡單主要係食魚旦，有四款醬汁選擇。初榨棷子油咖哩、蒜香香辣丶煙肉芝士丶肉鬆BBQ。除左基本之選原味白魚旦，仲有炸旦同炸薯條。原來仲有麵食外賣^_^人龍比我想像中少，大約等五分鐘，食物就到手啦^_^！即叫即製。白魚旦價錢為$20/10粒^_^魚旦彈牙，咖哩汁好香，但晤辣，食到停晤到口。值得一試^_^

前兩星期睇電視講呢間魚蛋好特別，好彈牙又大粒又有魚味，講真好耐未篤好味魚蛋，唔係淋patpat就腥到爆炸，今日去開油麻地梗係碌埋去旺角試下呢檔野。食左個大旦撈避風塘粉，同BBQ肉鬆燒烤汁白魚旦。避風糖粉似麥當勞shake shake粉，肉鬆好少燒烤汁又無咩特別，但係粒魚食得出真係好彈牙，有魚嘅甜味。順帶一提，買個陣有6、7個客係度等，職員每次將食物交畀客人個陣都會講句："唔好意思，要等咁耐"，聽得出係真心嘅。

同朋友行去尚香的時候，無意中發現了彈彈旦！魚旦是掃街的必修科，所以我地在尚香時留手，留返Quota 食魚旦！地址：旺角廣華街1號仁安大廈地下14D號舖花多眼亂所以我地一口氣叫左四款魚旦，有炸有原味有芝士的魚旦魚旦！初炸椰子油咖哩魚蛋街頭美食多是不甚健康的，那堆油多是千年油（用了很久也不換的意思），這個有咖哩魚蛋竟然有淡淡的椰子清香，辣中帶甜的確過癮，再說魚蛋本身也夠彈牙，質素也不會太差的！原味魚蛋彈牙，而炸魚蛋亦比想像中好，炸得乾爽吃時不會有一層油在表面，加上芝士醬及黑椒粉更添惹味，平時好少讚芝士的菜式，但這個真的做得不膩又香口。香脆大薯角薯角炸得脆身沒太強烈的油膩感，上面啲芝士份量剛好，唔會太濕搞到淋晒，芝味濃郁，仲有微微燒過的焦香，脆筒食到尾都仲脆卜卜。MK掃街最重要係方便，呢個設計幾方便又不會製造廢物。仲叫左個魚旦紫菜撈麵，簡單的白魚蛋加辣油，紅噹噹辣油是亮點，不是超麻那種，但就是愈辣愈想食的感覺。愈食愈辣，無意中發現左自家煲的飲品－薏米杏仁雪耳露，看到近乎實色的賣相就知足料，味道沒太甜，材料都磨到細細的，很有家的感覺。呢兩支辣油非常不得了！