影片
電話號碼
23528021
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
有關獎賞計劃
我地係去食12:00午餐的自助餐,環境係大同舒服~但食物真係差到同少到,拎住隻碟都唔知可以食咩~首先熟食~有5款1.咖哩豆,係豆無肉 only豆 (廚房夠膽拎出黎,我真心佩服)2.西芹炒豬肉片 (正常...唔代表好食)3.蒸魚size手掌咁大 (正常...唔代表好食)4.清炒娃娃菜.........(見到都無奈)5.五殼雜糧 .....( 蒸蕃薯,玉米,枝豆)之後到甜品~個櫃有三層~有3樣野~1.涼粉 2.罐頭什果 3.花奶 (兩個字優秀)之後唯一比較好少少的車仔面區有幾款面類同菜 有7個餸 (魚蛋,牛肚........)以上就係佢地全陪 同 所有的食物 ...... 所謂的自助餐
繼續閱讀
睇YouTube已經想去試好耐，上次去過嶼坊，原來御廚唔係響一樓，係響地下，去到已經有一詐人等緊，11:55 先叫想揀位坐嘅埋去登記，登記完都即刻俾入去。點知入到去都唔係好多人，我哋坐咗入邊窗口位，都幾開陽，望到花園，景觀幾好，近窗係有啲曬，不過OK。啱啱開始，出去行個圈，有飲品，咖啡機有Cappuccino Expresso，同埋hot milk，入門口仲有水機同埋檸檬茶，自己加糖水，任飲都幾好。睇咗啲沙律有三檔：第一檔就真係橄欖，洋蔥，藜麥，仲有一個真係唔敢食嘅洋蔥？三色椒、西蘭花、蘿蔔絲、同埋豆、椰菜。第二檔：涼拌木耳、羅惹沙律、尼泊爾薯仔沙律、麻辣枝豆、西班牙醃辣椒，仲以為蕃茄。第三檔就真第三檔都係沙律：有啲生菜、車厘茄、青瓜、羽衣甘藍，有三兜醬自己撈：芝麻汁千島汁、凱撒汁12:04 之後有個係放生果同甜品：西柚、密瓜、西瓜、橙，兩款蛋糕係麻糬同埋一款唔知咩蛋糕？屋企人見到有人用手拎咗嚿麻糬出嚟，可能唔啱食，擺番落去！😫各款生果食落都OK，唔係特別甜。有張枱放咗啲糖，有個籃放咗塊布，以為麵包，點知原來係放咗啲類似蜂蜜蛋糕？有煲糖水，係雪耳紅棗糖水，同埋有個麵包布甸、葡撻定係檸檬撻之類？辣椒朱古力蛋糕，面頭嗰啲cream撒咗辣椒粉，但唔辣嘅。12:05 咖喱嗰度有印式脆餅，印度香米，雜菜咖喱紅咖喱鴨，唔似印度嘢？印尼咖喱雞一般啦，因為啲雞肉鞋、啲汁又撈唔到飯！蒸魚、炒時蔬，隻魚好多骨，但係啲肉都實淨嘅，係薑落得唔夠，好淡味，所以自己豉油，都OK，同埋不斷補充，攞晒就即刻補充，雖然係急凍魚，但係都OK嘅唔錯，一人一條。北菇炆鴨掌、上海粗炒最後嚟到主角：車仔麵，真係好多款菜，好多麵款，菇菌都好多，終於知道邊個係今期主角川味係最勁係嗰隻麻辣豬皮，超辣！12:12 先食咗印度咖喱，印式脆餅非常之脆，好好食，食咗好多舊，印度香米，少少辣，幾好食，雜菜咖喱，點嗰隻印式脆餅、或者送飯真係一流！12:28 北菇炆鴨掌都唔錯，上海粗炒就淡味啲，但係都OK。 一開始飲咗個羅宋湯，辣嘅，真係唔錯，不過唔記得影相。反而之後飲個中湯就麻麻哋。試條魚，食咗好耐！之後食沙律，超健康！吃了成個鐘，才攞水果，已經冇乜揀，剩返橙、蜜瓜、西柚，好彩最後都再出西瓜，再攞西瓜，西瓜都甜。蜜瓜唔甜。冇雪糕，甜品麻麻，嗰隻菠蘿包泡芙唔好食，食到車仔麵，已經好飽，唔要粉，淥碗菜，淨係淥菇菌蟲草花，菜，OK啦。食到2:00，都仲未催人走？不過2:00 車仔檔熄燈了，仍有幾枱客，我哋去埋廁所才走。整體環境不錯，咁既價錢冇要求反而有驚喜，食足2個鐘，聚會最適合！
繼續閱讀
網上竟然看到東涌有特別平的自助餐，於是來試試，誰知道，酒店沒有想像那麼多人，就只有幾台客人。這自助餐沒有人來的原因是甚麼？自助餐有大量的沙律供應，亦有少有的泰式紗沙律，酸甜味道令人更開胃。如果喜歡吃素或沙律人士，這兒真不能錯過。一般要吃高質星量面包都會到酒店來，但這兒不能滿足你的要求，面包就別提了。到了主菜部分，自助餐提供的都是東南亞風情味菜，有馬來西亞味道的咖喱，亦有巴東造法的牛肉，都是必須配白飯的菜式，故此，旁邊就有白飯任吃的配置。而熱菜中竟然有一條蒸魚，喜歡吃魚可以嘗嘗，但怕腥的就免了，魚不是太熱可能令你感到腥！那麼，可以吃即點即做的車仔面便可以了。反正，人少最合適聊天喝咖啡和茶，滿足你一天休閑時間。
繼續閱讀
從來未食過咁難食嘅自助餐 食嘅嘢少到爆 菜品total唔超過十個 108一位 不如去對面食三送飯好過 對面itamama七十幾蚊都有塊牛扒食 呢個自助餐真係太差太差太差 千祈唔好黎
繼續閱讀
如果跟人說去酒店食自助餐，或者大家腦海中都會浮現大魚大肉，勁多食物的畫面，但去到東涌喜來登酒店Four Points 的“御廚”，便是另一種感受。可能是兩間喜來登好容易引起競爭，所以係市場定位上要有不同，而Four Point 的御廚自助餐，相對走親民路線，作價$198，不單沒有加一收費，仲要有3送1，計落$150位，家陣是旦一間餐廳食碟海南雞飯隨時收你一百幾十，家陣任食都係$150，邊度搵？ 可能酒店對面就是屋苑， 而且又有空服人員入住，所以是日客量都近7成，話時話，如果我住附近，真係懶得煮，畢竟係酒店吖！飲品除了泰式檸檬茶及檸檬水之外，更有自助咖啡機及好幾款茶包，大家可自便。是晚的回本位應該係烤肉眼扒以及燒豬頸肉，尤其是豬頸肉好香口，雖然細塊，但送飯一流。而且有燒雜菜及炸薯角可以配搭，不錯。主食除了車仔麵，仲有中式肉片炒公仔麵，炒得幾乾身。又可以用花菇扣鴨掌做餸，個鴨掌不會炆到未咬先散，口感幾好。原條蒸魚好正，是日用上了“紅丁”，部份更是足半呎長，服務員仲提大家係可以成條拎走慢慢享用。當然有菜食都好重要。因為餐廳客人好多都係空中服務員，來自世界各地，食物都要多完化，所有印度瑪莎拉香料雞，最啱用來配白飯。又有黑扁豆咖哩、印度香料飯及印度脆餅，每款都試下，食落幾惹味，拌下香料飯，又是另一番滋味。有說車仔麵是餐廳的重點，望望餸菜便已經有麻辣小龍蝦、豬大腸、豬紅、 獅子狗魚蛋、鯪魚球、鯪魚肉、海帶、芋絲、咖哩魚蛋及咖哩豬皮，又真係幾多。加上主食及蔬菜，配搭算多，味道亦不錯，至少麵條梘水味不太重。滿滿的一碗，有麻辣小龍蝦汁加持，越食越想食。中湯是雪耳甘筍上肉湯，夠火喉，好有家庭湯水feel，而西湯是羅宋湯，就比較輕盈，感覺上似雜菜湯。蒸五穀是花生 、芋頭、淮山、粟米及紅菜頭，又真係好健康。甜品種類不算多，個人覺得可以多三幾樣。壓軸食返些小生果清清腸胃，如果4個人計落都係$150位，講真，街外食碗車仔麵，叫多兩個餸閒閒地都幾十蚊落樓，加埋飲品仲貴，家陣雖然無壽司刺身海鮮類，但都食得舒服。
繼續閱讀
您可能會有興趣的...