御滿屋日本料理

營業中

休息中

返旺角最開心嘅就係呢區超多嘢食揀~ 呢間放題$248起已經可以任食兩個鐘，場地大，款式多，飲品櫃都一整排，清酒啤酒蘋果酒任飲，仲有任食榴槤同埋Häagen-Dazs同Movenpick雪糕，認真超級抵。當晚平日八點幾去到都仲係好full要排隊，建議大家可以用網上訂位先，見到佢哋牆上面貼住嘅宣傳單張寫訂位仲有唔同日式實用物件例如日本碗筷，傘送，生日仲有生日蛋糕，幾吸引。刺身款式超級多，數過足足有15款，真係仲多過去食自助餐，北海道帶子鮮甜，赤貝爽口，三文魚厚切，赤蝦啖啖肉，encore咗幾輪手卷/壽司/卷物手卷連矜貴嘅海膽都有，仲有用龍蝦，吞拿魚蓉同埋魚子醬砌成嘅三色搭，最特別嘅係有一款加咗榴槤嘅加州卷，勁有創意串燒/燒物串燒同燒物都幾驚艷，蒜蓉燒生蠔蠔肉肥美，羊鞍味香超級厚切，當然重頭戲落係任食燒榴槤，肉厚味甜，好正！一品料理最特別嘅係連薑蔥炒花蟹都有，本身都冇咩？寄望，以為有兩啖肉食都好好，點知喜出望外極多肉，仲有小龍蝦，真係極度懷疑佢哋點樣維本其實見到佢哋平日夜晚都全場迫爆，都代表着佢嘅質素唔會差，如果真係留咗一個幾好嘅印象。

【旺角•御滿屋日本料理】@ππππππππππππππππππππππππππππππ自助放題午市又平又多選擇這家餐廳的環境非常寬敞，座位舒適，讓人感到放鬆。裝修新淨又整潔，整體感覺極佳。放題提供多款美食，選擇相當豐富。首先，刺身和壽司都是必試的經典。刺身種類多達十幾款，包括三文魚、油甘魚、帆立貝、牡丹蝦等，真是讓人驚喜，誠意十足。刺身採用冰震方式送上，保持了入口的滑嫩和鮮美，品質相當高。壽司方面則有件裝、卷物、軍艦和手卷等多種形式，其中一些更是餐廳獨創的款式，例如牛油果蟹肉他他和龍蝦三色塔，這些都非常值得一試。特別是壽司的外層酥脆，內裡鮮嫩爽彈，沾上天婦羅醬油更添風味。在熟食方面，餐廳提供串燒、天婦羅、燒物和一品料理等，其中天婦羅蝦尤為出色，鹹鮮的醬油搭配讓人回味無窮。自助區則提供多款前菜、甜品和飲料。甜品部分令我感到非常驚喜，除了常見的一口蛋糕、布丁和雪糕，還有大大件的千層蛋糕和拿破崙，造型精美，味道理想，讓人滿足。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 238✨✨✨✨✨✨✨✨✨✨✨✨✨#旺角美食 #御滿屋日本料理 #web3旺角

今次已經係第二次嚟食哩間放題😆$288係哩度已經可以食到所有日式野食榴蓮 清酒 啤酒 仲同雪糕任食🤤🤤👇🏻👇🏻👇🏻📌有多款刺身 魚生 活海鮮 壽司 手卷 炸物 鍋物 燒烤 小炒等等等🫨📌仲有自助吧有多款涼菜 小食 點心🫨野飲除咗有常見嘅無酒精飲品仲有啤酒 燒酒 清酒🍶 重點係所有酒都無限飲 清酒自由斟 絕對係三五知己一齊飲飲食食好去處！📌依家仲有馬來西亞榴蓮任食🤤真係舊舊都超甜🤤 鐘意食榴蓮就一定要去！大推榴連炸彈一定要食外脆內流心榴蓮好好食😋📌 仲有 Haagen-Dazs, MOVENPICK 雪糕都係任食！任食！任食！📌最平嘅價錢都已經食到鮑魚 生蠔 鰻魚 炒花蟹 榴蓮等🫨💬 最平嘅價格有咁多野食 仲有無限酒任飲 榴蓮 雪糕放題🤤好抵呀😆 🧀🧀🧀🧀 📍 御滿屋日本料理 (旺角)旺角彌敦道655號胡社生行1樓

上次食過荃灣大鴻輝分店嘅放題，今次一於試埋旺角分店，因為地點非常就腳，旺角站E出口一出就係啦。今次就試四個餐入面最平嘅A餐經典餐。 ✨️刺身✨️刺身種類都繁多，有挪威三文魚、泰味冷鮑魚、油甘魚、劍魚腩、北寄貝、鮑片、八爪魚、希靈魚及赤蝦等。全部都幾鮮甜同大份，選擇豐富。 ✨️壽司✨️壽司種類都多，我同朋友就試左龍蝦膏赤蝦壽司、劍魚腩壽司、馬刀貝壽司、三文魚壽司，全部都頗為鮮甜。如果鍾意食榴槤嘅朋友，就一定要試佢地個榴槤加州卷，榴槤蓉嘅香味溶入左係壽司飯入面，出奇地配襯。 ✨️燒物✨️試左鹽燒牛舌、雞翼及海蝦。牛舌頗有咬口，亦有小小油脂感，幾爽彈！；雞翼加埋鹽燒食得幾滋味，金黃皮脆；海蝦肉質都幾彈牙，全部上碟時都係熱辣辣。 ✨️經典料理✨️雪花牛煲都幾唔錯，肥牛配埋蛋黃食非常有壽喜燒feel，肥牛牛味濃郁；御品鮑汁燴花膠嘅花膠都好大舊同易入口。 其他炸物例如貓山王榴槤炸彈亦炸得出色，係用貓山王榴槤，所以榴槤味特別香濃，質感軟滑。前菜及飲品種類繁多，雪糕亦有m字頭及h字頭兩大品牌雪糕任食，亦有其他牌子雪糕俾你揀。

御滿屋呢間位於旺角E1出口行20秒就到嘅日式放題餐廳,真係超級方便！我哋今日8:30入座,呢個時段可以平d嘅價錢食到放題,超值呀!我哋今日叫咗經典三重新鮮刺身江陽盛宴A放題,主打有油甘魚、三文魚同北寄貝,仲有好多其他新鮮嘅刺身,個個都好鮮甜!除咗刺身,佢哋嘅日式小食同壽司都好特別,例如牛油果蟹肉他他壽司同龍蝦三色塔,好有創意。串燒方面,我推薦鹽燒牛舌,鹹香味好正,有口感同彈牙。天婦羅同炸物都好多款,其中芝麻雞翼好特別,外皮酥脆香,肉質嫩滑。貓山王榴槤炸彈同椰汁留心球都唔可以錯過。燒物方面,西京比目魚同紐西蘭羊安都好惹味。如果你鍾意榴槤,呢度仲有任食嘅馬來西亞榴槤,超滿足!除咗日式嘢,呢度仲有一啲中式嘢,例如御品鮑汁燴花膠、萵筍炒蝦球同上湯菜心等,都好好味。出面自助餐區仲有好多醃製嘅菜、點心同熟食,仲有好多甜品任食添。

我地好耐都冇食放題，難得今日得閒就去左旺角食，而旺角都有好多間放題餐廳，呢間御滿屋之前食過幾抵食，晚市都有幾個時段，我地就揀左特價既20:30入坐😆A經典三重新鮮刺身江洋盛宴夜割20:30後入座（$258）呢度既放題餐有ABCD一共4個級別，我地揀左最基本既A餐，我地覺得最抵食，上一級既B餐特價時段係$378，主要既分別就係刺身同壽司，而平時放題諗得出既食物基本上A餐已經有齊😉門口擺左好多款冷盤同埋有炸物，比較熱門既就係青口，其餘我自己鐘意就係日式小食，螺肉，中華沙律同蟹籽，仲有d川式辣喉黃同魚皮等等，頭盤已經夠曬豐富，入少少仲有個清酒梅酒自助區，鐘意飲既人真係一個喜訊😛放題重點就梗係刺身盤啦，A餐既種類都好齊，我叫左三文魚，油甘魚，北寄貝，帶子，赤貝，希靈魚，赤蝦，冇腥味同雪櫃味，呢個質素既刺身放題黎講我覺得係合格有餘🍣熟食有曬中式日式連西式都有，分別有炒蜆，牛肉粒，日式串燒，鐵板牛扒都有埋，熟食料我自己最鐘意就係蒲燒鰻魚，其餘既串燒都唔錯，最緊要夠熱，上菜速度唔慢🍡🧆🥙呢度既特色就係有榴連放題，佢係雪凍左既馬來西亞極品冷榴連，凍食好爽，榴連夠香夠甜😋最後就梗係食甜品啦，雪糕雪條有好

突然興起和家人飯聚，一家大細有老有幼，打算食放題種類多，因為星期日臨時臨急好多店都滿座。平常食開5樓果間，但已滿坐，心諗試下1樓呢間啦。價錢同其他放題一樣，但野食種類極少，要加$升級先有多D種類。食物一般，所以相都冇影。兩點半先last order,但兩點已經叫人埋單，好似趕人走甘兩點二十分左右出去拎雪糕，都比人趕！食過甘多間放題，真心最差的一次用餐！如果吾系樓上果間滿座，都吾會落來試，點知差成甘。冇下次

現在香港的日式放題從刺身隨便吃進化到榴蓮，麻辣小龍蝦都能隨便吃了 這間在旺角地鐵站旁的日式放題餐廳，地理位置方便，旺角站e1出口就是 放題有幾個檔位，我覺得a餐就挺好的，主要賣點就是榴槤隨便吃，而且能吃到烤榴槤和冰榴蓮兩種不同的口感，絕對適合喜歡榴槤和生魚片的。 ⭐刺身有好幾款，基本上的水平都很不錯，新鮮沒有腥味，都肥，解凍也做的剛剛好，都可以點 ⭐除了刺身，燒烤，例如燒烤羊排，炸物，還有小炒菜都有，還有麻辣小龍蝦和薑蔥炒蟹 ⭐重點推薦他的天婦羅，他的天婦羅是新鮮炸出來的，水準挺高，是我吃過比較好吃的一家 ⭐壽司也還可以，我吃了三款壽司，飯粒不硬，想吃飯也可以選 ⭐接著就說到他的烤榴槤了，他的烤榴槤兩款我個人比較喜歡烤的。 更能釋放它的甜味，喜歡榴槤的真的不要錯過 ⭐除了以上所有選擇還有他的鍋物，胃口大的人有數百種選擇 除了手機點外外面還有幾款小吃和炸物，前菜冷盆也有，飲品有二三十種選擇也有酒類，冰淇淋有好些選擇，也有h牌和香港本地movenpick，選擇種類非常多，同時 愛吃榴槤和日料的可以來，$2xx吃到扶牆出

呢間日式放題餐廳提供好多選擇，揀最平嘅餐，唔貴，一定食到飽飽。自助區有前菜、炸物、熟食，仲有飲品任飲，選擇多樣，方便又抵食。刺身、壽司刺身新鮮，款式多：有三文魚、油甘魚、赤貝、北寄貝、希靈魚、甜蝦、牡丹蝦、鮑魚等等。壽司亦有唔少選擇。手卷有海膽手卷、吞拿魚蓉手卷等等。燒蠔鮮美多汁，蒜蓉味好香又帶點辣。另外串燒選擇都好多，牛舌薄身爽口。雞翼鹹香適中。天婦羅外皮酥脆。熟食有花膠，質地豐滿，滋味濃郁。鍋物如牛肉鍋同烏冬，湯底香濃，牛肉滑嫩，烏冬Q彈。榴槤同甜品榴槤味道濃郁，鍾意食嘅一定唔好錯過。雪糕同甜品種類多。

瘋狂加班之後決定要食餐好既一於去食乜都有既日式放題旺角有咁多間 我就最鍾意黎呢度佢係全港首創獨家Menu 仲有鐵板燒原來8:30後入座 每位只需$258/120分鐘近排仲免費升級有埋馬來西亞榴槤雖然我唔食 但見到勁多人嗌完一轉又一轉可以揀烤過/無烤既 相信都係正的🤣總共有77款食物可選 多到我已經試唔哂刺身都已經有十幾款 以放題質素已經好好泰味冷鮑魚勁正 泰式醬汁好惹味 鮑魚彈牙另外壽司都有好多款選擇 除左一般口味仲有多款創意壽司龍蝦膏赤蝦壽司好正 蝦膏味好濃郁芝士鰻魚卷同吉列蝦卷口感豐富海膽手卷細細地一個 食落都幾鮮甜熱食方面有串燒、鍋物、炸物等西京比目魚好嫩滑 牛舌爽口 仲有大大塊花膠 超正呀甜品都係自助任拎 有雪糕 雪條啫喱 雪米糍同自家製甜品

呢間餐廳任食日本放題，最近仲推出左升級馬來西亞榴槤放題，榴槤味都幾香濃，平時唔多食既小編今晚食左都覺得幾滑溜同抵食既，唔鐘意食榴槤都有好多其他食物選擇，飲品連啤酒都係任飲嫁，帶子刺身小編最愛所以就叫左比較多，三文魚今次食既都偏瘦唔夠肥美，油甘魚清淡鮮味。花膠好厚肉入口滑溜，牛舌串燒都係必食推介，仲有炸蝦都係即叫即炸。原來呢度仲有點心食，小編無食食左雪糕，呢度雪糕款式花多眼亂，H字頭同m字頭好出名既都有得食嫁。

今日做完運動去食放題任食兩小時 我提早了在他們線上系統訂位✅今次的放題食物種類真的很多，不論係中式食物 鍋物 炸物還是傳統刺身都搵得到✅餐廳上菜速度好快，而且不會漏✅刺身相當新鮮✅飲品方面 還有酒供應添 ✅甜品方面，move I’m 同Häagen-Dazs可以任食✅免費升級馬來西亞極品榴槤任食刺身方面-赤貝 帶子 北寄貝 挪威三文魚全部都好新鮮熟食方面 都有不少中式特色小炒❤️日式炒蜆❤️薑蔥炒花蟹估唔到炒蟹都有得食❤️蒿荀炒蝦球 真係估唔到有蝦❤️牛柳粒 真係估唔到有蝦有蟹又有牛柳 日式食物方面❤️鹽燒牛舌 鹽燒雞軟骨牛舌燒得好香 小小嘅鹽 已經帶出食物嘅香味❤️吉列炸蠔雪花牛鍋(2-3人份)係壽喜燒汁 牛肉鮮嫩蒜蓉燒生蠔蒜香味濃 而且生蠔都算大粒蒲燒鰻魚西京比目魚一向好鍾意食西京燒沒有太多骨嘅魚肉又非常好食佢任食雪糕真係勁多款 movenpick 任食

呢日同大大、細細去旺角學嘢，放咗學，佢哋好似好肚餓咁，一於帶佢哋去食放題。呢間放題我之前食過，一定滿足到佢哋。一入去已經有唔少人排緊隊，等緊嘅時候有個魚缸俾佢哋睇魚魚。跟住就望到有好多配菜、炸物同點心。行過啲，又見到有唔同種類嘅飲品、甜品同埋雪糕，真係好想快啲入座。入座之後，忍唔住開始點嘢食。一枱都係，大家都食得好滿足。以下係幾款我心水嘅食物:燒紐西蘭羊鞍，肉質鮮嫩多汁，冇乜臊味，啖啖肉，好好味！西京比目魚，鮮味十足，魚肉又夠滑。鹽燒雞翼好Juicy，鹹味啱啱好！瑤柱海皇粥裏面有好多海鮮，粥底夠綿，食完好暖胃。最後食個蜜瓜布甸同焦糖燉蛋作為甜品，好驚喜，非常美味！😋😋😋😋😋

最近係食榴蓮嘅季節，估唔到連日式放題都有榴蓮食😍😍榴蓮控表示勁正🤣食物種類上有多咗選擇，主要提供四個價錢選擇，分咗A、B、C、D餐，今次試咗性價比最高嘅A餐共提供77款食物👐🏻我個日食晚餐A成人$288一位😆呢度嘅刺身都幾新鮮仲幾厚切，刺身款式三文魚、泰味冷鮑魚、帶子、劍魚腩、鮑片、八爪魚、蟹棒、油甘魚、大赤蝦、北寄貝、希靈魚、甜蝦同泰式生蝦😙個人最推介赤蝦、帶子☺️除咗刺身，餐廳仲有好多唔同款式嘅選擇，分咗唔同種類有經典壽司、火炙壽司、手卷、軍艦、串燒、卷物、鐵板、燒物、一品料理、天婦羅同炸物😍個人推介天婦羅，炸得好香脆😌呢度提供多款口味牌子嘅雪糕同雪條☺️最正係連Häagen-Dazs同Movenpick都係任食😜

每次返工好辛苦，要去旺角出job，都忍唔住同同事嚟呢度食放題，呢度絕對係放題之選，食物美味有多選擇。今日五點幾嚟到，已經有人排隊入緊去！等咗一陣，就安排我哋入座。我哋先響出邊拎少少炸物、點心同前菜，再拎咗啲嘢飲，就開始用Barcode點餐。餐牌裏面有我幾款最推介嘅食物：🤩刺身當然要食，我叫咗三文魚、劍魚腩同帶子，全部都肥美新鮮。另外不得不叫嘅係京蔥炒蟹，炒蟹夠香，蟹肉夠晒鮮味，而且辣辣地，惹味十足！御品鮑汁燴花膠，花膠夠順滑，冬菇夠爽，煮得好入味。壽司全部都好好食，我最鍾意花之戀，份量十足。榴槤愛好者一定要食榴槤同烤榴槤，兩種口感完全唔同，一樣咁正！最後食個Movenpick同Häagen-Dazs雪糕作完美嘅句號。