德仔記

營業中

休息中

由東涌行到梅窩，行山一般行完都會搵地方同朋友一齊食飯。今日專誠去德仔記尋找我們的胡椒豬肚湯😄可惜老闆話要備料原來佢係家族生意，由原來舖位搬到前排熟食檔，知道我哋專登嚟捧場老闆送咗例湯，仲承諾咗下次我哋如果想食胡椒豬肚湯可以提前1-2天預約打電話畀佢，佢會準備材料煮畀我哋食，真係有D感動🥰今日我哋仲叫咗其他嘅小菜都好出色，臨近海邊全靚view 食大排檔啤一啤真係一個不錯嘅選擇。

今時今日咁嘅服務係唔得㗎，完全違法商品說明條例。午市套餐寫明配奶茶或咖啡，落咗單之後，轉頭出嚟話凍熱都要加八蚊喎，佢個餐牌又唔搽咗佢，咁就完全違反商品說明條例啦。一個年紀大嘅女員工仲話自己新黎做，好多野唔識，咁奇怪嘅事講咗你信唔信呀？同佢講一下，話會違快限商品說明條例，佢就送兩個例湯畀你囉。不過之後送餐上枱，佢又會送錯枱喎？仲話之後同啲同事講返聲餐牌問題。我話你攞個marker過嚟啦，我幫你搽咗佢啦，好聲好氣咁樣同佢講，費事誤導下一個人啦，佢就收起張餐牌，個人相信會有下一個受害者。記得，到梅窩熟食市場，右邊有問題嗰間叫德仔記，左邊叫華記，小心行錯呀。原本想影一影餐牌畀各位睇下嘅，但係佢又好醒目咁樣話個餐牌唔用㗎喇。實說實話，送嘅例湯味道正常，炒嘅麵都唔差，可能市道真係差？所以做衰咗自己個名囉。

#搞串個pantry嚟到#梅窩 ，除咗有啲靚景cafe之外，仲有好多地道小菜餐廳🍽️。臨近碼頭⚓️嘅熟食中心就已經有好幾間，但係今次就行入少少，一間靠近馬路、海濱長廊嘅餐廳💕。今次我哋嗌咗椒鹽鮮魷($98)🐙、豉椒炒蜆($98)、乾煎大蝦碌($188)🦐、紅燒乳鴿一隻($75)🐦，價錢尚算公道，同外面大部分同檔次嘅餐廳差唔多，係大蝦碌略為貴啲💰。椒鹽鮮魷🌟🌟🌟🌟一嚟到就聞到好香嘅椒鹽味🤤，份量正常。食落口感，外邊嘅炸粉非常薄同埋好脆。味道方面，椒鹽非常香口，同時都食得出魷魚嘅鮮味😍，唔會太乾，食落亦都唔會太霉，口感彈牙有咬口😬。豉椒炒蜆🌟🌟🌟分量都正常，但總係有個錯覺就係蜆殼比俾蜆肉多😂。味道正正常常，同外面大部份嘅豉椒炒蜆一樣🤩。有人抵讚嘅係，成碟嘅蜆肉都冇沙，非常乾淨！乾煎大蝦碌🌟望落非常吸引，每隻蝦都好大隻🦐，不過食落口就唔同講法啦。每一隻蝦口感都好霉，一啲都唔爽口彈牙😖。用嘅應該唔係新鮮大蝦，而係急凍虎蝦。雖然調味唔錯，但係口感就唔太好啦🫠。紅燒乳鴿🌟🌟🌟🌟燒得非常香，食得出乳鴿嘅油脂香味😋，肉質嫩滑，外皮有少少脆口，點少少淮鹽非常正。而且仲有蝦片做伴碟，都幾適合配住乳鴿嚟食🤗！大

望海的大排檔，十分之寫意。今日沒有太多有人去梅窩，所以交通都十分之暢順。已經第三次嚟食德仔記，佢嘅乳鴿真係好好味，奇怪的就是今次的蜜糖雞翼用了超多炸粉，感覺上很奇怪。梅窩真是一個好地方，有美麗的沙灘，大排檔的價錢不太貴，但風景十分之美麗。大排檔都有洗手間，尚算乾淨。但是由於有梯級，另外洗手間很窄，所以不方便輪椅人士進出。有趣的是，就是大排檔會每次煲滾熱水來為你加水，所以你叫他加熱水的時候，大概要等五至十分鐘，以便廚房煲滾一煲水來為你加水。

德仔記喺碼頭附近，行大約5分鐘到就到啦。今日平日唔係好多人，可以坐到海邊位。望住呢個靚景，心曠神怡，食咩都好食。天氣都有啲熱，所以坐低就帶咗汽水飲。汽水🥤夠冰夠凍。爽吖！我哋叫咗椒鹽鮮魷🦑炸粉唔厚，魷魚好彈牙。都幾好食。一路食一路飲汽水，慢慢傾吓計，都幾開心。另外，仲叫咗個唔係餐牌上嘅乾炒牛河。我哋都係見到隔籬枱有炒粉麵，先至問吓有冇得叫。$65都幾大碟，好有鑊氣。埋買單兩個食咗$214。有呢個靚景，價錢都算抵食。😍

黎到大嶼山梅窩行過肚餓，見到呢個德仔記，好似幾多人咁，風景又唔錯就入去試下等左5分鐘就有位見到蠔仔餅樣貌唔錯就叫左個黎試下，食落又幾酥脆香口，不過就蠔少啲！再試食埋椒鹽豆腐，外脆內滑又幾正喎仔仔話想食豉椒炒蜆，估唔到佢又幾大仔同好味食完小炒唔夠飽再叫左個乾炒牛河食，都似平時大排檔食開既差唔多總結野食都可以，風景景色亦很好，只是環境衛生略。

話說梅窩都有幾間大排檔吃海鮮、小炒，最後選了這間要走點小斜路，但能看不錯風景的店！而且還有貓咪做店長的喔！雖然之後不知跑哪了 (笑)餐牌中不見有炒粉麵飯那些，不過聽其他桌子問就話有，價錢反而沒聽到。✦ 豆腐海鮮湯 ($98) - 份量幾多的魚湯。就只有魚，沒有其他海鮮。魚比較多骨，吃的時候要較小心！不過喝湯那時倒是沒有喝到魚骨之類。豆腐不太嫩滑，湯在熱時喝很鮮味，涼了會有點點腥。✦ 椒鹽鮮魷 ($98) - 同價錢下對比一窩湯，這個就有點貴 魷魚口感幾軟，吃落不錯。但說好的椒鹽沒吃到 ...

會錢唔便，但質素一般行完大東山，搭車去梅窩食埋晚飯先搭船。叫左二人套餐再加生炸乳鴿，除左隻乳鴿好食，其他一般般。生炸乳鴿好味👍🏻👍🏻層皮脆卜卜 ，好味，仲有新鮮炸嘅蝦片，唔錯。二人餐包括：粟米羹、菜遠炒鮮魷、瀨尿蝦、炒蜆粟米羹味道好麻麻，好多粉，無乜粟米同肉粒，好似食緊一堆糊仔。菜遠炒鮮魷二人餐入面最夠味，好有鑊氣，好味😋瀨尿蝦細隻，咊道還好，不過不失。炒蜆有沙，no good 👎🏻好多死蜆整體一般，無必要唔會再去。

因為之前啲相片上載唔到補充番之前嘅食評😁講真咁樣嘅靚景飲住啲啤酒人生一大樂事🌈⋯⋯下次都會再選擇呢間，雖然服務實在欠奉，以為係人手不夠，態度認真麻麻，（大排檔係咁上下）有靚景搭救不過不失，性價比高👍大推🤟🏼🤟🏼以下啲圖冇P過，純粹求差其影🤣懂的來😬🤣🤣(本人於閒日去，星期六日絕對不出埠)下次都會試埋隔離嗰間對比下！

🍔食物質素：👍🏻👍🏻👍🏻💵價錢性價：👍🏻👍🏻📸打卡指數：👍🏻 🪑環境衛生：  👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻fai.lok今次去左銀礦灣酒店staycation，想知道最新又靚又好玩地方可以follow  ig@ fai.lok.mode， 當日下午fai.lok就去左碼頭附近海鮮餐廳食海鮮，德仔記就係碼頭附近，對住海景都靚啲，海蝦大大隻，肉質好實，好新鮮，不過數量就唔多。瀨尿蝦唔知係咪當季，食落隻隻都有成條膏，蒜香炒瀨尿蝦冇得輸。但瀨尿蝦就唔係好大隻。胡椒豬肚湯飲落成個胃好暖，好彩天氣開始涼，如果冬天飲就仲正。豬肚都好足料。炒蜆炒蜆數量係好多，但真係好細隻，所以食落唔係好大陣味，普通炒蜆咁。fai.lok覺得黎到梅窩食海鮮同普通大檔質素差唔多，所以唔洗一定要食海鮮，fai.lok都係為左坐低望下海，真正海景餐廳。

今早朋友致電來想去梅窩逛逛，望見今日天氣非常清爽， 又可以順便坐船relax下，去吸吸新鮮空氣。大約3點鐘入到梅窩，條街好清靜唔多人。我地周圍影下相，欣賞自然風景 真係好寫意👍大約5點左右，朋友推介食德仔記 我地3個人叫了3個餸，份量嚟講都幾多，我地全部都食晒🤭南乳醉大雞雞有好香南乳味，唔會炸過火外脆內嫩味道8/10德記小炒王好有鑊氣一道菜送飯一流🍚味道8/10椒鹽鮮魷魷魚好新鮮好惹味， 炸得好乾身冇油淋淋感覺，椒鹽味適中不會太鹹味道9/10

山長水遠入到來行下，當然要試吓呢度嘅海鮮，反正兩個人都唔肚餓所以求其叫咗兩個餸，蒜蓉蒸蝦好鬼貴，海鮮價要二百幾蚊，雖然蝦都算爽，但只有4只兼且唔係好大，只有少許粉絲薦底，整體唔抵食。非海鮮嘅食物價錢比較合理，豬肉類$78起，牛肉$88起。咕嚕肉都好食，酸酸甜甜，唔會好乾，咬落去有肉汁唔錯， 呢餐兩餸1碗白飯共$304，感覺真係海鮮價！

是日行完個4個鍾嘅悶山, 走時出到梅窩碼頭, 友人推介呢度, 入內見幾多外籍人仕, 由於這店位置在路口, 做生意來講占先機, 而且稍稍起高地台, 令客人可以稍稍望遠一點係心理上亦占優, 在市區無乜可能但這裡就變成事實, 食物質素只係一般般, 份量也不算大, 炸大腸$88惜 豬腸內多肥羔未清, 炒芥蘭多油, 蘿蔔牛腩煲係當晚的理想之選, 南乳醉炸雞$88雞件夠乾身見功力,不過件数不多, 咕嚕肉$78 基本上任何一種豬肉類都係均一價$78, 閒話家常一番後坐船返中環轉地鐵返歸,

放假來郊遊一下, 選了輕鬆的路徑走走, 由愉景灣行到去梅窩, 去了熟食中心那邊看看, 又過來德仔記, 因為累了又餓了, 也不再選了, 就在德仔記食吧, 店員招呼我們坐向海的位, 並細心提示坐有風扇吹著的位較好, 但其實風扇也甚微弱, 我是不太流汗的人, 也邊吃邊印額上的汗。椒鹽魷魚, 應該是餐廳的招牌菜, 果然亦不錯, 脆脆的, 魷魚爽軟有鮮味。豉椒炒蜆, 蜆細粒左少少, 但個汁好惹味, 份量都幾多。蠔餅, 似薄餅的質感, 味道較鹹, 亦頗熱氣的樣子, 所以我只吃了一點。燒乳鴿, 附送很多蝦片, 乳鴿不會好乾, 燒到幾香, 不過亦未算特別juicy和出色, 肉量算多。$60/隻的蒜蓉粉絲蒸扇貝, 扇貝蒸得太久, 變成好細隻, 同埋靭, 浪費左, 仲要咁貴, 輸晒, 粉絲都有d係硬的。

難得入左梅窩，當然要去食風味小炒，朋友帶左我地黎德仔記。首先講環境，你黎得都預左係戶外，但咁多蚊都係第一次，成餐飯不停打蚊&俾蚊咬，仲要係白紋伊蚊，真係想快脆食完走人。小菜ok la，九肚魚味道唔錯，但太細條，入面肉唔夠。乳鴿燒得幾好食，塊皮有少少脆。好油，同埋冇乜味，下次叫上湯穩震d。算係炒得唔錯，有櫻花（即蝦乾）令到好香口，乾身又多料，值得食。重點黎喇：我地4大人3細路，叫左個粟米羹，伙計話細唔夠食，好有禮貌咁問洗唔洗要大，諗住佢真心覺得我地唔夠食，所以聽佢講叫左大。誰知多到飲唔曬，每個大人飲左2碗，細路一人一碗，飽到痴筋，最後都有淨，一圍枱既份量，真係飲唔到law。雖然唔知貴左幾多，俾人水左，又浪費食物，感覺都好差。