德國餐廳 (寶怡花園)

營業中

休息中

星期六下午1:30到唔使等位，我地叫左蔥油雞扒配薯菜，落完單隔咗一陣就好快上飲品，唔使10分鐘就已經上埋主菜。蔥油雞扒大大份好厚切，肉質鮮嫩Juicy，雞皮煎到好脆，不過略嫌唔夠熱同略油，但整體食完之後都超級飽同好滿足。薯條炸得好香脆，脆到連薯條同碟嘅碰撞都會聽到格格聲，食到最尾都仲係好脆，雖然好飽，但都唔捨得唔食完佢。而西蘭花就比較生同凍，不過可能佢係諗住當做沙律，但我個人比較喜歡熱食。整體而言，份量超多，性價比高，成餐飯我哋不斷話好食好食，我亦覺得呢一間德國餐廳，係呢頭最好食嘅餐廳三甲之一，大推！

好耐冇食德國野，就揀左去「德國餐廳」，每次去都必叫德國豬手，食德國野冇理由唔叫嘅，大約要等25分鐘左右，滿滿嘅儀式感，職員會拎隻豬手出嚟點火，比你影一輪相，再拎入去切件，上碟側邊會有配菜（鹹酸菜、薯蓉），仲有芥末醬配住食一流，我就覺得好好味😋可以配埋啤酒飲呀⋯⋯

冇諗過招牌豬手原來係白烚，腸仔同蔬菜都係白烚！炸魚薯條可以炸到魚同個脆漿分開！呢個lunch set唔平，計埋+1都要$100 ，冇諗過招牌菜可以差到咁，豬手係白烚都不特止，連條腸仔煎都懶得煎！我諗呢度啱減肥人士多啲！可以做到咁差唔怪得知香港地冇人再食，餐廳都唔爭氣！menu 上三款特飲2杯都冇，雪糕都冇！特登去食，估唔到失望而回，仲以為寫明德國豬手，仲要係招牌菜係白烚⋯⋯如果知道係咁同自己係屋企白烚就得，洗鬼特登去德國餐廳咩

火焰德國鹹豬手 $168豬手係德國菜嘅精髓之一，所以今次嚟到一定必點，店員上豬手時，燃點咗火焰，好吸睛，儀式感十足。豬手炸到外層金黃，香脆有肉汁，配上啤酒，啖啖肉嘅豬手加一口啤酒，呢個配搭勁爽。德國超級香腸拼盤$138德國腸仔亦係傳統德國菜必點之一，腸仔拼盤有多達四種唔同嘅香腸，有紅色橙色同埋白色，每種腸仔嘅外皮都非常脆，咬落去入邊會爆汁，配上旁邊嘅茄汁醬，酸酸甜甜，非常開胃。熔岩芝士麵包薯條 $78薯條同埋麵包都好脆口，薯條用上粗，薯味十足，配上熔岩芝士，芝士可以拉絲，味道香濃，令人忍唔住一條接一條，好邪惡。以上為屯門分店價錢，各區分店有別，敬請留意。

#pb食在屯門 #pb西餐系列 屯門抵食德國咸豬手晚餐🇩🇪今次想介紹一間位於屯門良景嘅德國餐廳 附近有出名嘅JEP by Involtini、First Stage Cafe等🥰 佢全港有5間分店 包括將軍澳、屯門、新蒲崗、天水圍、大埔😍 不過今次介紹嘅德國鹹豬手晚餐係屯門限定 份量十足 而且價錢超抵食👍🏻.呢個德國鹹豬手晚餐有二人套餐（$178）、二人全餐（$298）、四人全餐（$398） 價錢好平👍🏻 當日我地5個人叫左四人全餐食 個個食到捧住個肚走 份量絕對夠5-6人食😋🔹四人全餐 ($398)🍽️🔸德國鹹豬手配酸菜及薯仔沙律🍖推介❤️ 豬手都幾大隻👍🏻 外皮幾脆 肉質都唔錯 冇咁乾身就仲好😋 仲有酸菜、薯仔沙律伴碟 醬汁有茄汁、兩款芥末😍 中意嘅話可以另加$30轉鹹蛋黃豬手🤪🔸德國超級香腸拼盆🍖推介❤️ 有4-5款腸😋 其中一款腸會爆汁 彈到周圍都係🤪 個底仲有炸薯角 夠哂飽肚👍🏻🔸凱撒沙律配西班牙風乾火腿🥗配煙三文魚 / Parma Ham要另加$30🤪 羅馬生菜幾爽脆 而且份量好多 5個人share每人都分到2碟👍🏻 特別欣賞佢加左好多脆煙肉粒😋🔸香草煙三文魚意粉🍝推介❤️ 份量又

前排見某App預約有半價優惠，所以就book黎試吓。其實之前去德國，日日都食豬手腸仔，真係食到有啲厭。所以喺香港好少會食德國菜。餐廳位置其實唔太方便，唔係市中心，真係特登搭車過嚟食。餐廳其實都幾細，感覺唔似連鎖式經營。不過裝修都配合返德國風格。德國鹹豬手配酸菜及薯仔沙律 $168食德國菜一定要叫鹹豬手啦，外皮非常脆，完全唔硬，真係好出色！最緊要係已經切好晒！啱晒我呢種懶人，加分！肉質好腍好嫩，肥瘦適中，唔會好油膩，食晒全隻都唔會過咸。酸菜同薯仔沙律都唔係德國正宗果種，係港式的，就普普通通，味道正常。因為覺得豬手已經好heavy, 所以另外就簡單叫咗香草煙肉三文魚意粉$128意粉味道普普通通，不過好足料，對得住價錢。整體來說，都算幾好食，而且價錢唔算好貴，正價食都OK，當然有特價就真係算係好抵。

#搞串個pantry喺香港🇭🇰，除咗日本菜🇯🇵、泰國菜🇹🇭、越南菜🇻🇳，大家都經常食之外，其實仲有德國菜🇩🇪都好受歡迎。今次就嚟到一間喺#天水圍 、#屯門 、#大埔 、#將軍澳 、#新蒲崗 都有分店嘅德國菜餐廳💕，一齊啤一啤🍻！餐廳內嘅裝潢簡約，有一幅德國🇩🇪全境嘅地圖🗺️，碟上面印有德文嘅豬標示圖🐖。今次我哋就嗌咗一份🔴德國鹹豬手配酸菜及薯仔沙律($168)、🔵德國香腸拼盤($118)、🟡柏林式燒豬腩仔($88)。德國鹹豬手配酸菜及薯仔沙律🌟🌟🌟🌟鹹豬手嘅肉質非常嫩😋，食落口好腍，咬幾下就已經呑得，而且食到有炸嘅豬油香味🔥。鹹豬手外皮就非常脆，一啲都唔硬🤩。酸菜味道就有啲偏中式，不過酸度適中，可以中和返鹹豬手嘅油膩感🤤。另外，隨餐配咗黃芥末醬，味道偏辣🌶️，點咗之後，鹹豬手又有唔同嘅感覺。德國香腸拼盤🌟🌟🌟一盤有4種唔同嘅香腸🌭，有啲入面有芝士🧀，有啲係豬肉腸。4種香腸食落口，紅色嗰啲比較彈牙、爽口啲🥳。而白色嗰啲就偏粉，食落口會有啲「霉霉」地嘅口感😖。不過整體食落都唔錯，而底下嘅薯角亦都唔差😋！柏林式燒豬腩仔🌟🌟呢道菜真係令人又愛又恨😶‍🌫️。總共有五串燒豬腩仔🍖，每一件都係厚切。食落口

今日慶祝生日見有啤酒送就訂位試吓，去到話送既唔可以堂飲，吓咁我不如去超市買，最後都話可以飲不過冇雪，真係嘥氣⋯為左d細路唔行來行去，最後都決定去食。以下係點左食物既評價：炸魚薯條 - 薯條比魚出息，下價雪藏魚雪味好重，不過明既，咁價錢合理。腸仔拼盤 - 普通超市貨，不過不失牛肋骨 - 完全唔值，1/3係肥膏，又冇乜味，要加胡椒粉同鹽去食。最後一提，店內冇廁所要去對面商場，但又冇鎖匙提供，要等其他人用完開門先入得去，非常荒謬！性價比低，應該冇下次。

一坐下就看見這個德國鹹豬手晚餐, 價錢真的很吸引,,, 很可愛的餐具,,, 英式炸魚薯條 @$108: 薯條是粗薯條, 炸得很香脆, 而且薯條炸得很乾身, 讚!!!,,, 反之, 炸魚卻較油膩, 沒有瀝乾油分, 二人套餐 @$178: 德國鹹豬手配酸菜及薯仔沙律: 豬手是碎上, 廚師已為我們切好, 豬皮炸簿脆卜卜, 而且很薄脆, 讚!!! 豬手也很入味, 鹹味也不會過, 德國香腸拼盤: 就是普通但不難食的腸仔, 酸椰菜絲是很傳統的幼幼酸椰菜,讚!!! p.s. 這個套餐的份量跟單點的份量是不相同的, 意大利巴馬風乾火腿 @$148: 朋友吃的, 她說火腿不是很鹹, 就是一款很普通的火腿鹹香, 我沒有吃, 卻覺得一朵朵的玫瑰花, 很賞心悅目,,, 二人套餐餐飲, 有生啤, 黑啤, 果汁, 茶⋯⋯如果二人不太肚餓, 又想聊聊天, 二人套餐的CP值不錯不錯,

屯門寶怡花園一向自成一角，算幾多好嘢食，今晚黎到呢間德國餐廳睇下豬手係咪平得黎又好食🤤。餐廳唔算好大，不過裝修精美，磚牆同綠色植物感覺好有田園風。*煙三文魚配凱撒沙律$88*煙三文魚份量比較少同埋較薄身，但菜量都夠既同新鮮。*美國頂級安格斯肉眼扒 10oz $298*足10oz既大塊肉眼扒，我地叫左半成熟，火喉都掌握得好好。牛扒配卜卜脆既大薯角，有茄汁同燒汁俾你點🥰*德國鹹豬手酸菜及薯仔沙律$168*豬手真係好大份😱，好多脆脆外皮可以食唔洗爭😻，入邊既肉唔會好咸，咬落肉質算淋，係有少少筋位比較難咬。值得一讚既係豬手已經起左肉，唔洗食到好麻煩😻，一叉落去就食得好方便。可惜當日要揸車，如果唔係餐廳有供應啤酒，啤酒配豬手，再點埋芥末醬，一定好夾😚

開心星期五母親大人例牌罷工全屋行街覓食德國餐廳位於屯門良德街寶怡花園地舖主打鄉村俱樂部風格德國香腸拼盤德國香腸拼盤有齊傳統香腸以及白香腸同埋芝士長腸總共三款基本種類香腸配搭酸椰菜絲以及黃芥末醬加埋薯條金黃香脆啱哂佐酒烤斧頭一字牛肋骨斧頭牛肋骨份量完全超出預期絕對足夠三至四人分享；牛肋骨約五成熟肉質柔軟粉嫩而且脂肪豐腴油花細密個人真心推薦卡邦尼意粉卡邦尼意粉醬汁濃厚順滑而且奶油感重配搭煙肉以及風乾火腿加埋大量芝士粉鹹香惹味夠哂邪惡Da Dolce - Gelato德國餐廳聯乘意式雪糕品牌提供五款意式雪糕口味選擇；意式雪糕口感綿密幼滑而且脂肪含量相比普通雪糕較低可以放心享受

開心好簡單 每日都返工放工 生活鎖碎事 已經將人榨乾😭每日最期待就係收工後 可以好好生活🥲今日約左媽媽👩🏻食飯 近近地 細個養大我無咩時間享受🥲食德國餐廳 等佢試多啲唔同既🍴▫️德國豬手配薯仔沙律$168豬手好脆啊 皮薄又脆🤤油脂十足 食肉獸入餐廳必叫！▫️炸魚薯條🍟$108薯條內滿滿薯泥 唔係空心薯條🍟▫️德式肉丸燴松露意大利飯$88Mami👩🏻話好香黑松露味 肉丸口感紮實▫️墨西哥香葱芝士薄餅$88拎薄餅個下 夾心啤芝士可以瘋狂拉絲～▫️blue girl🍻$72Chesee ~~🐿🍃首推 德國豬手🐷炸到好脆 皮同肉之間仲有一層小小既肥膏🤤一咬落去脆、油香、啖啖肉😼炸魚薯條配啤酒🍻邊食邊傾 💓隔離枱一行十二個麻甩佬 收工成班一齊食飯 見到佢地都食得好開心 瘋狂乾杯🥳氣氛好好ʕ •ᴥ•ʔ

開心星期五，當然要食餐好咖啦！😂琴日放工就同朋友，2個人嚟咗屯門寶怡花園食德國菜😋餐廳雖然唔大，但乾淨，座位寬闊，唔好好逼，裝修好有德國風味！打卡都唔錯👍🏽凱撒沙律疏菜夠新鮮清甜🥙好正，食唔停口😀粟米片必食，少少辣又夠脆，點埋蕃茄醬一齊食！yummy yummy 徳國豬手配德國腸份量都幾大，豬手夠脆之餘肉質唔會好(鞋），德國腸都有成4條，仲要配埋薯條同薯仔沙律🤩，仲有酸菜三文魚意粉好食！仲比咗3塊煙三文魚！正

餐廳位於屯門盈豐商場對面，鋪頭細細座位唔多，裝修偏向外國鄉村酒吧風，下午茶時段冇乜人，連埋我都得2枱人用餐中。————————————♥————————————- - - - - - - - - - - - - - - - - - - - - - - - - - - - - - - - - - - - TEASET有7款食物選擇，有沙律🥗、雞髀🍗、意粉🍝等等……驚喜係連德國豬手都有，唔知下午茶既份量有幾多呢，有機會下次黎試下先。♥️ 拿破崙燴意大利麵🍝 $47奉送咖啡，奶茶/可樂（凍飲+$5)蕃茄醬夠酸，配菜有青椒、紅椒、火腿，意粉軟硬度適中，可能係下午茶關係份量細細份，女仔食未必夠飽。- - - - - - - - - - - - - - - - - - - - - - - - - - - - - - - - - - - -————————————♥————————————

今日終於和朋友有機會試試這間相當有名氣的德國餐廳。除了在屯門，在天水圍、大埔、新蒲崗、將軍澳也有分店！今次和朋友嘗試了餐廳的特色出品：👍🏼鹹蛋黃鹹豬手配酸菜及薯仔沙律 （$268）咸香味重的鹹蛋黃醬配香脆鹹豬手的外皮，非常吸引！最出色的是豬手肉不但入味，而且仍舊嫩滑多汁。伴碟的酸椰菜絲味道出調校得剛剛好，清爽的酸味正好解膩！蛋黃醬薯仔沙律同樣非常配合。👍🏼德國香腸拼盤（$172）不得不試還有香腸拼盤。點一下拼盤，就能試到五六款德國香腸，非常抵食。而且每條香腸住得課後剛剛好，救贖，但仍保持到多汁！享受地道小食和啤酒，絕對是體驗文化的方法之一！而這間德國餐廳也提供了不少地道小食。👍🏼墨西哥香草芝士薄餅（$98）非常出色的小食！不會太油膩，加上淡淡的忌廉作醬汁，而薄餅芝士味香，薄餅煎得夠脆，非常好食！若果想口味更豐富，還可以選擇加$30配三文魚或巴拿馬乾火腿，一次過品嚐不同徳國著名食物！👍🏼Erdinger Weissbier （$72）這是經店員推介的德國啤酒，主打麥味夠香濃和重。我們一事，的確非常出色！而且餐廳是使用生榨啤酒方法上酒，看着滿滿的酒泡，一個字，爽！出色的是，麥味濃但還是很容