影片
以上資料只供參考, 請與餐廳確認詳情
恆發雞蛋仔 #九龍城❗️芋頭x雞蛋仔🤩❗️呢間雞蛋仔一直都喺我嘅bookmark list入面，有超多名人支持，仲要有我最鍾意嘅芋頭餡🤩奈何佢嘅位置有啲偏僻，今次難得入到九龍城，就算已經好飽仲一定要試😆！作為傳統出名雞蛋仔店之一，雖然款式唔算好多，但係有齊晒港女最愛嘅芋頭、番薯、南瓜、芝士、朱古力、紅豆🥳作為芋頭控嘅我梗係要即刻嗌芋頭泥雞蛋仔$28‼️份量超足，老闆娘加咗超大pat芋頭嚟去(*swipe left to see!!)，然後慢慢掃落每一粒雞蛋仔入面，確保每一啖都有芋頭🥰！即叫即整，一陣耐心嘅等待後，超香嘅雞蛋仔出爐。外層微脆，雖然未至於卜卜脆，但我鍾意呢一種脆而唔會刮口嘅感覺🤤內裏非常軟熟， 再配埋軟綿綿嘅芋頭，成粒雞蛋仔好飽滿😋只係香港嘅芋頭始終唔及台灣嘅香，相信如果揀番薯味會更加突出！整返來講係一間好食嘅雞蛋仔，口感雖然未到最脆最重蛋香，但饀料嘅選擇完全係我最鍾意嘅食材，仲要份量十足，yumyum🤤！
繼續閱讀
放工後忽然想食雞蛋仔，喺op搜尋🔍雞蛋仔就見到呢間好多分店，應該幾出名！專登揸車上到黎當然擇d特別的口味，我擇左南瓜味，大概等左二十分鐘左右！拎上手好期待，餡料好足，粒粒都裝滿南瓜蓉，點知入口後超級失望，完全無味既!!! 就連外層都毫無蛋香味，我唯有當自己食緊原味....
繼續閱讀
身為雞蛋仔控的我，難得來到觀塘，當然要來恆發雞蛋仔試一試特色的味道。地點不近地鐵站，要行上斜才到，夏日炎炎是比較辛苦雞蛋仔的味道選擇都很多，最吸引我是我第一次見到的榴連夾心雞蛋仔店員說要等十多分鐘，不是前面有人排隊，而是這個雞蛋仔要十多分鐘去弄大約十分鐘便有得吃。榴連夾心雞蛋仔 - 很香的榴連味，但其實完全和雞蛋仔不夾夾心都算飽滿，但完全沒有了雞蛋仔外脆內軟的感覺。也沒有雞蛋仔的蛋味。整個雞蛋仔都很飽肚，我們兩個人吃也吃不完雞蛋仔是上下分離，可能榴連這配料根本不適合做雞蛋仔這個榴連夾心雞蛋仔是很重榴連味道，但其實完全和雞蛋仔唔夾，消失了雞蛋仔的味道。還要$45 一底，真是沒有下次
繼續閱讀
觀塘裕民坊重建後，協和街新開好多餐廳，其中 屹立不倒多年嘅有恆發雞蛋仔。除咗有雞蛋仔、格仔餅外，仲有買香港街邊小食:牛柏葉、魚蛋、燒賣、牛肉球等等，深受附近學生哥嘅歡迎。雞蛋仔由以前食開16蚊到而家芝士雞蛋仔要26蚊 。雖然貴左啲，但性價比高。出面啲夾心雞蛋仔旭下都三十蚊以上，恒發芝士雞蛋仔甜而不膩，材料充足。好味推介仲有芋頭雞蛋仔、紅豆雞蛋仔、重口味嘅榴槤雞蛋仔都有 雖然恒發有幾間分店，但都係鍾情觀塘呢間。
繼續閱讀
聽附近街坊講呢間雞蛋仔好出名，但每次都要等，尋曰終於可以試下。 招牌上好多圖，又有飲食雜誌嘅訪問，睇落去好足料好吸引，尤其係芋泥，可惜要到中秋後先有。於是選擇咗通常冇乜伏嘅芝士味啦，廣告牌上面嗰芝士係流心爆餡架！不過當你睇住姐姐整嘅時候，係落一整片芝士，本身嘅幻想就會幻滅左😂唔係話佢唔好食，只係冇可能做到圖上嘅爆餡流心。呢個配搭其實都幾夾雞蛋仔本身唔算好甜，加埋芝士味係好香嘅，而且有種好似麻薯咁煙韌韌嘅感覺。呢度嘅雞蛋仔真係做到外脆內軟，入邊唔係空氣，係好似食蛋糕仔咁樣一啖啖，有質感嘅。原味雞蛋仔每抵18，姐係多一片芝士多10蚊，食就幾好食，不過下次一定試下手工特色嘅應該會感覺值d，芋泥雞蛋仔我等你
繼續閱讀