意樂餐廳 (啟鑽苑)

營業中

休息中

週末帶小朋友去食lunch。餐廳環境都比較嘈，隔離一台講野好大聲。跟住食到一半（正在用刀切排時）服務員跑來問可否換台，好方便佢地拼大台給其他客人。婉拒之後服務員在旁邊講不開心的話，跟住1分鐘後另外一位服務員再來push可否換台，佢幫我哋搬。無奈之下只得全部起身換台。我問佢一而再回來同我哋講，是否不換就不卑我哋繼續食，佢又扮不知道其他同事有同我哋講事後投訴卑經理經理只是講不好意思服務員這樣不專業，但無任何其他行動。服務人員質素好差，食物都係麻麻，不會再去

這是一間出名性價比高的西餐茶餐廳，平時這一頭晚上人流少，今日見最好的窗邊位有空，立即坐近窗的最佳位置，點了鐵板芝士牛扒餐配滋味脆薯條和蛋黃煙肉卡邦尼長通粉，份量超足又好食。首先在鐵板芝士牛扒餐中，只需98元已經食到2點5cm高乘4吋長的大牛扒！鮮嫩多汁的牛扒表面略帶焦脆，切開後，肉質粉紅且軟嫩，汁水隨即溢出。融化的濃郁芝士亦與牛扒極為匹配，每一口都能感受像漢堡芝士濃香混嫩滑牛肉汁的味道。一旁的薯條則是餐桌上的點睛之筆，金黃酥脆內部軟綿好食，而不是硬乾薯條。長通粉方面，即是穩穩陣陣的質素，粉身韌度，卡邦尼汁醬濃度及咸度也均真適中，而餐湯亦仍舊是富有紅蘿蔔的特色粟米味白湯，實在是一頓飽滿的晚餐。

Itamomo嘅早餐種類比較豐富 多選擇 西式早餐為主野菌炒蛋+火腿濃湯通粉 配牛角酥 牛角酥🥐大大隻 好香脆 炒蛋好滑😌仲配埋蔬菜沙律🥗夠晒健康奶茶都唔錯 茶味濃 又夠熱呢個餐份量對我嚟講足夠 碗通心粉最後食唔晒🙈通粉仲可以免費轉無糖高纖鮮奶燕麥片 健康又美味😋

今日去探親戚, 費事煮飯，所以落樓下食~揀咗呢一間西餐廳~ 叫咗鐵板芝士盛薈同埋燒雞飯~鐵板芝士盛薈入面好豐富, 即係雜扒餐有豬扒雞扒腸仔煙肉~我哋揀咗配珍珠飯~而醬汁有兩款可以揀, 黑椒汁同埋蘑菇汁! 黑椒汁都算幾辣，不過好香口! 而蘑菇汁都幾重忌廉味幾好食! 肉類方面份量好大份，而且煎得幾好食! 鐵板上個賣相好靚! 加咗芝士上去好邪惡~燒雞飯係半隻雞上碟, 賣相幾吸引! 而且價錢唔貴都係60幾蚊, 性價比好高～仲要套餐都係配埋湯！飲品方面，我哋叫咗紅豆冰～啲紅豆好腍幾好飲，椰汁都落得好足！

已經好耐無去!鑽石山食過野了，今次甘岩經過又要搵下食😁位於啟鑽苑既意樂餐廳好易就見到✅大大間，不過平日晚飯時間竟然係冇咩人，完全唔洗等位❗️餐牌主要都係西式為主，仲以為佢係茶餐廳咩都有油封鴨髀黑松露管意粉 $68管意粉好似米通甘，不過完全唔掛汁又冇黑松露既味道，可能係太水狀了，不過個油封鴨髀少咸，同無味既管意粉就好夾，而且肉質鮮嫩，唔錯幾好味鐵板芝士盛會$98即係雜扒餐!有豬扒同雞扒，仲有其他配菜，出色既反而係個炒飯，好香又好味跟餐可以要湯同飲品

6月13日靚媽陪揾食肥華，見完專科醫生，搭巴士回家，已近中午用饍時間，落車時滂沱大雨，肥華都無心選擇食店，用饍，為求儘量唔被，雨水濕身，就和靚媽衝咗入呢間，平時行過路過都冇望多一眼嘅餐廳用饍，亦随便選擇咗兩份午餐，諗住求其一餐，食飽就算。而此餐最先上枱嘅食物，喺碗意大利菜湯，因香草味太濃，肥華要落重，胡椒粉掩蓋個份香草味，才能接受此湯，至於兩個主食，紐西蘭西冷牛扒定食，及香脆魚柳滑雞蛋蓋飯，味道就超乎，肥華預期水準，兩個餐整體食物都有A級水平，即喺話，肥華和靚媽，日後在住處附近又多咗一間好餐廳，選擇

好耐冇去Itamomo食嘢，啟鑽苑呢間啱啱開嗰陣嚟過，今日同個住附近嘅friend諗住搵間okay嘅餐廳食中午飯，佢提議嚟呢度。可能係因為星期六中午，成個餐廳都係人，我哋都等咗一陣先有張二人枱。😅我哋叫咗兩個餐追加沙律同湯。我個friend嗰個係鮮蜆白酒煙肉蒜香天使麵，我嗰個係慢煮秘製咖喱焗烤雞配珍珠飯。個湯好快到，因為張枱好細，個friend話要快啲飲哂個湯，唔係一陣再有嘢食嚟就冇地方擺！😅不過我個湯勁熱飲唔到好快。🤣個追加沙律其實好少，我覺得如果佢哋用隻細碟或者碗仔上會好睇啲。我個焗飯十分鐘就到咗，未試過焗飯咁快上枱，味道咸咗啲，不過整體唔錯，啲飯唔會焗到乾晒。個friend 嘅鮮蜆天使麵賣相真係唔係好得，好似求其撈埋一齊上碟，但係我個friend 話味道唔錯。今餐整體算okay啦，講真價錢唔係好貴，環境都算唔錯，算係咁㗎啦。

我第二次光顧，原本對此餐廳寄予厚望，期待著一頓美味的扒餐，然而，當我和我的朋友們走進這家餐廳時，我們的期待卻被潑了冷水。我們點了兩塊鐵板和一個焗飯，其中一個鐵板餐是該店最貴的$155紐西蘭縠飼牛扒餐。我特意要求三成熟，然而當服務員送來餐點時，我只看到一塊全熟的牛扒和一個冷冰冰的鐵板。我感到十分不滿，於是先後兩次向侍應投訴此事。然而，他們只是安撫我，說甚麼如果是他也不能接受云云，卻並未有任何實質行動去換掉這道不合規格的餐點。我不禁懷疑，這家餐廳給我的餐是不是在用其他顧客退回的全熟牛扒，再配以不熱的鐵板上菜來蒙混過關。我再次投訴，侍應卻說我沒有明確要求更換餐點，因此他們並未做出任何行動。這種服務態度實在讓人無法接受。更令人氣惱的是，我看到鄰桌的客人點的同樣餐點，他們的牛扒和鐵板看起來比我們的要好得多。我再次向侍應表達我的不滿，他們只說會在帳單上扣減$28的雞翼價錢。整體來看，這家餐廳無論是廚房還是服務員，都顯得非常不專業，讓人失去再光顧的信心。我希望他們能認真反思，改善服務和食物品質，否則他們只會失去更多的顧客。我已經是其中一個不會再光顧的。

意樂的早餐，適合大份的人是進食，特別欣賞雞扒餐能夠加配太陽蛋腸仔午餐肉或火腿，或是是但一款配菜變為兩份，另有沙律菜及薯蓉多士，足夠讓一個女士可以一整日不吃。或是對特定食品感到不喜歡，可以要求侍應提廚房刪減。有興趣可以加六蚊，添加火腿通粉麥皮以及皮蛋粥。最不欣賞他的凍檸茶，一早已沖調好的並不是給予檸檬自行按需要而吉檸檬，讓檸檬茶變酸。意樂位於鑽石山啟鑽苑附近方便快捷，能於地鐵站時致電下單，快取外賣，方便於新蒲崗工作的我。

一大班人諗唔到食咩，意樂實在係好選擇。欣賞佢嘢食大大碟，出餐又快，夠多位，價錢實惠，而且位置方便（地鐵站一出就係）之前食過早餐，覺得係平民價好選擇。可以話係Cafe 質素，但價錢平一半以上。早上唔算多人，環境靜靜地。炒滑蛋好大份，不過乾身d會好d，宜家塊包會濕咗。而且不過張檯略嫌細張，差唔多擺唔曬d 野食。lunch time 同下午茶餐亦有唔少好選擇。$50-60 已經有個set，而且味道ok。侍應態度都爽快有禮👍

成個餐牌啲選擇都係一啲好heavy 嘅食物，芝士焗、咖喱⋯⋯飯、意粉⋯⋯連薯條都油膩過人 🤪。唔健康！冇乜小食order…… 飲品有好多揀但都係冇乜特別。啲待應係大陸人，竟然話牛肉係雞肉😓仲叫我哋自己放食物在枱上⋯⋯⋯🥶🥶大胃口或想增肥或喜歡濃味嘅人可以試，但想要健康嘅你就試一次好了。

石頭鍋飯d飯同牛肉竟然係暖！好難食.隻溫泉蛋仲係好凍！應該係雪櫃啱啱攞出黎！本身自己都好肚餓！我食左幾啖都冇胃口再食！唉. 仲叫人點會再黎食😫咁嘅質素真係冇下次

估唔到意樂啲下午茶係大件夾抵食😙🫰🏾，完全可以當做一份正餐😂😂食飽左下午茶， 晚餐都食唔落😛今日食左個焗意粉， 好多料， 都幾好味嘅😌😌但係。。。。唯一古怪嘅就係西式焗意粉竟然落芫茜😣😣唔食芫茜嘅我。。。唯有問侍應借對筷子逐啲逐啲夾返出黎🥲佢地嘅檸檬茶都幾特別，好似而家興起嘅爆打檸檬茶咁🍹，唔係自己篤嗰隻🙈都幾好飲🤭🤭$40 就食到咁大份下午茶， 仲可以做埋晚餐， 又有爆打檸檬茶飲， 抵㺯弓爛😂😂

朝早都係嘆番杯咖啡☕️清醒一下。。。行過呢間餐廳好靚～木質嘅裝修有好多近窗口位，落地玻璃望到出邊嘅景緻最衰玻璃窗望出去仲喺圍欄地盤早餐都有好多選擇⋯⋯通心粉套餐、 #美式早餐我order 左#嫩煎香草雞扒配蒜香欖油多士#太陽蛋 #午餐肉 咖啡好好飲香味撲鼻、質感滑溜😋早晨上枱已經好靚🤩仲有沙律伴碟🥗雞排即煎，好Juicy🍗多士亦都兩件大大件#早餐好抵食#又坐得舒服 #如果唔係趕住要做嘢#可以坐多半個鐘睇吓書仲好

今日叫左2個意粉，一個焗蕃茄意粉，一個天使面意粉，本來平日天使面都有食，心想著一定不會有甚麼問題最少不會難食，誰知道今天的天使面真的有點失準。原因是今天的奶油太少了，今天食下去就有點乾，所以食下去就感覺特別乾和少了點味，本來天使面味道淡要用奶油的味才好食。反而另一道焗豬扒蕃茄意粉有驚喜，味道還比較好食，夏天太熱時通常都沒有胃口，但這菜酸酸的在夏天很客易入口。午餐還送上湯跟飲料，但湯朋友就說比較沒太多口感,因為湯料質全打碎了，質地就像嬰兒用的糊，但我自己就對糊的質地有點喜歡。後來他們的員工提我，如果下次汁比較少可以叫廚房再加點，這個我必須加分給服務上。