意粉屋 (雅蘭中心)

營業中

休息中

中學時好喜歡食意粉屋, 但又覺得貴, 宜加人大咗, 選擇多咗, 就少黎了, 同埋佢地分店亦較以前少! 不過總耍懷念下那些年今日來依然係叫返我一直最喜歡嘅!酥皮湯焗得好靚, 圓圓又飽滿, 未食過好高級餐廳嘅酥皮湯, 但平民之中, 我覺得佢地做得最好, 有時食到其他地方嘅皮好重奶味, 又或者好易林, 但呢個脆口, 好鬆化另一個我最喜愛就係白汁雞皇闊麵, 好香濃白汁忌廉味, 我又唔覺膩, 自己都可以清碟雖然聽聞意粉屋嘅 pizza 好好味, 脆身又厚, 但就未試過, 就等下一次來試啦!

老公放假，一家人出去行街食飯，推住BB車要搵餐廳，最緊要坐得闊落，歡迎小朋友，所以揀咗意粉屋，今次叫咗新餐牌啲海鮮嚟食烤海蝦柚子沙律配黑醋汁 清新柚子肉配上海蝦嘅鮮甜爽脆，食咗胃口大開。芝士焗龍蝦尾・帶子天使麵嚟意粉屋梗係要食意粉啦，天使麵幼細，吸收醬汁能力最好，啖啖香濃海鮮肉汁；芝士足料龍蝦肉結實鮮甜，食落好滿足！西班牙海鮮飯海鮮種類多又足料，加埋芝士非常惹味。石板燒龍蝦尾・美國牛肩肉配脆薯條・藜麥牛油果沙律石板一上，焦香味撲鼻，牛肩肉肉味濃得嚟脂肪少，啱晒我；燒龍蝦尾少咗芝士更能夠品嘗出海鮮鮮味😋薯條炸得香脆可口，配上三色醬，各有千秋。意大利海鮮薄餅千島醬同海鮮真係絕配，大人細路都鍾意，聚會必點但講到仔仔最欣賞嘅其實係 #兒童餐 同門口服務生送嘅氣球🎈😆薯粒星星一粒都唔肯同我分享🥲

Happy Friday 突然好想同朋友一聚即刻嗱嗱臨打電話去book枱見到新出左一個menu心郁郁咁即刻想試下先餐廳環境非常之舒適，可以枱有適當驚空間，感覺唔會太侷促，而且店員招呼有禮一大班人食飯，唔少得我哋嗌左一隻德國豬手黎Share總是越邪惡嘅嘢都係愈吸引豬手原隻上，而且份量都幾大切開之後皮脆肉嫩，而且最緊要中間既肉質都吾會乾，配埋蜜糖芥茉醬就最夾酸椰菜就正好中和返豬手嘅油膩感Tim刁草檸檬海蝦意粉依排天氣非常之悶熱，依個意粉就正好比到開胃既感覺我地果然係意粉專家🍝意大利粉麵條非常之有彈性配埋刁草檸檬口味令到成個意粉感覺好清新西班牙海鮮炒飯份量亦都吾少，但望落去海鮮份量都很豐富味到甜甜酸酸帶有少許辣勁，米飯入口濕潤芝士焗龍蝦尾帶子天使麵呢個簡直就係壓軸出場，超級濃郁嘅芝士香味散發着，完全係將芝士汁掛在麵條之上雖然我一直掙扎住，但係身體卻很誠實吃過不停。同行有個小朋友，原來餐廳有兒童餐因為我哋本身嗌左個海鮮pizza，但小朋友就麻麻地反而依個腸仔、菠蘿、粟米Pizza就岩曬佢，成餐飯佢就變成可以坐定定，方便我哋大人慢慢傾偈。食完之後同朋友傾開，原來太古城中心的分店裝修完之後已經重新

成日出旺角做野，有時想坐好少少，食餐舒服飯，我都會揀呢間餐廳🤓算係我嘅comfort food~打開餐牌，多數我會揀佢推介嘅食品，咁就唔使點諗啦😂不過今次真係失望咗！🎈蘑菇湯配香草包，正常🎈龍蝦汁海鮮天使麵好難食😢最上面嘅蝦已經黑晒，相信係焗燶咗，另外2隻都燶少少，食落口係苦的。蝦肉已經食唔到有味🙈天使麵乾到似中式撈麵，應該係焗太耐，啲汁都乾晒所致😒（睇相都見到有幾乾身）希望餐廳可以留意下食物質素啦☹️否則好難有動力再幫襯😢

都好耐無黎幫襯啦環境都大同舒服呢到有set可以叫，有跟餐飲份量都好大 好滿足呢今次見到佢轉左新menu試試- thousand island pizza 都好豐富！有菠蘿、火腿、栗米、沙律蛋等好開胃又好食 但食完兩塊已經好濟🤣同人一齊share黎食都很不錯呢！-- 龍蝦海鮮焗意粉都好食 我既建議係可以再多啲汁🙈有啲乾 但個味道唔錯龍蝦數量就唔係好多-- 意粉個set有跟湯我就加左$9要酥皮酥皮好食！不過湯既料就好少🙈

今年聖誕食物叫咗呢間，有肉醬意粉、龍蝦芝士帶子天使麵、雞肉沙律及雜錦pizza，質素唔錯，聖誕節佢哋做咁多外賣，個質素算係keep得 OK，我最鍾意食佢嘅龍蝦芝士帶子天使麵，都有好多龍蝦肉，今年嘅聖誕在家過得平安又飽飽。

放假最好就是約朋友一齊食下午茶放鬆下，雅蘭中心2樓意粉屋，意式煙三文魚海鮮沙飯，煙三文魚偏咸，烤雞藜麥鮮果沙律，鮮果好新鮮，但烤雞太乾身同時烤燶有苦味，日本帶子魷魚墨汁意粉，帶子魷魚好新鮮，好濃厚魷魚墨汁味，好味

依間分店無黎一排，服務改善左好多餐具終於沒有污漬晚市帶位服務員，到落單好有禮貌服務有質素用餐時向服務員另取餐巾，提供了兩包消毒濕紙巾，服務員好貼心依間分店酥皮湯熱度夠晒熱，食物上枱衛生、賣相吾錯今日叫左個海鮮套餐，小食大蝦沙律吾錯，沙律菜比早前新鮮好多大蝦肉質吾錯芝士焗蠔份量可以、帶子帶汁吾錯，只係配菜吾夠熱，如果蘆筍熱D更好食蜆肉意粉還可以，無乜特別但飲品依然保持水準，檸檬茶除茶底好外、檸檬夠新鮮，

工作好忙，我和Honey都好疲累；所以，今天提早收工，拍拖到旺角逛逛。累了，想找一個舒服的地方，吃個下午茶。想起雅蘭中心，有幾間餐廳，就上去看一看。從店外看，覺得意粉屋環境好。意粉屋燈光有點點昏暗，座位擺放疏落，桌子之間距離遠，適合傾計 。我們叫了兩份下午茶餐 - - -松露蛋煙三文魚稣，配雜果沙律。蘋果批，配雪糕。@$75松露蛋煙三文魚酥：酥皮太硬了，用刀一切，立即「粉身碎骨」。而松露蛋無甚味道。不過，鮮果沙律就好好，水果新鲜，沒有出水。蘋果批配雪糕：酥皮是曲奇皮，不油膩。而且蘋果批的蘋果，有肉桂香，不太甜。蘋果夠稔。甜酸酸的蘋果，配甜甜的雪糕，好好味！兩杯咖啡都好大杯，而且香濃。咖啡奶是熱的。食物已經不錯了，加上環境、氣氛和服務員的服務，都好。是傾計的好地方。

由於有佢嘅會員卡，再加上最近有好多張coupon... 所以今日就去左意粉屋食個tea!🤤一直都好鍾意佢嘅酥皮湯，同埋芝士魚柳闊扁麵，個湯好足料💓而且用會員卡仲可以買一個餐，另外個嗰餐就有半價，所以我哋total叫咗六個餐🤪

一家四口行完山之後，選擇了較為方便的落腳點雅蘭中心，經過意粉屋見到沒有人排隊，加上換了新裝修，又看見餐牌龍蝦套餐意粉做緊特價，於是便去試一試，應該都有10幾年冇去過意粉屋，因為市面上意粉的選擇太多。室內裝修氣氛很好，有點高級的西餐廳感覺，燈光暗暗的只有餐桌上的一支射燈作主要照明，我們點了龍蝦意粉套餐配酥皮湯，另外點了一個二人套餐。講講龍蝦意粉，這算是意粉屋的新嘗試，價錢合理，龍蝦質地結實有少許彈牙，雖然不是酒店給的自助餐級數，但是作為輕輕的嘗試一下龍蝦意粉的感覺，這是很足夠的。酥皮龍蝦湯非常濃郁，與酥皮一齊食是很配合。二人套餐反而帶來我們一點驚喜，他的份量非常足夠，賣相及食物質素也很有誠意，主菜我們點了豬肋骨及肉醬千層麵，豬肋骨燒得很香，連小朋友也可以容易把肉拆出，旁邊還有燒烤的蔬菜，感覺很完滿，千層意粉份量很足夠，味道雖然不夠驚喜，但二人套餐來說也是可以接受及合理。最後因為份量很多，剩下的薯條也吃不了，結果也要打包回家。

好耐冇去意粉屋，食左一個龍蝦套餐，套餐包括龍蝦湯，龍蝦意粉及飲品。龍蝦湯我加了酥皮，湯裏面食到一粒粒龍蝦肉，足料! 意粉方面，龍蝦肉好新鮮，又彈牙，調味亦都適中，意粉芝士味濃。另外order左一個拼盤，拼盤有煙三文魚，雞翼，薯條，炸洋蔥圈，西班牙火腿，蛋沙律酥盒，份量足夠兩個人，薯條同洋蔥圈都係剛炸起，熱辣辣，好好味。好飽，好滿足!

本來只是貪方便上意粉屋開餐，勝在味濃而一定飽肚。碰巧今天他們出了一個新菜單，有幾個菜還有八折優惠，其中竟然包括德國鹹豬手！看著菜單上的賣相不錯，也就和朋友叫了個大蝦意粉、芝士焗菠菜和德國鹹豬手。芝士、意粉這些指定意式食品也就不再多說了，那德國鹹豬手確實是有點驚喜！外皮脆而且薄，有點泰國脆肉乾的味道，入口芳香鬆脆，完全沒有趙到牙軟的問題，裏面的肉質卻仍保持鮮嫩。我敢說甚至比起 King Ludwig 也有過之而無不及！走的時候，還帶著大半隻剝了皮的豬骨回去剝肉煲粥！

孩子還小的時候，意粉屋和露比餐廳是經常光顧的食店。大概是因為意大利餐一般比較飽肚和重口味。近年孩子遠走高飛，加上潮流減碳水化合物的攝取，也就比較少幫襯。最近朋友買了意粉屋的優惠套票，又扣又送又儲分的一大堆著數，於是跟衫尾的上了就近的意粉屋。我叫了一客龍蝦湯➕蕃茄龍蝦燴意粉，朋友則叫了個蘑菇豬排意大利飯。久違了的芝士醬汁，灑幾滴開胃的「辣椒仔」，簡直是香濃得不可開交。要命的是最後那杯即磨咖啡，份量也是一般茶記的兩三倍。食飽落樓，唯有多行兩個站才上巴士⋯

喺旺角雅蘭中心永遠行街經過都會食，早幾個月見佢好似執咗仲以為以後都冇得食...點知今個月去到個時見佢咗終於可以重拾味雷😌永遠必哪叫bbq味豬肋骨配薯條🍟龍蝦酥皮湯不過佢最近新出左一個龍蝦意粉,見佢咁抵食所以就叫埋😁bbq味豬肋骨配薯條🍟BBQ汁永遠黐住每一條豬肋骨，而肋骨煮到啱啱好又唔會太硬，用匙羹切一切全部肉出晒黎，而且每一啖都有新鮮嘅肉味，真係永遠必叫🥰薯條又炸到啱啱好，薯仔味勁重，重點係夠脆，再配埋個BBQ汁簡直一流🤤龍蝦酥皮湯🦞食西式餐廳點可以冇咗龍蝦湯，有龍蝦湯點可以冇酥皮配搭🦧啖啖濃郁嘅龍蝦味，再配上酥皮簡直係精神黎形容🥳有冇一啖都暖到入心，不過飲嘅時候要小心因為真係好熱辣嘴龍蝦意粉🍝扁意粉意粉係我最鍾意食，白汁包圍着每一斤嘅意粉夠多汁，而且意粉嘅軟硬適中，而且龍蝦一早已經切粒，食落去好方便，不過我都係鍾意食蝦意粉多啲