意粉屋 (新城市廣場一期)

營業中

休息中

193030092011，今日一行五人黎到沙田意粉屋，今日雖然是星期五但人流不多。好快我地坐低就點餐，石板燒美國牛肩肉(220克)配脆薯條·藜麥牛油果沙律牛肩肉有厚厚既肉質加上少許腊肪，有咬口之餘也有濃郁的肉味。脆炸洋蔥圈，外脆內軟，唯可惜太多炸粉。芝士焗牛肝菌汁·松露香菌半月雲吞，皮薄加上芝士，但芝士味太多食不出松露香。意粉屋招牌炸雞᛫脆薯條，其實炸得不錯，但炸雞還是去韓式店較好。凱撒沙律·欖油香草軟包配卡真蝦串(3串)x1，都叫好新鮮，係咁多肉類既一餐作個平衡是不二之選。即刨黑松露·雜菌蘆筍闊條麵，呢個原片黑松露，香氣撲鼻獨特，加上雜菌是最好配搭。

今次叫咗鮮忌廉芝士焗菠菜煎魚柳扁意大利麵，個芝士味好濃厚，魚柳好大舊，啖啖肉咁，個意大利麵整得好入味，份量又好多。紅豆紫薯配雲呢拿雪糕，個顏值好高，杯野飲好足料，個紫薯味好濃，加咪紅豆更正，推薦。員工服務態度良好。衛生環境方面良好。價錢方面合理。

意粉屋開左好耐，但成日都聽到食評用“麻麻地”黎形容，搞到我一直都未試過今日同事相約飯聚揀左呢間，我抱住「平常心」入去，出奇地令我覺得有驚喜Set Lunch 價錢係吾算平，但佢有哂餐包餐湯仲有埋飲品！羅宋湯都夠料，餐包暖暖地好香幾好食豬扒飯- 豬扒冧身又大塊，份量都大藜麥牛油果火腿沙律- 配上酸酸甜甜既沙律汁幾開胃大蝦意粉- 汁調較得岩岩好吾會過多或少，麵條煙煙unun冇煮到林哂,好食set lunch黎講份量都算大份，味道都好過好多西餐廳，座位都好舒服，真係要同佢平反下，集團式既意粉屋並不是傳聞中咁差的！翻兜指數：**** （5星滿）

好耐之前有次去旺角睇戲🎬啱啱下午茶時間，就諗住是但食件多士頂肚，結果意外地好食夾大份。太耐之前，依家淨係記得餡料好豐富、已經唔係好記得係咩餡料😂，但係環境氣氛好，屋企人又讚口不絕，所以整體感覺👍🏻果次之後，我同阿媽就對件多士念念不忘🤣依家終於喺荃灣廣場開咗分店啦！唔使去到咁遠！所以我一搵日Work from Home就即刻去咗食！原來佢叫貢多拉白毛豬三文治🥪😂，一啲印象都冇，但總之同記憶中一樣好食😋。白毛豬在風乾火腿之中屬於鹹香適中，沙律菜🥗牛油果🥑同碎蛋中和鹹度，粉量配搭得剛好，先會好食不會淡也不會膩😍，多士鬆脆不會過硬，（另外有咁多支牙籤唔會散開很細心！🤣）環境清新乾淨，下午茶☕️時間勁少人，很舒適。整體感覺良好，同還左個心願再食到🤣下午茶餐仲有好多其他選擇

成9點幾先黎到新城市搵食,唸住今晚應該都係食麥仔之際，點知原來意粉屋仲有聖誕餐食，天氣咁凍有D熱野食下真係好飲個熱湯先雖然依個鐵板可以按照自己喜好煮熟D生D 都可以，不過塊牛扒黎到既時候都差唔多8成熟，一D血水都冇，想食生D 既話要快拎起塊牛，不然就好似我地咁變左全熟😢Salad 雖然細細碗但好足料，有牛油果藜麥蕃茄仔,配埋醋，非常健康Piazza 較腍身，淋左燒烤醬，味道偏重而且鹹，就連大蝦既蝦味都俾個醬cover 左

今日入了沙田找朋友， 約定在新城市廣場相聚午飯，我見到前面間意粉屋，想起很久都沒有光顧過，於是通知朋友就在此午飯。坐下見到餐廳環境和以前沒有多大的變化，而且人客亦不太多，因今天不覺得肚餓 ，兩個人就點了個溫泉蛋煙肉意粉和一客滋味雜錦脆炸拼盤、兩個酥皮湯、一罐可樂和一杯cappuccino。溫泉蛋和意粉都有一定的水準，蛋亦做到有流心，只是煙肉味倒覺得淡了點。雜錦脆炸拼盤的賣相，上枱時給人覺得炸過火了點。令雞肉變得稍為有點過乾的感覺， 欠缺了雞肉的嫩滑感;但炸魷魚圈就可以，不會覺得韌、薯條亦炸得脆口，味道還保持過往一樣， 整個拼盤都算有中間水準。 酥皮海鮮湯的酥皮上枱時，仍有點脆口咬感，海鮮湯的湯味亦夠濃，一個不錯之選擇。 cappuccino的泡沫夠滑，配上可可粉提升香味夠吸引，整杯咖啡冲得相當之好。

沙田新城市廣場一係貴到離晒譜一係食完埋單唔飽肚 所以商場食嘢我個人就免得就免㗎喇同個friend兩個人入咗意粉屋嗌咗個芝士火鍋套餐 份量夠曬既天氣凍食返個火鍋其實真係唔錯嘅選擇佢出咗個拼盤賣相唔錯咁咪有啲海鮮有啲麵包有啲蔬菜同埋薯條另外有個風火腿頭盤都有兩種風火腿 我鐘意深色個隻配蜜瓜同埋哈密瓜呢個就真係幾好食喇主食有個安格斯牛肉 肉味香濃 鮮嫩 唔錯開頭食真係幾驚喜一啖接一啖但其實食咗10分鐘左右會開始覺得浸味好悶因為乜嘢都係芝士味其實食落去開始冇乜分別不過整體都係可以嘅價錢唔算貴做咗會員兩個人埋單兩杯嘢飲大概$500左右穩陣

呢間service唔差嘅，但食物味道真係唔得⋯我N咁耐冇去過意粉屋，冇諗過原來而家咁貴⋯貴唔緊要，平時我食個好食嘅意粉都同樣要百幾蚊一碟，但呢度個食物質數真心對唔住個價錢！我哋4個人（兩個大人，一個小朋友一個bb）叫咗一個肉醬意粉、一個千層闊面、一個牛扒配龍蝦尾、一個海鮮墨汁意大利飯、一個酥皮龍蝦湯、一杯凍檸茶，千零蚊埋單，冇樣嘢好食：個千層麵勁乾；啲薯條冇落鹽；凍檸檬茶完全冇茶味得啲糖水有味；龍蝦冇味；個肉醬意粉啲肉醬好稀，稀到掛唔倒上啲意粉度⋯⋯真心大x樂都好食過佢勁多⋯唉，我寧願俾多$100去酒店食個brunch好過⋯唉⋯⋯⋯

已經係熟客啦，幫襯左呢間已經有好多次，我仲join埋會員添。因為幾次你個出品都keep得好好，水準好高，仲要可以睇得出個老闆一啲都唔孤寒，每一個餐都大大碟，就連杯咖啡都大杯過人。所以呢我喺意粉屋可以食得好飽同埋可以享受到高質嘅意粉同薄餅。但係最近呢一次嚟岀品keep得就冇咁好啦，之前我真係可以5分比5分嘅，但係上一次個湯已經唔夠熱，而今次係分炸雞唔夠味同埋唔夠脆，酥皮湯焗到過火個頭令到啲酥皮係硬嘅同埋有浸燶味，都係啲小問題但係就可以睇得出原來大集團嘅出品都好難統一嘅。真係要因人而異，師傅水平各有不同，今次只可以比3分，雖然唔係話好難食，但係之前真係太好食，相比之下呢兩次都好難比到高分，希望老細睇到之後可以加強返出品有所改善啦，因為我真係好鍾意你哋㗎！

研究過午餐跟下午茶的餐牌, 感覺午餐的項目更合我意。精選午市套餐1) 頭盤: 森林磨菇忌廉湯配餐包2) 餐湯加配酥皮 $123) 主食: 烤海蝦.海鮮.忌廉鮮製麵 $1024) 飲品: 凍檸檬茶 (少冰走糖漿)5) all + 10%餐包並非一般的貨式, 是鬆軟的麥包, 唯有點涼。森林磨菇忌廉湯啖啖磨菇, 質地清爽味美, 加配酥皮是指定動作, 喜歡浸軟的酥皮, 軟綿綿, 極吸湯。烤海蝦.海鮮.忌廉鮮製麵賣相原本不俗, 翻開麵條, 感覺有點出事, 忌廉汁稠密至張口程度, 極之膩滯, 是扣分位。鮮製麵有蛋香, 有咬口。海蝦燒至焦香, 去殼後, 肉質爽口彈牙, 充滿焦香味。魷魚圈厚實, 雖不柴但也不彈牙。青口質感軟腍, 感覺一般, 帶子爽口但只有2小粒。凍檸檬茶要求了少冰和走糖漿, 茶底濃, 有3片厚檸檬, 味道OK。

今日係2個人既午餐, 呢度不用排隊,2人餐也豐富所以就決定係呢度開飯喇!套餐跟PIZZA ,焗飯,酥皮湯,特飲2杯芝士辣肉腸PIZZA 個批底幾薄脆 個味幾香一份有4件,上面有辣椒同肉腸片等食材,口感幾豐又脆身黃薑飯焗番茄汁飯, 番茄汁加芝士淋上飯面再焗食到有雞肉碎同番茄等食材, 黃薑飯味香又濃番茄汁加芝士口感好濃郁,一口食到番茄醬又有薑黃既香味酥皮湯係忌廉蝦湯,幾多蝦肉仲好多粒添呀! 個忌廉湯都幾夠香濃又夠滑特飲係抹茶牛奶紅豆雪糕 上面一球雪糕濃抹茶牛奶,底仲有紅豆餡成杯夠曬甜,幾好飲! 沙田沙田正街18號新城市廣場一期7樓710號舖消費$300

今晚同另一半出去食dinner，最近想食下pizza，行過見呢間又有pizza又有通粉，而且裝修啱錯又幾多人等，所以揀咗呢間。入到去個staff問我飲熱水定室温水，我答室溫水，然後佢比咗極生嘅水喉水我哋。。一飲落去即刻吐返出嚟💩 (p.s. 一開始個餐具太髒所以要成set換過)我哋叫咗個set($398)，叫咗個龍蝦湯加酥皮，一個珍寶雜綿薄餅，一個芝士焗豬肉腸肉醬長通粉，飲品就有熱檸蜜同雪糕紅豆椰子冰。首先講下個龍蝦湯，酥皮唔夠厚，一浸落去就即刻淋曬，無乜口感，然後個湯真係，真係好咸!!!!咸到好似食鹽咁☹(落咗酥皮個味冇咁咸)，不過又估唔有兩粒帶子喺湯度，呢下幾impressed😲(4/10)然後到個pizza，料都足夠多，份量都幾大，雖然都係咸但未到龍蝦湯咁犀利😅，但都有做得唔錯嘅地方就係青椒同菠蘿呢個組合意外地幾好👍🏻，啲汁令到pizza冇咁咸，幫個pizza拎返小小分，個人覺得餅底厚返小小會好啲🤏🏻(5/10)至於個長通粉不過不失，沒有太大亮點，如果遲小小出菜會更好，因為一直在食pizza所以食通粉嗰陣已經有小小凍咗🥲🥲，分量唔算多，但因為個pizza太大份加上飲完個極咸嘅龍蝦

我今天下午在意粉屋度過。 搬到新位置後，這個地方裝修得很漂亮，味道還是一樣的，但價格比以前高了。舒適的環境，可以改善食物。 牛肉和菜有點硬，沙拉上的煙熏三文魚有點太鹹了，沙拉醬不夠建議不要嘗試這個 plave，因為它不是我所期望的。 我嘗試了任何方法，但這是一個錯誤。 等待食物大約需要 45 分鐘。 其中一種醬汁嘗起來像蘑菇湯而不是松露。 另一種醬汁就像番茄水……我環顧四周，每個人都給他們帶來了同樣的風格。 我確實和一位經理談過這件事。 還沒有回來看看他們是否進行了更改。 不管他們有沒有......人們仍然排隊和午餐和晚餐

間唔中都會黎食下，之前食都覺得好地地，特別係龍蝦汁意粉！🤩但今次真係唔係好掂。😕午餐1️⃣焗烤雞蘋果醬意大利飯（$102）唔係好食得出係蘋果醬，意大利飯又冇意大利飯應有既口感。🙁2️⃣烤雞鮮果沙律（$102）烤雞真係乾到一個點，同埋鮮果沙律又唔獨多鮮果，最多係西生菜…☹️仲有前菜同飲品。我地揀左意大利蔬菜湯同熱咖啡。意大利菜湯冇乜味，但係多蔬菜既～成個餐應該得餐包同咖啡係唔錯，係有啲失望…🙃

全日冇乜點食肉，見今晚同屋企人食意粉屋，我就諗都冇諗即刻叫咗個牛扒餐，包咗220g 牛扒鐵板上，一桶粗薯條同埋藜麥牛油果沙律，好大份呀！！！！！牛扒初初嚟嗰陣會係三成熟，想熟啲就由佢再燒一陣。我等咗一分鐘就開始切嚟食，已經差唔多四五成熟喇！成個餐都好好食，冇令我失望