手作功夫茶 (富東廣場)

營業中

休息中

因為我係改單嘅，幫我改嗰個店員就自己知道我係走甜走冰，之後第二個店員出黎幫手沖野飲沖咗杯全甜全冰比我。。。店員間可唔可以有少少溝通。。。完全係一個勁差嘅體驗🤦🏽‍♀️🤦🏽‍♀️

因為態度真係不敢恭維。下午5點幾係呢度叫左杯檸檬蜂蜜蘆薈，同店員講走冰半蜜。出品好快，唔洗5min已經有。佢個收銀女店員應該好忙，一放低杯野叫完號個客都未離開就繼續玩手機。但我見到杯野飲有疑似冰既物體，就同店員講我係要走冰。個位收銀年輕女店員第一時間搶翻杯野，望左一眼個label，然後話：呢杯野冇得走冰㗎wo，如果你講走冰我一定會同你講冇得走冰，我冇同你講即係你冇叫走冰。首先，我當時攞佢宣傳單張上面睇係冇寫呢杯野飲冇得走冰。第二，點解你冇同我講走冰唔係因為你聽錯落錯單，而係我冇叫走冰呢？我非常肯定我有講走冰，因為我當日問過第二間茶飲舖，佢d飲品冇得走冰，我先轉去試下呢間。第三，佢一句唔好意思/抱歉都未就將過錯推曬落個客度。有冇搞錯！佢講完呢句之後就淨係企係度望住我，完全冇諗過要解決呢件事/道歉。杯野最後我一啖都冇飲，比左男朋友佢話酸到飲唔到，飲左一啖就成杯掉左。既然咁多留言話呢間舖員工態度有問題，佢地公司係有冇打算要解決呢？良心店都no nexttime喇sorry！

星期六下午去買野飲，3個年輕女店員，應該18-22歲倒，完全當客人冇到，我order時掛住傾計，講嘢又大聲，要重複幾次先order到，飲品整好後，淨係放係度，完全冇叫number，通知我去攞，都唔知佢地係度做緊乜！極力要求呢間舖個老闆定期到店面觀察下員工嘅工作態度同情況！同南昌店完全冇得比！😡😡亦建議佢哋得閒去其他鋪睇吓其他員工嘅返工態度。去過咁多間飲品店買嘢飲，都未見過有一間員工的態度差成咁！

經openrice外賣自取叫咗2杯茶，去到拎茶嘅時候櫃檯無職員，得一個店員轉身整緊飲品。見到櫃檯有2杯茶應該係我個order，我有望過杯上個label同openrice個number唔同，而且又有其他客，諗住拎之前同店員確認。我估店員就快整完杯飲品所以諗住等一等先叫店員，咁啱有另一個店員出嚟就諗住確認完就拎走2杯茶。我已經舉住電話openrice取餐嗰頁咁揮手嗌唔該，啱啱行出嚟個店員望咗我一眼就同整飲品個店員傾計，我繼續揮手嗌唔該，啱啱行出嚟個店員再望我一眼繼續傾計，直至整飲品個店員行去櫃檯，啱啱行出嚟個店員先跟埋去櫃檯。我繼續舉住電話問嗰2杯茶係咪我嘅，啱啱行出嚟個店員：「吓？係呱⋯是但啦⋯我啱啱行出嚟唔知喎⋯」確認order係店員工作，就算啱啱行出嚟都可以望吓？無確認過就任人拎都對其他客好無保障，而且我揮晒手嗌唔該，佢望咗我2次都唔理我，望咗2次無可能誤會呱？茶嘅味道係唔錯，但D態度真係好差⋯⋯btw杯茶拎走半個鐘都未完成個order，D職員到底喺鋪頭做D乜

今日同朋友去咗東涌嘅手作功夫茶買嘢飲，店舖播住歌，幾個員工都好後生態度好好，成個氣氛唔錯。叫咗杯朱古力可可加珍珠，店舖可以允許客人用自己杯，員工仲好有心沖得好靚，味道都唔錯，不過可能少咗冰所以整體唔算凍，之後經過都會幫襯下。

每次都會試唔同新野，去冰少冰走甜少甜都跟到好足，有陣時繁忙時間好爆場，員工做嘢快手，喺東涌開間咁嘅飲品店，真係好方便，加上味道比一般手搖好，茶底濃。再者，員工好玩得，但認真時認真，冇其他留言講到態度輕浮之類，整體感覺良好，有任何唔舒服，對比東涌其他手搖店，首選一定係功夫茶，無論裝潢，品質，員工等等，喺東涌區都非常之良好。衛生方面，店面整體問題不大，每次比嚼飲嘅時候都會抹杯，有陣時仲會主動比紙巾，希望喺東涌呢個咁多日挑别嘅地方，唔會再收到一啲惡意評價。

第一次飲係試業個陣，飲鐵觀音珍珠奶茶，個陣啱啱試業，味道麻麻地，第二次係飲奶綠，叫左少冰，但比左一大杯冰我，入面嘅員工一直嘻嘻哈哈咁傾計玩手機，第三次已經正式營業一段時間之後飲鐵觀音拿鐵，完全冇茶味，員工照樣繼續嘻嘻哈哈大聲講大聲笑，而且係著熱褲工作，感覺員工態度好輕浮兒戲。飲品質素很低