新志興至尊燒鵝大王

營業中

休息中

牛池灣村近彩虹地鐵站，白天係街市，晚上就十分精彩，周圍食肆林立，有雞煲、串燒、小炒、燒鵝、潮州打冷、海鮮，甚至台灣食物……「新志興-至尊燒鵝大王」 這一間食肆特別多人，佔晒成條街，好誇張。講到明燒鵝大王，當然要叫燒鵝，還可以要「上庄」或者「下庄」 。燒鵝下庄 $148燒鵝皮偏淋，鵝味濃郁，味道好香，但燒鵝偏肥，燒鵝皮與鵝肉之間夾住厚厚的肥膏。大排檔，點可以唔食「椒鹽鮮魷」這款招牌菜式；餐單分類非常清晰，除了椒鹽鮮魷，還有椒鹽白飯魚、椒鹽九肚魚等等。椒鹽鮮魷 $98魷魚新鮮，份量十足。沙薑豬手 $88豬手是冷盤，很大塊，皮很爽脆，味道酸酸甜甜。每一間大排檔都有小炒皇，但是每一間大排檔都有不同的特色。至尊小炒皇 $88有韭菜、蝦乾、腰果，魷魚鬚…..蝦乾還是炸過，味道有少少偏鹹。粉絲蒸扇貝 $38/隻 味道還可以，但係稍嫌蒸得有少少過火了。兩個人五個餸$609 。總括味道比較偏濃味，大排檔風味十足，但今次坐的位置有啲比較不夠理想，是坐在室外，環境比較嘈雜。

牛池灣好出名食大排檔，香港都賣少見少😆一條小窄巷，亦都唔係一個出名嘅地區，但係就存在香港嘅風味。之前都試過去飲早午茶，啲茶有幾種可以自己沖可以揀坐出面或者裏邊，夏天熱辣辣梗係坐入邊涼冷氣啦六個人食飯，去到大排檔例牌一定飲飲飲。。。啤酒，藍妹$34枝。。。砂薑豬手$88濃濃砂礓味，帶點甜味平衡鹹味，啲豬手有豐富膠原蛋白，吃起黎滑潤的口感，送白飯都好正，有條菜食，六個人食一兜唔係幾夠喉，所以我哋嗌咗兩碟。半隻燒鵝 $250燒鵝好有鵝味。。不過唔會show，肉質紮實多汁脆皮，不過好多油啊。而家間間餐廳食依啲燒鵝都好多油海中蝦$168南非網飽$58隻鮑魚都好新鮮👍啲蝦都好多，蒜蓉都好多好惹味，不過啲蝦大隻啲會好啲農家雞旦焗魚腸$88我平時唔係好食呢啲內臟，都想食多件，啲蛋好Soft顏色都好靚，魚腸好似食緊串燒同九大簋，連埋啲蛋一齊食，好惹味瑤柱蛋白炒飯$88不過不失，瑤柱份量都多👍都好有飯香，有保留水份

除咗酒樓貴價米芝蓮中式平民大排檔都係個好選擇✨牛池灣村有一檔舊式大排檔叫「新志興至尊燒鵝大王」仲保留到上世紀嘅香港大排檔風味🔥而且呢區都將會清拆 所以趁仲有營業嘅時候可以嚟感受一下😌朝早係舊式茶樓🫖十點半前係自己拎點心拎醬汁💦十點半後就係用返點心紙夜晚搖身一邊做大排檔⚡️⚡️⚡️有煙民最愛嘅戶外位置 一邊食煙一邊傾計🚬室內有冷氣位就坐得舒服啲 啱唔食煙嘅朋友🙌🏻其實成個牛池灣村一到夜晚啲餐廳就會大變身保留住上世紀舊式餐廳嘅風味帶爸爸去回味一番 相信爸爸都好開心👨🏻嘢食水準都Okay的‼️不過對衛生同清潔就唔好太高要求啦😂😂😂✨新志興至尊燒鵝大王📍彩虹龍池徑60A號地舖

嘩！嘩！嘩！屋企人生日 去咗彩虹嗰頭食飯唔講唔知原來有咁正嘅燒鵝成家大大小小 七至八個人全隻食晒！一上菜已經睇到好大隻又多汁成間鋪都好香🤣🤣會越等越肚餓😆真係好吸引差啲要叫多個飯嚟食😁

因想食燒鵝而選擇了這家 地方大 戶內戶外有蓋客人開心 食物滿意 首先先叫大啤一支 燒鵝下裝146 南乳粗齋沒有南乳 沙薑雞腳意意想不到美味 食物上枱來不及攞手機 直接想食無須相機先食 眼睛先看都十分十分吸引 但唯一要接受是氣氛太熱鬧 員工態度都正常

成日都聽人講牛池灣有間大排檔好好食，今日終於同同屋企人一齊食啦🤗去到嗰度爆晒場，好彩屋企人有book枱，我地5大2小叫左8樣餸菜，包括有：招牌燒鵝、豉油王炒麵、避風塘釀茄子、椒鹽鮮魷、鮮魷蒸肉餅、水煮鮮牛肉、薑汁炒芥蘭、豉油王海中蝦😋而家諗起都覺得好好食🥰份量又夠十足👍🏻招牌燒鵝：燒鵝皮脆卜卜，肉質鮮嫩，咬落去啖啖肉，爆哂啲肉汁出嚟，真係好食到暈呀～豉油王炒麵：一路行入餐廳，都見到枱枱都有叫依一碟豉油王炒麵，即刻都叫一碟先，超有鑊氣，每樣材料都份量十足，味道亦都唔會過鹹，剛剛好⭕️唔知我哋係太肚餓定係好味嘅關係，真係秒清！避風塘釀茄子：茄子入面釀咗魚肉，口感十足～配埋啲啲炸蒜超級惹味!!椒鹽鮮魷：炸粉超薄，唔會食到成口粉，味道正常發揮，十分香口鮮魷蒸肉餅：肉餅咬落有層次感，再配上鮮魷鮮味，撈飯一流水煮鮮牛肉：味道菜超級有驚喜，辣味超夠，並唔係死辣，入面介有寬薯粉同菜，索哂啲汁，食完條脷勁麻勁麻，超過引薑汁炒芥蘭：薑汁味勁濃，超有獲氣豉油王海中蝦：火喉掌握得非常好，炒得好乾身，蝦肉介係好鮮嫩，啲蝦殼都卜卜脆，成隻可以食哂，味道剛好超惹味，十分推薦

一班人行完飛鵝山落彩虹食燒鵝，每人幾件真係正👍次次嚟不論室內室外都爆晒場 😎記得要book位呀😊 呢到勁夠鑊氣👍份量足料，人多嚟真係好熱鬧又開心👍燒鵝半隻 ～皮脆薄，肉嫩夠味酥炸蠔餅 ～ 炸得薄脆，粒粒蠔仔肥美，面層仲有薄炸脆更香口好味椒鹽鮮魷 ～ 粉薄鮮嫩椒鹽豆腐 ～ 粉薄豆腐用力夾就裂開，入口很軟滑生抄排骨 ～ 骨夠脆肉夠嫩，醬汁甜甜酸酸恰到好處👍豉油大蝦 ～ 剪咗蝦頭個刺同腳很貼心，豉油夠味蝦剛剛好夠嫩沒有煮過火小抄皇 ～ 夠鑊氣什菜粉絲 ～ 湯底咸咗d

今日約咗個老友，幾年冇見想搵個大排檔坐低飲下酒吹吓水，於是朋友介紹話呢間啲燒鵝到不錯，有室內室外座位可以選擇，於是我就過去試一下， 首先去到環境真係一般般，又嘈又多人食煙， 最後揀咗一個室內坐低。 我哋分別叫咗佢嘅招牌至尊燒鵝例牌，小炒王，還有椒鹽鮮魷，和西蘭花炒斑片， 首先真係要讚一讚佢嘅燒鵝真係幾出色，雖然係燒鵝比較肥，但係佢燒出嚟嘅皮香脆，肉質有口感，還有配以特別的酸梅醬汁，同出面嗰啲完全唔同， 好夾梅味好重，真係好唔錯。 值得一試再試不過佢其他嘅菜式就真係一般般，冇咩太大驚喜！ 如果大家想試嘅話，而又唔怕環境一般般的話， 就主要都係食燒鵝好了！

踏入這家茶樓，就被濃濃的人情味迎面扑嚟，環顧四周，食客們笑臉迎人。侍應姐姐熱情又親民，介紹咗幾款必試点心。鳳爪排骨煲仔飯一上桌，香氣四溢，啖啖鳳爪腍滑，排骨肉質鮮嫩，煲底啲米粒雖然少咗啲飯焦，但都夠香，唔錯噃！鮮蝦餃彈牙爽口，一啖一隻大蝦，噴香鮮美，肚仔滿滿。潮州蒸粉果雖然少咗啲彈性，但裏頭嘅韭菜同蝦米味道好夠，蠻有層次。至於四寶滑雞扎，透心涼嘅雞肉鮮滑得嚟又彈牙，並且料足，每樣配料都表現不俗。茶位只係四蚊，正！🥢🍵飽肚之餘，又感受到香港茶樓嘅獨有格局，一場咀齒留香、心暖肚滿嘅體驗。下次呢，一定仲要再嚟捧場，啲蝦餃同煲仔飯簡直係味蕾上嘅船頭浪！🌊👍🏻

在彩虹站對出牛池灣村內有一間開了數十年的舊式茶樓點心，早上是點心供應而晚市會提供酒樓小炒的服務，部分位置於店舖外進食。特別是冬天較涼爽的日子坐於門外，一路進食羊腩煲一路涼著涼風以及開兩三支啤酒實在是一大樂事。是次品嚐晚市店舖最為出名的燒鵝半隻上裝以及海鮮粉絲煲，對於兩人而言十分足夠。想象一下，一道金黃誘人的燒鵝半隻上裝出現在你面前，散發著誘人的香氣。外皮烤得酥脆，內裡的肉質卻柔軟多汁。每一口都帶來了濃郁的燒味和肉香，讓人欲罷不能。而海鮮粉絲煲則是一道豐富的海鮮大餐。嚴選新鮮的海鮮，如蝦、蟹、魚片等，搭配入口即化的粉絲，湯汁鮮美濃郁。

🌻新志興至尊燒鵝大王🐱呢間店係牛池灣村入面一間隱世美食推介，講真如果唔係朋友帶我去我都唔識，就連行緊入去都完全唔會知道原來入面已經坐左咁多人。黎到燒鵝大王叫一碟燒鵝就梗係定律黎啦~ 果然真係肉質有咬勁既同時，佢既皮真係仲係脆架~我好鐘意食!! 個叔叔勁好，知道我第一次黎，又知道我鐘意食梅子醬，專登俾左大大碟我，仲話唔夠可以再加! 講真，美味既燒鵝，加埋個梅子醬先係無敵，一定要再去。📍 新志興至尊燒鵝大王彩虹龍池徑60A號地舖⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸😸

環境好地道風味香港真係買少見少夥計都幾熱情，會介紹有咩好食叫咗招牌燒鵝燒鵝皮有啲脆口，肉質煙靭，食落有少少偏鹹豉椒炒蜆，香濃惹味，好有鑊氣，蜆肉無沙，送飯一流！

今日同屋企人嚟到一間好有歷史味嘅茶樓，第一陣就嚟個糯米卷，古味百份百🤤！咬落去，米香味夠晒濃郁，每一啖都好滿足。蝦餃就真係出色，粉咘咘嘅皮透出吓微微嘅光，裏頭嘅蝦整隻新鮮又彈牙，真係唔錯。雞札又正，腐皮炸得金黃，啖啖雞肉，食落去有嚼勁之餘又唔乾。至於鳳爪，真係腍到化，啖啖肉味甘香，揼埋嘴都唔緊要清潔都唔使擔心！搞到我超難揀，每樣都想一試再試！這裡嘅氣氛勁似打邊爐，食客人聲鼎沸，坐落食得好寫意。總結一句：每一啖都係滿足，食得心滿意足，抵食嗰間茶樓，一定要再嚟過！🍽👍💕

食香港嘅地道打冷，一定會叫燒鵝、油雞、切雞、燒肉，再加超多個海鮮種類，呢日簡簡單單同屋企人嚟叫咗呢個燒味全體（？）雖然地方唔算話特別乾淨，我哋都要坐室外，但係好在依家天氣唔算太熱，可以用少少時間同屋企人去享受呢一餐嘅美食都真係唔錯希望香港可以keep住有呢啲餐廳嘅存在

今日去咗呢間位於牛池灣村嘅舊式餐廳。附近仲有唔少local嘅餐廳。豉椒炒爽肉味道不錯，但係有啲偏鹹。加埋買飯一齊食會好啲。份量也相當大份👌🏼價錢： $78鹹魚雞粒飯炒飯味道岩岩好加上飯粒粒分明🤩鹹魚嘅味道唔係好出，但加添左炒飯嘅香味☺️好有鑊氣值得一讚👍🏼👍🏼價錢： $78 價錢唔算平，勝在食物比較有鑊氣加上份量幾大。店員服務態度都算有禮貌😉平日夜晚時候人流都比較多😎好有大排檔氣氛。好熱鬧🥳