新明發食家 (川龍街) (已結業)

大埔也有這新明發，但沒甚堂食位；原來荃灣這分店，內裏也有不少座位，見不少中老年人在喝茶疫情下帶老人外出都不太好，勞民傷財，倒不如移船就磡，到荃灣這點心店買外賣唄燒賣，四顆，也很不錯，肉夠大件，肉質夠硬實，不太老。鮮竹卷，略嫌多汁，沉著腐皮就太林了山竹牛肉也是得意菜式，牛肉夠粉嫩，不太老，不覺撈入太多豬肉或粉團，彈牙口感一流。排骨飯，飯粒夠碎但不乾，吸豉油，但又不會太鹹，略帶甜味，排骨有脂肪但不至太肥，美滿

要食好野真系要等咁耐夜晚吾知道食乜，間間晚餐都好貴，行過新明發，見到蒸魚套餐就人去。原來有幾種魚套餐選擇，有湯，菜同白飯，價錢好抵。叫左石蚌，後來至知道有泥孟，加埋有7,8樣魚，對一間茶餐廳系非常好。夥計話要等15到20分鐘，但最後要30分鐘，真係要有耐性。石蚌都幾大條，魚肉剛剛熟同好滑，油同鼓油都好香，正。無花果雪耳湯比較淡，無乜味，應該吾夠料或者肉，菜心都幾嫩，蠔油吾錯。以62蚊有即蒸魚咁多野食，性價比好高。但環境真系污遭，去埋廁所嚇死人。

噚日（11-8-2019 Sun）晏晝同老公落荃灣買嘢，買完食個晏，兩個人都唔係太餓，行到嚟爸爸話好食，但咁耐以嚟，我都未食過嘅呢間。知道呢間嘢食平，就預咗環境唔會好好，入到去睇到，比心中諗嘅更差，其實都唔想坐低，但見有位就照坐啦。坐低後，店員自動拎兩杯茶同已淥過嘅筷子膠匙，放喺枱喥。睇menu，原來唔係只做茶樓嘅點心，而係重有茶餐廳嘅三文治，飲品;又有雲吞麵，包羅萬有。最後，老公要$27.00嘅鱆魚肉餅飯，加$10.00要紅豆冰。我想要糯米卷但冇，咁要$11.00嘅馬拉糕同$12.00嘅潮州粉粿。食物好快到嚟，亦熱騰騰嘅，枱上亦放有鹹，甜兩隻豉油，老公加好就食得。我就先食潮州粉粿，口感正常，味道淡，冇五香味，冇花生冇沙葛。味道:1分然後食馬拉糕，大大件嘅唔太甜，OK。味道:3分之後老公俾啲飯我試，雖然我食唔正鱆魚粒，但鬆軟嘅肉餅已經充滿鱆魚味，有驚喜;飯粒軟硬都適中啦。味道:5分最後係紅豆冰，比例好似唔錯，紅豆大粒，但可惜唔夠腍，成杯嘢唔太甜。味道:2分環境:除咗一入去感覺麻麻外，就係冷氣唔多夠。

今次講依間都有幾間分店，平時我會推薦佢嘅蒸魚套餐，有留意開我之前有講過佢休魚期條魚有幾細，同平時比係阿媽同阿仔，梗快食佢阿仔唔太好，所以暫時食佢個盅頭飯。其實我最愛食梅菜肉餅，但現今真係搵唔到邊間肯個，明明成本低有錢都唔賺！但食鳯爪排骨都幾悶，今次食章魚肉餅。粉唔係落好多，可以接受，章魚味好濃，但無粗粒，飯較有口感，豉油俾得夠，整體其實唔錯，唔計純外賣點心舖，佢比我之前介紹過間平幾蚊，地點關係亦都好多人買，而我不是大胃王，只比一般女性食多少少，但這做早餐都不夠！個盒已經係細盒，但邊位空間多到可以放多幾隻匙！明明都係大盅，感覺好細盅，以前都無梗誇張，就算宜家未有新鮮豬肉，冰鮮豬貴咗，你都可以轉其他款，個肉餅又無細係少個飯，差個幾毫成本做壞自己，只能說為少飯一族而設。所以之前批評嘅朋友覺得區內邊間真係抵食不防介紹吓，唔係次次都話難食真係好令人擔心你有無飯食！當然如果你係超級廚神，只食自己煮嘅嘢，又唔肯開餐廳同人分享，就真係太自私了！

以前叫姐姐外賣返屋企食，都唔知原來鋪頭入邊咁污糟！今次朝早九點幾路經新明發舖頭便入去嘗試一下個鳳爪排骨飯，點知d鳳爪白到好似冇錢買豉油咁上色都費事，又好似未蒸熟咁，啲米又好生，另外再點左個潮州粉果，簡直災難性！賣相已經又爛又肉酸！食落味道好一般！無話食唔落嘅，落咁多味精點都哽得落，不過就驚食壞肚啫！咬左兩啖食唔落！個盅頭飯食淨八成！同個侍應姐姐反映都識講句唔好意思，但個老闆楝左係度就直頭黑面！唔該你自己檢討下啲嘢食啦！咁難食點對得住荃灣d街坊

今朝係荃灣返工， 黎左呢間餐廳食早餐。人流唔算多，坐得幾舒服。叫左鳳爪排骨盅頭飯，價錢合理，份量適中，個飯蒸得好靚，一粒粒，唔硬唔軟。呢個價錢盅頭飯黎講算唔錯，下次有機會會試下佢d點心。

平時都會買外賣蒸飯，今晚就堂食，叫左個蒸魚套餐＄59＋2。選了梅菜蒸石蚌＋菜心＋白飯。魚都有好多選擇、有盲糟、黃花、紅鮪、鱸魚、黃立䱽，配料還可以選薑蔥、豉汁、冬菜、梅菜來蒸。一般餐廳只有豉汁蒸黃立䱽，點解？因為是選用急凍黃𩶘䱽，當然要落豉汁蒸啦，這裡應該是用新鮮魚的。石蚌楊屋道街市都不是常常有，今晚有，當然要試一試啦，沒有選錯，條石蚌相當滑，真係魚有魚味，加埋梅菜更好餸飯一流。荃灣真係有好多賣點心的地方，但有水準的又有幾多？可以做落去的又有幾多？路德圍果邊前後都有三間，通通不過一年就玩完，這間可以長做，當然有佢吸力啦，有幾次六點幾來買外賣都要排隊！

今朝一早要去荃灣睇醫生，睇完都只不過是早上十點半鐘，開始覺得好肚餓，於是乎就走去揾下有乜好野食，行行下突然聞到好香的飯味，見到呢間餐廳有個阿姐企左係門口賣盅頭飯，於是我就即刻走入去坐低食野，最後揀左一個鳳爪排骨飯再加一碟醬汁鳳爪食！落完order不到3分鐘，侍應就好有禮貌甘放低左D野食比我喇！首先试下個盅頭飯先，D飯食落唔會太濕都唔錯，再試埋排骨亦都幾好食，排骨肉質鮮嫩有咬口，食落仲要甜甜地好好味，至於個鳳爪就真是唔錯喎，甜甜辣辣好惹味，再配埋D飯食真是绝配！最後飲埋杯冰凍檸茶絕對是透心涼

有時一個人真係唔知食咩好, 放工行過呢間餐廳, 外邊好多蒸籠, 有幾個人排隊買野, 再睇下盅頭飯外賣23蚊, 而家真係好難有咁平既飯, 既然唔知食咩就索性買返屋企食.呢間新明發有幾間分店, 益街坊地點.因為由個盅直接挖落飯盒, 所以倒轉晒, 排骨響晒底, 飯響面, 賣相係差少少.豉椒排骨飯, 排骨有幾舊, 唔會好肥, 肉質仲幾嫩. 味道豉椒味就無咩, 但有調味唔會太淡, 而且D飯叫亞姐加醬油, 食落無咁淡口, 飯唔會太腍, 一粒粒幾有咬口. 廿幾蚊黎講算係唔錯.

有時早餐都不知想食什麼好？突然好想食個包，嘆杯茶，輕鬆自在又一天，經過荃灣川龍街有間茶餐廳，門外擺放了一籠籠點心，蒸飯等，見到有叉燒包，都係賣$11，買一籠回公司食。叉燒包有三個，叉燒包皮鬆化帶有少少甜味，包餡有叉燒粒叉燒醬，絕對不是肥肉做餡料，叉燒粒唔少，一個包兩三啖就食完。咪睇佢三個包細細個，我配埋杯齋啡已經很飽，可以頂到午餐。

有時想食蒸飯, 都會去呢間新明發買, 貪佢外賣平DD, 另外仲有點心, 幾夜想食都唔係問題.照舊要左"鳳爪排骨飯", 排骨有好多舊, 唔會太肥或者得舊骨. 鳳爪有兩隻, 正常. 飯我鍾意食硬少少, 所以呢度啱晒我口味, 而且可以叫亞姐比多D豉油.因為得兩隻鳳爪唔夠喉, 所以另外要多碟, 都幾多隻, 味道正常.另外要多個"鵪鶉蛋燒賣", 鵪鶉蛋算大粒, 燒賣部份都幾多肉, 肉唔會太鞋.堂食仲有茶飲, 所以會收貴D. 平時外賣見好多伯伯堂食, 而且仲有麵類, 所以係平價之選.

平時都是買點心或盅頭飯外買，今日堂食，叫左個鮮魚套餐，$52有一條魚，白飯，油菜，凍飲加$2，魚有好多品種可選，今日有盲鰽，鯇魚，紅鮪，馬友，黃立䱽，可選。還可以選擇豉汁，梅菜或清蒸，我選了梅菜蒸馬友，因為馬友係海魚。等左20分鐘，條魚不細條，街市買都要三四十蚊，好新鮮，好肥，好滑，$54蚊有這質素超值。

今天假期，一起床已是下午，隋便去一間快餐店已沒有午餐了，所以去了新明發到吃個盅頭飯，叫了一個鳳爪排骨飯，吃完才記得補相真不好意思呢，排骨飯今次沒有上幾次好吃，飯身太硬一舊舊，排骨ＯＫ多肉少骨。馬拉糕－有幾次夜晚叫都賣晒，今次比我叫到，味道ＯＫ似足兒時細個去酒樓吃個種舊式馬拉糕既味道，但唔夠鬆軟同唔夠熱，馬拉糕整得再好吃都好一定要夠熱，吃完坐左半粒鐘，先埋單。

新明發都唔喺第一次幫襯，久唔久逢星期日經過，都見佢有幾多客，好似今日咁真喺人多到爆。不過，晌大埔墟廣福里發跡嘅新明發，好評vs劣評認真一面倒，相反，晌荃灣依間新明發就好評vs劣評旗鼓相當，以OK喺最多人給予嘅評價，真令人疑惑佢哋究竟喺咪同一間店舖 ，抑或只喺同名同姓？但對比番兩者嘅鋪面、招牌、餐牌……等等，應無太大懸念嘅，荃灣店確喺幾年前衝出大埔嘅分店 ！一張餐牌乜都睇晒：盅頭飯、中式點心、潮式粉麵，茶記格局，志在填飽肚快上快落嘅地方。無論揀盅頭飯、點心定粉麵，加$6有熱飲或汽水，加$8有凍飲，加$10就可以配特飲。同上次一樣，小弟要個盅頭飯加奶茶，老婆就淨要一碗粉麵就夠喇。 豉椒排骨盅頭飯 $22．熱奶茶 +$6 盅頭飯只有5款選擇：豉椒排骨、鳳爪排骨、鱆魚肉餅、鹹魚肉餅、北菇滑雞，即喺幾年嚟都無變過，更難得嗰時款款賣$18，依家都只喺加$3賣到$22，仍然好街坊價 。盅頭飯不斷蒸不斷出籠，所以唔使點等。盅頭飯睇落份量細細，基本上唔太大食都應該夠，而排骨仲放滿飯面，算交足料。排骨略帶肥膏，我就覺得OK嘅，但老婆就嫌排骨肥，豉椒味就太淡口 ，少咗份惹味嘅感覺。而飯粒軟熟分明

又是重陽節, 到荃灣登高兼掃墓是每年的例行公事. 拜祭完畢, 就近地在荃灣吃個午飯. 偶然路過這間新明發, 見店外架起幾個蒸籠, 門口寫著: "馳名盅頭飯", 而店外也有人排隊買外賣, 抱著即管一試的心情入內. 這間店與其說是點心店, 不如說它像茶餐廳會更貼切! 店內是茶餐廳格局, 很街坊, 衛生程度也很一般, 地方有點滑. 店員很有效率, 不過禮貌一般.看看餐牌, 食物種類包羅萬有, 除了店家主打的盅頭飯, 還有中式點心, 潮式粉麵, 茶餐廳碟頭飯等等, 總有一個會合心意. 店家主打即蒸盅頭飯, 而眼見很多食客都是吃盅頭飯的, 當然要點來試試. 我們點了豉椒排骨和鱆魚肉餅兩款, 另外也點了馬拉糕和义燒包.排骨飯: 雖然說是即蒸的, 但落單後不夠三分鐘便送上, 很難令人相信是即叫即蒸的. 排骨當然不是新鮮, 不過沒有雪味, 而且是有骨有肉, 肥瘦均勻那種, 肉質尚算不硬, 但卻出奇地甜, 似是加了味精; 至於米飯方面, 飯粒乾身且粒粒分明, 不會太硬, 帶點肉香, 不過卻不夠熱, 如果是即蒸的話應該不會如此.章魚肉餅飯: 飯底如上, 章魚入味, 肉餅不會太硬, 不過味道又是偏甜.义燒包