新泰東南亞餐廳 (雙子匯1期)

營業中

休息中

充滿火藥味的男服務完高吭提醒你叫食品號碼問多句有什麼無肉食品推介再次提醒你自己睇下個菜名那裡有肉反問馬拉盞有蝦米為何不提醒客人男服務完理直氣壯説蝦米不是肉我們要求炒飯走肉問其有什麼介紹男服務完説任何都可以走肉説了要這個炒飯男服務完回應你一句個飯到時只得炒豆角請問是本人主觀針對還是這是間店是不歡迎素食者家人叫了個細冬蔭功叫男服務完給碗仔他只給三個我們一枱8人再問他攞多幾個佢無應我地但由另一位男服務員給我們我們再下單叫菜要求女服務員下單女服務員説要跟這位男服務完下單再次體驗這位服務完的「休」質服務他是要成為真正的香港旅遊道的樣板生意好到唔休做早點食完比佢換抬再做生意頂住道氣食飯心諗盡快食完出去散心再去另一間服務正常的食巿再食想體驗一流的「休質」服務這裡絶對是鍛煉能耐的道場

不論食物，環境，服務，都非常好。難怪Fully booking😂值得一讚，雖然繁忙，經理同員工都會好細心照顧每位客人。今時今日嘅飲食業，實在難得。最推薦：芒果糯米飯👍🏻👍🏻👍🏻超級非常好味，先讚一下紅糯米，每粒都好有咬口，煙煙韌韌，米味香濃。椰汁亦煮得很好，芒果亦很新鮮。椒鹽軟殼蟹👍🏻👍🏻份量很多，很香口，很鬆化唯一美中不足，泰式椰菜苗，鑊氣唔夠，好似烚菜咁。整體嚟講，會推薦俾朋友，非常好的一間餐廳。

是日聚會，本來諗住嚟睇展覽嘅。見人多睇怕要等個幾鐘，大家只好放棄，另覓節目。見未食妟，就是是但但揀咗呢度，地方闊落坐得都舒服嘅。。柯打四人餐再加些小食。味道相當一般，不見出色。出餐速度頗快，渣聲就送到上枱。服務方面，咁啱我吃到那蝦米紙卷微辣，侍應搶著的說堅持這個不會辣，完全不理解這服務態度 🤷‍♂️🤦蝦餅。魚餅：魚餅偏咸，比起蒜蓉飽還要咸。泰式炒雜菜：可能太清，我以為白烚 🤦蝦炒金邊粉：普通得很咖哩蝦蒜蓉飽：咖哩杰撻撻一舊舊，蝦亦唔係爽彈，唔識欣賞 🤷‍♂️。蒜蓉飽偏咸，鬆脆似餅乾，友人覺得太乾，失去麵飽口感 🤣串燒沙爹：泰式串燒唔會有咩期望，另上嘅沙爹汁係凍，是地道還是其他原因（懶？！）！印度薄餅：好重牛油味，麻薯質感帶煙韌，見識見識 🤣燒豬頸肉沙律：不喜歡芒果糯米飯：芒果甜，糯米偏實，紫米比較上可以青檸梳打：友人都話好甜。（糖水不吝嗇 🤣）整體嚟講，無必要專登過黎食係真嘅！路過食都感到伏，侍應話六日都比較滿座嘅！（吓？！真係咩🤣？！）四點半前落單好似八折，每人大概 $160。依家閒閒地食個便飯都 $100 起啦，呢啲咁嘅商場舖 😅

香草肉碎炒飯($98):本身以為會係平時白飯配上一兜嘅香草肉碎，但係呢個係炒埋一碟嘅。本身都會驚會唔會過辣或者過鹹，但係完全將個味道教得好好，越食越上癮。而且火候十足，正！馬拉盞炒蒜心($88):本身泰菜舖頭通常都係馬拉盞通菜，見到有蒜心揀，所以就試吓啦。每一條都係精心揀過，完全食唔到有筋，食落係嫩滑鮮甜，而且好多汁，呢個價錢絕對抵食。巴東牛𦟌($118): 牛𦟌好淰而且好入味，而且醬汁雖然較濃味，但係食完唔會覺得口渴，亦都唔算好辣。如果配上麵包應該更加好食！香蘭葉包雞($98): 朋友對蝦敏感，所以淨係揀咗呢個銀包雞，上菜嘅時候真係熱辣辣即叫即煮，份量有四粒，食落去美味多汁，有水準之作。芒果雪糕配糯米飯($68): 上菜嘅時候嚇咗一跳，賣相勁靚，冇諗過係呢個價錢食到咁樣嘅質素同份量。糯米粉擺咗喺最底，配上芒果雪糕同埋新鮮嘅芒果，完全係一個美滿嘅晚餐。鹹檸七雪碧($42): 正正常常每一次食泰菜都覺得杯鹹檸七或者椰青。總結：自己對新泰嘅認識係尖沙咀嗰間，之前食過好食，所以今日睇演唱會之前見到有都即刻encore。真係不負眾望，完全還原到泰國嘅原味度。

新泰東南亞餐廳位於啟德雙子匯一期的14樓，環境優雅，設計靈感源自東南亞風情，讓人感受到一絲異國情調。菜單上琳瑯滿目，特別推薦他們的泰式生蝦，鮮蝦新鮮，搭配清爽的酸辣醬，口感極佳。另有香芒軟殼蟹米子卷，外皮酥脆，內餡豐富，搭配醬汁更是絕配。主菜方面，泰式炒金邊粉的麵條香濃，搭配豐富的配料，讓人一吃成主顧。最後，不妨點一瓶青檸Singha汽水，清涼解渴，完美結束這頓美味的用餐體驗。服務方面，員工親切，反應迅速，整體用餐感受非常愉快。整體而言，新泰東南亞餐廳是個值得再訪的地方，無論是與家人聚餐或是朋友小聚，這裡都能帶來難忘的美食享受。

今次試「新泰」的香芒軟殼蟹米紙卷，米紙軟糯帶微韌，軟殼蟹炸得酥脆唔油，蟹肉鮮味明顯。配搭清甜芒果絲同薄荷葉，口感凍涼清爽，點少許魚露更帶出層次。 燒西冷牛扒叫五成熟，上枱切開見粉紅肉心，熟度控制準確。表面微焦有炭香，肉質軟嫩有嚼口，牛味濃而不羶。附上的青檸椒鹽汁酸辣清新，點少許已夠提味。 青木瓜沙律切得幼細，口感爽脆帶汁。調味以青檸酸香為主，混入魚露鹹鮮同指天椒微辣，花生碎增添香口，整體開胃醒神，辣度溫和易接受。 雞肉碎生菜包炒得乾身，雞肉碎混合香茅、金不換香氣。生菜葉新鮮冰涼，包住肉碎食減輕油膩感，小辣調味剛好刺激食慾。 日本南瓜焗海鮮飯用原個南瓜盅，南瓜肉焗到綿軟帶甜，海鮮料足有蝦、帶子、魷魚，飯底吸滿南瓜甜同海鮮汁。芝士份量適中，拉絲效果增加食趣，整體唔會過膩。

這天放假，又近老公生日嘅日子，我地去啟德雙子匯，下午時間我哋嚟到食泰國嘢上嚟呢度去搭升降機比較方便，出咗之後左邊就係呢間新泰東南亞餐廳環境舒適，有泰國風情，服務好好叻沙湯蝦米線 $88比我哋預期嘅份量多，湯底味道香濃，蝦、蛋、生菜配料同米線加埋湯底食好好味巴東牛𦟌 $118醬汁超級濃郁，牛肉都好入味好林我哋今次得兩個人食太飽，如果下次叫呢個巴東牛肉，加埋蒜蓉包或者薄餅一齊食，相信會更好味泰式明爐魚 $228魚感覺鮮美，泰式湯底及調味不錯個火令魚keep住溫度，感覺好好泰式甜品小拼盤 ，$98甜品都很有驚喜！特別喜歡熱熱的千層糕，椰汁味道香濃，鹹鹹甜甜，口感煙煙韌韌，幾好味。其他甜品款式都很不錯

最近天氣悶熱，總會特別想念東南亞的濃郁香料味。和朋友約在啓德雙子匯，意外發現這間藏在商場內的 新泰東南亞餐廳，店內空間寬敞，座位之間不會太擠，最適合一班朋友慢慢坐、慢慢嘆🌞我們點了幾道經典菜色，最愛必試的 泰式炸蝦餅，外脆內彈，配上甜辣醬非常涮嘴🦐燒鮮菠蘿 是意外驚喜，微焦香氣加上果肉多汁，當小吃很加分🍍再來是 泰國街邊豬肉串，肉香濃郁帶點香茅味，真的有回到曼谷夜市的錯覺！泰式菠蘿炒飯 也是人氣之選，炒得粒粒分明，加上腰果與蝦乾的香氣很足👍還點了 馬拉盞通菜 平衡味蕾，香辣有層次，適合重口味的朋友～飲品方面推薦 泰式凍奶茶，香濃不死甜，喝一口就回憶起泰國街邊檔的味道🥤🇹🇭

真係要試！ 新泰（啟德店）嘅青咖哩羊扒，絕對係隱藏版王牌！平時青咖哩食雞牛多，但佢哋用厚切羊扒入饌，一上枱就聞到香茅、檸檬葉嘅辛香衝擊，仲要羊扒大件到離譜，啖啖肉勁滿足！羊扒零膻秘訣🐑廚師專挑紐西蘭羊架，肥瘦勻稱，先香煎鎖肉汁，再燴入青咖哩慢煮。羊扒食落嫩到離奇，外層微脆，內裡軟腍唔黐牙，仲要吸盡咖哩精髓！青咖哩嘅椰奶香平衡咗羊脂，辣度溫和（可調校），香而不膩，驚喜到拍枱！靈魂青咖哩汁每日手舂青辣椒、芫荽根、小圓茄，加鮮磨香料炒製，質地濃到掛勺！入口先湧出椰奶甜香，後勁帶香茅、南薑層次，仲有金不換提味～撈飯無敵！跟配嘅蒜蓉包脆到咔嚓聲，蘸汁食簡直犯規⋯⋯（忍唔住encore麵包！）必點神組合一份羊扒有齊2大件羊架+濃咖哩+蒜蓉包，夠2人分享。鍾意重口味嘅，加碟馬拉盞炒通菜，鹹香惹味；怕辣就叫杯泰式龍眼冰，清甜解膩，完美配搭！

一向去開馬鞍山分店，知道啟德開分店，特登嚟試下食品同環境，環境相當不錯，地方夠大，有玻璃窗口位，食品還保持水準！冬陰功湯夠熱啲蝦好大隻，蜜糖燒肋骨好好味，好夠腍，燒虎蝦啖啖肉好惹味,有機會會再試多啲！

今日假期帶Mina 去啟德的新商場 雙子匯行街，行到肚餓，就去到12-15樓的「食匯堂」搵食😋呢度集結了多間人氣餐廳，涵蓋日式、泰式、粵菜等選擇，非常適合家庭或朋友聚餐。我今次就選擇咗環境寬敞舒適的～新泰東南亞餐廳，由泰籍廚師主理，提供正宗泰國及東南亞風味🥰🌟泰式蝦炒金邊粉經典泰國街頭美食，金邊粉以泰式魚露、羅望子醬快炒，搭配鮮蝦、豆干、蛋及韭菜，撒上碎花生與辣椒粉，酸甜鹹香兼具🌟香芒軟殼蟹米子卷創意融合菜！越南米紙卷包裹酥炸軟殼蟹與香甜芒果條，蘸泰式甜辣醬或椰香醬汁。外皮Q彈，內裡酥脆與芒果的果香交織，口感層次豐富🌟泰式生蝦新鮮生蝦剖背後冰鎮，搭配蒜片、辣椒，配上酸辣魚露醬汁一齊食，風味更佳！蝦肉鮮甜彈牙，辛辣開胃🌟肉碎生菜包可以選擇豬、雞或鴨的肉碎，炒香後混合辣椒、檸檬汁、魚露，加入烤米碎增香，用生菜包裹食用，低卡高蛋白，酸辣過癮🌟燒豬頸肉沙律炭烤豬頸肉切片，與洋蔥及烤花生碎及香料炒香，拌入青檸汁與魚露，用生菜包裹食用。豬頸肉肉質脆嫩多汁，配上酸酸甜甜的醬汁，開胃解膩，適合夏季。

【🐘九龍泰國秘境｜陽光玻璃屋裡的超值泰午宴🌿】 在九龍區難得找到這家空間感爆棚的泰國餐廳！挑高玻璃窗灑落陽光，大象擺件瞬間帶你穿越到清邁🌴 重點是$75/位的午市套餐——正宗泰籍廚師坐鎮，份量足到懷疑自己看錯價錢👀 「椰汁青檸湯粉絲」酸辣度完美平衡🥥，吸滿湯汁的雜菇和魚片鮮味炸裂！追加的「泰式豬肉串」炭火香氣逼人，一秒回到曼谷夜市🍢 驚艷的「綠豆沙冰」綿密得像在喝翡翠雪花❄️，瞬間降溫5度～ 壓軸「瑪莎拉咖喱牛腩」燉得足夠，完美軟硬度🍛，薄餅蘸滿濃郁咖哩汁的瞬間...隔壁桌都偷看過來了！「雪糕芒果糯米飯」更是神來之筆——新鮮椰肉嫩滑清甜🥥🌴🥭 #陽光泰國玻璃屋 #75蚊征服米其林味蕾 #綠豆沙冰隱藏MVP #椰肉刺客甜過初戀 （員工泰文對話BGM超有沉浸感🗣️💫）

今日同朋友去啟德嗰邊行街，夜晚想食泰國嘢，睇一睇商場嘅介紹，發現有呢一間新泰東南亞餐廳，之前都喺尖沙咀食過，覺得食物都唔錯，所以決定食佢。上到嚟發現果然係新開嘅，特別靚，環境闊落，裝修又好舒服，環境100分👍🏻👍🏻👍🏻食物方面更加唔使講，全部都一如以往地好食，我哋叫咗香芒軟殼蟹米紙卷、泰式炸蝦餅、泰式青咖喱雞配印度酥餅同埋一個甜品芒果糯米飯，嘢飲就叫咗一個椰青同埋珍多冰。香芒軟殼蟹米紙卷值得推介，蟹肉鮮嫩，搭配芒果好清新。泰式炸蝦餅外脆內軟，蝦味夠濃，食落好滿足。泰式青咖喱雞味道香濃，雞肉嫩滑，配埋印度酥餅味道都唔錯。最後，芒果糯米飯分別有白糯米同埋紫糯米，口感軟糯，甜而不膩，真係必叫之選！

啱啱去咗啟德一間超多人食嘅泰國餐廳，晚市真係full house！等位都值得，啲嘢食真心正🤤🔸泰式生蝦 ($118) 🦐酸酸辣辣超醒胃，蝦新鮮又爽口，個醬汁勁惹味，食完即刻開胃！🔸泰式干炒牛河 ($98) 🐮🍜鑊氣十足，條河粉唔淋唔黐，牛肉又嫩又入味～🔸辣椒蝦膏炒大蜆 ($128) 🦪🌶️超香，蜆肉大粒又鮮甜，啖啖都係濃濃蝦膏味，好下飯！飲品方面：🥥椰青沙冰 ($78) 好清甜，飲落去超級冰；🍍菠蘿沙冰 ($55) 就酸酸甜甜超消暑，夏天飲一流～甜品就食咗糯米飯布甸 ($60) 🍚🍮，煙煙韌韌好香椰味，甜度啱啱好，完美收尾～💬總結：人氣旺係有原因，食物夠地道又夠鑊氣，價錢親民，環境都幾舒服，啱晒同朋友一齊開餐！推介指數：⭐️⭐️⭐️⭐️⭐️

啟德Twins喺地鐵站附近，SOGO似乎唔算多人行，但樓上泰國菜反而多人流。地方唔細，座位有室內同室外。室外景色給遼闊，只係天氣熱左，選擇室內比較涼快。裝修係亞熱帶為主題，好多木支柱，同埋綠色植物。餐牌當然唔少得咖喱，海鮮，菠蘿炒飯，米紙卷。鐵板蠔餅值得order，熱辣辣出晒煙，充滿香氣上枱，蠔仔都幾大粒。軟殼蟹牛油果米紙卷，軟殼蟹好脆無返炸。海鮮濕炒河粉，預料之外係河粉先煎香，再加上海鮮同芡汁，河粉非常香口。