新辣道魚火鍋 (已結業)

我和朋友三五知己聚餐。想找一個環境高雅寬敞的地方談天說地， 又想熱鬧一點，柴娃娃的吃火鍋。 還要滿足對食物要求很高的同伴， 我們就選了這間位於香港黃金地段（尖沙咀）的高檔火鍋新辣道魚火鍋。入到餐廳， 完全看不出是火鍋店。 裝修非常精緻，感覺很高雅。 我們包廂吃飯， 房間用木和很多精美的擺設裝修， 每一個角落也看得出他們很用心。 員工服務達至一級水準， 例如他們發現房間裏面的抽風系統可以有所改善， 他們立刻去處理 ; 他們也會細心講解這裏的招牌菜和每一道菜色的特色，也和我們談天說地，有點像家的感覺。我們選了4款湯底。 我最喜愛那個特辣湯底， 湯料十足。 裏面有花椒，麻辣椒等香料， 估計淆製了好一段時間， 湯底非常入味。這裏的招牌菜是嫩滑的巴沙魚、爽口的鮟鱇魚及花尾龍躉。 肉質厚身，魚肉新鮮嫩滑，魚肉非常結實， 尤其是巴沙魚 又無骨，食落去很鮮甜。另一個主打菜是特選牛肉拼盤，賣相非常吸引，肉質鮮紅有光澤。當中有一口牛，牛小排，牛骨髓，肥牛片，黑柏葉、及手打牛肉丸，每款也有不同口感，增添層次感。每一塊牛肉都係薄切，切工很好， 而且水準keep住一致， 不會一片薄，一片厚。 雪花牛上的脂肪比例

昨日約左班靚媽行尖沙咀，見到一間中式酒吧似的，但原來另有一片天地。樓上是打邊爐，大家都有餓意就食餐勁既其實我第一次食魚鍋打邊爐，店員介紹我們食$168 招牌紅湯加古壇酸菜魚，仲有鮟鱇魚一碟。紅湯其實是麻辣湯，紅椒麻辣感都算唔錯，因為我不太食得辣，呢個都食到。酸菜湯底酸度至岩我，加了六個月古法醃菜，這種古早酸菜味道很吸引。吃魚鍋應該是先吃魚，後配菜。湯底滾起再落魚，等漏斗沙落就可以食得，第一次嚐鮟鱇魚，鮟鱇魚肉質爽口，鮮嫩，已經起骨，魚肉配酸菜湯非常鮮美。花尾龍躉必叫，女士要補充膠原，魚塊大件，肥美，鮮美至極，肌理纖維結實豐富，油份，膠質食得出的鮮味。之後大家興起又叫支白酒，riesling 夏天必叫，果味濃郁，很清新，我愛甜，所以好影入口，一試愛上。我們叫了不少拼盤很抵食，愛牛的必要叫特選牛肉拼盤，有牛小排，肥牛片，一口牛，牛栢葉，牛骨髓及手打牛丸。其中牛小排再另外叫一碟，肉質鮮美，不太薄有口感，食真少少的牛味，脂肪分佈平均，好靚的紅白花紋。主食我們叫了健康的寬粉及淮山麵，寬粉很爽滑，而且很彈牙，配酸菜湯真係好夾，掛汁的食法好滋味。淮山麵配蕃茄湯又別有一番風味，麵條要再煮耐的，食落去爽

今日中午去食lunch，佢哋嘅二人火鍋簡直超抵食，食物新鮮之餘員工服務一流。 今日叫咗個二人火鍋餐，材料新鮮。套餐包括有一大jar冰茶，炎炎夏日 打邊爐都唔係問題啦。 另外唔想打邊爐，佢哋都有飯麵套餐，價錢都係48蚊起，喺尖沙咀咁嘅價錢又坐得舒服都好難得。👍😋

肥仔今晚帶我去食麻辣魚鍋，裝修ok外打得邊爐最緊要冷氣夠👍🏻，而我就揀咗個招牌魚鍋有兩種湯底一邊係酸菜一邊係麻辣，而魚都有兩種味非常貼心，海鮮洗我乾淨又新鮮，炸蓮藕片同魚皮😋👍🏻，仲個炸蟹仔口感好外個師父做刀工應該唔錯，因為件件都切得好一口一件，個殼都咬到👍🏻，除湯底推介外，海鮮，小牛排，手打牛丸，鴨血，鴨腸，寬粉都好好食，由期食到尾段個寬粉索灑個麻辣湯精華簡直無得輸😍，而下次要試個再辣D嘅麻辣湯先得😬。

午餐時間忽然落雨，行過見到依間餐廳有湯飯食就試下。餐廳有兩層，好寬敞。湯飯可以自選湯底和配料，包一杯飲品。點了蕃茄湯配海鮮雜錦。有唔同款既海鮮。蕃茄湯有新鮮蕃茄一齊煮，泡飯食都夠晒濃味。朋友點了香辣肉碎湯配巴沙魚。巴沙魚幾滑，但湯底偏淡味，亦無咩辣味。靠跟餐既調味醬帶番出味道，個醬幾好味。加了一客兩串既四川麻辣串。一串有齊豬耳，雲耳，魚丸。個醬係辣油果隻，整得夠香，夠辣。飲品是薏米水，好多薏米粒， 真材實料。

在尖沙咀找午餐吃，路過此店，店員向我作推介：午餐$48起，送飲品，免加一。點了豆腐魚湯無骨巴沙魚湯飯，湯頭比較淡，沒有魚湯的鮮香，巴沙魚塊很多，可是也是味道偏淡，豆腐反而最好吃。這店有兩層，地面那一層看格局像是酒吧，中午時份沒營業，吃午餐的都往樓上去，地方大，裝潢也見心思。服務值得一讚，坐下號女士應主動給我紙巾，說讓我放口罩，點餐、上菜和結帳，侍應的禮貌都很好。

本人係魚火鍋愛好者，之前知道有間新開餐廳，叫左朋友一齊試。餐廳個格局幾得意，下面酒吧可以一路等人一路飲野，上面就係餐廳。餐廳闊落正路，無平時中式火鍋個種地mao味，仲有小小日本style（唔知你明唔明我講咩）。anyway，我地叫做個斑嘅煲，魚肉有質感，滑得黎小小彈牙，仲有新鮮魚嘅甜味，d staff 會好好提左你食左魚先費時煮過龍。其他大路邊爐材料相比外面賣相精緻，值得一提墨魚滑，超級好味！除左打碎嘅滑之外，佢裡面撈埋一件件墨魚粒仔，成件事有口感左；另外好高深地墨魚滑上菜時會有一隻蛋係上面，d staff 會建議你撈撈撈，如果覺得你蠢會幫埋你撈😂...坦白講，個滑除左之前多左嘅口感，係真係滑左嘅。那價錢方面我唔會話係以平行先，但材料同質素對的住佢嘅價錢，尤其依家封關（well 封關後雖然都未必會過去神舟大地），但的確佢做到個種正宗口味，可以頂到癮。

午餐可以選擇火鍋 or 湯麵飯🍜🍲🍚🥢香辣肉碎湯 配 鮮萵筍肉片飯48HKD配料加左肥牛10HKD 餸既份量比較小 所以一定要加配菜先夠飽湯底唔係好辣個種 偏油 👍🏻碟辣椒好惹味 送飯食一流食物中規中矩 環境乾淨尖沙咀58HKD食個lunch已經好抵

【限聚令】之後再去【新辣道】，發現新增了午市湯飯套餐和晚市提供即日海鮮，當天我和朋友7:30到達，環境和之前一樣整潔和簇新，服務員親切有禮，令我和朋友未吃東西已感安心😊我們詢問經理有何推介後，決定點選了海鮮，牛小排肉和蔬菜，當然不能少得了他們的主打～魚啦。。。我們選了龍躉，另外海鮮包括迷你象拔蚌，鮑魚和聖子，經理說是由總厨即日搜購的呢，可喜的是價錢不貴，最今我高興的是我很怕吃內贜，通常貝類都附有內臟，經理很貼心的讓厨房去除內贜才上桌呢😝總的來說，用他們提供的沙漏準點把龍躉灼3分鐘最美味，海鮮是十分新鮮，而牛小排是入口嫩滑，十分好吃的呢！🤤我和朋友已相約下次一起再去嘗嘗吃湯飯🤗

今日落大雨，所以唔想行咁遠去食lunch，呢間新辣道魚火鍋就係我公司樓下，一直都想試好耐，見佢裝修唔錯，又有午餐set lunch主打湯飯，今日Happy Friday 終於可以一試!皮蛋芫茜雜錦海鮮湯飯$68 好濃郁嘅湯底，餸菜分別有蝦，帶子粒，青口，豆卜，皮蛋，再配上自家製辣醬，成件事好完美！但如果海鮮可以在多啲就更好，因為蝦只有一隻，而帶子係好細粒嗰種，好彩自己加多個左個餸-潮州魚蛋，如果唔係驚唔夠食！依家午市做緊火鍋優惠，$199/ 2人套餐，見隔離枱食好似唔錯咁，下次有機會可以嚟試試！

星期六行街午飯時間，經過一間門面別緻嘅餐廳，諗住試下！環境超舒服，裝修古典，影相呃like都唔錯我同老公去試，叫左個二人餐魚鍋邊爐，麻辣火鍋底，真係一試難忘，個set有個魚，配埋個湯底冇得頂！最緊要嘅係價錢超抵但有高級享受

五個人中午來點了四人套餐再加點了鴨血、一口牛，套餐內的肥牛、丸子、松阪豬、魚肉都好吃，食材新鮮美味，湯頭也是棒，內部座位舒服不擁擠，廁所很大很乾淨。而且午市的價格真的性價比很高

由年初一開始，好多食肆都會暫時關門賀新春，要出街食飯，都要好好諗下。想推薦呢間餐廳，剛剛年三十晚一家人出去晚飯，感覺不錯，於是選擇寫佢推薦俾大家，等大家由今日到初七開始，整個新春想食飯都可以多個選擇。認識呢間餐廳，因為朋友J先生帶佢阿媽去打邊爐，係面書check In，見到佢同佢阿媽都讚不絕口。看一看呢間餐廳嘅資料，原來係新開，再然後發現有一個好平嘅新春龍躉鮮魚鍋四人餐，於是試吓運氣，年三十晚睇吓有冇得訂，竟然一book就有位，無理由唔試。呢間餐廳一月頭先新開，舊地點就係好出名嘅大阪日本料理，不過裝修咗之後係一間好有型格嘅餐廳，下層更加係有間cocktail吧。其實呢度cocktail唔錯，不過遲啲另寫一篇文再講，今日要先講期間限定嘅四人餐。新辣道原來是一間北京名店，選用了百年徐氏秘製湯底，採用四川自貢鹽，加上秘製家傳方法研製，當中加入六個月精心醃製的古法醃菜熬煮，更突出美味和香氣。呢度有招牌紅湯龍躉鍋，還有秘製鮮椒龍躉鍋、蒜香龍躉鍋、古壇酸菜鮟鱇魚鍋、黔南番茄石斑鍋等，讓高質鮮魚與秘製湯底相結合，可以吃到魚肉的爽彈，入口鮮甜而不腥，並細嘗到不同湯底的濃香，媽媽不太好魚，但也會喜歡。呢

農曆新年前，趕緊相約朋友們出來聚頭食飯。是夜與幾位辣魔相聚，適逢天氣涼涼地，麻辣火鍋不失為好選擇。尖沙咀亞士厘道有間新店子，兩層高，樓下是酒吧，樓上則是打邊邊的地方，一於齊齊去做白老鼠。很相宜的價錢，四人火鍋套餐只是$888，已包含勁多嘢食，足夠我哋四條友食飽有餘。            點好鍋底及食物，店員便端上醬料，讓大家自行混醬。我繼續是以簡單為前題，豉油加點麻醬，便是。來個鴛鴦鍋，麻辣湯底那邊加了辣，另一邊是清湯，以備不時之需。廚子很細心，中芯設多一圈，放清水加點杞子，給我們淥菜蔬。店子以鮮魚火鍋為主打，因此套餐亦有跟上龍躉。此魚勝在口感彈牙，魚皮豐厚，而這份更是已醃好的，所以即使在清湯那邊滾也可夠味，置於麻辣湯自然更惹味。套餐跟上豬牛雙拼，不吃牛的朋友也不至無啖肉好食，相比之下我覺得豚肉較好，牛魔王可能要另點特選級牛才可滿足。其他配料隨之送上，三寶丸分別是牛丸、貢丸，以及墨丸，當中以牛丸最得我心，質感唔怕死實實，內裡有汁，並不是一般貨色。其次，貢丸的口感也不俗。只是，明明是四人餐，卻每樣只得三粒，少許奇怪。所謂魚別不同拼盤，說穿了是魚的三重奏，內容有魚蛋、片頭和魚扎。魚片頭

除了辣雞鍋，鮮魚鍋都是港人最愛，最近進駐尖沙咀亞士厘道的「新辣道魚鍋」，開業僅半個月，可會是你的新選擇？中國人最重意頭，新正頭喜歡吃魚，吃完這個魚鍋，包保你「魚」意吉祥！餐廳樓高兩層，地下是酒吧，樓上吃魚鍋，大家可以在樓下order完雞尾酒後自行拿到樓上飲用，當然餐廳也有供應其他飲品。Jiujito、Jiu-thing $58@先介紹樓下的中式酒館，很多酒品都以中式白酒「江小白」為基調，下班後想來Chill一下都可以！但我酒量一般，還是乖乖走到樓上吃火鍋去。醬料以九宮格形式奉客，必試中間的秘製辣醬，好香。古壇酸菜鮟鱇魚鍋 $209魚鍋選擇頗多，除了招牌紅湯龍躉鍋，還有秘製鮮椒龍躉鍋、蒜香龍躉鍋、古壇酸菜鮟鱇魚鍋、黔南番茄石斑鍋等。我今天試的是「古壇酸菜鮟鱇魚鍋」，酸辣並重，鮟鱇魚十分滑溜，美味； 鴛鴦鍋的另一邊是清湯，味道比較清淡，不嗜辣的可以主攻那邊；至於中間圓形的位置則放清水，用來淥蔬菜，可減低油膩感之餘，亦可吃到青菜的原始甜味，勁推介他們的新鮮淮山，爽口高質。現炸魚皮 $39、現炸魚片頭 $59傳統潮州魚蛋 $59、招牌魚皮餃 $59、手工魚扎 $69太陽魚籽蝦滑 $89吃罷魚鍋