旮旯 (已搬遷) 新店位置

旮旯,首先個名都好特別~我平日都有FOLLOW開IG既甜品上次知道有開實體店即刻去左深水埗睇結果sold out第二次再去先有蕨餅。好Q,容易入口餅上黃豆粉。好香配合個餅加少許煉幼一份有4-5件。要16粒先有兩個味。8粒只可揀單味。為左試晒就要左16粒一盒。58蚊一盒個陣等左30分鐘左右。唔係即時拎到。有兩個口味。抹茶，雲呢拿，抹茶麥糍我本人比較中意。因為抹茶皮可以中和個甜味。主要因為麥糍用原味麥xx。我建議用黑朱古力味會比較好。太甜。而雲呢拿口味就真係太太太甜。因為無得平衡一下。如果好怕甜既朋友。買之前要諗諗

喺呢間鋪岩岩開嘅頭幾日 我幫襯過 果時個皮好煙韌 食得出唔係一般糯米粉加水咁簡單 淡淡地嘅皮加埋好甜嘅麥提沙 味道岩岩好 好好食但因為太多人話佢個皮太煙韌 所以佢地改良左 宜家軟綿綿左 但我反而覺得無咁好食 我就係鍾意佢夠煙韌 因為太軟 咬落去 皮同麥提沙分開左 感覺上無咁夾 無咁好食

旮旯 由一個小小的IG店，係IG店而麥糍而打出名堂，的確麥糍係而普通的麥提沙用糯米糍包住，係不凡但我欣賞他的創新，係一份誠意，因為一份份的支持，現今擁有一間實體店的確不容易！除左麥糍係必食嘅甜品(最好訂左先)之外。最近，佢地新出左個"紫芋葛餅" 紫色的賣相 好特別，紫色的葛餅入面有粒粒小紫芋，入口清涼又有咬口，葛餅上加了少量練奶，帶出甜味，好好食家！而且要即買即食！下次經過要再食，以作支持呀！#chexeat

糯米皮包原粒麥提莎, 表明使用丸久小山園抹茶粉～睇廣告好深綠好多粉包著但實物就..... 唔係咁多同比較青,其實食落有D淡, 無咗回甘, 可能係粒甜甜既麥提莎問題, 不過糯米滋係林林地, 係我鍾意既texture, 放一日之後食入面粒麥提莎變左流心咁又幾唔錯😂

朋友帶我黎試黎個葛餅話好好食我覺得就真係還好喇 入口係幾涼浸浸既 但冇乜特別 我記得係$15四粒跟住仲嗌左抹茶麥提沙mochi 尼到要成$48🤢🤢抹茶味係幾濃既feel到佢落左好多抹茶粉 但overall都係冇乜特別 吾係吾好食 但我覺得吾值尼個價囉😣因為麥提沙mochi自己整都好易整🤤🤤

之前唔知睇邊間飲食平台推薦依間小店，話由ig起家，好鐘意食麥提莎既我平時會自己整，所以今次係特登過去食。點知都幾失望下，嗌左個細既 $38/9粒既麥磁，只可以揀原味或者抹茶味，我就揀左抹茶啦，等左十分鐘。賣相可以，但一食真係有d抹茶味既，但d皮真係太厚，同麥提莎夾唔到，好似分開食緊糯米皮同麥提莎咁，覺得自己係屋企整既唔差過佢唔會再試。另外，仲嗌左個紫芋餅($25)，同我想像有d落差，以為係熱辣辣既餅，點知原來係一份糕咁，賣相認真一般。好似食緊一碟有色素既野，食落舊糕係凍的，滑溜溜，唔知食緊咩咁，完全無紫芋味，得個甜字，真係覺得好差唔知佢其他食物點，但依二樣個人麻麻地。

最近見到網上不同的媒體介紹位於西九龍中心的旮旯(真係唔識讀)。今次去開深水埗就去試一試個葛餅。$15一份，當時叫左外賣，職員好貼心地包裝得好靚！下圖已經係兩份葛餅的份量(每份5粒)。盒內仲有煉奶同黑色的甜醬油比你倒落葛餅上。我應該落得太多汁，攪到「水浸」。食落無糯米糍咁有咬口，佢係似啫喱的感覺。再加上又香又幼的黃豆粉，都幾Match！店舖內仲有温馨提示，特別一提的係女事生理期同懷孕中都不要食我剛介紹的葛餅哦！店舖仲有好多其他菓子可以選擇，下次試d新野先

早排呢間有好多報道，又話之前佢係一間網店，又話好食又點點點，總之就好好評咁啦,見到佢話係西九龍中心開左鋪頭，咁梗係又去試下啦😝，佢係西九龍中心美食廣場果一層既，我去既時候都未到中午12點，所以就冇咩人，買既時候，佢話只得返抺茶味😅，所以買左一盒9粒裝/$36，食後感想係麻麻地🤦🏻‍♀️，皮太厚又靭🤦🏻‍♀️，所謂既抺茶皮冇味既，只係食到得麥提沙味😏，咁我情願買一盒麥提沙食啦，仲平😂

西9 food court 好多都係食粉面飯...難得發現一間新開張既日式店仔..梗係要支持下...(其實只係為食..哈哈)望住個燈箱有葛餅, 麥糍同蝶豆花..一於3樣都試晒.落左單...好快就有得食..包裝又幾靚..唔似得平時薄薄膠盒咁打開麥糍個盒, 入面抹茶同原味各有8粒..問左店員..原味原來加左好立克粉既...都幾大粒,足料...皮好煙韌, 加埋麥提沙...甜甜地..好食.!自己鐘意抹茶味多D...個人覺得葛餅好有驚喜...之前都未見過li 種甜品...估唔到係西九會見到..加埋煉奶同糖漿撈埋來食..味道剛剛好..葛餅好似啫哩咁, 涼浸浸, 食落又幾有咬口...好得意...最後係飲品.....哈哈...其實我唔知咩係蝶豆花..我真係以為佢係豆付花...原來做飲品又幾得..仲有好多唔同既配搭...可以再來~~~試埋其他野!!

而家有新term - 煙韌控 一睇就知我都喺煙韌控啦 所以一見到呢個麥糍就仆去買～-麥糍 ($56/16粒)因為16粒先可以食哂兩隻味 所以一買就緊喺買16粒 試哂原味/抹茶啦～星期六一去到就已經賣哂 咁唔緊要啦 試下問下有無得訂 竟然又有喎😂點知失望由此起 拎之前一日就無啦啦打嚟同你講話聽日突然放假 叫你出嚟交收 咁明明訂嘅時候同你confirm 好星期一拎 但你就突然放假要我轉時間 咁我個陣double confirm 有得訂嚟有咩意義🙄好啦 談味道 抹茶味無人講得咁重 而且食落有啲硬皮 無想像中嘅煙韌口感💔 感覺原味同麥提沙夾啲😪-同行友人一年前訂過嚟試 都話失色咗不少～據佢地所講 而家喺星期三 五 日先有麥糍 想食嘅朋友打一打電話去問下先 唔好摸門釘😪-同埋有時唔喺唔想支持小店 我都明白你有難處 但我都希望你喺ready 好先做每件事 而唔喺有野處理唔到就推卸落你地喺小店/新開混亂 呢個並唔喺合理藉口應承咗人嘅 就要做好 如果唔喺就會將別人嘅期望換成雙倍失望

無意中喺openrice search到, 仲見佢要限時先至可以買, 又有comment話綠茶控會like, 以為好好食所以去試下。 6點55分去到排隊, 佢準時七點鐘開賣, 見到前面得四五個人,以為會好快。但係好奇怪 ,佢其他野都有標價, 淨係麥提莎糯米糍冇, 佢其實係 大盒16粒, 56蚊, 兩隻味,唔可以淨係要一隻味; 細盒9粒, 36蚊, 淨係可以要一隻味, 唔知咩理由佢冇寫上去個價錢牌度, 要一個戴住口罩同聲線唔大嘅小姐, 喺個都幾嘈嘅環境下同每一個客人講, 前面就幾個人, 我要等到7點15分先至可以落order。 跟住講返啲食物, 可能因為我本身經常整糯米糍, 所以好一廂情願咁以為佢係一粒麥提莎用綠茶餡包住, 再用塊糯米皮包住, 再喺出面上d綠茶粉事實係一粒麥提莎, 用一塊好似係水加色素加糯米粉做嘅皮 (塊皮係冇綠茶味,冇甜味,冇奶味) 再喺出面上d綠茶粉。 整體黎講係只食到粒麥提莎d味, 完全冇綠茶味, 而且食完一粒就非常口乾, 失望到極點。 睇落原材料價格只需要 2-4蚊一盒嘅野, 賣36蚊, 有d唔值

見到x假期介紹呢間西九新鋪 內文話係ig店起家但係完全無提過ig名... 上網搵左好耐都搵唔到所謂既ig店仲諗住睇下ig留言既評價如何...雖然無得做定功課反正星期六行經深水埗 照樣上去8樓food court睇睇兜左一圈 終於係電梯附近搵到間鋪果然地點如店名 匿左係一角店員姐姐話4點後先開始供應葛餅依家3點45 等15分鐘無問題而好多人瘋傳既麥糍呢... 暫時逢星期三、五、日既1pm&7pm先供應眼見好多人都因為咁失望而回除左呢d小點心 佢地仲有咖啡&特調飲品飲品定價係西九黎講算進取 可能啱啱開業 所以落單流程比較慢Feel到店員姐姐未熟架步不過靚靚笑容搭救葛餅(大) $38黃豆粉滿滿一層包裹住葛餅另附2包黑糖漿&1包煉奶個盒好似盆栽咁 哈哈夠實正 即使無膠袋我都夠膽放入書包度盒裝附帶一隻木匙 我拎番屋企食 所以環保d叫「走匙」攞到返屋企已經係一個鐘後所以葛餅係途中已經痴番埋一齊睇唔出有無15件 哈哈非常有彈性 滑溜溜有d似中學生依家好興既鬼口水老實講 咩醬都唔加係唔好食既因為本身葛餅係無味既 呢點店員姐姐都有提過 係我貪玩想試原味啫但係！！加左黑糖漿&煉奶後即刻唔同哂 好好食！黑

佢哋嘅麥糍有兩隻味，要買16粒個款先可以一次試過試晒兩隻味。不過小編覺得麥糍有少少粗濫製造feel，佢哋會粒麥糍嘅糯米皮都厚薄不一，而且中間粒麥提沙係局部變淋 BTW 已經係即日食。1️⃣好立克味麥糍食落小編覺得呢個都幾好食，食落有少少煙靭嘅口感，而且都幾軟潤下。小編基本上對佢都係零挑剔，不過就係完全冇好立克味囉！2️⃣ 抹茶味麥糍食完好立克味之後再食呢個就真係完全feel到失望兩個字點寫。佢呢個雖然食落好有抹茶味，抹茶控應該會幾滿意下。不過佢呢個嘅糯米皮就偏硬左少少，食落唔多似麥提沙糯米糍。