影片
以上資料只供參考, 請與餐廳確認詳情
有壽司自助餐﹑拉面定食﹑飯定食﹑火煱定食，樣樣都係幾十蚊。食過壽司自助餐，冇錯，魚生冇咁靚，但係加一都係$52，$10三件壽司都冇咁平啦。仲想點?!午巿飯定食，$34，有飯﹑有前菜﹑有湯﹑有飲品，去大XX﹑美X快餐，都冇咁平。拉面定食，$26，仲有飲品。灣仔區，午餐，咁平，仲想點?!其實，一分錢，一分貨。這個價錢，算係好超值。
繼續閱讀
其實第一次黎食明將，成日聽人地話好難食，料好少，飯好多，但今日黎食有不同的感覺我覺得飯不算太多，料也不算少，而且都不難吃，$50任食真係好平好低款式雖然不算好多，但都有好多是適合我胃口的我最喜歡中華沙律，味道很不錯，料也很多，其他魚生也算新鮮，外相令那個八爪魚sushi好好味，因為佢有紅色的醬，不辣，甜甜的，幾野味饅魚少左d汁，因為通常饅魚都有燒醬係上面，所以不怎麼好吃。茶也很香，當吃得飽飽時喝一口也不錯的當吃不下時我會把飯留一半，然後打散它，再把它疊在一起就不覺有留下食物了其實不論lunch or dinner $50能吃飽是很抵的了
繼續閱讀
由於想食壽司, 而且都冇乜要求,所以就揀左呢到~約$60一個人的確唔可以期望咁高~我地都係食D大路野~三文魚壽司: 入去都等左10分鐘先出, 通常一出好快就比人清曬~其實都多人鍾意食, 不過唔係碟碟都新鮮~~撞手神啦~海哲軍艦: 食左兩碟~第一碟唔錯~因為海哲的味都唔會溝得錯去邊~點知食第2碟就出事…唔知係咪冇落汁定點…得個咸味…粟米軍艦: 其實我好鍾意食呢個, 次次去親明將都會食兩碟呢個~簡簡單單都唔係差~螺肉軍艦: 呢個OK~螺肉微辣~熟蝦壽司: 睇落去見到半透明…食落去都OK正常~八爪魚壽司: 比較乾帶子軍艦: 呢個都好味~不過又係一出就冇曬~~期間佢仲會周不時問大家要唔要「西米露、碗仔翅、豆腐花」西米露及豆腐花都可以一試~~但碗仔翅太稀, 似飲味精水
繼續閱讀
所謂"平生不到西九龍,縱稱食家也枉然",今日终於挑戰"劣食"明將...不過唔係去西九龍果間...係灣仔果間,由可以接受既程度開始先,其實都幾平,$46任食壽司2小時,因為我地去既時段冇乜人,so可以任食無限時,3:00幾時段冇人,可以任食了~!唔可以食剩野,每食淨一件要比$10,都係既唔好浪費,可以叫小食架,不過要另計錢~!有三文魚,必拎,基本上喱到最值錢同較好食既壽司就係三文魚,三文魚好薄,少少乾,味道好一般,d假真係好鬆散!螺肉,都一般,留意到好多花款唔同既碟~!饅魚.....味道唔似饅魚.....!據聞係明太子沙律.....口感爽爽地,不過都乜味~!八爪魚,正常既味道~!墨魚...普通啦~!沙律壽司,味道正常啦~!一定唔會係好食,不過味道又唔係好得人驚,有正常有一般,不過好可惜既係食唔到佢最出名經典既紅豆壽司.....@@"....下次去西九龍真係要試下了....!
繼續閱讀
一直經過此店都冇興趣入去, 但同事提議去試下食LUNCH, 又即管一試。入去見到迴轉的壽司唔多吸引, 望下午餐牌, 又幾多選擇喎! 由於對佢D壽司冇乜信心, 所以試左個滑蛋雞柳飯定食。黎到個賣相又OK喎, 滑蛋雞柳係鍋另上, 湯就唔夠熱, 飲品同甜品普通, 但整體以咁既價錢我又覺得OK喎! 隔離有位男士食壽司任食, 但佢好似揀唔落手咁, 應該真係唔掂....總括熱食OK, 壽司就應該唔得喇.....
繼續閱讀