影片
營業時間
*因疫情嚴重暫停營業
星期一至日
07:00 - 22:00
以上資料只供參考, 請與餐廳確認詳情
🎏一家人做節食飯點少得去茶樓呢個地方今晚我哋揀明星, 貪佢食物質素夠新鮮多海鮮🦐🦞🦀🐟呢期長腳蟹當造我哋就點咗個長腳蟹佢都有得揀全隻蒸定係斬件正,當然更係斬件上清蒸長腳蟹- 🦀我哋帶咗小朋友嘅當然唔想太混亂梗係斬件比較方便,味道真係好鮮甜。鮑魚骨雞煲-啲雞好嫩滑,只係覺得啲鮑魚太細粒🤣上湯焗龍蝦伊麵-小朋友迅速煲曬成碟😂金銀蛋菜心- 都係正常送飯菜式味道可以的翡翠花枝鳳片-豆比較出色爽脆臘味糯米飯-好味只係有少少硬再淋啲就好啦😋食完仲有甜品贈送好可惜生果🍉🍎🍊已經送完😔得返糖水啱啱放寬限聚令所以其實都唔算太多人出嚟食飯地方感覺很寬敞
繼續閱讀
晚上來到何文田廣場的明星海鮮酒家，以前久不久和老公會來酒家吃晚飯，因為他們都有推廣特價小菜，什麼孖寶、乳鴿、片皮鴨和二人套餐等等。因為疫情關係酒家關了有一後日子，最近重開了便想再試。話明是海鮮酒家，門口已經放了很多不同種類的海鮮，任君選擇。就連龍蝦都有4款品種可選，我們左思右想，好不容易點了半隻燒鵝、一份上湯龍蝦、蒜蓉蒸聖子王和椒絲腐乳通菜。燒鵝是酒家的主打之一，這個價錢十分吸引，當然有時一分錢一分貨是有其道理，我估翻熱的關係肉質變有點過了，味道還是可以，可是外皮都不香脆，如果對燒鵝有很高要求的話，這裡的燒鵝便不值一試了，反而燒乳鴿的勝價比會高很多。上湯焗開邊加拿大龍蝦，龍蝦鉗又夠大，肉質超爽甜，上湯味道滿意，每次來我都有點這道菜，以前我記得賣$78，現在要$98，還是會點的。因為想過下海鮮癮的話，兩個人點一份心滿意足。蒜蓉蒸聖子王，蒸得剛好，聖子又大又多汁，非常鮮美，一份4支的，不知道為什麼多來了一支，真幸運。配上 蒜蓉和炒絲超讚。椒絲腐乳通菜用的是白水通，我就一向對白通一般般，味道是可以，略嫌腐乳味不夠，镬氣稍遜。飯後待應送上兩片西瓜，超甜冰涼，就這樣為今餐飯作結，埋單多謝曬。總結: 酒家處理海鮮和做法不錯，海鮮菜式比小菜更勝一籌，兩口子吃得滿足，廣場內的酒家都做街坊生意，晚上坐得滿滿，但檯與檯之間有相當距離，坐得舒服。期望下次再來有不同推廣菜式，抵食。
繼續閱讀
因為周圍都塞車， 所以近近地，去咗'屋企附近商場食飯， 呢間飲茶食過好多次， 點心都好有水準， 今次食晚飯都可以，好大眾化， 佢個桂花炒魚肚， 有少少驚喜 ，我覺得好食過炒翅囉😋，因為比較爽口， 薯仔牛柳粒個汁有啲怪怪😂， 個花膠煲份量好抵食， 88蚊有五件花膠，雖然係薄啲，但係都算ok， 仲有 沙汁蝦配雞柳， 都有5隻蝦， 雞肉都有5件， 88蚊， 佢哋每日都有啲特價小菜， 今次試欖菜四季豆配蓮藕條， 有少少新鮮感， 一般街嗰啲係欖菜四季豆， 呢個餸配飯好好
繼續閱讀
今次係我第一次來呢一間明星食晚飯。之前食過咁多間明星都冇事，從來冇食過一間明星好似係呢一間服務態度咁差。入坐時知客態度都幾好，因為人多要求轉大枱都很快幫手安排。但到落單時就開始嚟料。話說我地一枱人好快手寫低想叫的菜式，打算方便侍應落單。點知A侍應叫我地俾number佢，話會覆單保證唔會落錯單。好，我地惟有再抄低每一款菜式的number啦。萬想不到都係會落錯/漏單。我地有8人，叫了 2 set 4 人湯，佢就落了1 set。 我地講 number 2 佢就聽錯number 4。好彩落單後另一位侍應發現唔夠湯分，我地先再叫1 set 4人湯。原先落錯單的A侍應仲大大聲話佢冇落錯單，係我地叫漏咗之後先加單。真係要俾個叻佢。件事仲未完㗎。我地飲完第一煲湯食完d餸後，問B侍應可否幫手分第2煲湯。B侍應好快拎了碗來分湯，點知A侍應又出現了...... A侍應叫B侍應收碗唔好幫我地分湯。原因係分了第一煲湯唔可以幫我地分第2煲湯，仲拋低一句 '踩佢都傻!'。我問，邊個講踩佢都傻? 幾位侍應馬上走人，翹埋雙手望住我地自己分湯。分分下仲有位侍應行過嚟執枱。最後簽單仲精彩。埋單時簽卡的人走了去廁所，然後C侍應放低張單話轉頭返來。當佢返來攞返我地簽好張的單，佢突然就起枝筆，掟落張枱度。我地問，乜支筆係簽卡的當事人嗎？C侍應頭也不回就走咗喇。我想講，我地係過嚟食飯，唔係嚟鬥氣㗎。你唔鐘意份工，都唔好累你的同事同酒樓的聲譽呀。題外話，佢d碗碟隻隻都崩口嘅? 換下新碗碟好貴咩?結論，下次我寧願行遠少少都唔會嚟食飯。請我都唔想嚟，多謝晒!!#生日，擺酒，喜慶，謝師宴，春茗都唔好去何文田明星。費事未食飯已經搞到一肚氣。
繼續閱讀
今日父親節，一家人同阿爸飲茶慶祝明星酒家飲，近近哋方便係何文田廣場飲，人不太多，唔駛排隊，㸃心幾好食，有多款懷舊點心如馬拉糕、煎釀尖椒、炸雲吞、燒排骨等，鴛鴦炒飯亦唔錯，價錢又合理，下次都會再..............................
繼續閱讀