明星海鮮酒家 (已結業)

早前食過$38 片皮鴨，覺得又平又好食，今次又去過~三人叫了:京式片皮鴨 ($38)片皮鴨肥瘦適中，皮連上了少少鴨肉，夾上薄餅皮，再加上醬汁，份外美心，每人食了6-7塊，真有d膩了泰式浸烏頭魚 ($38)咪睇d湯咁清，原來有好濃冬蔭公味，不過係清湯底，我覺得個湯先係主角，條魚只係配角，不過條魚都幾嫰滑的~豆角豆卜炆魚腩煲 ($38)用個鍋仔上，成煲都好熱辣，仲有好多魚腩同豆卜，係鹹左少少，不過$38 咁大碟餸，仲係係酒樓晚膳，仲想點先~明星真係好抵食，每人幾十都食得飽，真係好過自己煮飯la，又要切，又要煮，煮完又要洗!!!

六點多進入明星吃飯，店員安排了一個安裝了電視機的卡位給我們坐，感覺頓時舒適、開心，因為出街都可以有電視在旁相伴，一邊等一邊睇下電視，幾好啊﹗雖然這裏以有$38元的北京填鴨優惠，但不想太吃太油膩，所以沒有叫到。只是點了清淡的珊瑚白玉球，這些白球是冬瓜來的，這碟也看出廚師的用心，但味道一般，蟹味不出，但勝在消暑健康。至於墨魚餅味道夠濃，夠出，比較香口好吃﹗多寶魚味道還可，夠新鮮，蒸的時間略嫌稍長了少少，不然的話肉質可以更嫩滑。整體感覺是可以，唯一最討厭的是整都有隻蚊子飛來飛去，真的很煩，雖然我們點的菜也不錯，但也不能整天咬着不放，我覺得這店應該要想想辦法將牠們驅逐，以使客人吃得安心﹗

明星海鮮酒家都算係梗有一間係左近 , 以前都會多幫襯 , 因其價錢幾大眾化 , 而且適合一家大細去食飯 ,今晚又同朋友來左呢度食晚飯 , 想不到平日都坐滿約 7 成 , 侍應帶我們去坐卡位 , 後來先知坐卡位既茶錢貴少少既 ~呢度既侍應的服務態度都算 ok , 可能都算係做街坊生意 , 所以大家都很隨和 , 我地點左幾個餸 , 仲叫左一支 [ 藍妹啤酒 ] 添 ~ 脆皮燒肉 - 好味呀 , 個皮好脆 , 我地慢慢食 , 到最後一舊都仍然好脆 蒜茸中蝦 - 炒香了的蒜茸和紅椒絲好香 , 而且更入味到蝦肉去 , 真係食到吮埋手指呀 ~ 草菇蛋白西蘭花 - 滑滑的蛋白加埋汁茨淋在西蘭花和草菇上 , 是一味比較清淡又豐富纖維的菜式 豉椒炒蜆 - 呢個餸要讚 , 一般的豉椒炒餸都係好多豆豉 , 我要一路食一路揀番 d 豆豉出來 , 但呢碟係好多洋蔥同青椒 , 可以食多 d 纖維呀 ~ 唔知你有冇同感 : 成日覺得炒蜆冇咩肉 ? 原因係炒完之後既蜆肉離晒殼 , 所以當你挾殼找蜆肉時就不見了 , 你就會以為酒家用 d 蜆殼來呃你

放工约朋友行街，先來這裡晚餐時間尚早，兩人坐卡位有電視睇朋友有coupon以$38片皮鴨一隻見到鳳尾蝦芝士伊面特價$68又叫一碟還有叫了碟什菇上湯菜苗先嚟片皮鴨一碟，已經片好上枱賣相好好，每片皮都痴住好多肉可能師傅貪快，吾同你認真片反而我仲鐘意，多啲肉食連埋肉我就隨意点少少汁，皮同葱都费事落入口油膩非常，都預計到，但好有口感味道都可以凰尾蝦伊面，蝦是中size，蝦肉爽口彈牙但完全没有蝦果種鲜味，應該係急凍货而個面最好就是個芝士汁，汁够多又好够味伊面本身無味，而且煮得太腍好在有個咁好嘅汁配住黎，都可以至於個菜，清清地無乜特別，味道一般地方都好大，晚市兩人都不用塔枱六時未够，我地一早去到，第一枱客可以+$20片皮鴨件自取，因為行街没有拿走服務普普通通，埋單又送兩張coupon有特價片皮鴨、下次再黎

取|消了在聖誕日的原有的節目 , 為了不讓其他人掃興 , 昨晚很匆忙之下決定今天聖誕節食一餐好既 , 大家開心下 ~打過電話話中午都有一些全包宴 , 而且不須訂位 , 我地只有六個人 , 決定叫半席的 [ 歡樂宴 ] 歡樂下 這個餐平日只須 $ 798 / 半席 , 而星期六 , 日及假期就要 $ 988 , 一位女部長好識做 , 安排了我們坐入房而且靠窗 , 我們的大衣 , 手袋等物品就可放在窗台上 ,因為餸菜實在太豐富 , 我地慢慢食 , 傾下計 , 因是節日 , 我地仲玩埋抽獎 , 皆大歡喜 , 所以咪搞左四個鐘囉 ~ 好啦 , 言歸正傳 , 講番我地食既野吖 : 五福臨門大拼盤 - 有叉燒 , 油雞 , 燒鴨 , 海哲 , 咦 , 得四福咋喎 上湯焗海蝦 e 麵 - 太多上湯茨汁 , 味道很淡 , 而蝦肉竟然一d 味都冇 , 食完一碗都唔想再食 ~ 妙醬什菌花姿蚌仁 - 幾種菌都是些比較特別的菇 , 牛肝菌 , 雞脾菇等 , 加入蜜糖豆 , 黃色椒 , 花姿片 , 蚌片同炒 , 味道不俗 ~ 黃金海鮮卷 - 我冇食 , 怕熱氣 , 不過見到裡面好多沙律醬 , 唔知

一家人晚飯, 訂枱時以優惠劵訂了片皮鴨一隻 (58元), 另點了以下的餸:B 組合 : 大班兩味+ 3 個自選的餸- 炒球 + 蒸骨腩 - 奇怪, 不知是否因為我們六個人吃, 碟碟餸都是得六件, 魚不腥, 骨腩幾滑, 班球幾爽口- 雜菜煲 - 幾大煲, 味道 okay, 無甚特別- 咕嚕蝦球 - 甜酸味適中, 蝦球爽脆- 蒜片牛柳粒 - 牛柳嫩滑, 伴碟的西蘭花爽口- 海味羹?? (忘了名字) - 豆粉湯, 不吃也吧加了酥炸廣島蠔 - 特價 58元 - 六隻蠔 , size 跟超市賣的差不多, 炸漿頗薄, 因蠔沒有在炸之前飛水, 所以有少許腥味, 但也可接受最後來了片皮鴨, 廿多片鴨, 再加薄餅, 其實也不是優惠了太多, 但鴨皮頗脆, 有點肥六個人, 加兩碗白飯, 埋單七百七十個大洋, 價錢合理

2011 May 24......晚上7時半晚飯4 人共叫 一個片皮鴨及一個 4佰多的４餸一湯套餐...汽永, 啤酒....等等1. 例湯2. 石班片3. 蒸頭腩4. 咸猪手煲4. 粉絲蝦煲......要讚: 大把位, 待應股務好, 上菜快要鬧:當日...個咸猪手煲, 隻猪手成隻有 "宿" 味, 咬了２啖, 不能下嚥, 吐反出來.....叫部長, 二話不說, 換過第個菜以為是單一事件, 點知粉絲蝦煲 D 蝦...極度唔新鮮, 一陣腐壞味道,估計是已死去長時間的剩餘物資....唉已吃晒 D 粉絲.....唯有剩低 D 蝦唔食算剌.....個人立場聲明: 上述是事實陳述, 當晚埋單 674.50, 簽 Visa / Bill No: 140407

可別誤會，這明星飯局不是有甚麼明星陪我一起吃飯，只不過是我與老婆仔在這間「明星海鮮酒家」吃的一頓晚飯而已。其實自己一向甚少在晚飯時段光顧傳統的酒樓吃飯，要不是日前老婆仔從報章上看見這裡的宣傳，見這裡有些菜式在做特價推銷，似乎頗為經濟抵食，相信自己也不會來此吃飯。晚上七時多，這裡已有不少客人，空座位不多，侍應招呼自己到一處較偏遠的位置坐下後，等到老婆仔也來到之後，便正式點菜。此行的其中一個目的是吃這店推介，原價$128，現時正在做特價，只賣$98的 「上湯焗波士頓龍蝦伊麵」。其實這裡除了龍蝦外，還有不少海鮮菜式同樣在做特價，價錢全都不算貴。不過這夜我們只是多叫了兩隻 「蒜蓉蒸蟶子皇」，再在這裡「星級精選」的彩色精印餐牌中點了一味 「西檸百花雞卷」作為晚餐。 「蒜蓉蒸蟶子皇」先上。這蟶子皇其實不算大隻，幸好吃來仍見爽甜。蒜蓉粉絲也正常地惹味。 「西檸百花雞卷」跟著送到。這菜在星級精選餐牌中的賣相是不錯的，可是上桌的模樣卻與餐牌中的賣相有頗大差距。至於味道方面，本來這一客八件的雞卷也算不過不失，裡面的蝦膠的口感還算可以，感覺彈牙。可惜這雞卷的外表不知以什麼做成，韌得可以，幾乎要以牙力嚙才能把

期待已久的每月一次食友定期飯局兼年夜飯敘餐，有心的食友早已為我們在「明星海鮮酒家」預留房間，而友人亦帶備紅酒數支，連菜單也為我們擬定好，我這懶精這晚也就樂得清閒，盡情吃喝玩樂好了。顧名思義，這個五福乳豬拼盆 ($256) 包括五款燒味食品，除主角乳豬外、還有燒鵝、叉燒、油雞及海哲。乳豬塊皮夠香脆，入口不覺肥膩，味道不錯。至於燒鵝，皮香肉嫩，入口啖啖肉，水準不差。而叉燒方面，肉質咬落雖極其腍身，惟蜜味不足，始終欠了點甘香味道。餘下的油雞和海哲，雞肉也很嫩滑，只是海哲稍為淡口，質地較削。其中一名食友是出名的 "湯痴"，每逢外出用膳，無論甚麼粟米紅蘿蔔湯、西洋菜陳腎湯等都要喝它三數碗才罷休，所以這晚也點了一款鮑魚雞腳瘦肉炖湯 ($350)。這窩湯放上檯時，甫打開蓋一看，嘩，又真的用料十足，一埕湯裝滿十數碗絕不欺場，湯渣簡直多得令人有點咋舌。先喝一口湯，火喉十足，湯色清澈，味道異常香甜，配料鮮味盡入湯汁之中，再吃湯渣的瘦肉、雞腳，味道已被迫出湯內，唔怪得湯味那麼鮮美，可惜酒樓無頭抽供應，否則用來點那些原隻鮑魚仔吃，一定更味美。另一味清蒸南非鮑 ($680)，雖然鮑魚唔算大隻厚肉，但蒸得剛好，入

孖住同事到尼頭出差 順道開埋午飯午市較多人 要求唔搭檯 所以等了10分鐘叫了燒肉飯 好鬆化既燒肉 可惜皮唔夠脆口同事叫叉燒飯 叉燒有甜既蜜汁味 唔錯 但肉質硬了點釀茄子 幾香甜 泰式春卷 炸得脆口 馬豆糕 雪得硬左 麻麻雞扎 唔得 豬皮當魚肚 差差差溫馨提示"平日午市價格 $8.8/$11.8/$13.8 小中大點

昨晚我和四個同事去了明星食晚飯,慶祝同事生日.當時大家都議論紛紛,唔知散叫, 定要套餐, 最後就選了龍蝦海班全包宴(半席) $1,088.大約十五分鐘之後就開始上菜la.第一味 鴻運乳豬件全體D乳豬皮好脆, 好好咬, 好好食!第二味 上湯焗波龍蝦伊面龍蝦味道鮮甜, 好新鮮, 好爽, 伊面吸收了蝦的鮮味, 好好好好好食!第三味 碧緣花姿鳳片花姿片幾爽口, 新鮮, 好食!第四味 清蒸游水大海班條魚蒸到啱啱好, 唔老, 好鮮甜, 好好好好好食!第五味 蠔皇金錢鮑螺片鮑螺片ok la,D 冬菇好爽, 好食!第六味 黃金百花球炸蟹球, 好香口, 好好食!第七味 紅燒鮑參肚翅真才實料bor, 好飲! 濃度適中! 好好好好好飲!第八味 明星貴妃雞呢隻雞的肉是比較瘦, 少肥肪,少油 ,我鍾意!好好好好食其實重有水晶飽六粒和生炒糯米飯一蝶ga!水晶飽有麻容, 蓮容, 和綠茶味! 我就食左綠茶味, 好好好好食!至於糯米飯, 我就只食了一湯匙, 因為我已經好飽了!都幾好食, 我其他同事話好好好好好食!

上年一吃，又乾又實，又無漏油。今次再吃，連容無咁實，蛋蛋有漏油情況出現…唔錯…可以再努力…味道都係同美心有一段距離…

今日一行六人嚟到食晏就，由十二點坐到兩點幾。食左十五、六碟点心加一碟排骨炒河。其中有幾款点心特別好食。燒賣：大大粒，每粒上面都有隻大蝦，裏面Ｄ肉好鮮味又冇肥肉，個仔一個人食晒成籠咸水角：個個脹卜卜，新鮮熱辣。鮮竹卷：一Ｄ肥肉都冇，Ｄ肉又有趙口，正流沙包：熱辣辣，一食Ｄ餡就流哂出嚟，超正排骨炒河：好大碟，好多排骨，仲送多一碟油菜，都係收四十八蚊，又抵又好味。六個人都係收二佰五十幾，又飽又抵！下次再嚟！

前日(28-3-2009 Sat)o係男友公司休息一陣,之後終於搭車離開油尖區,但佢想食o野,於是o係o度買個好抵食,只要$16.00就有o既雙拼飯.佢買燒肉切雞飯多豉油.我o地o係車上食,雖然只賣$16.00,但份量唔少,我都食o左幾啖,我覺得燒肉鹹,男友都話係,今次燒肉鹹o左,而甜甜地o既豉油真係幾好味.至於切雞,我就冇試到,不過應該都OK,因男友冇咩comment.

是日同阿W補祝生日,佢話打邊爐喎...佢話這間不錯...咁去囉。我地叫左1. 鴛鴦底: 無咩味2. 手切肥牛: 這個幾好食, 有牛味3. 肥牛: 唔好食...好瘦又老4. 桂花蚌: 都好食, 又幾甜, 不過好少5. 芝士賜: 好難食, 雖然係粗身D, 不過個味道好差6. 油麥菜: 好新鮮同嫩...食落仲甜既...正7. 水餃拼雲吞: 雲吞唔好食實崩崩既, 水餃好食D, D餡算多同新鮮8. 手打墨魚滑: 無墨魚味, 仲要奇奇怪怪咁加左D蟹柳絲上去, 份量超少, 底下塊椰菜卻勁 大。9. 蝦丸: 好食, 好新鮮10. 生根: 超正常11. 鯇魚片: 唔新鮮, 唔爽, 肉唔實, 滾兩下碎哂當晚人客好少...D服務員好得閒...成日好大聲咁叫, 由我張枱叫過去前後4,5張枱; 好討厭好嘈。唔知係米得閒呢, 個服務員自己企響處睇電視; 叫佢加水無反應。吃吃下, 後面枱突然大叫...枱底出煙呀, 好濃呀...跟住有歌兩個服務員走去睇, 佢話個電磁爐可能有D事...再睇真D...哈, 原來係本身張枱已經有個電磁爐在下面,但佢地無用到仲用枱布蓋住然後再在上面加個電磁爐...結果枱下果個爐受熱又散