明月泰國餐廳 (已結業)

全沙田有好多間泰菜，想搵間特別啲試試，搵咗好耐就搵到呢間，跟住即刻過嚟試食。今晚兩個人叫咗：鐵板蠔餅（夠熱、好食、蠔夠大隻）、生菜豬肉飽（好味、推介）、馬拉盞炒椰菜苗（好食，但唔知點解會有幾件椰菜花係度）、豬雞肉串燒（好好食，推介豬肉串燒）、泰式生蝦（可能太遲嚟，攪到食落無嘜味，下次會再試清楚啲）共五碟。在等上菜期間看見其他枱叫的菜份量都幾大碟，到自己的送來時鐵板蠔餅、生菜豬肉飽、馬拉盞炒椰菜苗真係幾大碟、豬雞肉串燒、泰式生蝦就正常份量。所以下次再去食時會叫番少一碟以免浪費。

在沙田咁耐真係咩邨都去過，獨獨這新田圍自成一角從未發掘！話說之前有次夜晚行錯路走左入黎，見邨內人影都唔多隻感覺荒涼確有點膽顫心驚，但就記得這兒有間泰菜大牌檔！今晚收工特地走來一試，叫明月泰國餐廳，估不到美味不錯又大碟，特別推介鐵板蠔仔蛋，大大隻蠔蛋炒得恰到好處，好味！

我是食評新人，就從身邊食肆開始明月泰國餐廳係我地一班同事的飯堂由佢地係街市20個飯盒開始經常幫襯到佢上左冬姑亭都時有幫襯款式選擇多左，但價錢都貴左36元一個飯盒，有湯有野飲，都算係咁有時老闆娘(MOON姐)好識做GEI，見我地幫襯左咁耐畀多一兩條菜或者多D送過我地每天有6款餐以供選擇早幾日我叫左佢個炭燒豬頸肉食燒豬頸燒得岩岩好唔會太乾再配埋佢地秘製的醬料非常惹味海南雞飯一開飯盒有兩排送，仲有青菜，已經食慾大增飯底係雞油飯例湯多數係冬瓜配雞骨或排骨煮成，好足料GA最近我見MOON姐又推出返學生餐，二十幾蚊可識我唔係學生啦>”< 

見附近新開(不知幾時開, 因為新田圍冬菇亭執左好耐, 唔係openrice都無留意有新店), 於是就走來試晚餐.叫左蝦醬炒飯($45), 炒椰菜苗($48), 豉椒三文魚骨($58), 木瓜沙律($35), 後加青島($15)同香茅雞翼($38).炒飯濕少少但ok, 椰菜苗上到話無咁多變左雜茶, 魚骨同沙律份量好多, 相信外面市區呢個價錢做唔到. 味道都係好泰式既, 我見佢地都係在港泰人落手做. 咁裝下其他台, 有鐵板蠔仔蛋(即係有相個款), 咖喱好濃個隻, 有人打邊爐. 午市炒粉面連野飯$35, 今時今日香港邊度搵. 三個人$239大滿足.新田圍接近死城, 佢夠膽踩入來, 絶對值得支持.