明珠海景

營業中

休息中

簡單講述本人親身體驗： - 包房食圍菜，事前已多次溝通確定需要準備麻雀耍樂，當日不但沒有事前set好，當值經理仲話唔知客人會打麻雀，叫客人等佢食埋飯先開始準備，完全當客人無到，亦無誠信可言！ - 圍菜其中兩味（蟹鉗和節瓜莆菜心）少了一件，經理話廚房沒有出錯。經幾番周旋之下經理先肯補返。補返仲要喺其他賓客面前補，佢唔醜我都醜。 - 所謂嘅「花膠雞絲翅」稀到完全夾唔到有翅，有賓客只食咗少量花膠雞絲，剩低成碗豆粉水飲唔落肚。 - 圍菜包嘅啤酒汽水飲唔哂，問都唔問就收走哂。 - 事後發電郵向酒樓+整個集團反映意見，成個星期都唔覆，再追問之下先hea覆，完全唔覺自己有問題！ 總括而言，呢間酒樓服務極之差、欠誠信、食物質素非常一般，只係環境和地點較優勝。絕對唔會有下次幫襯👎🏻👎🏻👎🏻

餃類點心手工非常一般，蝦餃金魚餃燒賣個皮都係一夾就散，黏成一團，雞扎還可以，但豬膶腸，春風得意腸，迷李荷葉飯，菜肉包就幾好食，雖然技術有進步空間，但材料係有質素，蝦係新鮮同爽口嘅，荷葉飯真有荷香，地點方便，openrice 又可以訂位，價錢人均二百幾，送晚餐優惠券$150,呢個價位，北角區唔算平。

😡😡😡未食即走！人唔夠唔係唔緊要，可以説聲唔該同等等！樣樣唔答，問到先叫你等，答又冇禮貌！問多兩句仲非常串嘅態度，最慘門口有非常混亂！最慘係book埋位你都話冇位！垃圾酒樓請埋個垃圾伙記！

因為媽媽生日就去左try try , 岩岩好我地住隔離果間酒店， 加上openrice有75折coupon , 咁就梗係去try try la好彩有訂枱， 所以都準備入座唔駛等， 坐低望下個menu見都貴貴地， 不過有75折咁就豪d試下我地8就叫左片皮鴨， 有小炒王果類， 有菠蘿估嚕肉， 仲有福建炒飯同長壽麵， 同埋一d小食， 唔記得影我地覺得最吸引同可以試ge係片皮鴨同菠蘿嚕肉， 菠蘿嚕肉就真係係大大舊菠蘿， 肉脆汁又好味。至於片皮鴨直頭我呀媽最愛， 又juicy又脆， 個包又熱， 所以good good其他小菜就一般， 最後連個生菜煲都miss埋。總括黎講： 片皮鴨可試

Victoria Pearl 明珠海景💵 Hkd 300-500 一位晚飯推介指數 🥃🥃🥃🥃🥃好耐都冇黎明珠海景食飯，見到open rice 訂枱有75折就黎食，點知有驚喜，本身孖寶餐已經吾算貴，仲要有75折，絕對抵食！食咁多野人頭吾洗$300，仲有糖水送，有景有服務，好食又抵食⚓️金牌片皮鴨片皮鴨竟然好好食，吾會好肥好油好多膏⚓️清蒸沙巴龍黨魚蒸得岩岩好，吾會老⚓️片皮鴨二食涼瓜炆鴨件有時出面食二食啖啖骨，但依度又吾會⚓️明珠叉燒皇义燒燒得好香，少少焦⚓️薑蔥粉絲蟹煲蟹煲正正確確常，冇咩特別

呢間飲茶真係高質素，啲嘢食整體幾好味而且有幾樣特別出色，好值得推薦俾大家而且佢望住東區走廊嘅海景，其實都幾舒服寧靜。荷葉飯 $88 好好食!佢個飯底個牆油味好香!而且個瑤柱絲黏住D飯, 好好食D 材料好新鮮好好食!翡翠叉燒腸 $54呢個正常發揮紅菜頭帶子餃 $56 呢個有驚喜!首先D 料好新鮮帶子有食, 而且又有蝦紅菜頭味唔重, 但隻色好勁整體都幾夾酥炸魷魚酥 $88 呢個又係好食佢用既魷魚酥好粗身, 有D 好似手指咁粗蜂巢芋角 $47呢個都唔錯嘅個皮好粉趣佢入邊嘅芋頭都好香好麵不過佢中間加咗一粒大蝦，我覺得唔係咁夾，好似係分開咗嘅一樣嘢咁如果佢嘅餡係可以將佢轉做一啲碎粒嘅有汁嘅嘢，應該會更好食

同屋企人相處去食飯，專登搵個呢間可以望到海，所以book六人枱嘅時候都再問可唔可以坐望海嘅位置，當時姐姐話盡量安排俾我因為親友到場的拎位先，我去到先知冇得坐望海嘅窗邊位，但其實窗邊位都有好多，我見到三個人有得坐（六人枱），之後入坐四個人嘅都有得坐🥹之前我都專登睇過呢度有套餐，星期六日要加$100，但係又唔見個Menu，茶樓出邊等入位嘅位置都無，由於親友幫手嗌茶點先，我後來又望唔到有個menu，以為今日取消咗…到我哋叫晒嘢食，我後來再問吓個經理先話有個套餐Menu，原來佢冇擺出嚟..但係比我感覺佢係專登收埋🥹當日現場有人結婚，樓面感覺都係乜人手，第一次印象非常之差，但係佢嘅價格係比平時啲茶樓貴好多，服務分唔合格。

今日突然間老婆話好想去飲茶，想要環境舒服，於是乎我都用咗啲時間上網搵，後尾搵搵下俾我搵到海景明珠，一睇到環境就真係無得頂，但食評方面講到服務比較差，但我都抱住試下嘅心態！中午1：30分去到，人唔算太多，差不多有10枱客，因為我哋三個人，所以要分開兩張枱坐，一張喺窗邊位望住海景🥰實在冇得頂😍另一張枱阿仔自己坐😂環境寧靜食物也不錯，至於服務有位女侍應好有禮貌同埋好熱情，其餘都冇乜特別，所以我覺得服務都好好👍而食物價錢都算貴，但依家有個抗疫二人套餐$298抵好多（但忘記咗影低）下次會再去😊

慶生茶，朋友book呢到，諗住試吓，點知一來到攞位，明明朋友未到，係都要話到咗，係咁要我入去，我已經講明未有人到，都係咁，逼我入去，入到去見到唔係我朋友，先肯幫我睇booking,仲要串嘴話頭先個個咪係乜乜乜訂囉，又話唔係好啦入到去，點嘢啦，我唔知以為來咗大排枱，啲態度完全唔係想像咁，但價格又收酒店級數。。。。仲要吹交枱至於食物，只係包裝好過普通酒樓，但係啲料都係一樣。。。如果只在乎海景的話，有大把選擇，無需到此一遊。。。

疫情威脅之下，根本不敢同朋友見面，限聚令開始放寬，放心去搞12人之下的飯局。首選交通方便，其次是新鮮感，第三是座位舒服。我入去Openrice搜索一番，找到北角嘅明珠海景，相片&食評都不俗，便立刻訂位。甫入去，已被高尚燈飾，偌大餐桌，開揚海景所吸引，冇得頂！重中之重是點菜時間，最吸引是片皮鴨全隻加蒸魚套餐，一定夠飽，然後再叫其他小菜。講真，這班朋友都志在聚舊吹水，互相關心不見兩年的近况，食物不要求太高。但沒期望帶來是驚喜的，是滿足的美食，每人最後消費只是175元，真超值！下次會再去，帶自己的家人，品嘗茶市的點心及炒粉麵。

一個月前係 OpenRice 訂座，訂星期五一家人來做節，一家人有老有少，但都只是幾位，但佢星期三先打來話有客人訂多咗位，要取消我哋既訂位，仲要係完全冇任何既後備，服務態度及質素都十分失望及差，就算食物質素最好都也不用惠顧如果不夠位置，應該一早告知客人，到最後兩人才打電話話比個客知，完全不能接受，重點係我一個月前已訂枱，加上呢個唔係什麼米芝連餐廳，一間新餐廳也如此，食嘢質量也可想而知，真的極之失望，服務行業如此差劣，實在太過了。

開頭以為係間普通嘅酒樓，後尾發現地點方便，搭車及揸車亦可。環境一流，180度大海景，好少有中式酒樓有咁靚嘅環境。食物質素中上，點左乳鴿，孖寶套餐，同埋金磚豆腐及齋鵝。有水準，最緊要係服務非常好，各位職員非常有禮貌及細心，尤其係有位高大有型嘅經理，外表冷酷，內裏熱情，另外現場傳菜又或者斟茶嘅姐姐，都非常有禮貌，又會主動同我哋傾偈。成晚都食得好開心，我一定會同屋企人朋友上去再幫襯。最後仲送咗四張$50嘅現金卷，下次去食有折頭。

為咗物色外婆生日壽宴酒席, 一個月前特意喺呢度晚飯試菜; 由於附近都是比較難搵地方泊車, 而我地一家合共有3部車, 所以訂位時特別同經理討論泊車安排, 當時嗰位經理斬釘截鐵話只要提供車牌號碼, 佢必定可以安排到全日免費泊車, 結果我們訂咗最貴嘅酒席, 甚至訂埋位飲茶, 然後留喺酒樓打牌直到晚飯.....到咗晚宴當日, 嗰位經理竟然反口話安排唔到咁多泊車優惠, 頂多安排到免費2-3個鐘甚至唔係每部車都可以安排到... 當時即刻同嗰位經理對質, 問佢點解訂位嘅時候唔係咁講？佢支吾以對, 然後佢話佢只可以儘量安排, 但無論如何, 架車每3粒鐘都要出一出車場再泊返入去, 但出咗車場有無位再泊返入去又唔肯定... 結果, 我哋3架車都唔敢搏, 只係"享用"咗3小時泊車優惠, 其餘嘅5-6小時都係自費~其實你一早講話每架車只可以提供3小時泊車優惠嘅話, 我哋係無問題; 只係當時真係覺得好嬲, 點解要咁樣講大話去呃我哋呢? 理論嘅時候態度仲要極差, 完全唔覺得自己有問題 (不過整體而言, 成間野嘅d人嘅服務態度都好差)...最後結論係, 雖然環境唔錯、食物質素都OK, 但服務態度極差+誠信有問題,

慶祝生日飯，多人出席（約12人）未齊人，部長不斷催問幾點到齊❗為了多做生意，叫我們（12人 ）轉枱去8-9人一張枱坐，好似沙甸魚迫埋一齊坐，O 晒嘴，立即拒絕😡（繼續分2張檯）Order 完嘢食，啲嘢好似趕收工噤，一次過嚟曬，同職員表示所有餸分二張枱上！部長話 D餸會放曬一張枱，叫我地自己分！😵我問，真係噤樣既服務，你哋啲服務員企曬係度睇住我哋自己分❓之後，佢啲餸嚟晒，好勉為其難仲懶叻咁講，做到我要求既嘢，得閒既時候會做到分餸，如果滿座就無辦法自己分❗全店職員上至下服務態度超差，真心唔明白呢間公司老闆點解可以縱容員工如此，毫無服務可言，返回1950年時代，如想試試劣質服務，可一試👍

明珠海景位置很好，近窗的位置可以看到大片藍天和海景，落地大玻璃透光度十足，整間食店光光亮亮。一行四人去食晏，看看餐牌食品價格不便宜，散叫幾個點心已幾佰元，還是叫套餐劃算。四人套餐平日價598，今天是星期六，要加100元。有湯、燒味、點心、飯或麵和小食。每項都有指定菜式供選擇。湯：平時少煲老火湯所以要了老火湯。湯來了，沒有湯料在湯內，微黃的湯嚐一口有雞腳味，向待應查詢是什麼湯，第一次答是木瓜湯，後來更正答是青紅蘿蔔湯。不過飲不到青紅蘿蔔湯那股味道，湯味很淡，如果是足料不應如此清淡，這碗湯我是沒有喝完，放在一邊算了。燒味：脆皮燒雞﹝半隻﹞，雞皮很脆，雞肉嫩滑，雞的味道不過鹹，半隻份量不多，醮上燒雞醬油很好吃。點心：鮮蝦餃皇，大大隻，啖啖蝦肉，爽口好味。鮮竹牛肉球，牛肉有黏性，飽滿脹實，口感佳。沙律海皇春卷，新鮮炸起熱辣辣，春卷皮很脆，內層全是蝦肉，混和沙律醬酸甜可口。小食:八味豆腐粒：豆腐外層香脆焦黃，內層滑可口，用上八味粉增添食慾。青瓜海哲：青瓜口感清爽，調配的汁液帶微辣，而海哲味道有點過鹹。麵飯：雪菜火鴨絲窩米，夏天胃口不佳，不想吃飯，一個帶湯的食材是不錯選擇。窩米混合了粉絲和米粉，條