易牙台式料理

營業中

休息中

尋日下午茶去左銅鑼灣，同朋友食下午茶，去左金百利呢間台式料理叫易牙~見面門已經有好多食物既選擇，入去環境都好安靜~ 唔會太迫~ 去既時候人唔係好多，靜靜地有啲似cafe~ 下午茶既選擇唔多，有埋午餐食就好啲!!我叫咗午餐，紅燒豆腐麵(唔記得全名)，叫左珍珠奶茶~試下都好！等咗大概10分鐘，就有得食！麵量唔太多，不過牛肉幾好食，一咬就咬開，唔會好硬同咬唔開，不過麵就一般，冇想像中咁好食，落咗辣油會滋味啲！🤣

咁啱係銅鑼灣行開，順便食個下午茶先至離開！去咗全棟都係餐廳嘅金百利廣場！其實我估呢度係銅鑼灣其中一個地方價錢比較平嘅餐廳聚集地我同同事揀咗食台灣野 因為其他都好似唔係好識！所以唔係好敢試！ 呢度嘅下午茶選擇非常多！下午茶時段都有午餐食~ 我就叫左呢個佢做緊推廣既肉操飯同埋台式面，另外送飲品，我叫咗珍珠奶茶👍🏻 台灣野緊係飲台式飲品啦等咗大概10分鐘左右，就已經有得食！見到上枱嘅時候，有啲驚訝，佢唔算細碗～ 肉操味道好好，唔會好淡，有啲正宗！ 但係肉燥份量唔夠多，所以剩返好多飯冇餸撈，所以剩返好多飯冇食至於麵，份量就比較少，料就唔多，我覺得係俾啲人唔夠飽食多啲 整體來說，下午茶都算幾豐富~

好耐之前黎過一次呢間餐廳,平時好少過海,咁岩今日想食台灣野,就諗住從遊舊地,就地取材喇,朋友去到叫左個魯肉飯,我就叫左個牛肉麵,平時好少係台式餐廳叫珍珠奶茶,因為多數都係得個甜字,記得上次對呢間餐廳個印象都唔太差,所以今次就叫珍奶啦～點知黎到都係麻麻地好飲,可能餐廳既真係同手調飲品鋪既唔同掛～然後,個牛肉面真係有少少失望,一黎牛肉味唔太出,2黎係我落辣椒油同辣椒醬,都覺得唔係好夠味,感覺餐廳既質素有點兒下降了！應該短期內都唔會再去住

午餐去咗銅鑼灣金百利廣場食台灣料理，呢間野叫易牙～ 其實係我同事想試吓，所以就陪佢一齊！ 上網喺openrice search之下，原來得一間分店，就係銅鑼灣呢間~門口同隔離法國餐廳黐住，差啲入錯！入到去已經見到幾台客人，餐廳好靜，大家講嘢都好細聲！有啲似cafe, 但係座位就好似快餐店~ 餐牌選擇好多，面同飯都有得揀就算連甜品都有，其實我唔係好熟台灣野，可能係台灣出名嘅甜品👇🏻👇🏻👇🏻因為我哋比較鍾意食咸野，所以叫咗煎雞扒飯加魯肉～ 本來淨係諗住食雞扒飯，但係好似加咗魯肉之後似台灣野，所以就加咗我叫咗珍珠奶茶，本身鍾意飲！不過唔知餐廳嘅珍珠奶茶有冇質素，所以試一試！我覺得魯肉最好食！撈埋飯食係真係會想再添飯～ 不過雞扒就好一般，因為外皮整得唔好食！雖然裏面既肉都好嫩，但係外皮太林，有啲失望！珍珠奶茶方面，唔係太差！不過當然冇依家好興嘅台式飲品咁好飲，但係中規中矩，唔算難飲🤣👍🏻

銅鑼灣金百利食肆林立,要長期係小市民心入面留低一席位都唔係一件易事,好多時今日想去,下個月就可能已經執左了,今次想揀一間靜少少既餐廳,同朋友食個便飯,睇見樓下咁多餐廳派傳單,應該好多人/遊戲會去,所以揀一間無派傳單既,一入到門口,可能唔係晚飯時間,人流唔算好多,同朋友揀左窗口位坐,叫左個鹽酥雞肉燥飯,見到餐牌既相好吸引嘛🤓黎到果然太餐牌既樣一樣,雞排大大份,飯都算多,但肉燥就略嫌少左d,當然要將價就貨,裝修算企理整潔,但員工都好難搵到,鬼影都無咁,就有個舒舒服服既飯堂吧

和同事們去左銅鑼灣世貿開會，開完會大家都好肚餓於是決定係附近食個下午茶。唔打唔撞去左位於金百利廣場的一件樓上台式餐廳。我點做佢地新登場的魯肉飯+大腸麵線set，仲包埋一杯台式飲品，我要左檸檬紅茶，成個餐都只係$55，以銅鑼灣地段黎講我覺得已經係好親民的價錢。食落味道整體都OK，不過不失，只係個魯肉飯魯肉比例算少，所以變相令d飯太多太乾。

行開銅鑼灣，突然想食下台灣野，金百利這座大廈非常之多選擇，就揀了這間易牙台式料理，之前是易牙妙手，黎到先知轉左名裏邊格局沒有太大的轉變，坐得舒適，由於時間太早，所以不用等位就可以入座了餐牌選擇種類都非常多，有肉燥飯，湯麵，台式飲品，都應有盡有由於不太餓，叫了一碗台式肉燥飯，沒有太大驚喜，味道一般貢丸燕餃湯麵，其實份量偏小，丸類都是普通，$45碗，不值這個價錢總的來說，品質好像比以前差了，不知道是否我只試了這兩款食物，如果想食台式料理，會有更好的選擇

放工約左朋友去大球場睇波，睇之前想喺附近食少少野，於是就有點求其地揀左呢度喇礙於時間關係，餐牌都無特別詳細咁睇，只係喺呢版一人點左一個餐算朋友叫左魯肉飯加珍珠奶茶。價錢平一截，份量所以少一截，我地都好理解的；味道就正正常常，講唔出有咩特別之處；珍奶就偏甜，蓋過了茶味，而且飲品只能散叫，$27一杯真係有點貴至於我個飯呢，餸的份量就多喇，不過煮得都幾油膩。牛肉無乜問題，但茄子食落覺得好硬，如果淋啲會比較好Btw 食食下隔離似乎有人裝修，真係嘈到一個點

【港島平價［頹食］】🤔＿＿＿＿＿＿＿＿＿＿＿＿.1. 魯肉滷蛋乾麵（＄39)好彩有個惹味肉燥汁救下，咪個麵真係又乾又痴到實😓，滷蛋就一般啦！彤樂評分：5/102. 川椒麻辣牛腱凍寬粉（＄53)麻辣牛腱都幾淋身，唔會太辣，食開小食嘅朋友都可以試下，不過凍寬粉就幾韌下☹️彤樂評分：6/10＿＿＿＿＿＿＿＿＿＿＿＿＿＿＿＿＿＿.易牙台式料理地址：銅鑼灣記利佐治街1號金百利廣場5樓R1號舖營業時間：星期一至日12:00 - 22:30

星期六，約咗媽同女朋友，三個人一齊喺銅鑼灣食飯。老人家行動不便，就腳係好重要。位於金百利商場，巴士站行幾步路就到，仲可以坐升降機上去。本來打算去嘅北京老家，而家搵唔到，所以轉左去食e間台灣野。第一次食，入到黎，感覺整體唔錯。餐牌選擇款式多，花多眼亂。最後叫咗兩個台式料理定食套餐，一個麻辣粉。對先上菜嘅係一個鐵板燒牛肉定食。想想的時候，鐵板燒，灑灑聲，燒起上嚟聲音已經好吸引，牛肉好快就燒到有少少脆脆地，非常香。定食有一個小菜，是兩粒啡色嘅小丸子。那個，女朋友提一提我，估計應該係用麥提沙份包住嘅糯米小丸子，煙煙韌韌，甜甜地非常好味。另外有一疊白灼時菜。生菜上有梅子醬，酸酸甜甜，非常開胃。由於有啲喉嚨痛，四川辣椒牛腱粉寬粉，女朋友叫咗小辣。上到枱嘅時候，有牛腱雖然好好食，不過由於叫咗小辣嘅關係，對我女朋友來說，就唔係好夠味。不過牛腱份量就相當夠，所以佢不停夾過嚟俾我，爽口好好味。另外加左一杯台式飲品。仙草芋頭香奶茶，仙草就好好味。不過其實喉嚨痛感冒，唔適合飲凍飲，所以我俾咗我杯薑母茶佢飲，可以驅寒。最後上菜嘅，係我的套餐。沙茶魚柳定食。另外提一提大家，定食加＄5就可以由白飯轉滷肉飯。我自己就

我同肥膏在銅鑼灣食來食去都是果幾味。貴的食吾起, 就走去揾平野食。但是想在銅鑼灣揾平野食, 愈來愈難了。忽然想起, 很多年前同朋友食過這家「易牙」, 就跟肥膏來再食。想不到, 這麼多年以後, 價錢還是石以接受!紅燒牛肉麵這個牛肉麵做得不錯, 牛肉好稔好入味!湯底很濃, 很香! 最令人驚喜的是, 紅蘿蔔超級入味! 超級好吃!第一次想將白蘿蔔跟牛肉都可以轉為紅蘿蔔!鹹酥雞排定食鹹酥雞是很道地台灣的那個味道, 超好吃的。不過, 這雞排很薄...皮都比肉多。但是炸得很香脆, 就加了不少分。另外就是一杯沒有珍珠的珍珠奶茶, 這杯奶茶是這一餐的敗筆!店員忘了珍珠, 另外就是太甜, 奶又不夠...所以是全日最差的飲品。

以前食過呢間台灣野一次係食鹽酥雞排飯既都覺得幾好食 又唔太貴$50左右銅鑼灣黎講都算係唔錯既選擇⋯但係今日我放工⋯帶左幾位同事黎翻dau咁就出事了⋯⋯⋯我啲同事都叫左鹽酥雞我就諗住唔太餓咪叫個汁燒雞排麵咁一上到黎 個樣係咁既都幾正常呀係咪！雞排略嫌過火偏乾我心目中既汁燒係嫩滑雞肉咁都算了 可能台灣人做法唔同麵質ok量大 做中午一流 下午茶就too much但最重要既係我食到一半竟然發現有隻四腳朝天既小強浮下浮下浪下浪下咁服務員問我要唔要換個碗新既 定轉其他野食我只能答一句：乜都飽哂啦喎⋯咁最後佢地就冇收我個份錢Say sorry 咁樣我都明廚房好難冇小強既佢地都處理都好 冇質疑我 冇逼我比錢但希望可以再改善下衛生啦！本身都唔差既⋯

收工來吃，已晚上九點。店內客寥寥可數。叫了紅燒排骨麵（過得去），肉燥乾麵（正常，三四十係咁上吓），滷豆腐等了很久，來到有兩隻色，八粒中只有兩粒是滷（絲毫沒滷香），另外六粒剛炸起無滷，明顯係呃呃氹氹的心態。想點呀大佬？

由於趕及去太古睇戲關係,決定在銅鑼灣愛人表示中學時吃過一間叫易牙的餐廳好好吃且充滿回憶得悉CWB有店便急急腳前往到步6:30,只有3枱客,所以點餐上餐速度都很快愛人點了鹽酥雞,我則點了牛肉飯意想不到滿有驚喜的, 味道上成,口感佳配以照燒醬非常開胃可惜是珍珠奶茶感覺怪怪的, 珍珠份量較少食完都是7:00,極速閃人

魷魚椰香米線（～＄52包飲品） 獨愛他的椰香湯底！香辣而有濃濃的椰奶味，伴米線一流！可惜米線份量偏少，而且比較淋。所謂的魷魚其實是「魷魚丸」，還有一些豆腐等配料，水準就一般，不過湯底尚算可以隬補這些不足。友人則選擇了豬手飯（～＄55包飲品）豬手飯較乾飯因為比較少醬汁，但豬手魯得尚算入味，可惜只有兩件，且骨比肉更大，有「到喉不到肺」之感。飲品：洛神花茶，偏甜，不過在大熱天時還是消暑的好飲品。整體來說水準一般，與台灣食品有一點距離，也許因此人流較少。而且份量偏小，大食的朋友要考慮考慮。