春.茶 雞蛋仔

營業中

休息中

熊貓外賣速遞，訂了5樣東西：-蜂蜜味雞蛋仔外賣速遞不會期望脆，但完全食唔到爆醬的蜂蜜珠珠，味道更加有啲怪，雞蛋仔的蛋漿出問題，零蛋味，有怪味，但又不是典型變壞了的味道，黑人問號？😮‍💨-雙重芝士夾餅連所有醬（包括花生醬、煉奶、砂糖）本身只是期望是正常，但味道怪到一個點，芝士蛋漿變壞了？中間啲醬都係怪味！食咗一啖就放棄😮‍💨-芝芝莓莓＆芝芝蘋果是糖晶味道，芝士奶蓋是怪味，從未飲過咁怪既芝士奶蓋🙊-珍珠奶茶最簡單的，都做不好～總括而言，不可一不可再。😮‍💨

本身諗住食629，但咁啱冇開到，見到呢間有開諗住試吓啦。都唔期望超好食㗎喇，諗住會有正常水平就okay，但係呢間就麻麻喇嗌咗原味，唔係好脆，淋淋地，仲有啲乾，太甜，唔太啱心水

期望越大，失望越大的雞蛋仔行開新蒲崗，原本打算食629雞蛋仔，點知冇開。見對面呢間雞蛋仔有超多人等，仲要即整即食，心諗應該都有一定水準啦。🧇原味雞蛋仔落單之後等咗15分鐘左右，一心諗住咁多人等，即整即食既雞蛋仔應該熱辣辣超好食，誰知一拎到雞蛋仔上手發現只是微暖，就心知不妙。雖然雞蛋仔心心形狀，超igable。但即整即食都只係得微暖，再加上唔夠脆，真係好扣分。雖然雞蛋仔食落都夠煙靭，不過整體來講真係都幾失望😞。下次都係食番629好啲！

行過新蒲崗經過呢間雞蛋仔，見到都有幾組人係到等緊，所以自己都買左個原味雞蛋仔試下。原味雞蛋仔$22，我就覺得個外皮脆得黎太乾，感覺上overcook，有種濃濃既感覺🫠同埋冇乜蛋香味。但見好多人都買朱古力味，可能朱古力味先好食😗

買雞蛋仔，本身下個應該到我，點知個阿姐比左我後面個阿叔，我即刻問佢咩事 佢先話個呀叔話趕時間所以比左佢先。但由頭到尾都無人同我講過。如果我唔問個呀姐肯定又側側膊扮無事。唔明點解會有啲咁既人。最後講都廢是講走左。

➲ 新蒲崗 春茶雞蛋仔➳ 奶黃雞蛋仔 ⁽³/¹⁰⁾啱啱整好即食都有啲淋，唔夠脆，可能無放涼吹夠，全粒都係full蛋糕，有粒粒奶黃。⤵ 春茶雞蛋仔新蒲崗康強街32-34號康強洋樓地下16A號舖

星期日咁啱經過新蒲崗🚗🚙 諗住買啲甜嘢食最後選擇咗呢間雞蛋仔，外賣自取🤳點知足足等咗25分鐘⏱️等咗咁耐嘅雞蛋仔🥚食落令人無限失望🥲🥲🥲1️⃣ 雞蛋仔冇吹乾，一D都唔脆2️⃣ 太"淋" 拎起手仲要肢解咗⋯⋯最後變咗半隻雞蛋仔3️⃣ 原味雞蛋仔，食起一啲都冇蛋香味🤯剩係得少少甜😒4️⃣ 奶茶雞蛋仔，茶味一啲都唔突出，可以話完全冇奶茶味 ☹️同想像中嘅雞蛋仔出有出入⋯⋯下次唔會再買😞😞😞 區內應該仲有第啲好嘅選擇💪🏻💪🏻💪🏻

今日跟舅父車去送公公去飲lunch wedding party，之後我哋就去搵野食🤪到咗呢到，原來以前冇開😂上咗車，舅父睇到倒後鏡開咗門喎😆😆😆哥哥同舅父即刻落返車去買食物脆脆星星朱古力雞蛋仔呢個好食啲，我同舅父都係鐘意脆多啲，所以呢個好快食晒😂佢唔算好甜，朱古力味適中。本身係外脆內軟，但因為呢個有蜜糖星星，所以佢連入邊都脆❤️特濃朱古力雞蛋仔呢個朱古力味仲岀，佢真係有粒粒朱古力🍫而且真係外脆內軟😆好食好食！珍珠奶茶少甜呢個張蓋紙好靚🥹唔捨得㓤爛…佢個茶味好岀，可能因為食完雞蛋仔，再飲少甜，杯珍奶唔覺甜味…但surprise係啲珍珠比坊間嘅細當少少，小朋友飲都唔驚佢啃❤️其他老闆娘好好人呀，🙏🏻因為我哋揸車🚗弟弟係車到訓咗，哥哥跟舅父落車行去買(呢條街有街泊位)，然後佢哋2手fing fing返上車😂哥哥話:我買咗珍珠奶茶同雞蛋仔😬茶呢？😂雞蛋仔呢？原來老闆娘驚哥哥熱同埋等得耐，知道我有車，就叫佢哋返上車，整好拎過黎🫶🏻so sweet🥹

新蒲崗CP價高雞蛋仔外賣店其實春茶我已經食過好多次，佢水準穩定🙌🏻但佢無論雞蛋仔定格仔餅都真係要熱辣辣食，如果唔係就真係好易霖，一霖就唔好食🥲不過佢overall都好抵食，新蒲崗難得一見好食嘅雞蛋仔外賣店！所以推薦！！！$29原味格仔餅$34咖啡朱古力雞蛋仔$38流心蜂蜜雞蛋仔$31原味肉鬆雞蛋仔咁多款我最鍾意咖啡朱古力雞蛋仔，真係每一粒雞蛋仔都有一塊仔朱古力喺入邊，熱食嘅時候佢係半熔狀態，最滋味，但一凍咗就變脆口朱古力🤣兩種不同口感🤩另外流心蜂蜜雞蛋仔都好特別，甜甜哋好清新，推薦大家試下！