昭隆美食

營業中

休息中

原來佢地收6點，5:40入去嗌餐唔通知收6點，到5點55分落哂閘都已經極速食，希望唔阻人收工，廚部呀姐一6點就坐低同另一呀姐講，雞翼薯條，西多士（我同男友點既餐）！兩個係度享受！收6點架嘛，而家6點幾喇（6:01分），老實講，你哋d野食又真係享受唔落。走既時候當然互扯猫尾，話收銀個呀姐冇講幾點收咩，個收銀唔岩聽日教訓個佢！我答返佢「係我地唔岩咁遲先入黎食阻住你收工！」睇返openrice營業時間，係收1930。

由於中環返工，所以經常光顧，但收銀員姐姐經常無禮貌，例子如下：是日午餐係滑蛋粟米牛肉飯，講滑蛋牛肉飯都唔可以，話佢真係有另一款，即炒比你，會收貴啲；又另一次午餐係豉椒蒸排骨飯，講蒸排骨飯話搵唔到，語帶諷刺話要講全個名先知道係乜嘢食物嚟講，其實都係一般，只不過價錢比較便宜，其實都忍咗佢哋無數次，但咁嘅服務態度真係差，如果將來結業都唔可以怪顧客唔幫襯，可惜投訴無門，阿姐做得幾差都日日坐係度趕客，希望食店會作出改善

琴日同一班同事放lunch嘅時候，見到好多人排用了新鮮肉片，爽滑，唔油膩啲青椒同埋洋蔥好靚又甜同埋佢哋用咗新嘅餐具，同埋碗碟企理好多店舖新裝修之後都乾淨咗好多價錢非常合理，份量又非常足夠下次再嚟過，椒鹽肉排都好正

Average food quality. Portion is quite small but price is not cheap (after all this is in the heart of Central area). There are a number of other options on the same street.not environmental friendly place. All plates and utensils are disposables ones, even for eat-in. something for you to consider before visiting.

好耐無食外賣 選擇左泥呢間🤩 佢車仔面既味道好足😙😙點左雞翼 沙嗲牛肉 蘿蔔 河粉 佢搭多左兩條生菜比我手😂😂系中環區呢講 呢間車仔面真系cp值高 味道足 蘿蔔爽口 咁多配料 但雞翼都仲比左三隻🤩🤩但食個時要留意小心慢食 食太急啲汁同面一齊沖去喉嚨 好易噎親😅😅

有時心血來潮就好想食燒味，今日經過中環試吓呢間昭隆燒味～🎈佢主要係做燒味，亦都有湯粉麵，咖喱，上海菜飯同蒸魚菜飯，啱晒打工一族！貪心啲叫咗個燒腩五寶飯（有燒肉丶燒鴨丶叉燒丶雞翼鹹蛋），再加$3要咗個菜飯底，同埋例湯 😜好快就上咗菜，勁大碟勁多燒味，仲有幾條配菜 🎶燒肉燒得啱啱好，皮脆肉嫩义燒亦都唔會乾爭爭 ，好有肉汁😋燒鴨燒得好香，仲有好多鴨油 鹹蛋配飯啱啱好 再加上雞翼，超級滿足！例湯亦都唔馬虎～大大嚿粉葛同豬肉 ♥️飲落去真材實料 非常舒服見到個紅咖喱系列都好似好正，忍唔住又叫咗個紅咖喱豬頸肉😌 紅咖喱 刺激又好味配上豬頸肉同薯仔 好快食晒成兜飯！呢度價錢唔貴～質素好，中環返工嘅打工仔要試吓呢🥰

今日突然間想食干炒牛河，見到呢到有干炒肉片河，以為係類似既野，點知好難食，炒河唔夠干，肉片係豬肉，但係好大陣豬臭味，非常唔開胃，雖然$40係平，但真係唔好食，最後都冇食哂。

日日中午黎都好多人排隊，不過姐姐都好快手，唔使等好耐，基本上茶餐廳有既飯，呢到都有，$40一個飯，就唔好期望高質素啦，正正常常既飯，今日叫左魚香茄子飯，好足料，係鹹左少少，平時食飯唔想諗，都會黎呢到

呢間茶餐廳係我做緊果間公司既lunch list既其中一間，咁事緣我果日叫左個上海回鍋肉飯，咁外賣送到，食食下我見到有一個白色既圈，當初我以為係洋蔥圈，望真原來係索帶，咁果時我太肚餓，掉左佢之後，我繼續食，不過之後我同admin講返個情況（因為係admin幫手叫外賣）最後係一星期後，我唔識死，再叫返果間外賣，admin姐姐黎收錢時就講，上次果條索帶,餐廳果邊話唔好意思，為表歉意，上次個飯錢會退返俾你既，今次你個飯，就送多杯凍飲俾你咁我心諗，都幾有誠意兼好負責任下要讚👍👍👍👍食物質數就算ok啦，放得落口，中環咁既價錢，算唔錯啦

今日太忙沒時間食飯，點半鐘先去求其買個飯，近近地見都多人排隊就買嚟試下啦。大多數人都係買take out, 店入面有位不過好少位。基本上係快餐店速度，點咗咖哩薯仔雞翼飯+凍檸茶，好快外賣就ready. 最鍾意咖哩有好多薯仔，呢樣嘢佢地做得到，真係好多。雞翼係炸過嘅，都幾香口，不過稍為有少少少少唔夠熟。我好鍾意食咖哩，所以熱氣都唔怕。整體來說以頹飯level都算ok! 不過呢個價錢嚟講都係大快活嘅咖哩最優秀。

估唔到四十幾蚊可以食到蒸魚菜飯。😁😁外賣返office食，外賣會將送同飯分開👍👍菜飯幾好食，有好多菜，飯質幾好，唔太林太 削。條魚都多肉，唔係骨位，不過d汁似落左味精，食完好口渴。

位於中環的老茶記，黃金lunch時段，非常多人等位。今天特別想食咖哩，叫了馬來咖哩薯仔雞髀飯 $42分量同平時一樣很多，細食既女仔絕對可以同人share食。咖哩汁裏面有薯仔和洋蔥，薯仔煮得好淋而且好入味，洋蔥食得出新鮮很爽口，咖哩味道很濃郁帶點微辣和一點點奶香，非常好味。雖然是外賣，但係雞髀依然很香脆，唯一的扣分位就係雞脾稍為炸得過火，令肉質有點乾身， 不是嫩嫩的。 整體來說， 是一間有水準的港式老茶記。

在中環返工，lunch時段要搵價錢平而水準好嘅午餐真係唔容易 。呢間茶餐廳(昭隆美食)係我經常幫襯的外賣，38蚊一個飯盒，分量絕對不吝嗇，如果你係細食既女仔係可以同人share食一個餐 。佢地既菜單每星期都會更新菜單，而且款式好多。上海回鍋牛肉飯 $38 配涼茶 + $8有牛肉，椰菜，甘筍， 紅椒，青椒等秒埋一齊， 食落有點辣辣地帶一點豆豉味，辣味好快就散去，調味啱啱好，很惹味。牛肉食得出新鮮， 牛肉嫩滑加椰菜爽口，相當唔錯。暖暖的五花茶，先甜後慢慢回甘。

對於中環嘅OL來講，昭隆絕對係一間中式下午茶外賣店嘅首選！同事last day，所以我哋又再一次選擇昭隆作為我哋既farewell下午茶！佢最出名係脆炸雞髀，雖然非常邪惡但係每一次叫我都忍唔住，一定要食雞髀，跟住仲要配埋佢嘅紅豆冰！係咪見到相都覺得好吸引呢？而當佢嚟到嘅時候係熱辣辣嘅，香味十足，所以就算冇叫到雞髀嘅同事，聞到佢嘅香味都流晒口水呀！脆炸墨魚丸，大大粒都好香口！如果唔想咁heavy、想清淡啲，其實都有其他選擇！有同事就叫咗番茄雞蛋三文治，就比較清啲，佢都話麵包好軟熟！

今日下晝去昭隆買咗黑椒牛扒意外買，食落幾好味，但食到最後一少部分，驚人發現一隻死咗嘅曱甴藏係啲意粉入面，差啲當豆豉食埋🤢🤢，但係有腳嫁🤮🤮🤮好恐佈🤢🤢平時間嘢鋪面都唔係好乾淨，但估唔到竟然有曱甴🔥🔥🔥好邋遢