普光素食 (已結業)

晚上要去尖沙咀上堂，食開素既我就要o係附近找素，點知發現左一間新開未食過既素店，一定要試下，仲要好近我上堂地點。去到門口，就見到個餐牌，跟住上樓梯，入到去都企理。由於我食左下午茶有d 飽，無叫佢既套餐，散叫左一份雜菇炒河。叫餐時，職員非常有禮細心，仲好好人咁送左張vip 卡俾我，有9折的，真係十分多謝～另外，仲話剛好切左西瓜，請埋我食，連糖水湯等等都可以俾我試一試… 實在太客氣了！好快有得食，望上去唔錯，食落去都好好味，仲要唔太油唔會過鹹，啱晒我口味，下次一定要試下佢地既小菜～～

素食店香港有很多，但一直還未找到覺得有水準既店鋪，今晚一行四人試左普光素食嘅私房菜，一個星期前已經預訂好了，非常期待！首先想講服務員招呼非常周到，主理廚師也很有禮貌出來跟客人交流👍🏻👍🏻👍🏻第一次飲陳皮普洱茶，口感非常特別，大家不停添飲😁😁私房菜嘅菜式食材新鮮，全部都係熱辣辣送上，擺盤精美之外唔會覺得太油膩，因為本人最怕非常油膩嘅齋菜，而且環境坐得非常安靜舒服，重點係食到攬住個肚走之餘仲有得打包，價錢非常合理，姊妹聚會一流，呢間絕對係一間有誠意嘅私房菜👍🏻👍🏻👍🏻👍🏻