影片
港鐵太和站 A 出口, 步行約10分鐘
繼續閱讀
開飯介紹
位於大埔的人氣馬來西亞菜餐廳，各式經典馬來西亞菜如肉骨茶、喇沙、海南雞飯等，用料十足，味道正宗。另外，台式飲品如黑糖珍珠鮮奶等，也十分地道好喝。
繼續閱讀
附加資料
歡迎外賣自取、電話訂座
營業時間
星期一至五
11:30 - 16:00
17:00 - 21:30
星期六至日
11:00 - 21:30
公眾假期
11:00 - 21:30
以上資料只供參考, 請與餐廳確認詳情
太和嗰邊有一堆餐廳，成日令大家意見分歧😂今次終於動議成功，可以試一試呢個“藍色飯”😎 🍴加一服務費：✔ (晚市先有加一) ✿ 無骨海南雞椰漿飯 $85無骨海南雞+椰漿飯，完全係我想食嘅嘢😆齋食飯其實都好食! 加上好多配料，輕鬆清碟海南雞肉滑，皮偏厚少少，配三色醬味道啱啱好 ✿ 越式豬肉釀大魷魚筒 $62呢個價錢嚟講好抵食!裏面係類似冬菇肉餅，幾好食不過魷魚係類似魷魚乾質地😯 唔可以同裏面啲肉一齊咬，要分開切細舊慢慢食 ✿ 跟餐：健康唐生菜 $18 | 森巴通菜 $22大家都係鍾意食菜嘅好朋友😂兩個都煮得啱啱好，爽脆唔會過淋就算唐生菜都跟咗醬油，唔會好齋 ✿ 軟殼蟹火山包 $168 感覺實物比圖片巨型😳 兩個人嚟食嘅話，嗌完呢個就應該食唔落其他嘢🤰軟殼蟹幾厚肉，蝦有三隻，兩隻大大隻青口，同埋好多隻蜆另外跟咗一壺咖哩(?)汁，汁入面有蛋花， 所以味道都幾濃厚香甜😆 ✿ 凍檸茶 $8 (跟餐價)呢日無論堂食(730pm左右要等位)定外賣都勁多單， 雖然職員手腳算快但係都要有少少耐性～
繼續閱讀
大埔比較少有喇沙嘅店 呢間專係買喇沙所以特登想試吓當日同男朋友喺呢度外賣叫咗一碗海鮮喇沙同埋豬頸肉喇沙雖然估計外賣質素冇堂食咁好但係我相信唔係因為浸得太耐嘅問題而係真係廚藝問題碗豬頸肉喇沙入邊啲豬頸肉完全唔似係有煎過或者炒過 而係好似白灼咁睇見都已經唔開胃啲肉質勁韌 完全咬唔郁 我係咁咬搞到連牙肉都咬損埋最尾放棄咗完全冇食啲豬頸肉至於海鮮喇沙 啲蝦非常唔新鮮 肉質已經霉咗蜆肉正正常常唯一冇問題嘅 就係啲喇沙嘅味道OK配菜都可以但係啲餸差到咁 真係冇可能再幫襯
繼續閱讀
放假又係時候周圍搵野食，同朋友黎太和走走，係網上搵到呢間果子餐廳試試，估唔到午餐選擇都好多，我同朋友都比佢嘅海南雞吸引到，就叫左海南雞摻摻，碗粉一黎到真係比佢香氣吸引，奶白色湯底一見到即刻要試一啖湯，好濃厚嘅湯底，真係好味嘅，兩種粉底有互相配合嘅效果，好夾。個雞真係超滑超滑個隻，唔單只無骨，個雞位置仲好靚，見到個色澤都好吸引，而且佢嘅醬汁一啲都唔hea,有三種味，我三隻都有點，三隻都好夾個滑海南雞，雞肉都唔會小，好夠食，我地兩個叫左兩個小食，一個係沙嗲雞串，佢個沙嗲醬好香好好味，雞肉都好滑，炸蝦卷都係即炸好脆好味。最後緊係要飲返杯咖啡，我就叫左朱古力咖啡，估唔到都好飲，朱古力味味濃而香，朋友杯杯茶奶茶都話好香好滑。
繼續閱讀
見喱間新加坡菜係Openrice 有好多好評，專登入去大埔試下👀，鋪頭下午茶時間唔係太多人，環境都乾淨，正正常常。叫左個肉骨茶，黎到見到肉已經比起其他餐廳唔算多，重點係個湯係淡到一個點！！🥲完全唔係飲開肉骨茶個隻味。。應該係廚師煮嗰時落得太多水😓變左飲緊肉骨水跟著仲叫左海南雞摻摻🍜個雞本身係無咩味，碗麵都叫正常，但都比出面新加坡餐廳淡味。成餐飯都好後悔，愈食愈嬲🙃😤🌝杯檸檬蒠米水都唔係太好飲
繼續閱讀
#果子餐廳的美味之旅無骨海南雞椰漿飯首先上桌的是無骨海南雞椰漿飯。這道菜的雞肉經過精心處理，肉質鮮嫩，搭配香滑的椰漿飯，藍色椰漿飯幾特別，椰漿飯的香氣濃郁，不油膩，讓人感受到海南的傳統風味。搭配的特製醬油和香菜，為這道菜增添了豐富的層次感，讓我每一口都渴望更多。藍花飯。這道馬來菜獨特的藍色米飯是用蝶豆的花瓣烹製而成，色彩鮮豔，讓人眼前一亮。米飯的香氣與江魚仔、花生和蝦片的搭配，使整道菜風味獨特。青瓜的清脆口感和滷蛋的濃郁味道，讓這道餐點既有視覺的享受，也有味覺的驚喜。特別是那一抹淡淡的香草味，讓人感受到馬來文化的精髓。森巴通菜接下來是森巴通菜，這道清爽的蔬菜料理以其脆嫩的口感和蒜香味而著稱。通菜的鮮美與特製的醬汁相輔相成，增添了整道菜的風味。適度的辣味讓這道菜更加開胃，成為了重口味菜品之間的完美平衡。大蝦火山包然後是大蝦火山包，這道菜的呈現方式極具戲劇性。包子外皮金黃酥脆，內餡則是新鮮的大蝦，口感彈牙。當我一口咬下，熱氣與蝦的鮮味瞬間在口中綻放，搭配醬汁的香甜，讓我忍不住再來一個，簡直是無法抗拒的美味。醬汁不是咖喱，甜甜酸酸，都開胃🤤海鮮喇沙摻摻，本人最愛😻海鮮喇沙摻摻是接下來的驚喜。這道湯品的湯底濃郁，帶有椰漿的甜香和香料的層次感，讓人一試成主顧。湯中的海鮮新鮮，米線吸收了湯汁的精華，每一口都充滿了海洋的味道。超好食白雲酸辣鳳爪（6件）這道小吃的醃製工藝讓鳳爪的口感軟嫩，酸辣的調味恰到好處，讓人一口接一口。炸蝦餅（4件）接下來是炸蝦餅，外皮酥脆，內餡則是新鮮的蝦肉，吃上一口，外脆內嫩的口感讓我驚喜不已。搭配的甜辣醬更是為這道小食增添了不少風味，讓人欲罷不能，十分適合與朋友分享。凍黑糖珍珠鮮奶最後，我們以凍黑糖珍珠鮮奶作結。這杯飲品的黑糖香氣濃郁，珍珠Q彈，與鮮奶的滑順感相得益彰。這杯清涼的飲品在炎熱的日子裡，為我們的用餐畫上了一個完美的句號。總體而言，果子餐廳的每一道菜品都展現了廚師的用心與創意，無論是口味還是擺盤，都讓人驚喜不已。這次的用餐體驗讓我對這家餐廳留下了深刻的印象，期待下次再來探索更多美味！
繼續閱讀