椰子媽

營業中

休息中

之前想係外賣平台叫個椰皇系列，怕送到黎熱晒，所以最終無叫到，今日經過可以自取外賣試下佢。味道好濃郁椰子味，厚肉，椰皇入面涼粉好清爽，依個價錢我覺得性價比好高，曾經係荃灣 甜品店食過一款椰皇都＄7x（雖然唔係同一款），希望貴店保持水準。

屯門碼頭呢邊冇乜糖水舖好食尤其係龍門居嗰邊真係好劣質難得見到呢間喺屯門都都有幾間分店就即管試下去到見到出面餐牌覺得價錢都算幾公度不過大部分都係凍嘅冇乜熱嘅選擇，連燉椰皇都要係凍嘅我嗌咗椰椰椰，同楊枝甘露因為係外賣店冇得堂食，有雪糕，本身有少少擔心舊雪糕抌埋落去，返到去會溶曬返到去發現原來雪糕係獨立包裝食嗰陣先自己拆開掉落去仲要係香港製造，食落去都算滑同埋奶，唔係平時食落去會有冰嗰種劣質雪糕佢會提醒你喺幾個鐘之內食，如果雪返落雪櫃啲小丸子會硬曬椰汁味好濃幾好味又好大個芒果個椰皇包裝都好好用保鮮紙包住裝落個碗嗰度唔會倒瀉

之前一路有買開，平時已經人手嚴重不足 ，落單都要等勁耐。今次都係，幾經辛苦終於落到單，比錢個陣話用coupon 比，即刻西面話我好忙，唔得閒搞，唔識用呀咁。。。。真金白銀買番黎既coupon 當場變左癈紙🥲希望有相同經驗既大家盡快搵消委會跟住哩間店，以免更多人受害。

在御海灣一帶的食肆雖然是新開張，但有些店舖的價錢是相當進取，下次才說這間賺到盡的茶餐廳，今次就分享一股清泉。位置：在百芳池上便當對面，只是在大廈地下的一個小角落。環境：門面是落地玻璃，室內面積相當細小，有一張長木枱，以日式木系裝修為主，收銀櫃旁是一個大玻璃櫃，放置班戟和飲料。服務：主打外賣甜品，雖然有枱，但應該不能在餐廳內進食（我沒有問，只是猜）。下午茶：芒果班戟 $22每一個如掌心大小，餡內多綿滑奶油，奶味十足，果肉就嫌不夠多，只是剛好，所以味道正常而便宜，抵食！楊枝甘露 $23我就很喜歡這樽飲料，約有300ml，不但有平常的西米和綠柚，還有白色的椰子啫喱，增加甜香，相當不錯。下次會光顧一試榴連班戟，再分享！

之前食過一次呢間榴連pancake, 因為好好食既關係，今次經過附近決定要再食多一次！榴連pancake （$27一盒有兩件）內裏有真榴連肉，令忌廉充滿榴連味，濃濃榴連味大到連未打開盒都聞到，鐘意榴連的話一定要試😆

最近見到屋企附近開了主打椰子系列糖水舖，決定試試。🔅榴連pancake榴連味很重，連忌廉亦有榴蓮味道，可以滿足到榴連愛好者。🔅芒果腸粉粉皮包住一粒粒頗大粒的芒果肉，面層淋上芒果醬，有濃厚芒果味。🔅椰椰椰原個椰子，內裏盛載椰皇凍、椰汁涼粉、椰奶芋香西米露及椰子雪糕。每樣都充滿椰子味，個人不太喜歡椰子的味道，但這個甜品好吸引，連我都忍不住要食。🔅椰皇黑白配同樣是原個椰子，內有椰皇凍、涼粉、椰汁涼粉、芋圓、椰子雪糕及小丸子。雖然這個亦有椰子，但相對較前一個更多口味。