椰子糖

營業中

休息中

所有糖水都好吸引🤤，價錢正常(好值得)(大推)椰腦兄弟系列的椰子雪糕和香脆片好好食，合桃露好岀色，就連西瓜汁都有枝真西瓜冰食，每次食都有驚喜，feel到呢間店好有心做，經常去買都好多人，值得大家繼續支持。

老闆娘好nice😆同屋企人最鐘意食完飯落去買椰腦三四五嚟食芋圓有口感 仙草好滑唔知點解仲帶少少蜂蜜味每一款椰腦都係唔同配料 但各種配搭都好夾甜度適中而不膩 食左好多次都冇厭！係好用心嘅小店 要多多支持！！

剛好路過的椰子🥥店。試左椰腦大，終於搵到啱食口味～～椰腦口感似Jelly好有新鮮椰汁味，配香脆的烤椰子薄片，層次分明，椰子雪糕清新帶鮮椰子味，總體而言，甜而不漏，啱我呢d減甜達人! 🌴🌴🌴

新開業，經過幾次想試終於記得，夜媽媽想食碗糖水潤一潤，就試下新野。見到個名都知出色既應該係椰子既甜品，主力sell椰子唔洗試住，我就偏偏就試其他野得唔得先。叫左碗熱既紫薯西米露$32返屋企慢慢嘆。🤩打開個碗，真係好紫，食落口滿滿紫薯味，糖水底好順滑，唔太甜ok,食得出係用心製作，不過我就覺得希左少少，水汪汪左少少，西米多返d會更好，同埋對我窮人黎講，貴左d，大碗返少少（咩都係少少😂） 心理會更滿足

今晚專登去試吓響屋企附近新開嘅糖水舖。menu上邊嘅甜品名好特別：椰腦一、二、三、四、有經歷的紅豆沙、黑黑麻麻、補下你個腦、臭臭綠豆沙、泰有feel特飲⋯⋯好引人入勝😉😉試咗椰腦四，餡料豐富，層次分明，手造嘅椰子雪糕啖啖椰絲，用椰青水做嘅啫喱就清甜柔軟⋯⋯對於椰子嘅甜品，喺微微秋意嘅晚上，如果手捧一碗熱呼呼嘅芋頭西米露實在非常之適合，好彩富人情味的老闆不托手踭即時奉上🫶🫶甜度適中，芋頭味超濃郁👍🏻👍🏻暖意在心頭😍😍