極上牛気 (圍方)

營業中

休息中

早前睇咗段片介紹圍方牛気，被深深吸引，周日午巿，食客絡繹不絕，超有人氣，輪候約1小時多，揀咗☆LV2 ☆🔆飲品🔆多款罐裝飲品供應🔆肉類🔆特選小牛排☆質素一般，之後每況愈下……大家睇圖，不作解釋😑PRIME美國肩胛肉眼☆好睇唔好食，肉質偏嚡😔豚肉☆薄到透底，冇乜口感🤷🏻‍♀️雞腿肉☆幾嫩滑👍🏻🔆手工火鍋配料🔆手打黃金蝦丸☆鹹蛋王做餡，唔太啱口味😵‍💫手打牛丸☆幾爽同juicy😋韭菜餃☆唔錯😊🔆自助配料區🔆多款新鮮蔬菜、熟食、麵食，平時個仔最愛嘅烏冬，見佢食咗一個就冇再攞，咁奇？？我又試試，口感似偏硬嘅上海麵，唔似食緊烏冬😵‍💫，反而幾鍾意個麻吉燒，好似食緊芝麻湯丸🤤🔆壽司&迷你丼🔆蟹柳、玉子、八爪魚、熟蝦壽司，仲有迷你丼，不多作介紹，因為冇特別🤷🏻‍♀️🔆甜品🔆焦糖布甸☆呢個好食，又唔過甜👍🏻芒果黑糯米☆糯米煲得過腍，面頭嗰粒裝飾芒果酸到一個點😎見隔離枱兩個靚女，估計係LV4以上套餐，榴槤甜品任食，好明顯衝著榴槤而來，都冇乜點過牛😆整體而言☘️沒有食評中提到如此高質，有點過度吹捧，性價比低

*:.｡. .｡.:* 極上牛氣-大圍（圍方）*:.｡. .｡.:* ✨任食火鍋（Lv4) ✨呢個set 除左牛肉款式多 仲可以揀埋海鮮🦑🦐🦀牛肉🥩質素非常好，牛味重，切得好簿身，令牛肉可以快啲熟👍🏻👍🏻本身對於海鮮都唔抱太大期望，點知一上枱見到隻蝦🦐咁大隻嘅😱好surprise，肉質好彈牙 ，食得出好新鮮🤫除左蝦蝦🦐，帶子都超大粒，仲要碌完都唔會縮晒水。但三文魚🍣就麻麻地，完全無味，可以唔需要試，無謂浪費肚仔空間😂山椒魚皮估你唔到咁好食，平時我真係好少食呢啲野，而且其他餐廳食都唔平，今次就破例試試。魚皮好脆口，山椒味出但又唔會蓋晒魚皮味，推薦👍🏻👍🏻出面嘅熟食bar 款式都非常多，連關東煮都有埋，係其他任食火鍋真係好少見🫣最最最特別係‼️依家只要+$48/$28（視乎你揀咩lv)就有一隻大閘蟹🦀蟹蟹🦀️雖然細細，但蟹膏都算多👍🏻👍🏻可以過口癮呢餐食得非常開心🥳而且員工服務態度有善，講解詳細👍🏻👍🏻

😁 星期日下午 lunch時間嚟，都要等大半個鐘，近門口就係攞嘢食嘅位置再行入啲仲有好多座位， 相距攞嘢食位置比較遠 ，要行多兩步。我哋坐卡位，位置都算闊落，三大一細 嗌咗最平嗰個餐， 人均消費大約200蚊，最吸引有唔同嘅熟食，豬軟骨，咖哩魚蛋， 榴槤炸彈 等等，仲有小朋友最喜歡嘅棉花糖機，飲品， 軟雪糕任攞， 仲有響鈴炸魚皮等， 質素同其他分店牛氣一樣。 埋單之後，發現原來有99蚊定量餐(平日)，唔可以任意加肉 (好似係包一碟肉)， 如果只食出面嘅熟食同埋其他火鍋配料都算幾抵，啱曬啲唔係太鍾意食肉嘅人。

見咁多好評，今日終於約到朋友一齊黎食呢個人氣火鍋放題。首先，去到已經人山人海，好在預先在GULU 上網撳咗飛，雖然都等咗20至30分鐘。終於到我哋啦，店員介紹有榴槤放題，仲要係榴槤果肉，簡直就係一大驚喜！有D24同貓山王嘅兩個選擇，重點係真係好好味，每一啖都忍唔住講「好好味呀！」講返火鍋，我哋食Level 5，澳洲和牛無日本和牛咁肥美，但亦就冇咁「漏」。選擇呢個嘅另一個原因，係因為有120分鐘慢慢食，90分鐘應該食唔晒咁多嘢。其實只係手機落單嘅嘢食，已經好飽。眼見出面仲有好多蔬菜，熟食小食，甜品的選擇，真係好想樣樣都試，但個肚已經食到脹晒好飽，唯有留返下次再試啦！最後，不得不提呢度個經理好好人，好好傾，佢仲送咗個小小牛肉生日蛋糕俾我哋，個底係個旋轉音樂盒，服務態度超讚！

經過大圍圍方見到牛気新店開張，每次經過都人頭湧湧，好熱鬧！上星期決定去牛気打邊爐，提早晌手機取票，到差不多有位先過去，可以周圍睇下嘢先真係好方便！我哋叫咗人氣之選LV4澳洲穀飼黑安格斯牛＋SRF美國極黑牛＋海鮮放題，任飲任食90分鐘，午市惠顧仲可以每位減40元，湯底叫咗北海道昆布清湯&月見壽喜燒。火鍋配料除咗可以於手機下單之外，外面仲有多款蔬菜及丸類，夏日限定的海帶結、黑木耳、大丁苦瓜；仲有熟食及多款飲品，醬汁亦是自取，全部可以任飲任食，最吸引係全線牛気推出馬來西亞榴槤甜品系列，一定要留肚食甜品火鍋未到先食啲熟食，有魚蛋、豬手、炸物外，仲有關東煮，非常多款式。最讚係澳洲穀飼黑安格斯牛，用北海道昆布清湯涮10秒，超有牛味！SRF美國極黑牛雖然無澳洲穀飼黑安格斯牛咁重牛味，但係一樣夠淋夠香！另一推介手機下單的脆鯛魚片，好有魚味又脆口，Order咗幾轉！大蝦大大隻幾新鮮又爽口最後食埋榴槤炸彈、榴槤雪條同芒果糯米飯作結尾，大滿足！

其實我係第一次去圍方今次係去食新開張嘅牛気🥰🥰我哋揀咗要Level 5 澳洲極上和牛+海鮮放題（$438）咁頭先講咗我哋揀咗咩湯底先啦我哋就揀咗要壽喜燒同埋麻辣鍋前者食落去真係幾甜😘😘配埋生雞蛋一齊食就更加正後者嘅話食落去辣度都算啱啱好（我都食到嘅話都真係OK嘅😆😆）而且辣得嚟都幾惹味咁跟住就講吓佢哋嘅牛肉先啦澳洲極上和牛食落去真係好入口即化❤️❤️而且紋路亦都好靚澳洲穀飼黑安格斯牛同埋SRF美國極黑牛食落去牛肉味都好濃郁😝😝除此之外我自己都幾鍾意牛舌佢食落去都幾煙韌、爽口😘😘幾特別嘅係佢有牛骨髓可以嗌食落去口感都幾滑有咁多款牛肉可以揀真係啱曬一大班朋友嚟食之後就講吓佢哋嘅海鮮/雞肉啦全部海鮮食落去都好新鮮而我自己就比較鍾意鮑魚同埋帆立貝🥰🥰因為兩個食落去都好有咬口另外佢嘅雞爽肉食落去真係幾滑嫩🥳🥳除此之外佢出面亦都有一啲小食可以拎我自己都覺得嗰個葡撻幾唔錯☺️☺️呢個套餐亦都包括可以任食三文魚刺身‼️‼️食落去真係幾新鮮所以我再Encore咗好多次同埋佢哋做緊馬來西亞榴槤甜品系列分別由D24榴槤果肉同埋貓山王榴槤果肉窩夫兩個果肉食落去都真係好濃郁❤️❤️而我自己就鍾意食貓山王榴槤多啲榴槤糯米糍食落去

人氣火鍋放題連鎖店♨️牛気，喺新場商圍方都有新店喇🆕，仲升級咗做🌟極上牛気🌟，期間限定奉送🇲🇾馬來西亞榴槤甜品放題，榴槤控必到😍！🎖️Lv5 澳洲極上和牛＋海鮮放題 $438/位🇦🇺澳洲極上和牛主打嘅🇦🇺澳洲極上和牛，擺盤見心思🥰！澳洲和牛🥩係脂香同埋肉香兼備，口感軟嫩😋！瘋狂encore之下，質素都係keep住冇跌watt，碟碟都係咁靚✨咁好味，高質🤩！♨️湯底 & 頭盤頭盤係♨️圍爐式嘅攞盤，超打卡📸！🌟極上牛気🌟是日推薦嘅食材，都會喺頭盤出現，🐂🐖🐓🐟牛豬雞海鮮樣樣齊，試晒邊款就可以嗌爆佢🤪！湯底＋$10就可以轉鴛鴦鍋♨️！日式牛骨濃湯🦴有微微微微微嘅辣度🌶️，以香濃為主！而🧄黑蒜豬骨湯可以突顯食材嘅原味，亦能增強鮮味同埋帶來油潤嘅口感🥰，都幾正！🐟海鮮大大隻嘅鮮甜🦐海蝦、爽彈兼劏得好乾淨嘅🪸鮑魚、來自挪威嘅🐟三文魚刺身等，都幾高質！🇲🇾馬來西亞榴槤甜品放題全線🌟牛気🌟都有嘅期間限定放題，採用100%嘅🇲🇾馬來西亞榴槤果肉，包括最高階嘅🏆貓山王同埋D24，仲有多種款式選擇，榴槤控一定會好鍾意好滿足🥳！☕自助區超大超闊落嘅自助區，Lv 5或以上嘅放題，仲包埋🍻生啤🍶清酒任飲！連熟食都有多款選擇

這個新商場越來越多食店，見到午市放題每位減$40，放題$198起，一於試下～揀了人氣 Lv 4 - 澳洲穀飼黑安格斯牛+SRF美國極黑牛放題+海鮮放題，月見壽喜燒湯底再+$10。澳洲穀飼黑安格斯牛口感最爽滑，牛肉味濃，牛脂比較平均。SRF美國極黑牛油脂比例較多，入口淡淡牛脂香，大大片好有口感。特選牛小排肉味不錯，口感彈牙牛舌薄身又大片，口感好爽身。精選雞腿肉 和特選豚肉 肉質嫩滑日本帆立貝、青口鮮味、花膠爽滑、大海蝦非常彈牙、爽脆水魷，加上墨魚滑和挪威三文魚刺身，非常豐富！新鮮瓜蔬、熟食、甜品、飲品是自助形式，甜品中最欣賞3色草餅和布甸，還有馬來西亞榴槤甜品系列，想食就要早啲去排隊。

極上牛気位於大圍新商場圍方，全新分店加埋全新商場，特別爽！即場Like埋極上牛気社交平台，仲會送你日本御守，拎個好意頭！Lv5 澳洲極上和牛＋海鮮放題 $438/位Lv5 / Lv6 包埋生啤同埋清酒任飲，爽呀！黑蒜豬骨湯｜日式牛骨濃湯濃香嘅黑蒜豬骨湯，能增強食材嘅鮮味，唔錯！日式牛骨濃湯帶微辣，口味有少少似咖喱mix沙嗲，都幾惹味！鴛鴦鍋只需＋$10！頭盤圍爐嘅頭盤，有齊極上牛気推介嘅菜品，夠晒打卡！試咗啱食就可以瘋狂落單，正！澳洲極上和牛｜澳洲穀飼黑安格斯牛｜SRF美國極黑牛靚靚嘅雪花紋，就係肉香與脂香並重嘅澳洲和牛，入口軟柔美味，成多幾碟都唔會heavy！另外兩款牛肉嘅質素同樣可以一戰！原隻鮑魚｜大海蝦鮑魚劏得好乾淨，海蝦超大隻！牛気嘅海鮮類都真係幾正！挪威三文魚刺身頗為新鮮，極得encore！貓山王 / D24榴槤窩夫全線牛気都有嘅期間限定馬來西亞榴槤甜品放題，用上100%榴槤果肉，仲有榴槤炸彈、榴槤雪條、榴槤大福等多款甜品，榴槤控必試！自助區極度多選擇，飲品有埋咖啡機！醬料區有日本生蛋！我最關注嘅甜品區，除咗有泡芙、布甸、蛋糕之外，仲有超級好味嘅蜜瓜軟雪糕，全部試晒唔過份！

未去過圍方，所以黎行下，行到咁上下搵野食，呢度餐廳好多人等， 所以如果想食火鍋放題應該早少少黎攞位會好啲，5:00前入座仲可每人減$40，佢有唔同level既餐揀，除左啲肉既選擇會多啲之外，好似其他火鍋食品好似餃子，甜品都係會跟唔同既餐多左啲選擇。 叫左昆布湯同麻辣湯，昆布湯就要點醬食， 麻辣湯都夠味，送餐速度都算快，除左肉類，仲有壽司可以加，壽司約有6-10款可以揀，肉類新鮮好食，另有付費火鍋配料可供選擇。出面熱盤都有6-7款，甜品種類都有幾款，飲品都好齊。軟雪糕有2款，唔係乳酪雪糕，但唔算重奶味，蜜瓜味好食，如果選level2以上既仲會有楊枝金露，布甸同榴連雪條揀。整體有得減$40，CP值高，同埋啲位唔迫，坐得舒服，野食又ok, 值得一提啲staff好友善，同埋有人會收野，唔會要等好耐先收。

今次嚟到超人氣嘅極上牛気 ， 叫咗Lv 4嘅澳洲穀飼黑安格斯牛+SRF美國極黑牛放題+海鮮放題😍

湯底叫咗個黑蒜豚骨湯同埋牛肉清湯， 兩款湯底都做得唔錯黑蒜斷骨湯仲有好大嚿豬骨落足料啊👍🏻😍呢度嘅牛肉質素出色就唔使講啦，澳洲穀飼黑安格斯牛肉質軟軟嫩，帶少少彈性，油脂分布平均， 帶有雪花紋，食完一碟又一碟啊
SRF美國極黑牛，牛肉味香濃都唔錯😝
海鮮放題有三文魚刺身任食、青口、蝦、 魷魚墨魚滑等等 ， 蝦大大隻幾新鮮❤️出邊嘅配料區選擇超多，淨係菜類已經有10幾款 ， 熟食區有山賊燒魷魚、 日式 汁煮牛肉、豬手 等等，每款熟食嘅水準都唔錯👍🏻另外仲可以嗌啲前菜今次叫咗個魚皮都幾好食

最後唔少得嘅係有甜品呀出邊有蜜瓜味同埋牛奶雪糕任食而， QR code甜品落單叫咗日式焦糖布丁、楊枝甘露榴槤、大福等等， 估唔到放題焦糖布甸同埋榴槤大福都俾到驚喜我， 焦糖布甸有蛋香味而且好滑，榴槤大福勁香榴槤味道😋整體嚟講， 食物選擇多而且質素亦做得幾好， 性價比超高，食得好開心


住九龍塘以前想食牛氣要出尖沙咀或者更遠，宜家去大圍就得，勁開心咯！新開嘅，style同以前好唔同，空間好足夠，坐得好舒服，完全唔似其他放題餐廳甘逼。我地霖住豪一餐，揀左至TOP嘅LV6 ，除左日本九州黑毛和牛、澳洲安格斯牛可以任食，貴價海鮮日本帆立貝、大海蝦、鮑魚都可以任食。飲酒人士更加抵，SAKE，生啤可以任飲，抵到爛！日本九州黑毛和牛真心靚，牛氣超豪爽，order1份就甘大碟，而且賣相已經係非常出色，肉嘅花紋好靚，完全就贏曬咯。我地refill左幾次，分量質素都係keep住甘豪。牛肉質素好好，煮耐少少都係嫩口，肉汁飽滿，牛味十足，難怪叫牛氣啦~！海鮮都好新鮮，鮑魚、日本帆立貝、大海蝦真係一定要食，勁大隻，食到鮮甜味，兼肉質彈牙脆鯛魚片、水魷好難係其他火鍋放題食到，脆爽嘅口感 自助區好多驚喜，我就試左綠茶麵，都幾清新。就快ending先擺一舊芋頭入去煮，香糯綿軟，而且吸收左前面海鮮牛肉嘅鮮甜，好正！溫馨提示，芋頭食一舊舊好啦~過下口癮最後試個movenpick 士多啤梨味雪糕，心滿意足啊！

呢期話題性最高其中一樣野一定係圍方The Wai，雖然佢個英文名我真係笑左好耐，但身體最誠實，我都係話咁快就黎左打卡。行完一輪好肚餓就見到牛気，咁肚餓食任食打邊爐就最抵，而且呢間仲要係極上牛気，就試試佢有幾極上。我地叫左level 4 黑安格斯牛 + SRF極黑牛海鮮放題，每人$338，湯底同平時一樣咁多選擇，一人一鍋可以試兩款口味。食物選擇真係超級多！淨係行出去都已經有多種熟食拎，每樣試少少岩曬為食既我。海鮮好新鮮 🦐 食多幾隻蝦同帆立貝都已經夠回本。連飲品都有好多無見過既，其中有一罐coconut water我就最鐘意。呢個新商場其實都幾大，大家行到攰又餓我建議同我一樣試試呢間極上牛気喔

難得有日休息日將所有嘅元素集中於一身做運動，按摩，行街買嘢，食好嘢！好完滿既一天🥰而打邊爐就係我嘅不二之選之前有排喺將軍澳做嘢Lunch time有個半鐘痴線到每日都同個friend個牛氣打邊爐放題🤣🤣牛氣絕對係我覺得食物質素同性價比高既日式打邊爐放題之選！又有前菜自選配料任叫配料任飲任食仲有甜品！有誠意得來價錢行親民路線🤪見到近排有個新商場—》圍方就約埋朋友一齊行下街打個邊爐仲要咁岩撞正牛氣優惠每位-$40😙唔係唔食呀？😏今次我地叫左Lv 4 - 澳洲穀飼黑安格斯牛+SRF美國極黑牛放題+海鮮放題 除左牛肉質素一如既往嘅出色，其他食物都好出色，要留d個肚轟埋佢地落肚🤣我哋叫咗牛骨湯，牛既厚薄度同湯底好夾，感覺可以每片牛都索哂d汁上黎，大滿足，個人最鍾意SRF美國極黑牛，牛味凹肉質都係我心水嘅，朋友就鍾意安格斯牛，望落去感覺瘦d,無咁膩，但肉質冇咁冧滑，各有各出色😜配料入邊仲有我好耐冇見過嘅牛骨髓，滑嘟嘟口感好得意😗出邊配料區最搞笑嘅係有蟲草花，你估唔到一樣好似好中式嘅嘢，同日式火鍋有幾夾喎🤣另外私心推介嘅就係佢啲牛氣自家製嘅麻吉燒花生，其實佢係一粒好好味嘅湯圓，雖然個湯底係咸嘅，粒丸

黎到近期最多人講，新開嘅「圍方」商場行街，順便可以食埋想咗好耐嘅呢間火鍋放題新分店。近期仲做緊優惠，抵上加抵。 同朋友揀咗「Lv 4 - 澳洲穀飼黑安格斯牛+SRF美國極黑牛放題+海鮮放題 」埋單每人都係3百蚊左右～🥢番茄湯：9款湯底揀咗蕃茄味，味道尚可🥢火鍋料：差唔多40款唔同嘅火鍋食材可以自己去夾，樣樣都有，都幾齊全。最正！係可以自己拎生雞蛋🥚🥢熟食：見有6款熟食都幾靚，但志不在此，已skip🥢主題牛肉：每碟都高質，啲肉好紅好鮮- 澳洲谷飼黑安格斯牛：牛肉比較細嫩，油脂豐富- SFR美國極黑牛：好大塊，色澤好靚，入口即溶- PRIME美國肩胛肉眼：牛肉質地較柔軟，同時牛味較濃🥢刺身：雖然唔算多，但火鍋店黎講，算鮮算夠肥🥢甜品： 有兩款自己啫雪糕🍦～ 之外仲有幾款切餅同埋最得意嘅貓爪型忌廉甜品。另外，鍾意食榴槤嘅都要留意～ 呢度有由馬來西亞榴槤甜品系列～正呀